Blog

  • Նիկոլ Փաշինյանը Երևանի Կամերային թատրոն է այցելել

    Նիկոլ Փաշինյանը Երևանի Կամերային թատրոն է այցելել

  • ՀԷԿ-երից մեկի տարածքում փլուզում է եղել ՀԷԿ-երից մեկի տարածքում փլուզում է եղել

    Հուլիսի 15-ին՝ ժամը 13։27-ին, Կոտայքի մարզային օպերատիվ կառավարման կենտրոն ահազանգ է ստացվել, որ ՀԷԿ-երից մեկի տարածքում փլուզվել է տանիք․ կա արգելափակված քաղաքացի։

    Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

    Նախնական տվյալներով` վերանորոգման աշխատանքների ժամանակ մասնակի փլուզվել է շինության բետոնե ծածկը։ Երկու աշխատակից դուրս են բերվել արգելափակումից։

  • Գագիկ Ծառուկյանին առաջադրված մեղադրանքներն իրականության հետ որևէ կապ չունեն․ փաստաբանները փաստաթղթեր են հրապարակել

    Գագիկ Ծառուկյանի փաստաբաններ Երեմ Սարգսյանը և Էմին Խաչատրյանը Ծառուկյանին առաջադրված մեղադրանքը հերքող հերթական փաստաթղթերն են  հրապարակել։

    Փաստաբանների տարածած հայտարարության մեջ նշվում է․

    «Պաշտպանության կողմը, համագործակցելով Իրանի Իսլամական Հանրապետությունում գործող գործընկեր փաստաբանների հետ, ձեռք է բերել սույն քրեական վարույթի համար բացառիկ նշանակություն ունեցող փաստաթղթեր, որոնք, պաշտպանության կողմի գնահատմամբ, ուղղակիորեն հակասում են Գագիկ Կոլյայի Ծառուկյանին առաջադրված մեղադրանքի փաստական հիմքերին։

    Մասնավորապես, 2026 թվականի փետրվարի 14-ին «Մուլտի Գրուպ» կոնցեռն ՍՊ ընկերությունը Իրանի Իսլամական Հանրապետության իրավասու մարմիններին ներկայացրել է բողոք Արման Օլամայիի, Էրֆան Օլամայիի և Համլետ Թումանյանի դեմ՝ խարդախության, գույքն ապօրինի եղանակով կամ արտոնությունների չարաշահման միջոցով ձեռք բերելու, կեղծարարության, վստահության չարաշահման և փողերի լվացման հատկանիշներով։ Բողոքին կից ներկայացվել են այն հիմնավորող բազմաթիվ փաստաթղթեր և ապացույցներ։

    Այնուհետև, 2026 թվականի մայիսի 31-ին «Մուլտի Գրուպ» կոնցեռն ՍՊ ընկերությունը Իրանի իրավասու մարմիններին ներկայացրել է ևս մեկ բողոք՝ արդեն Արման Օլամայիի, Էրֆան Օլամայիի, Համլետ Թումանյանի և Հաջիալի Օլամայի դեմ՝ խարդախության, գույքն ապօրինի եղանակով կամ արտոնությունների չարաշահման միջոցով ձեռք բերելու, կեղծարարության, վստահության չարաշահման, այլ անձի գույքի յուրացման նպատակով հանցավոր համաձայնության, փողերի լվացման, ինչպես նաև կեղծ պաշտոնական տիտղոսի ու պաշտոնի յուրացման վերաբերյալ։ Այս բողոքին նույնպես կից ներկայացվել են այն հիմնավորող մեծածավալ փաստաթղթեր և ապացույցներ։

    Հատկանշական է, որ երկու բողոքներում ներկայացված ապացույցների շարքում առկա են նաև տվյալներ, որոնք վերաբերում են Գագիկ Ծառուկյանի կողմից 7.500.000 ԱՄՆ դոլար, 7.000.000 եվրո և 20.000.000 ՀՀ դրամ տրամադրելու փաստական հանգամանքներին։

    Իրանի Իսլամական Հանրապետության դատական իշխանության պաշտոնական տեղեկատվական համակարգից ստացված տվյալների համաձայն՝ նշված երկու բողոքների հիման վրա նախաձեռնված վարույթներն ընդունվել են վարույթ և ստացել են օրինական դատավարական ընթացք։ Ավելին, բողոքներ վարույթ ընդունվելուց հետո օրենքով սահմանված կարգով հանձնվել են նաև պատասխանողներին, ինչը ևս վկայում է, որ Իրանի իրավասու մարմինները ներկայացված փաստերը դիտարկել են որպես քրեական իրավական գնահատման ենթակա և արժանի պաշտոնական քննության։

    Ներկայացված փաստաթղթերով ևս մեկ անգամ հիմնավորվում է պաշտպանության կողմի պնդումն առ այն, որ Գագիկ Ծառուկյանը պետք է լիներ ոչ թե մեղադրյալ, այլ տուժողի դատավարական կարգավիճակով:

    Այս հանգամանքն առանձնակի կարևոր նշանակություն ունի, քանի որ այն ակնհայտ հակասում է ՀՀ վարույթն իրականացնող մարմնի առաջ քաշած վարկածին, ըստ որի՝ Գագիկ Կոլյայի Ծառուկյանը ներկայացվում է, թե իբրև գործել է Համլետ Թումանյանի հետ խմբի կազմում, իսկ Արման և Էրֆան Օլամայիները ներկայացվում են որպես տուժողներ։ Մինչդեռ Իրանի իրավասու մարմիններին ներկայացված պաշտոնական բողոքներն ու դրանց հիման վրա նախաձեռնված վարույթները վկայում են ճիշտ հակառակի մասին։

    Հրապարակվում են Իրանի Իսլամական Հանրապետությունից ստացված պաշտոնական փաստաթղթերի բնօրինակները և դրանց պաշտոնական հայերեն թարգմանությունները, որպեսզի յուրաքանչյուր ոք հնարավորություն ունենա անձամբ ծանոթանալու դրանց բովանդակությանը, գնահատելու ներկայացված փաստերը և ինքնուրույն եզրակացություններ անել։

    Պաշտպանության կողմի ստորև ներկայացված փաստաթղթերի ուսումնասիրությամբ ակնհայտ է, որ Գագիկ Ծառուկյանին առաջադրված մեղադրանքներն իրականության հետ որևէ կապ չունեն և չեն արտացոլում օբյեկտիվ իրականությունը:

    Հ.Գ. Նմանատիպ կարևորագույն փաստաթղթերի հրապարակումը կլինի շարունակական»:

  • 6 տարի ադրբեջանական բանտում․ հայ գերիների առողջական վիճակը վատթարանում է, հարցը քննարկվել է Եվրախորհրդարանում

    6 տարի ադրբեջանական բանտում. «Շնչահեղձ է լինում, սրտի և թոքերի խնդիրներ են առաջացել»

    մարդու իրավունքների պաշտպաններ, ինչպես նաև Ադրբեջանում պահվող հայ գերիների ընտանիքների անդամները։

    Հանդիպմանը, ի դեպ, ներկա է եղել շուրջ երեք տարի ադրբեջանական բանտում գտնվող Արցախի Ազգային ժողովի նախկին նախագահ Դավիթ Իշխանյանի որդին:

    Արմեն Իշխանյանն, ըստ Հայ դատի գրասենյակի տարածած հաղորդագրության, խոսել է այն ծանր հոգեբանական ազդեցության մասին, որ հոր՝ արդեն հազար օր շարունակվող բանտարկությունը թողել է իր ընտանիքի վրա:

    Եվրախորհրդարանում կազմակերպված քննարկմանը մասնակցած իրավապաշտպան Սիրանուշ Սահակյանն «Ազատությանը» փոխանցեց, որ եվրոպացի գործընկերներին տեղեկություններ են փոխանցել հայ գերիների վիճակի, պահման պայմանների և դատավարությունների ընթացքի վերաբերյալ: Անդրադարձել են նաև այն հարցին, թե ինչպես պետք է ներդաշնակեցնել Եվրամիության գործադիր մարմնի գործելակերպը Եվրոպական խորհրդարանի դիրքորոշման հետ:

    Եվրոպական խորհրդարանն, ի տարբերություն Եվրահանձնաժողովի, իր բանաձևերում ոչ միայն խոսել է 2023-ին արցախահայերի էթնիկ զտման ու արցախահայերի՝ իրենց հայրենիք վերադարձի իրավունքի մասին, այլև այս տարվա մայիսին դատապարտել է «Ադրբեջանի կողմից հայ ռազմագերիների, կալանավորվածների և պատանդների անարդարացի կալանավորումը», պահանջել նրանց անհապաղ և անվերապահ ազատ արձակումը։

  • «Ռեժինե» հյուրանոցում կապկպված տղամարդու դի է հայտնաբերվել. նախաձեռնվել է քրեական վարույթ սպանության հատկանիշներով | Հասարակություն

     Այսօր՝ հուլիսի 15-ին, արտակարգ դեպք է տեղի ունեցել Երևանում։ Ժամը 19:00-ի սահմաններում ՀՀ ՆԳՆ-ում օպերատիվ տեղեկություններ են ստացվել, որ Նորք-Մարաշ վարչական շրջանի «Ռեժինե» հյուրանոցային համալիրի երկրորդ հարկի սենյակներից մեկում դի կա։

     Դեպքի վայր ժամանած իրավապահները հյուրանոցի սենյակներից մեկում հայտնաբերել են տղամարդու դի։ Ըստ ֆոտոլրագրող Գագիկ Շամշյանի՝ մահացածի ձեռքերը, ոտքերը և բերանը եղել են կպչուն ժապավենով (սկոչով) կապված։ Դեպքի փաստով նախաձեռնվել է քրեական վարույթ՝ «սպանություն» հատկանիշներով։

    Տեղում աշխատում են քննիչներն ու դատական բժիշկները՝ պարզելու դեպքի բոլոր հանգամանքներն ու սպանվածի ինքնությունը։

  • Կասպից ծովի մակարդակը տարեկան կտրվածքով նվազում է 10 սմ-ով․ գիտնականներ

    Ռուս հետազոտողների խումբն ուսումնասիրել է Կասպից ծովի և Ղարաբողազգոլ ծոցի մակերեսի կրճատումը 1993-2025 թվականների ընթացքում։ Ինչպես հայտնել են Ռուսաստանի գիտական հիմնադրամից (ՌԳՀ), կազմակերպության դրամաշնորհով իրականացված աշխատանքի արդյունքները հրապարակվել են «Երկրի տիեզերական հեռահար զոնդավորման արդի խնդիրները» գիտական ամսագրում:

    Կասպից ծովի մակարդակը 1995 թվականից ի վեր շարունակաբար նվազում է՝ տարեկան մոտ 10 սմ արագությամբ։ Այս ժամանակահատվածում ցուցանիշն ընկել է գրեթե 3 մետրով։ Գիտնականները բարձր թույլատրելիության արբանյակային տվյալների վերլուծության հիման վրա մշակել են մեթոդաբանություն, որը թույլ է տվել ստանալ ժամանակակից հիպսոմետրիկ կորեր։ Դրանք կօգնեն գնահատել ջրային հայելու մակերեսի իրական կորուստները։ Այս տվյալներն անհրաժեշտ են ջրային հաշվեկշռի և ջրամբարի մակերևույթից գոլորշիացման ճշգրիտ հաշվարկման համար։

    «Մեզ անհրաժեշտ էր 1993-2025 թվականների ընթացքում Landsat-5, -7 և -8 արբանյակային սենսորների՝ 30 մետր տարածական թույլատրելիությամբ տվյալների հիման վրա առանձին-առանձին ստանալ Կասպից ծովի և Ղարաբողազգոլ ծոցի ժամանակակից հիպսոմետրիկ կորերը։ Բացի այդ, ցանկանում էինք պարզել, թե իրականում որքանով է կրճատվել Կասպից ծովի մակերեսը և որ շրջաններում է Կասպիի ջրազրկումն ընթանում առավել լայնածավալ մասշտաբներով»,- պատմել է ՌԳՀ դրամաշնորհային ծրագրի ղեկավար, ՌԳԱ Պ. Պ. Շիրշովի անվան Օվկիանոսագիտության ինստիտուտի գլխավոր գիտաշխատող Անդրեյ Կոստյանոյը։

    Ծնծաղումն արդեն իսկ հանգեցրել է տարածաշրջանի համար բացասական հետևանքների։ Մասնավորապես, Վոլգա-Կասպիական ծովային ջրանցքում և նավահանգիստներում ջրի մակարդակի անկման պատճառով դժվարացել է նավարկությունը, իսկ ափագիծն սկսել է հետ քաշվել բնակավայրերից։ Մասնագետների կանխատեսումներով՝ մինչև 21-րդ դարի վերջ ծովի մակարդակը կարող է նվազել ևս 2-ից մինչև 21 մետրով։ Նոր մեթոդաբանությունը թույլ կտա օպերատիվորեն գնահատել ծովի և ծոցի մակերեսի հետագա կրճատումը։

    Մասնագետները վերլուծել են 1993-2025 թվականների տվյալները։ Պարզվել է, որ 2025 թվականին Կասպից ծովի մակարդակն իջել է մինչև -29,4 մետրի նիշը։ Այս ցուցանիշն ավելի ցածր է, քան 1977 թվականի պատմական նվազագույնը, երբ ծովի մակարդակը կազմում էր -29,0 մետր։ Գիտնականները պարզել են, որ 1996-2025 թվականներին Կասպից ծովի հայելու մակերեսը կրճատվել է 28,644 քառակուսի կիլոմետրով, ինչը կազմում է 30 տարի առաջվա ցուցանիշների 7,4%-ը։ Փորձագետների եզրակացության համաձայն՝ վերջին տասնամյակների ընթացքում Կասպից ծովը կորցրել է մի տարածք, որն իր չափերով համադրելի է Ալբանիայի տարածքի հետ։

    Աշխատանքի ընթացքում հետազոտողները ստացել են բարձր վիճակագրական կապով ռեգրեսիայի հավասարումներ (կորելյացիայի գործակիցները՝ 0,95–0,99)։ Գիտնականները խորհուրդ են տալիս դրանք կիրառել Կասպից ծովի մակերեսի հաշվարկման համար՝ -26-ից մինչև -29 մետր մակարդակների դեպքում, ինչպես նաև Ղարաբողազգոլ ծոցի վիճակի գնահատման համար՝ -27,1-ից մինչև -31 մետր մակարդակների միջակայքում։

    «Ստացված արդյունքները կարևոր նշանակություն ունեն այսպես կոչված մորֆոմետրիկ գործոնի և Կասպից ծովի ջրային հաշվեկշռում դրա դերի գնահատման համար։ Մասնավորապես՝ մակարդակի անկմանը զուգընթաց ծովի կրճատվող հայելուց գոլորշիացման նվազման հարցում։ Այս գործոնը, հավասար պայմանների դեպքում, պետք է դանդաղեցնի ծովի մակարդակի անկման արագությունը»,- աշխատանքի արդյունքները մեկնաբանել է Կոստյանոյը։

    Այնուամենայնիվ, արբանյակային ալտիմետրիայի տվյալները դեռևս չեն հաստատում գործընթացի դանդաղումը։ Եթե 2005-2019 թվականներին ծովն ամեն տարի կորցնում էր միջինում 8,16 սմ մակարդակ, ապա 2020-2024 թվականներին այդ արագությունն աճել է՝ տարեկան հասնելով 22,7 սանտիմետրի։ Կոստյանոյի խոսքով՝ Կասպից ծովի ջրային հաշվեկշռի բաղադրիչների միջտարեկան փոփոխականությունը դեռևս զգալիորեն գերազանցում է գոլորշիացման մակերեսի կրճատումից ստացվող էֆեկտը։

  • Պարսից ծոցի երկրները դեմ են արտահայտվել Հորմուզի նեղուցում նավագնացության համար վճար սահմանելուն․ Թրամփ





    ԱՄՆ նախագահ Դոնալդ Թրամփը խոստովանել է, որ Պարսից ծոցի երկրները դեմ են արտահայտվել Հորմուզի նեղուցում նավագնացության համար վճար սահմանելու իր գաղափարին։

    «Ես կարծում էի, որ դա լավ գաղափար է», – հայտարարել է Թրամփը Իրաքի վարչապետ Ալի ազ-Զեյդիի հետ հանդիպման ժամանակ՝ պատասխանելով լրագրողի այն հարցին, որը վերաբերում էր նախկինում իր ներկայացրած գաղափարին՝ անվտանգ նավագնացության ապահովման համար ԱՄՆ-ի կողմից փոխադրվող բեռների արժեքի 20%-ի չափով վճար գանձելուն։

    Թրամփի խոսքով՝ Պարսից ծոցի երկրների առաջնորդները կապվել են իր հետ։ «Նրանք ասացին, որ կցանկանային այլ կերպ վարվել», – նշել է Թրամփը։ Ավելի վաղ երեքշաբթի նա հայտարարել էր, որ հրաժարվել է նեղուցում նավագնացության համար վճար սահմանելու գաղափարից՝ հօգուտ Պարսից ծոցի երկրների հետ առևտրային և ներդրումային գործարքների։

    «Ես խոսել եմ նրանց բոլորի հետ, և նրանք ուրախ կլինեին ավելացնել ներդրումներն ԱՄՆ-ում մինչև ռեկորդային ցուցանիշներ։ Դա միանգամայն ընդունելի կլիներ», – նշել է Թրամփը։ Ամերիկյան առաջնորդի շարադրած դիրքորոշման համաձայն՝ իրեն «դուր չի գալիս վճարների գաղափարը»։ «Բայց միևնույն ժամանակ, ես անարդար եմ համարում այն, որ մենք նեղուցը պաշտպանում ենք ողջ աշխարհի, Չինաստանի և բոլորի համար։ Եվ ես դեմ չեմ պաշտպանել այն Չինաստանի համար, ես դեմ չեմ պաշտպանել այն ցանկացած մեկի համար։ Բայց ես անարդար եմ համարում այն, որ մենք դրա դիմաց որևէ փոխհատուցում չենք ստանում», – պնդել է Թրամփը։

    Ինչպես հունիսի 23-ին Աբու Դաբի ժամանելուն պես լրագրողների հարցերին պատասխանելիս հայտարարել էր ԱՄՆ պետքարտուղար Մարկո Ռուբիոն, Վաշինգտոնի վարչակազմը ելնում է նրանից, որ Հորմուզի նեղուցով նավերի անցման համար ցանկացած պետության կողմից վճարների գանձումը կլինի անօրինական։ Հունիսի 25-ին Բահրեյնում Պարսից ծոցի երկրների ԱԳ նախարարների հետ հանդիպման ժամանակ նա նույնպես հայտարարել էր, որ ԱՄՆ-ը Հորմուզի նեղուցը համարում է միջազգային ծովային ուղի և չի ընդունում նավերի անցման համար Իրանի կողմից վճար գանձելու հնարավորությունը։




    դիտվել է 76 անգամ


    Լրահոս

    Ամենաընթերցվածները



    Շուտով



    Հուլիսի 16-ին՝ ժամը 16։00-ին, Հայելի ակումբի հյուրն է Սերգեյ Շաքարյանցը


    Հուլիսի 16-ին՝ ժամը 12։00-ին, Հայելի ակումբի հյուրն է Արման Աբովյանը


    Հուլիսի 16-ին՝ ժամը 13։00-ին, Հայելի ակումբի հյուրն է Իսրայել Հակոբկոխյանը


    Հուլիսի 16-ին՝ ժամը 15։00-ին, Հայելի ակումբի հյուրն է Մայր Հայաստան դաշինքից Սուսաննա Մելիքյանը


    Հուլիսի 16-ին՝ ժամը 11։00-ին, Հայելի ակումբի հյուրն է Էդգար Էլբակյանը


    Հուլիսի 15-ին՝ ժամը 12։00-ին, Հայելի ակումբի հյուրն է Երվանդ Բոզոյանը


    Հուլիսի 15-ին՝ ժամը 14։00-ին, Հայելի ակումբի հյուրն է Սուրեն Սուրենյանցը


    Հուլիսի 15-ին՝ ժամը 13։00-ին, Հայելի ակումբի հյուրն է Նաիրի Հոխիկյանը


    Հուլիսի 14-ին՝ ժամը 12։30-ին, Հայելի ակումբի հյուրն է Ալբերտ Բազեյան


    Հուլիսի 14-ին՝ ժամը 11։30-ին, Հայելի ակումբի հյուրն է Անաստաս Իսրայելյան

  • Մոսկվայում կկայանա Լավրով-Բայրամով հանդիպումը. Զախարովա

    Ադրբեջանի արտաքին գործերի նախարար Ջեյհուն Բայրամովը հուլիսի 16-17-ը պաշտոնական այցով կայցելի Ռուսաստան, նախատեսված են բանակցություններ Ռուսաստանի ԱԳ նախարար Սերգեյ Լավրովի հետ։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

    «Հուլիսի 16-17-ը Ադրբեջանի Հանրապետության արտաքին գործերի նախարարը պաշտոնական այցով կժամանի Ռուսաստանի Դաշնություն, և կկայանան նրա բանակցությունները Ռուսաստանի արտաքին քաղաքական գերատեսչության ղեկավար Սերգեյ Լավրովի հետ: Երկու երկրի արտգործնախարարները կքննարկեն ռուս-ադրբեջանական հարաբերությունների ներկա վիճակն ու զարգացման հեռանկարները, ինչպես նաև տարածաշրջանային և միջազգային մի շարք արդիական հարցեր»,- ասել է Զախարովան:

    The post Մոսկվայում կկայանա Լավրով-Բայրամով հանդիպումը. Զախարովա appeared first on Սյունիք ՀԸ.

  • Մեղրաշատում կաթնամթերքի արտադրամասի գործունեություն է կասեցվել. ՍԱՏՄ

    Սննդամթերքի անվտանգության տեսչական մարմնի կողմից «Հյուսիսի պանիր» գյուղատնտեսական կոոպերատիվի կաթնամթերքի արտադրամասում (Շիրակի մարզ, գյուղ Մեղրաշատ) իրականացված ստուգման ընթացքում պարզվել է, որ խախտվել են «Սննդամթերքի անվտանգության մասին» Մաքսային միության տեխնիկական կանոնակարգի պահանջները: Այդ մասին հայտնում են ՍԱՏՄ-ից:

     

    Մասնավորապես՝

    – արտադրական շինությունների նախագծումը, կառուցվածքը, դասավորվածությունը և չափսերը չեն բացառել պարենային հումքի և սննդամթերքի, աղտոտված և մաքուր գույքի խաչաձևվող հոսքերը,

    – արտադրական շինությունները սարքավորված չեն եղել բնական և մեխանիկական օդափոխության միջոցներով, որոնց քանակը կամ հզորությունը, կառուցվածքը և գործարկումը թույլ են տալիս խուսափել սննդամթերքի աղտոտումից,

    – արտադրական շինությունների հատակների մակերևույթների որոշ հատվածներ պատրաստված չեն եղել անջրանցիկ, լվացվող, ախտահանվող նյութերից։

     

    Տեսչական մարմնի ղեկավարի որոշմամբ՝ կասեցվել է կաթնամթերքի արտադրամասի արտադրական գործունեությունը մինչև հայտնաբերված խախտումները վերացնելը:

  • Իրանը հայտարարել է, որ այս պահին ԱՄՆ-ի հետ բանակցություններ վարելու ծրագրեր չունի

    Իրանը ներկայում ԱՄՆ-ի հետ բանակցություններ վարելու ծրագրեր չունի և կենտրոնացած է պաշտպանության վրա։

    Ինչպես հաղորդում է «Արմենպրես»-ը՝ վկայակոչելով Tasnim-ը, այս մասին հայտարարել է Իրանի արտաքին գործերի նախարարության խոսնակ Էսմայիլ Բաղային։

    «Այս պահին մենք բանակցությունների ծրագրեր չունենք, և մենք կենտրոնացած ենք պաշտպանության վրա»,- ասել է Բաղային։

    Նա նաև ընդգծել է, որ Իրանի և ԱՄՆ-ի միջև ստորագրված փոխըմբռնման հուշագիրը ներկայացնում է փոխադարձ պարտավորությունների մի ամբողջություն։ Նա հավելել է, որ մյուս կողմի կողմից խախտումների դեպքում Թեհրանը նույնպես կհրաժարվի իր պարտավորությունները կատարելուց և ապագայում կհետևի նույն սկզբունքին։

    Վերջին օրերին ԱՄՆ-ի և Իրանի միջև լարվածությունն զգալիորեն սրվել է։ ԱՄՆ ԶՈւ կենտրոնական հրամանատարությունը հայտնել է, որ հուլիսի 15-ի գիշերը հերթական հարվածներն են հասցրել Իրանի ռազմական օբյեկտներին: Իրանն իր հերթին հայտնել է տարածաշրջանում տեղակայված ամերիկյան օբյեկտներին հարվածելու մասին։ ԱՄՆ նախագահ Դոնալդ Թրամփը հուլիսի 14-ին հայտարարել էր, որ Միացյալ Նահանգները վերականգնում է Իրանի ծովային շրջափակումը։ Նրա խոսքով՝ Հորմուզի նեղուցը բաց կլինի բոլոր նավերի համար, բացառությամբ Իրանի։