ArmLur.am-ի բացառիկ տեղեկությունների համաձայն՝ հոկտեմբերի 31-ին նախնական վարկածով ինքնասպան եղած զինվորին հասցրել են այդ քայլին։
ArmLur.am-ին հասած տեղեկությունների համաձայն՝ զինվորը ինքնասպան լինելուց առաջ խնդիրներ է ունեցել ծառայակիցների հետ։ պարբերաբար զինվորի արժանապատվությունը նսեմացրել են ինչից դրդված նա ինքնասպանության է գնացել։
Դեպքով կար ձերբակալված անձ եւ քիչ առաջ ArmLur.am-ը հայտնեցին, որ դատարանի որոշմամբ, վերջիններս կալանավորվեցին։
Նշենք, որ նոյեմբերի 1-ին ՀՀ ՊՆ-ն հայտնել է հոկտեմբերի 31-ին N զորամասում զինծառայողի դին հրազենային վնասվածքով հայտնաբերելու մասին։ Դեպքի հանգամանքները պարզելու նպատակով քննություն է ընթանում։
«Զինված հակամարտությունները լուծելու անկարողությունը դառնում է ժամանակակից փոփոխվող աշխարհակարգի բնորոշ գծերից մեկը։ Բավական է միայն ուշադրություն դարձնել երեք հակամարտությունների, որոնք ներկայումս գտնվում են համաշխարհային լրատվամիջոցների ուշադրության կենտրոնում՝ Իրանի, Եմենի և Ուկրաինայի շուրջ ծավալվող իրադարձություններին։
Դրանք բոլորն էլ խորը արմատներ ունեն. յուրաքանչյուրին նախորդել է ավելի քան տասնամյակ տևած քաղաքական հակադրություն, սակայն դրանք դեռևս հեռու են կարգավորումից։ Ցավոք, այս հակամարտություններից յուրաքանչյուրում լուրջ սրացում են հասունանում
Ըստ լրատվամիջոցների՝ Միացյալ Նահանգները պատրաստվում է վերսկսել ռազմական գործողություններն Իրանի դեմ։
Ենթադրյալ թիրախների թվում կարող են լինել Իսլամական հեղափոխության պահապանների կորպուսին պատկանող օբյեկտները, բալիստիկ հրթիռների և անօդաչու թռչող սարքերի արձակման կայանները, ինչպես նաև Իրանի միջուկային և էներգետիկ ենթակառուցվածքները։ Նման գործողությունը կդառնա վերջին մեկուկես տարվա ընթացքում Իրանի վրա իրականացված երրորդ հարձակումը։ Իր հերթին, Իրանն անկասկած կպատասխանի՝ հարվածներ հասցնելով Մերձավոր Արևելքում տեղակայված ԱՄՆ ռազմական օբյեկտներին, Իսրայելում գտնվող թիրախներին, ինչպես նաև առևտրային նավագնացությանը։
Ուշագրավ է, որ զուգահեռաբար դիվանագիտական ջանքեր են գործադրվում՝ կանխելու ռազմական գործողությունների նոր փուլը, սակայն կողմերի միջև առանցքային հարցերի շուրջ տարաձայնությունները կարծես պահպանվում են։ Իրանը ձգտում է պահպանել վերահսկողությունը Հորմուզի նեղուցի նկատմամբ, իսկ ԱՄՆ շարունակում է մտահոգություն ունենալ Իրանի միջուկային ծրագրի վերաբերյալ։ Ուստի, նոր ռազմական առճակատման վտանգը պահպանվում է։
Զուգահեռաբար, Եմենում իրավիճակը շարունակում է սրվել։ Վերջին օրերին կառավարական ուժերի և հուսիների միջև բախումներն ավելի են ինտենսիվացել։ Սաուդյան ավիացիան բազմաթիվ հարվածներ է հասցրել հուսիների դիրքերին՝ փորձելով դուրս մղել նրանց առափնյա շրջաններից, որտեղից նրանք հարձակումներ են գործում Կարմիր ծովում գտնվող բեռնատար նավերի վրա։ Այս պահին ոչինչ չի վկայում այն մասին, որ մարտական գործողությունների ինտենսիվությունը կնվազի։ Ընդհակառակը, առաջիկա շաբաթների ընթացքում հակամարտությունը կարող է նոր թափով բորբոքվել: Թաիզ քաղաքի պաշարումը, հավանաբար ավելի կխստանա, իսկ հուսիները կարող են հարձակում սկսել նաև Ադենի ուղղությամբ։
Ցավոք, պատերազմն արդեն հանգեցրել է հումանիտար աղետի։ Ըստ ՄԱԿ-ի տվյալների՝ ընդամենը մեկ ամիս տևած մարտական գործողությունների ընթացքում մոտ 300000 մարդ ստիպված է եղել լքել իր տունը։ Միաժամանակ՝ շուրջ 20 միլիոն բնակիչ կանգնած է սովի վտանգի առջև։ Քանի որ հակամարտության գոտին ընդլայնվում է, քաղաքացիական բնակչության վիճակն է՛լ ավելի կվատթարանա։
Ռուսաստանի և Ուկրաինայի ռազմական գործողություններն արդեն հինգերորդ տարին է, ինչ շարունակվում են՝ առանց թուլանալու որևէ նշանի։ Ըստ որոշ գնահատականների՝ Ուկրաինան ունեցել է շուրջ 500000 կորուստ, այդ թվում՝ մոտ 150000 զոհ։ Վերջերս հակամարտության բնույթը սկսել է փոխվել. կողմերն ավելի հաճախ են դիմում հեռահար հարվածների։ Ռուսական հրթիռներն ու անօդաչու թռչող սարքերը պարբերաբար թիրախավորում են Ուկրաինայի ռազմական նշանակության ենթակառուցվածքները, իսկ ուկրաինական ուժերը համակարգված կերպով հարվածում են Ռուսաստանի էներգետիկ ոլորտին՝ որոնք կարևոր դեր են խաղում ռուսական տնտեսության համար։
Հաշվի առնելով մարդկային կորուստներն ու ավերածությունները՝ այս փուլում ողջամիտ ռազմավարությունը պետք է առաջնահերթ կերպով ուղղված լինի հրադադարի հաստատմանը, այլ ոչ թե ռազմական գործողությունների վերսկսմանը կամ համապարփակ խաղաղության համաձայնագրի հասնելու փորձերին։ Ռազմական գործողությունների շարունակումը, գրեթե անկասկած, միայն կխորացնի կողմերի անզիջում դիրքորոշումը։ Ուստի, ներկա պահին օգտակար միջանկյալ քայլ կլիներ մի շարք համաձայնությունների ձեռքբերումը, որոնք ուղղված կլինեն մարտական գործողությունների դադարեցմանը կամ ծավալների կրճատմանը։ Սա կնպաստի վստահության ձևավորմանը և կարող է հիմք ստեղծել հետագա դիվանագիտական առաջընթացի համար։
Հաշվի առնելով այս հակամարտություններից յուրաքանչյուրում էսկալացիայի բարձր ռիսկը՝ ժամանակն է, որպեսզի առանցքային պետություններն ու միջազգային կազմակերպությունները դուրս գան ստվերից, ավելի ակտիվորեն ներգրավվեն իրավիճակի մեջ և առաջարկեն նոր, ոչ ստանդարտ մոտեցումներ՝ ռազմական գործողությունների դադարեցման հասնելու համար։
Վստահ եմ, որ հեռատես քաղաքական առաջնորդները կառաջարկեն համապատասխանաբար ընդունելի տարբերակներ։ Այնուամենայնիվ, գործել է պետք առանց հապաղելու. եթե իրավիճակի զարգացման ներկայիս ընթացքը շարունակվի, ապա ժամանակի ընթացքում այս հակամարտություններից յուրաքանչյուրն ավելի կսրվի՝ ձեռք բերելով տարածման մեծ վտանգներ» ։
Ռուսական զինուժը հարվածել է Ուկրաինայի Զապորոժիեի մարզի Կամիշևախա գյուղի դպրոցին, որտեղ մարդասիրական օգնություն էր բաժանվում: Հարվածի հետևանքով, տեղական իշխանությունների տվյալներով, զոհվել է առնվազն 26 մարդ, կան բազմաթիվ վիրավորներ ու անհետ կորածներ։
Ուկրաինայի արտակարգ իրավիճակների պետական ծառայությունը մինչ այդ հայտնել էր 24 զոհի մասին: Որոնողա-փրկարարական աշխատանքները շարունակվում են:
Զապորոժիեի շրջանային վարչակազմի ղեկավար Միխայիլ Սեմիկինը հայտնել է, որ 27 մարդ դեռևս անհետ կորած է համարվում։
Ուկրաինայի նախագահ Վլադիմիր Զելենսկին երեկոյան հայտնել է, որ մարդկանց մի մասը դեռ փլատակների տակ է: Ըստ նրա՝ առաջին հարվածին հաջորդել է երկրորդը, ինչի հետևանքով ինը ռումբ է ընկել գյուղի վրա։ Ուկրաինայի նախագահի խոսքով՝ հարվածները թիրախավորել են դպրոցի շենքը, որտեղ մարդիկ ապաստան էին գտել մարդասիրական օգնություն ստանալու ժամանակ։
«Ռուսները չէին կարող չիմանալ, որ ամեն շաբաթ Կամիշևախայում մնացած տեղի բնակիչները այնտեղ մարդասիրական օգնություն են ստանում», – գրել է Զելենսկին՝ նշելով, որ Օլեշկիում մարդասիրական գործողությունից հետո կարելի էր ակնկալել խաղաղության ուղղությամբ քայլեր, բայց Ռուսաստանը «ուղարկում է ճիշտ հակառակ ազդակներ»։
Զելենսկին նաև նշել է, որ Կամիշևախայի վրա հարվածները ևս մեկ անգամ ապացուցում են, որ Ռուսաստանը չի ցանկանում ո՛չ լարվածության թուլացում, ո՛չ էլ իրական արդարադատություն։
Ռուսական կողմը դեռևս չի մեկնաբանել հարվածների և քաղաքացիական բնակչության շրջանում մեծ թվով զոհերի մասին լուրերը:
Կամիշևախան գտնվում է առաջնագծի մոտ և հաճախակի է ենթարկվում հրետակոծության:
Գագիկ Ծառուկյանին հետագա կալանքի տակ պահելն այլևս չունի որևէ ողջամիտ անհրաժեշտություն, նշված է «Բարգավաճ Հայաստան»-ի հայտարարության մեջ:
«2026 թվականի նոյեմբերի 4-ին՝ ժամը 14:00-ին, Երևանի Ավան և Նոր Նորք վարչական շրջանների ընդհանուր իրավասության դատարանում (Երևան, Հայկ Գյուլիքևխյան փողոց 20, Նոր Նորքի 4-րդ զանգված) տեղի կունենա հերթական դատական նիստը՝ հիմնազուրկ մեղադրանքներով հարուցված քրեական գործի շրջանակում, որով անցնում են “Բարգավաճ Հայաստան” կուսակցության առաջնորդ Գագիկ Ծառուկյանը, Սեդրակ Առուստամյանը, Արթուր Դալլաքյանը և մի խումբ այլ անձինք։
Դատական նիստի ընթացքում կքննարկվի Գագիկ Ծառուկյանի նկատմամբ կիրառված խափանման միջոցը փոխելու հարցը։
Մենք համոզված ենք, որ Գագիկ Ծառուկյանն ու այս գործով որպես մեղադրյալներ ներգրավված մյուս անձինք քաղաքական հետապնդման թիրախ են հանդիսանում։ Մեր համոզմամբ՝ այս իրողությունը որևէ լրացուցիչ ապացույցի կարիք չունի։
Մի կողմ թողնելով ապօրինի հետապնդման հուզական կողմը՝ անհրաժեշտ է արձանագրել մեկ սկզբունքային իրավական հանգամանք։
Նախաքննությունն ավարտվել է, քրեական գործն ուղարկվել է դատարան։ Հետևաբար, Գագիկ Ծառուկյանին հետագա կալանքի տակ պահելն այլևս չունի որևէ ողջամիտ անհրաժեշտություն։
Հաշվի առնելով վերոնշյալ բոլոր հանգամանքները՝ մենք ակնկալում ենք, որ դատարանը կկայացնի հավասարակշռված, արդար և օրինական որոշում՝ Գագիկ Ծառուկյանի նկատմամբ կիրառված խափանման միջոցը փոխարինելով այլ տարբերակով։ Գագիկ Ծառուկյանի անհապաղ ազատ արձակումը չունի այլընտրանք։
«Բարգավաճ Հայաստան» կուսակցության ամբողջ թիմը՝ իր տարածքային կառույցների ներկայացուցիների և տասնյակ հազարավոր համակիրների հետ միասին հետամուտ է լինելու, որպեսզի արդարությունը հաղթանակ տոնի։ Մեր պայքարն աննկուն է»,-նշված է հայտարարության մեջ:
Նոյեմբերի 4-ից երթևեկության փոփոխություն կիրականացվի Գյուլբենկյան-Վազգեն Առաջին Վեհափառի փողոցների և Կոմիտասի պողոտայի խաչմերուկում:
▫️Նշված խաչմերուկի՝ դեպի Վաղարշյան փողոց ուղղության երթևեկելի ուղեմասի 1-ին գոտին կբաժանվի երկու գոտիների և տվյալ ուղեմասի 1-ին գոտուց երթևեկությունը կթույլատրվի միայն աջ ուղղությամբ, 2-րդ, 3-րդ, 4-րդ գոտիներից՝ միայն ուղիղ, 5-րդ գոտուց՝ միայն ձախ, իսկ 6-րդ գոտուց կթույլատրվի կատարել միայն հետադարձ:
▫️Վազգեն Առաջին Վեհափառի 10 հասցեին հարակից «Կանգ-գիծ» գծանշումից մինչև նույն փողոցի 12 հասցեին հարակից ճանապարհահատված կարգելվի փոխադրամիջոցների կանգառը:
Ռուսական պատվիրակությունը նոյեմբերի 10-11-ին կժամանի Աբու Դաբի և կմասնակցի ուկրաինայի հարցով եռակողմ բանակցություններին. հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով, ռուսական կողմից բանակցային գործընթացի գլխավոր ներկայացուցիչը լինելու է ՌԴ նախագահի օգնական Վլադիմիր Մեդինսկին։
Անդրադառնալով հարցին, թե արդյոք մինչև Աբու Դաբի մեկնելը նախատեսվում են Պուտինի և ռուս բանակցողների միջև շփումներ, Պեսկովն ասել է. «Առայժմ չեմ կարող ասել, հստակ ծրագրեր դեռ չկան։ Սակայն, ընդհանուր առմամբ, ռուսական պատվիրակության գրեթե բոլոր անդամներն առանց այդ էլ պարբերաբար զեկուցում են նախագահին ընթացիկ հարցերի վերաբերյալ և համապատասխան հանձնարարականներ ստանում պետության ղեկավարից»։
Քննարկվել են հարկման համակարգերի բարեփոխմանն ուղղված օրենսդրական նախաձեռնությունները
ՀՀ ֆինանսների նախարար Վահե Հովհաննիսյանի նախագահությամբ տեղի է ունեցել նախարարին կից եկամուտների քաղաքականության կատարելագործման ընդլայնված խորհրդի նիստը։ Ողջունելով հանդիպման մասնակիցներին՝ նախարարն ընդգծել է հարկային քաղաքականության մշակման գործընթացում շահագրգիռ կողմերի հետ շարունակական երկխոսության և առաջարկվող օրենսդրական փոփոխությունների շուրջ մասնագիտական քննարկումների կարևորությունը։
Նիստի ընթացքում նախարարի տեղակալ Համլետ Սահակյանը ներկայացրել է հարկման համակարգերի վերաիմաստավորմանը և հիմնական միջոցների ամորտիզացիոն մասհանումների ազատականացմանն ուղղված օրենսդրական նախաձեռնությունները։ Մասնավորապես, անդրադարձ է կատարվել միկրոձեռնարկատիրության տարեկան շրջանառության շեմը 24 միլիոն դրամից 50 միլիոն դրամի բարձրացնելու, հարկման հատուկ համակարգերի կիրառման պայմանների վերանայման, ինչպես նաև հարկման տարբեր համակարգերի միջև ծախսերի ճանաչման կարգավորումների փոփոխության առաջարկներին։ Քննարկվել են նաև հիմնական միջոցների ամորտիզացիայի և կապիտալ ծախսերի հաշվառման պարզեցմանն ուղղված փոփոխությունները՝ կարևորելով դրանց դերը ներդրումների խրախուսման և տնտեսավարողների համար առավել ճկուն պայմանների ստեղծման տեսանկյունից։
Խորհրդի անդամները ներկայացրել են առաջարկվող փոփոխությունների վերաբերյալ իրենց հարցերը, որոնց առնչությամբ տրվել են համապատասխան պարզաբանումներ։ Նիստի ավարտին կարևորվել է ներկայացված առաջարկությունների վերաբերյալ մասնագիտական քննարկումների շարունակականությունը։
1988 թվականի մարտի 16-ին Reuters-ի լուսանկարիչ Դենիս Պակվինը պատկերել էր Միլթաունի գերեզմանատան վրա կատարված հարձակումը: Լուսանկարը Մարդկանց մի խումբ փորձում է ապաստան գտնել տապանաքարի հետեւում: Ձախ կողմում մարդիկ կուչ են եկել ցածր քարե եզրաքարի մոտ: Reuters-ի հրապարակման մեջ հարձակվողը բնորոշվում էր որպես «անհայտ զինված անձ»։ Շուտով նրա ինքնությունը հայտնի դարձավ. դա Մայքլ Սթոունն էր՝ «Օլսթերի պաշտպանության ասոցիացիա» (UDA) լոյալիստական ռազմականացված խմբավորման անդամը: Դեպքից 10 օր առաջ Պատմությունը սկսվել էր 1988 թվականի մարտի 6-ին՝ Բելֆասթից ավելի քան երկու հազար կիլոմետր հեռավորության վրա: «Ֆլավիուս» գործողության շրջանակներում բրիտանական Հատուկ ավիացիոն ծառայության (SAS) մարտիկները Ջիբրալթարում սպանել էին Իռլանդական հանրապետական բանակի (ԻՀԲ-IRA) անդամներ Դանիել Մակքենին, Շոն Սեւիջին եւ Մեյրիդ Ֆարելին: Նրանց կասկածում էին մեքենայի պայթյուն նախապատրաստելու մեջ, որի թիրախը բրիտանացի զինվորականներն էին: Սպանվելու պահին երեքն էլ անզեն էին, եւ նրանց մահվան հանգամանքները զայրույթի ալիք բարձրացրին իռլանդացի հանրապետականների շրջանում: Մարտի 14-ին նրանց մարմինները տեղափոխեցին Բելֆասթ, իսկ հուղարկավորությունը նշանակվեց մարտի 16-ին: Հանրապետականները տարիներ ի վեր բողոքում էին, որ ԻՀԲ անդամների հուղարկավորությունների ժամանակ ոստիկանության կոշտ միջոցները բռնություն են հրահրում: Այս անգամ Օլսթերի թագավորական ոստիկանությունը համաձայնել էր հեռու մնալ գերեզմանատնից: Հարձակումը Հազարավոր մարդիկ գնում էին դագաղների հետեւից՝ Սուրբ Ագնեսայի եկեղեցուց մինչեւ Միլթաունի գերեզմանատուն: Մայքլ Սթոունը եկել էր զինված. 9 մմ տրամաչափի Browning ատրճանակ, Ruger ատրճանակ եւ խորհրդային արտադրության յոթ ՌԳԴ-5 նռնակ: Երբ փոսն էին իջեցնում երրորդ դագաղը, նա նետեց նռնակներն ու կրակ բացեց: Խուճապը համակեց ողջ գերեզմանատունը: Մարդիկ գետնին էին ընկնում եւ փորձում էին պատսպարվել տապանաքարերի հետեւում: Այնուհետեւ Սթոունը վազեց դեպի մի քանի հարյուր մետր հեռավորության վրա գտնվող ավտոմայրուղին: Տասնյակ տղամարդիկ եւ դեռահասներ նետվեցին նրա ետեւից: Սթոունը ժամանակ առ ժամանակ կանգ էր առնում, կրակում եւ նռնակներ նետում իրեն հետապնդողների վրա: Նույնիսկ այն հեղինակները, ովքեր ամենեւին չէին համակրում ԻՀԲ-ին, ապշած էին անզեն մարդկանց խիզախությամբ, որոնք շարունակում էին վազել հանցագործի հետեւից: Irish Times-ի մեկնաբան Քեւին Մայերսը գրում էր, որ այլ հանգամանքներում նրանց բարձր պետական պարգեւների կարժանացնեին: Մայրուղու վրա Սթոունի փամփուշտները վերջացան: Նա փորձում էր կանգնեցնել անցնող մեքենաները, սակայն մարդիկ հասան նրան եւ դաժան ծեծի ենթարկեցին: Այնուհետեւ հասան ոստիկանները եւ ձերբակալեցին նրան: Զոհերն ու վիրավորները Ոճրագործին հետապնդելիս զոհվեց երեք հոգի. 20 տարեկան խաղաղ բնակիչ Թոմաս Մաքէրլին: Նրա կինը՝ Աննան, 19 տարեկան էր եւ երեխայի էր սպասում։ 26 տարեկան խաղաղ բնակիչ Ջոն Մյուրեյը: 30 տարեկան ԻՀԲ-ի անդամ Քեւին Բրեյդին: Մոտ 60 մարդ վիրավորվեց փամփուշտներից, նռնակների եւ տապանաքարերի բեկորներից։ Նրանց թվում էին չորս երեխաների հղի մայրը, 72-ամյա մի կին եւ տասնամյա մի տղա։ Զինյալը Մայքլ Սթոունն ինքն իրեն անվանում էր «ազատ» լոյալիստ զինյալ: Նախքան Միլթաունի վրա հարձակումը նա արդեն հասցրել էր սպանություններ գործել: Ավելի ուշ նա ասում էր, որ նպատակ ուներ ոչնչացնել ԻՀԲ եւ վերջինիս քաղաքական թեւ հանդիսացող «Շին Ֆեյնի» ղեկավարությանը գերեզմանների մոտ: Հարձակումը նա վրեժ էր անվանել ՝ 1987 թվականի նոյեմբերին Էնիսքիլենում ԻՀԲ-ի իրականացրած ահաբեկչության համար, որը տասնմեկ մարդու կյանք էր խլել: Հարձակումից անմիջապես հետո լոյալիստական երկու խոշորագույն խմբավորումները՝ UDA-ն եւ «Օլսթերի կամավորական ուժերը» (UVF), հայտարարեցին, որ որեւէ կապ չունեն հանցագործության հետ: 1989 թվականին Սթոունը դատապարտվեց վեց սպանության եւ սպանության հինգ փորձի համար: Սպանություններից երեքը նա կատարել էր Միլթաունում, իսկ մյուս երեքը ավելի վաղ կրոնական հողի վրա կատարված սպանություններ էին: Նա դատապարտվեց ցմահ ազատազրկման՝ 30 տարվա նվազագույն առաջարկվող ժամկետով: 2000 թվականի հուլիսի 24-ին Սթոունը պայմանական ազատ արձակվեց ՝ վաղաժամկետ ազատ արձակման ծրագրի շրջանակներում: None Shall Divide Us («Ոչ ոք մեզ չի բաժանի») ինքնակենսագրականում նա գրել էր, որ ցավում է իր զոհերի ընտանիքներին պատճառած ցավի համար: 6 տարի անց՝ 2006 թվականի նոյեմբերին, Սթոունը փորձեց ներխուժել Հյուսիսային Իռլանդիայի խորհրդարանի շենք՝ իր մոտ ունենալով պայթուցիկ նյութեր, դանակներ եւ կացին: 2008 թվականի դեկտեմբերին նա դատապարտվեց 16 տարվա ազատազրկման, սակայն 2021 թվականին նորից պայմանական-վաղաժամկետ ազատ արձակվեց:
Նոյեմբերի 4-ից երթևեկության փոփոխություն կիրականացվի Գյուլբենկյան-Վազգեն Առաջին Վեհափառի փողոցների և Կոմիտասի պողոտայի խաչմերուկում:
