Ըստ ադրբեջանական լրատվամիջոցների՝ Ռուսաստանից Հայաստան՝ Ադրբեջանի տարանցմամբ, կիրականացվի հերթական մատակարարումը։
Մասնավորապես 11 վագոն ցորեն՝ 1108 տոննա ընդհանուր քաշով, և 4 վագոն գարի՝ 273 տոննա ընդհանուր քաշով, այսօր Բալաջարի կայարանից կուղարկվեն Բյոյուք Քեսիքի ուղղությամբ։
ՀՀԿ ԵԿ ղեկավար Հենրիխ Դանիելյանը գրում է.
Երեկ ԱԺ ամբիոնից ոմն Գարիկ Սարգսյան խոսում էր Մարտի 1-ից՝ շրջանցելով այն հանգամանքը, որ այդ իրադարձությունների օրերին իր այսօրվա քաղաքական ղեկավար Նիկոլ Փաշինյանը հրապարակային կոչերով դիմում էր ցուցարարներին՝ խոսելով մահակներով զինվելու և իրավապահների նկատմամբ ուժ կիրառելու մասին։ Պատմությունը չի կարելի ներկայացնել ընտրովի՝ հիշելով միայն այն դրվագները, որոնք տվյալ պահին քաղաքականապես հարմար են։
Ելույթի սկզբում նա շնորհավորեց ուսանողներին, իսկ հետո անցավ Սերժ Սարգսյանի կառավարման տարիների քննադատությանը։ Հենց այստեղ անհրաժեշտ է արձանագրել ամենակարևորը։
Գարիկ, Սերժ Սարգսյանի տարիների ուսանողը սովորում էր մի երկրում, որի սահմաններն ու անվտանգությունը պաշտպանված էին, իսկ Արցախում ապրում էր հայկական բնակչությունը։ Երիտասարդները մեկնում էին բանակ, վերադառնում, շարունակում կրթությունը և կառուցում իրենց ապագան հայրենիքում։ Այդ հնարավորությունն ունեցել ես նաև դու։
Դու պատմեցիր, թե ինչպես ես բանակից վերադարձել և շարունակել ուսումդ։ Իսկ ձեր իշխանության տարիներին հազարավոր երիտասարդներ, որոնցից շատերն ուսանողներ էին կամ դեռ պետք է ուսանող դառնային, պատերազմից տուն չվերադարձան։ Ձեր կառավարման արդյունքում կորսվեց ամբողջ Արցախը, իսկ արցախցի հազարավոր երիտասարդներ զրկվեցին ոչ միայն իրենց կրթական բնական միջավայրից, այլև իրենց տներից ու հայրենիքից։
Ուստի Սերժ Սարգսյանի ժամանակաշրջանի մասին ԱԺ ամբիոնից դատողություններ անելուց առաջ արժե պատասխանել մեկ պարզ, բայց քաղաքականապես շատ ծանր հարցի․ ինչպիսի՞ անվտանգային համակարգ և պետություն ստացաք 2018-ին, և ի՞նչ վիճակի հասցրեցիք այն ձեր կառավարման տարիներին։
Քաղաքականության մեջ իշխանություններին գնահատում են ոչ թե ամբիոնից հնչեցրած ելույթներով, այլ իրենց կառավարման արդյունքներով և այդ արդյունքների համար ստանձնած պատասխանատվությամբ։
Հ.Գ. Սերժ Սարգսյանի կառավարման տարիներին գոյություն ունեին երկու հայկական հանրապետություններ՝ Հայաստանի Հանրապետությունն ու Արցախի Հանրապետությունը։ Ձեր կառավարման արդյունքում Արցախն ամբողջությամբ անցավ Ադրբեջանի վերահսկողության տակ, իսկ Հայաստանի երիտասարդների ու ուսանողների մի ամբողջ սերունդ իր կյանքի ամենածանր գինը վճարեց ձեր իշխանության ընդունած որոշումների և վարած քաղաքականության հետևանքների համար։
Աննախադեպ հարձակումների և ճնշումների առումով՝ ՀՀԿ փոխնախագահ Արմեն Աշոտյանի դեմ քաղաքական գործողությունները սկսել ու չեն ավարտվում։
Դատախազությունը նախօրեին քաղաքական հերթական գործի մասին անոնսեց, որն եկավ լրացնելու մինչ այդ եղած հետապնդումները։
Արմենն այն գործիչներից է, ով փաշինյանական ռեժիմի հաստատումից անմիջապես հետո մշտապես կոշտ և սուր քննադատության թիրախում է պահել գործող իշխանությանն ու վերջինիս վարած քաղաքականությունը, իսկ իշխանության արձագանքն արտահայտվել է նորանոր քաղաքական գործերի հարուցմամբ։
Շարունակական հետապնդումների և քաղաքական սահմանափակումների պայմաններում Արմեն Աշոտյանը շարունակում է քաղաքական պայքարը՝ իր վճռականությամբ ու կամային հատկանիշներով թափ հաղորդելով ընդհանուր գործին։
Տիգրան Աբրահամյան
Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:Այս մասին տեղեկացնում են ՀՀ Գլխավոր դատախազությունից։
Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ Ազգային ժողովի նախկին պատգամավոր, ՀՀ կրթության և գիտության նախկին նախարար, ՀՀԿ փոխնախագահ Արմեն Գևորգի Աշոտյանից և վերջինիս հետ փոխկապակցված անձանցից հօգուտ Հայաստանի Հանրապետության բռնագանձել՝
• 3 անշարժ գույքի գնման իրավունք, որոնցից 1-ը գտնվում է Կենտրոն վարչական շրջանում, իսկ 2-ը Ավան վարչական շրջանում կառուցվող թաունհաուսներ են.
• Շուրջ 47 միլիոն դրամ՝ որպես ապօրինի եկամուտների և միջոցների մնացորդ.
• 338 միլիոն 366 հազար դրամ, որը չի հիմնավորվում անձի օրինական եկամուտներով, ունի ապօրինի ծագում, 2005-2026 թվականների ընթացքում փոխանցվել է բարեխիղճ ձեռք բերողի կամ հնարավոր չէ նույնականացնել և բռնագանձել:
«ՀայաՔվե» միավորման համակարգող Ավետիք Չալաբյանը ուղերձ է հղել․
«Սիրելի բարեկամներ,
Ինչպես արդեն շատերդ գիտեք, երկու ամսվա ապօրինի ազատազրկումից հետո, երեկ Երևանի առաջին ատյանի դատարանը, նախագահությամբ դատավոր Դավիթ Բալայանի, վերացրեց կալանքի որոշումը և ինձ ազատ արձակեց դատարանի դահլիճից:
• Սա կարևոր հանգրվան էր, և ցույց է տալիս, որ մեր հասարակության դիմադրության ոգին չի կոտրվել, և հետևողական պայքարը, զուգորդված իրավական և քաղաքական հարթություններում, ի վերջո իր արդյունքը տալիս է: Այս արդյունքում իրենց դերն են ունեցել բազմաթիվ մարդիկ, և ես կուզեի այստեղ իմ երախտիքի խոսքն ուղղել նրանց՝
– ընտանիքիս անդամներին, և մասնավորապես հերոսական կնոջս, ով ստանձնեց իր վրա պայքարի այս փուլում թերևս ամենածանր բեռը,
– ի պաշտպանություն ստեղծված հանձնախմբի բոլոր անդամներին, ովքեր այս ընթացքում հետևողական, մեծածավալ ու արդյունավետ աշխատանք իրականացրեցին հանրային դաշտում,
– փաստաբանական խմբի բոլոր անդամներին, ովքեր միակ կապող օղակն էին արտաքին աշխարհի հետ, և բարձրորակ իրավական պաշտպանություն ապահովեցին այս ողջ ընթացքում,
– «ՀայաՔվե» միավորման մեր բազմաթիվ ընկերներին, որոնք միասնության և կազմակերպված պայքարի բացառիկ օրինակ ցուցաբերեցին,
– հանրային դաշտի մեր բազմաթիվ գործընկերներին՝ քաղաքական և հասարակական գործիչներին, իրավապաշտպաններին, լրագրողներին, ովքեր իրենց աջակցության ձայնը բարձրացրեցին այս օրերին,
– ազատազրկման վայրում հանդիպած բազմաթիվ բարի կամքի մարդկանց, որոնք չէին վարանում իրենց սատարումը ցուցաբերել և թեթևացնել ազատազրկման բեռը,
– և վերջապես, բոլոր մեր համախոհներին և աջակիցներին, որոնք այս ընթացքում բարի խոսքով, մարդկային կարեկցանքով, ուշադրության տարբեր նշաններով շարունակել են սատարել մեզ, դրանով իմաստ հաղորդելով այն ուղուն, որով մենք շարունակում ենք ընթանալ:
Թերևս, այս երախտիքի խոսքերը վերջ չունեն, և չեն կարող արտահայտել մարդկային երախտագիտության այն անսահման զգացումը, երբ չորս նեղ պատի մեջ զգում ես, որ մենակ չես, որ քեզ դուրսը սպասող և դրա համար ակտիվ պայքարողներ կան: Դրանով հանդերձ, այդ պայքարը բնավ չի ավարտվել, և շարունակվելու է այնքան ժամանակ, մինչև Հայաստանի և նաև Բաքվի բանտերից դուրս գան բոլոր քաղաքաքան բանտարկյալները և պատանդները, մինչև մեր երկիրը դառնա պաշտպանված և անվտանգ, մինչև Արցախի մեր հայրենակիցները վերադառնան իրենց տները և վերգտնեն իրենց բնականոն կյանքը:
Այս ամենը դեռ առջևում է, իսկ մինչ այդ խոնարհում եմ գլուխս բոլոր նրանց առջև, ովքեր բոլոր այս տարիների ընթացքում իրենց վրա տարել են մեզ բաժին ընկած պայքարի այս ծանր բեռը, ովքեր այսօր էլ այն տանում են կամ մեզ վրա հույսով են նայում երկնքից: Բոլորիդ անչափ շնորհակալ եմ, Աստված մեզ զորավիգ»:
դիտվել է 25 անգամ
Հայաստանի Հանրապետության գլխավոր դատախազ Աննա Վարդապետյանի գլխավորությամբ 2026 թվականի օգոստոսի 21-ին տեղի է ունեցել Դատախազության կոլեգիայի նիստ, որի ընթացքում ամփոփվել են Երևան քաղաքի վարչական շրջանների և մարզերի դատախազությունների, ինչպես նաև կայազորների զինվորական դատախազությունների 2026 թվականի 1-ին կիսամյակի աշխատանքները: Ինչպես 2025 թվականի տարեկան աշխատանքների ամփոփման ժամանակ, Սյունիքի մարզի դատախազությունը կրկին զբաղեցրել է առաջին տեղը, իսկ 2-րդ և 3-րդ տեղերը հավասար ցուցանիշներով կիսել են Լոռու և Արարատի մարզի դատախազությունները: Կայազորների զինվորական դատախազությունների պարագայում 1-ին տեղը զբաղեցրել է Տավուշի կայազորի զինվորական դատախազությունը, 2-րդը՝ Գեղարքունիքի կայազորի զինվորական դատախազությունը, 3-րդը՝ Սիսիանի կայազորի զինվորական դատախազությունը:
Հիշեցնենք, որ ՀՀ գլխավոր դատախազի հրամանով սահմանված աշխատանքի գնահատման չափանիշները, ի թիվս այլնի, ներառում են՝
1. Պետական և համայնքային շահերի պաշտպանության հայցերով պետությանը և համայնքին վերջնական դատական ակտով վերադարձված գումարի չափը,
2. Քրեական վարույթներով, ինչպես նաև դատախազական ներգործության միջոցների կիրառմամբ պետությանը, համայնքին, պետական և համայնքային մասնակցությամբ կազմակերպություններին պատճառված վնասի վերականգնման գումարի չափը,
3. Ծանր և առանձնապես ծանր հանցագործություններով մեղադրական եզրակացությամբ դատարան հանձնված քրեական վարույթների թիվը,
4. Ծանր և առանձնապես ծանր հանցագործություններով վերջնական դատական ակտերի թիվը:
Կոլեգիայի նիստի ընթացքում ամփոփվել են նաև 2018 թվականից մինչև 2026 թվականի առաջին կիսամյակը ներառյալ՝ քրեական վարույթներով, դատարաններում ավարտված գործերով, պետական և համայնքային շահերի պաշտպանության հայցերով ու հաշտություններով, դատախազական ներգործության միջոցներով, իսկ 2023 թվականից՝
նաև ապօրինի ծագում ունեցող գույքի բռնագանձման գործիքակազմի կիրառման արդյունքում, Հայաստանի Հանրապետության և համայնքների սեփականությանը կամ տիրապետմանը վերադարձված գույքերի ու դրամական միջոցների տվյալները:
«Համաձայն այդ ցուցանիշների՝ 2018 թվականից մինչև 2026 թվականի առաջին կիսամյակը ներառյալ՝ Հայաստանի Հանրապետության և համայնքների սեփականությանը կամ տիրապետմանն է վերադարձվել շուրջ 304 միլիարդ 182 միլիոն դրամի (շուրջ 833 միլիոն ԱՄՆ դոլարի) գույք և դրամական միջոց, որից 67.5%-ը կամ շուրջ 205 միլիարդ 450 միլիոն դրամի (շուրջ 562 միլիոն ԱՄՆ դոլարի) գույքն ու դրամական միջոցը՝ 2023 թվականի հունվարի 1-ից մինչ 2026 թվականի հունիսի 30-ն ընկած ժամանակահատվածում»,- ընդգծել է Աննա Վարդապետյանը և հավելել, որ այս ոլորտում աշխատանքներն ակտիվացնելու հանրային պահանջն առավել, քան արդիական է, բացի այդ, Կառավարության 2026-2031 թվականների ծրագրով նախատեսված է մինչև 2031 թվականը հանրությանը վերադարձնել շուրջ 2 միլիարդ ԱՄՆ դոլարին համարժեք գույք և դրամական միջոց: «Այս ցուցանիշին հասնելու համար ակնկալում եմ յուրաքանչյուրիդ ամենօրյա նվիրված աշխատանքը»,- ընդգծել է հանրապետության գլխավոր դատախազը:
Կոլեգիայի նիստի ընթացքում անդրադարձ է կատարվել նաև օրակարգային այլ հարցերի, որոնք, ի թիվս այլնի, վերաբերել են «Դատախազի աշխատանքի մասին» վիճակագրական հաշվետվության էլեկտրոնային համակարգին, որը գտնվում է ՀՀ գլխավոր դատախազի ամենօրյա ուշադրության կենտրոնում:
Դատախազություն
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վրաստանում այս տարի ընդհանուր ունակություններ առարկայից հայերենով քննություն հանձնող դիմորդների թիվը եղել է 637-ը, նրանցից անցողիկ նվազագույն շեմը հաղթահարել է 494-ը (77.55%):
Ըստ Վրաստանի Գնահատման և քննությունների ազգային կենտրոնի տարածած տեղեկության՝ միջին միավորը 36.79 է, միջին դժվարությունը 45.99, քննության արդյունքում ստացված առավելագույն միավորը 71, իսկ անցողիկ միավորը` 25:
Jnews-ի հաղորդմամբ, անցած տարվա համեմատ, այս տարի դիմորդներն ավելի շատ են եղել, անցյալ տարի նրանց թիվը կազմել էր 612-ը, սակայն այս տարի քննության նվազագույն շեմը հաղթահարած դիմորդների թիվը ավելի քիչ է քան անցյալ տարի, 2025 թվականին քննությունը բարեհաջող հանձնած դիմորդների թիվը 520 էր:
Նախորդ և այս տարվա տվյալներով քննության արդյունքում ստացված առավելագույն միավորը 71 է եղել:
Հետևեք մեզ՝ այստեղ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Oգոստոսի 23-27-ը Երևանում, Արարատյան դաշտում, Արագածոտնի, Կոտայքի և Վայոց ձորի նախալեռներում սպասվում է բարձր կարգի հրդեհավտանգ իրավիճակ։ ՆԳՆ փրկարար ծառայությունից խնդրում են պահպանել հրդեհային անվտանգության կանոնները, իսկ անհրաժեշտության դեպքում զանգահարել՝ 112։
«ՆԳՆ փրկարար ծառայության կողմից տարբեր հարթակներում մշտապես իրականացվում են իրազեկման աշխատանքներ: Այսօր ևս իրականացվել է հերթական իրազեկումը՝ հանրապետությունում ջերմաստիճանի բարձրացմամբ պայմանավորված, որը նաև ուղարկվել է քաղաքացիներին՝ կարճ հաղորդագրությունների տեսքով։
Բջջային բոլոր օպերատորներին տրամադրվել է իրազեկման հայատառ տեքստ, սակայն օպերատորներից մեկի տեխնիկական խնդիրներով պայմանավորված՝ հաղորդագրությունն ուղարկվել է լատինատառ, ինչի համար հայցում ենք քաղաքացիների ներողամտությունը»,- նշում են փրկարար ծառայությունից։
Հետևեք մեզ՝ այստեղ
ԱՄՆ դատարանը վերացրել է ՀՀ քաղաքացիների համար ներգաղթային…
ՀԵՄԱ-ի Մարտունու կենտրոնը հյուրընկալել է Հայաստանում Եվրոպական միության առաքելության ղեկավար Սատու Կոյվուին։
Այցի ընթացքում Կոյվուն միացել է Գեղարքունիքի մարզում իրականացվող պարեկության աշխատանքներին՝ տեղում գնահատելու իրավիճակն ու ծանոթանալու վերջին զարգացումներին։
Հանդիպման և պարեկության ընթացքում քննարկվել են մարզում առկա իրավիճակն ու անվտանգության ապահովման ուղղությամբ իրականացվող աշխատանքները։
