Չինաստանի արևմուտքում՝ Տիբեթի ինքնավար շրջանում, 7,1 մագնիտուդով երկրաշարժ է տեղի ունեցել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։
Երկրաշարժի էպիկենտրոնը գտնվել է Նագչու շրջանից մոտ 200 կմ հյուսիս-արևելք։ Շրջանում բնակվում է շուրջ 30 հազար մարդ։ Երկրաշարժի օջախը գտնվել է 35 կմ խորության վրա։
Տուժածների և ավերածությունների մասին տեղեկություններ դեռ չեն հաղորդվել։
Հետևեք մեզ՝ այստեղ
Ադրբեջանի նախագահ Իլհամ Ալիևի՝ Բեռլին կատարած պաշտոնական այցի ժամանակ Գերմանիան ու Ադրբեջանը 2026 թվականի հուլիսի 21-ին ստորագրել են երկկողմ գործընկերության ռազմավարական օրակարգի մասին համատեղ հռչակագիր։ Կանցլեր Ֆրիդրիխ Մերցի խոսքով՝ հռչակագրի առանցքային թեման ոչ միայն էներգամատակարարումն ու տարանցիկ ենթակառուցվածքներն են, այլև այն ներառում է այլ ոլորտներ ևս՝ քաղաքական երկխոսություն, առևտուր և ներդրումներ, անվտանգություն և պաշտպանություն (այդ թվում՝ համագործակցություն պաշտպանական արդյունաբերության ոլորտում), մշակույթ և կրթություն, գիտություն և տեխնոլոգիաներ։ Հռչակագիրը քաղաքական փաստաթուղթ է, և դրա իրականացումը պայմանավորված է ռեսուրսների առկայությամբ։ Ակնկալվում է, որ 2027 թվականին Ադրբեջանը Գերմանիային կմատակարարի տարեկան շուրջ 2 միլիարդ խորանարդ մետր գազ (Ալիևը Բեռլինում նշել է տասնամյա պայմանագրի սկզբնական ծավալը՝ 1.5 միլիարդ խմ)։ Ուղիղ խողովակաշար չկա․ գազը Եվրոպա է մտնում Իտալիայով, և Գերմանիան այն ստանում է փոխանակման (սվոփ) գործարքներով։ Ադրբեջանի էներգետիկայի նախարարության տվյալներով՝ 2025 թվականին Ադրբեջանը Եվրոպայի երկրներ է արտահանել 12.8 միլիարդ խորանարդ մետր գազ։ Ադրբեջանի նախագահը նշել է, որ այս ծավալները կարող են մեծանալ։ Համեմատության համար, Եվրոպական հանձնաժողովի տվյալների համաձայն, 2025 թվականին Եվրոպական միության երկրներն ընդհանուր առմամբ ներմուծել են 289 միլիարդ խորանարդ մետր գազ։ Այսինքն՝ Ադրբեջանի մասնաբաժինը Եվրոպական Միության գազի ներմուծման մեջ կազմում է մոտ 4 տոկոս։
Ռուսաստան–Ուկրաինա պատերազմի և ԱՄՆ–Իրան շարունակվող հակամարտության հետևանքով Ասիայից Եվրոպա տանող երկու կարևորագույն առևտրային ուղիները՝ Ռուսաստանի տարածքով անցնող Հյուսիսային միջանցքը և Պարսից ծոցով ու Իրանի տարածքով անցնող հարավային ուղիները, խաթարվել են։ Այս պայմաններում աճում է «Միջին միջանցքի» դերը, որը Չինաստանից և Կենտրոնական Ասիայից Հարավային Կովկասով ձգվում է դեպի Եվրոպա։ Ըստ առկա տվյալների՝ 2025 թվականին դրանով տարանցվել է մոտ 5 միլիոն տոննա բեռ։ Աշխարհագրական դիրքի և էներգետիկ ռեսուրսների շնորհիվ մեծանում է նաև Ադրբեջանի նշանակությունը Եվրոպայի համար։
Եվրոպայի խոշորագույն տնտեսություն ունեցող երկիրը՝ Գերմանիան, որը ռուսական գազի ամենամեծ գնորդն էր աշխարհամասում, ընթացիկ հակամարտությունների հետևանքով հարկադրված է դիվերսիֆիկացնել էներգակիրների ներմուծման աղբյուրները։ Այս համատեքստում՝ Գերմանիան, ինչպես նաև Ավստրիան, 2026 թվականի հունվարից սկսել են գազ ստանալ Ադրբեջանից։ Վերջինս ձգտում է ամրապնդել իր դիրքերը որպես տարածաշրջանային հանգույց՝ կապելով Չինաստանը, Կենտրոնական Ասիան և Եվրոպան։ «Միջին միջանցքի» և «Հարավային գազային միջանցքի» շրջանակներում Ադրբեջանը փորձում է վերածվել կարևոր տարանցիկ կենտրոնի՝ օգտագործելով իր աշխարհագրական դիրքը որպես արտաքին քաղաքական և տնտեսական ազդեցության գործիք։ Այս ռազմավարության նպատակն է բարձրացնել երկրի միջազգային նշանակությունն ու ամրապնդել հարաբերությունները Եվրոպայի և Ասիայի հետ։
Այս համատեքստում՝ Ադրբեջանը բախվում է երկու առանցքային խնդրի։ Առաջին՝ դեպի Թուրքիա և Սև ծովի ավազան տանող նրա գործող խողովակաշարերն ու երկաթուղին անցնում են Վրաստանի տարածքով, ինչը Բաքվին որոշակի կախվածության մեջ է դնում Թբիլիսիից։ Թբիլիսիի լծակը թուլացնելու համար Ադրբեջանը կենսական նշանակություն է տալիս «Թրամփի ուղի հանուն միջազգային խաղաղության և բարգավաճման» նախագծին, որը թույլ կտա ոչ միայն դիվերսիֆիկացնել տարանցիկ ուղիները, այլև ուժեղացնել վերահսկողությունն իր էքսկլավ Նախիջևանի նկատմամբ։ Նախիջևանի ինքնավարությունը 2026 թվականի մարտի 10-ին հաստատված սահմանադրական փոփոխություններով էապես սահմանափակվել է (ինքնավար հանրապետության կարգավիճակը ձևականորեն պահպանվում է)։
Երկրորդ խնդիրը ներդրումների և տեխնոլոգիաների սահմանափակ հասանելիությունն է։ Ալիևը Բեռլինում հայտարարել է, որ գազի մատակարարումների ավելացման համար անհրաժեշտ են գնորդների հայտ և ենթակառուցվածքների ընդլայնում, և կոչ է արել եվրոպական բանկերին, մասնավորապես՝ Եվրոպական ներդրումային բանկին, վերանայել նավթագազային նախագծերի ֆինանսավորումը դադարեցնելու որոշումը։ Բացի այդ՝ գործող ենթակառուցվածքների թողունակությունը բավարար չէ, որպեսզի Ադրբեջանը Եվրոպայի համար համեմատաբար խոշոր մատակարար դառնա․ Ալիևի խոսքով՝ Անդրանատոլիական (TANAP) և Անդրադրիատիկ (TAP) գազամուղներն աշխատում են լրիվ հզորությամբ։
Ալիևի այցը Բեռլին քարոզչական կարևոր նշանակություն է ունեցել Ադրբեջանի ղեկավարության համար․ ներքին լսարանին այն ներկայացվում է որպես երկրի միջազգային հեղինակության աճի և դիվանագիտական հաջողության ապացույց։ Ադրբեջանական իշխանամետ լրատվամիջոցներն այցն անվանում են «բեռլինյան հաղթանակ» և «ադրբեջանական դիվանագիտության հերթական հաջողություն»։ Գերմանիայի համար առաջնահերթ են էներգամատակարարման աղբյուրների և ուղիների դիվերսիֆիկացումն ու Եվրոպան Ասիային կապող տրանսպորտային միջանցքների զարգացումը։ Այս համատեքստում՝ ստորագրված հռչակագիրը, ըստ որոշ գնահատականների, թույլ է տալիս ներկայիս ճգնաժամային իրավիճակում բաշխել և մեղմել առկա ռիսկերը։
Հարավային Կովկասում գազի արտահանման ուղիներն ընդլայնելու համար, թերևս, Ադրբեջանը կփորձի կառուցել նոր խողովակաշար, սակայն դա ավելի կմեծացնի նրա կախվածությունը Թուրքիայից։
Եվրամիությունը գազամատակարարման և տարանցման ոլորտներում կարող է համագործակցությունն օգտագործել Հարավային Կովկասում Ռուսաստանի ազդեցությունը սահմանափակելու համար։ ԵՄ-ի համար սա նաև Կենտրոնական Ասիայի, մասնավորապես՝ Ղազախստանի հետ Ռուսաստանից անկախ հաղորդակցային կապեր զարգացնելու հնարավորություն է։ Սակայն Ադրբեջանի դեպքում նման ռազմավարական նպատակի առկայությունը հաստատված չէ։ 2026 թվականի հուլիսի 13-ին Ալիևը հայտարարել է, որ Ռուսաստանի հետ հարաբերությունները «լիովին կարգավորվել են»։ Ուստի՝ ավելի հավանական է, որ Բաքուն այս համագործակցությունը կդիտարկի որպես տարածաշրջանում իր քաղաքական կշիռն ամրապնդելու և տարբեր գործընկերների հետ բանակցություններում իր դիրքերն ուժեղացնելու միջոց։
«Գեղարդ» վերլուծական
դիտվել է 26 անգամ
Շրջակա միջավայրի նախարարության էկոպարեկները Սյունիքի մարզի Տորունիք գյուղի անտառում գտել և տուն են վերադարձրել կորած կենդանիներին փնտրելիս մոլորված անչափահաս երեխաներին։
Ժամը 18։00-ի սահմաններում գյուղի բնակիչը դիմել է ծառայություն իրականացնող էկոպարեկներին՝ հայտնելով, որ երեխաները գնացել են անտառ՝ ընտանի կենդանիներին որոնելու, սակայն արդեն մի քանի ժամ է՝ չեն կարողանում գտնել նրանց։
Ստանալով ահազանգը՝ էկոպարեկներն անմիջապես ձեռնամուխ են եղել երեխաների որոնողական աշխատանքներին։ Շուրջ մեկ ժամ տևած որոնումների արդյունքում՝ էկոպարեկների օպերատիվ արձագանքման և հետևողական գործողությունների շնորհիվ, երեխաներն անվնաս գտնվել են անտառամերձ տարածքում։
ՀՐԱՊԱՐԱԿԱՅԻՆ ՀԱՂՈՐԴՈՒՄ ԵՎ ԻՐԱՎԱԿԱՆ ԳՆԱՀԱՏԱԿԱՆ ՏԱԼՈՒ ՊԱՀԱՆՋ
ՀՀ գլխավոր դատախազությանը
ՀՀ քննչական կոմիտեին
ՀՀ ՆԳՆ ոստիկանությանը
ՀՀ Ազգային անվտանգության ծառայությանը
ՀՀ ՆԳՆ ոստիկանություն – Police of the RA Ministry of Internal Affairs
ՀՀ գլխավոր դատախազություն
ՀՀ Քննչական Կոմիտե
Հարգելի՛ իրավասու մարմիններ,
Հրապարակայնորեն հայտնում եմ, որ իմ դեմ տեվական ժամանակ հնարավոր հակաիրավական գործողություններ կատարող անձինք հիմա էլ տարածում են պնդումներ, թե իբր «Պառլամենտ» ամսագիրը կամ դրա անվանումը ես գողացել եմ։
Այս պնդումները համարում եմ իմ հեղինակության, բարի համբավի և տարիների աշխատանքի դեմ ուղղված՝ իրավական գնահատման ենթակա հայտարարություններ։
Տասնվեց տարի առաջ իմ թիմի հետ հիմնադրել եմ «Պառլամենտ» անունը կրող ամսագիրը։ Այս տարիների ընթացքում իրականացրել եմ աշխատանք՝ դրա կայացման, զարգացման և տպագիր արխիվի պահպանման ուղղությամբ։ Ամսագրի տպագիր արխիվը պահպանվում է Հայաստանի ազգային գրադարանում։
Հետևաբար, հարց եմ ուղղում նման պնդումներ տարածողներին՝ ումի՞ց եմ գողացել «Պառլամենտ» ամսագիրը, ո՞ւմ էր պատկանում այն, և ի՞նչ փաստերով են հիմնավորվում այդ մեղադրանքները։
Եթե խոսքը ապրանքային նշանի մասին է, ապա դրա պատկանելությունը պետք է որոշվի իրավական գրանցման և համապատասխան փաստաթղթերի հիման վրա, այլ ոչ թե չհիմնավորված հայտարարություններով։
Ես պատրաստ եմ ներկայացնել ամսագրի պատմությունը, տպագիր արխիվին վերաբերող տեղեկությունները և ապրանքային նշանի իրավական կարգավիճակը հաստատող փաստաթղթերը։
Պահանջում եմ իրավասու մարմիններից՝
1. Ստուգել «Պառլամենտ» ամսագիրը կամ դրա անվանումը գողանալու վերաբերյալ տարածվող կոնկրետ պնդումների բովանդակությունը, աղբյուրներն ու փաստական հիմքերը։
2. Պարզել՝ արդյոք այդ հայտարարությունները պարունակում են հանցագործության մասին գիտակցաբար կեղծ հաղորդման կամ այլ իրավախախտման հատկանիշներ՝ համապատասխան իրավական նորմերի կիրառմամբ։
3. Առկայության դեպքում իրավական գնահատական տալ հնարավոր զրպարտությանը, իմ բարի համբավին վնաս հասցնող հրապարակային մեղադրանքներին և օրենքով նախատեսված այլ հնարավոր խախտումներին։
4. Ապահովել, որ իմ հաղորդումը քննվի օբյեկտիվորեն՝ առանց որևէ անձի մեղավորությունը նախապես կանխորոշելու։
5. ստուգել՝ արդյոք առկա են սուտ մատնության հատկանիշներ, և դրանց առկայության դեպքում տալ համապատասխան իրավական գնահատական։
Ընդգծում եմ՝ այս հրապարակմամբ որևէ անձի հանցավորությունը հաստատված չեմ համարում։ Խնդրում եմ ստուգել փաստերը և իրավական հետևություններ անել միայն օրենքով սահմանված կարգով ձեռք բերված տվյալների հիման վրա։
Իմ դիրքորոշումը հստակ է․ «Պառլամենտ» ամսագրի 16-ամյա պատմությունը, դրա ստեղծման և գործունեության վերաբերյալ փաստաթղթերը չեն կարող անտեսվել կամ փոխարինվել չհիմնավորված մեղադրանքներով։ Եթե որևէ մեկը պնդում է, որ ես գողացել եմ ամսագիրը կամ դրա անվանումը, ապա պարտավոր է ներկայացնել իր պնդման փաստական հիմքերը, իսկ իրավասու մարմինները պետք է ստուգեն դրանք օրենքով սահմանված կարգով։
Հարգանքով՝
Գայանե Ջհանգիրյան
«Պառլամենտ» ամսագրի հիմնադիր և գլխավոր խմբագիր
22.10.26թ.
«Զանգեզուրի պղնձամոլիբդենային կոմբինատի» (ԶՊՄԿ) գլխավոր տնօրենի տեղակալ և կայուն զարգացման գծով տնօրեն Արմեն Ստեփանյանը մասնակցել է «Արժեքների արդյունահանում, բնության վերականգնում. արդյունաբերական հետքից մինչև էկոլոգիական նախագիծ» խորագրով ոչ ֆորմալ քննարկմանը, որն անցկացվել է COP17-ի շրջանակում Հայաստանում Ամերիկայի առևտրի պալատի (AmCham) ծրագրի մասով։
Ստեփանյանն ընդգծել է, թե ինչպես կարող են ընկալումներն ու կարծրատիպերը ստվերել բնության վրա արդյունաբերության ունեցած ազդեցության ընդհանուր պատկերը։
Նա նշեց, որ հանքարդյունաբերությունը հաճախ ասոցացվում է զգալի բնապահպանական հետքի և սահմանափակ գործողությունների հետ, մինչդեռ դրա ազդեցության հետքը բնության վրա կարող է էապես ավելի փոքր լինել, քան որոշ այլ ոլորտներինը:
Ի հակադրություն դրան՝ հանքարդյունաբերությունը կարող է շատ ավելի լավ արդյունքներ ցույց տալ իր ազդեցության հաշվետվողականության և կառավարման հարցում, քան ենթադրում է կարծրատիպային տեսակետը:
Նա նշեց, որ ԶՊՄԿ-ն այսօր Հայաստանի բոլոր ոլորտների միակ ընկերությունն է, որը պատվիրել է «Բնության հետ կապված ֆինանսական բացահայտումների աշխատանքային խմբի» (TNFD) հանձնարարականներին համահունչ հաշվետվություն:
Հայաստանում հանքարդյունաբերական որոշ այլ նախագծեր, մասնավորապես՝ Ամուլսարը, ունեն կենսաբազմազանության պահպանման ամենատեսանելի ծրագրերից մեկը՝ նախաձեռնություններ, որոնք արժանի են ավելի մեծ տեսանելիության բիզնեսի և բնության մասին քննարկումներում:
դիտվել է 114 անգամ
Լրահոս
Ամենաընթերցվածները
Շուտով
Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը
Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը
Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը
Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը
Հոկտեմբերի 23-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Հոկտեմբերի 22-ին՝ ժամը 14։00-ին, Հայելի ակումբի հյուրն է Անաստաս Իսրայելյանը
Հոկտեմբերի 22-ին՝ ժամը 11։30-ին, Հայելի ակումբի հյուրն է Գյուլնարա Ալեքսանյանը
Հոկտեմբերի 22-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Հոկտեմբերի 22-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը
Առանց խաղաղության համաձայնագրի TRIPP-ը խոցելի է, և Ալիևը շարունակելու է նոր զիջումներ պահանջել. Ուժեղ Հայաստան
Թուրքիայի կոմունիստական կուսակցությունը (TKP) Անկարայում բողոքի երթ է կազմակերպել Թուրքիայի, Սաուդյան Արաբիայի և Պակիստանի միջև ստորագրված Մեքքայի համատեղ պաշտպանության համաձայնագրի դեմ։
Կուսակցության ներկայացուցիչները պնդում են, որ այս համաձայնագիրը կարող է Թուրքիան ներքաշել տարածաշրջանային հակամարտությունների, մասնավորապես՝ Եմենի ճգնաժամի մեջ։ Նրանք դեմ են արտահայտվել երկրի երիտասարդներին օտար պետությունների շահերի համար պատերազմի ուղարկելու գաղափարին։
Երթի մասնակիցները վանկարկել են «Մենք չենք լինի ԱՄՆ-ի զինվորը», «Չենք լինի Իսրայելի զինվորը», «Չենք լինի սաուդցիների զինվորը» և «Այս երկիրն ու ժողովուրդը չեն վաճառվում» կարգախոսները։
Կուսակցության կենտրոնական կոմիտեի անդամ Ալի Ուֆուք Արըքանը նշել է, որ փաստաթուղթը խորհրդարան ներկայացվելու դեպքում վճռորոշ է լինելու պատգամավորների դիրքորոշումը։ Կուսակցությունն արդեն նամակ է հղել բոլոր պատգամավորներին՝ կոչ անելով դեմ քվեարկել համաձայնագրին։
«Այս երկիրն ու ժողովուրդը մեկ երիտասարդ անգամ չեն զոհաբերի օկուպանտների ու մարդասպանների համար», – հայտարարել է Արըքանը։
Ermenihaber
դիտվել է 105 անգամ
Լրահոս
Ամենաընթերցվածները
Շուտով
Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը
Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը
Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը
Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը
Հոկտեմբերի 23-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Հոկտեմբերի 22-ին՝ ժամը 14։00-ին, Հայելի ակումբի հյուրն է Անաստաս Իսրայելյանը
Հոկտեմբերի 22-ին՝ ժամը 11։30-ին, Հայելի ակումբի հյուրն է Գյուլնարա Ալեքսանյանը
Հոկտեմբերի 22-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Հոկտեմբերի 22-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը
Իրանի խորհրդարանի խոսնակ Մոհամմադ Բաղեր Ղալիբաֆը X-ի իր էջում հրապարակել է «Մատրիցա» ֆիլմի ոճով մեմ՝ ներկայացնելով Իրանի հետ պատերազմի հնարավոր հետևանքները Միացյալ Նահանգների համար։Մեմում պատկերված են 10 «սև հաբ», որոնք խորհրդանշում են ԱՄՆ ֆոնդային շուկայի անկումը, վառելիքի գների աճը, պետական պարտքի ավելացումը, ռազմական կորուստները և ամերիկացիների եկամուտների նվազումը։
«Պարտադիր չէ դրանցից որևէ մեկն ընդունել, բայց եթե այդ ընտրությունը կատարեք, ստիպված կլինեք ընդունել բոլորը»,- գրել է Ղալիբաֆը։
Նա նաև կոչ է արել «քանդել արհեստական մատրիցան» և թույլ չտալ, որ ԱՄՆ-ը ներքաշվի հակամարտության մեջ։
Հանրապետության տարածքում`
Հոկտեմբերի 23-ի գիշերը, 25-ի կեսօրից հետո, 26-ի գիշերն առանձին շրջաններում սպասվում է անձրև, հնարավոր է նաև ամպրոպ։ Հոկտեմբերի 23-ի ցերեկը, 24-ին, 25-ի գիշերը, 26-ի ցերեկը, 27-ին սպասվում է առանց տեղումների եղանակ։
Քամին՝ հարավարևմտյան՝ 2-5 մ/վ, 22-ին առանձին վայրերում սպասվում է քամու ուժգնացում՝ 18-23 մ/վ։
Օդի ջերմաստիճանը կնվազի 4-5 աստիճանով։
Երևան քաղաքում`
Հոկտեմբերի 25-ի երեկոյան սպասվում է անձրև, հնարավոր է նաև ամպրոպ, ամպրոպի ժամանակ սպասվում է քամու ուժգնացում՝ 17-20 մ/վ։ Հոկտեմբերի 23-24-ը, 25-ի գիշերը, 26-27-ը սպասվում է առանց տեղումների եղանակ։
Հետևեք մեզ՝ այստեղ
«Հրապարակ» թերթը գրում է. «Մեր տեղեկություններով, օրեր առաջ կալանավորվել է ՀՀ արդարադատության նախարարության քրեական օրենսդրության, քրեակատարողական եւ պրոբացիայի ոլորտի քաղաքականության մշակման վարչության պետ Կլարա Գասպարյանի նշանածը՝ նախկին քննիչ, ներկայում փաստաբան Հայկ Մարդյանը, որին մեղադրում են խարդախության ու հափշտակության գործով: Նրան տեղափոխել են «Վարդաշեն» ՔԿՀ։
Ընդ որում՝ մեղադրանքը չի առնչվում նրա փաստաբանական գործունեությանը։ Կլարա Գասպարյանը նախարար Սրբուհի Գալյանի «լյուբիմչիկներից» է (փոխնախարար Գալյանի օգնականն է եղել):
Մեր աղբյուրը հաղորդեց, որ նա կապվել է Քրեակատարողական ծառայության պետ Ծովինար Թադեւոսյանի հետ, «խնդրել», որ իր նշանածի համար նորմալ պայմաններ ապահովեն ՔԿՀ-ում. «Շուտով դուրս կհանենք էդտեղից, մի քանի շաբաթվա պատմություն է ընդամենը»։
Հակակոռուպցիոն կոմիտեից հաստատեցին մեր տեղեկությունը, որ վարույթներից մեկով Մարդյանն ունի մեղադրյալի կարգավիճակ, կատարվում է նախաքննություն։
դիտվել է 429 անգամ
Լրահոս
Ամենաընթերցվածները
Շուտով
Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը
Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը
Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը
Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը
Հոկտեմբերի 23-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Հոկտեմբերի 22-ին՝ ժամը 14։00-ին, Հայելի ակումբի հյուրն է Անաստաս Իսրայելյանը
Հոկտեմբերի 22-ին՝ ժամը 11։30-ին, Հայելի ակումբի հյուրն է Գյուլնարա Ալեքսանյանը
Հոկտեմբերի 22-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Հոկտեմբերի 22-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը