Category: Orer

Հասարակություն
24 Հուլիս, 2026 19:07

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնը տեղեկացնում է, որ Բյուրեղավան համայնքում 2026 թվականի հուլիսի 17-ից արձանագրված աղիքային վարակների դեպքերի առնչությամբ շարունակվում են համաճարակաբանական ուսումնասիրություններն ու կանխարգելիչ միջոցառումները։

«Համաճարակաբանական հետազոտության շրջանակում իրականացվել են խմելու ջրի և կենսաբանական նմուշների լաբորատոր հետազոտություններ։

Այս պահին՝

• նոր հիվանդության դեպքեր չեն արձանագրվել։

• հիվանդներից 2-ը շարունակում են ստանալ բուժում հիվանդանոցում, նրանց առողջական վիճակը գնահատվում է բավարար, իսկ մյուսները ապաքինվել են և դուրս գրվել բուժհաստատությունից։

Խմելու ջրի լաբորատոր հետազոտությունների արդյունքում կրկնակի վերցված նմուշներից 2-ում հայտնաբերվել են ընդհանուր կոլիֆորմ մանրէներ։ Նշված 2 հասցեների բնակիչները տեղեկացվել են, իսկ Բյուրեղավան խոշորացված համայնքի մյուս բնակիչները կարող են օգտվել ծորակի ջրից:

Ընդհանուր կոլիֆորմ մանրէները պայմանական ախտածին մանրէներ են և վկայում են խմելու ջրի հնարավոր աղտոտվածության մասին։ Դրանց առկայությունը կարող է նպաստել աղիքային վարակիչ հիվանդությունների առաջացմանը:

ՀՎԿԱԿ-ը շարունակում է մշտադիտարկումն ու անհրաժեշտ կանխարգելիչ միջոցառումների իրականացումը՝ բնակչության առողջության պահպանման և հնարավոր նոր դեպքերի կանխարգելման նպատակով»,- ասվում է հաղորդագրությունում։

Հիշեցնենք՝ վերջին 3 ամսում Բյուրեղավանում աղիքային վարակի երկրորդ դեպքն է գրանցվել, գանգատներով Աբովյանի բժշկական կենտրոն են դիմել քաղաքացիներ: Հոսպիտալացվածների մեծ մասը երեխաներ են: Բուժառուների կարծիքով՝ իրենց ինքնազգացողության վատացման պատճառը եղել է ջուրը:

Հետևեք մեզ՝ այստեղ

TV
24 Հուլիս, 2026 17:58

Այսօր Հակակոռուպցիոն դատարանում՝ դատավոր Լևոն Պետրոսյանի նախագահությամբ, տեղի է ունենում «Ուժեղ Հայաստան» կուսակցության անդամ, ԱԺ պատգամավոր ընտրված Դավիթ Ղազինյանի գործով առաջին դատական նիստը: Հիշեցնենք, որ վերջինս մեղադրվում է ենթադրյալ ընտրակաշառքի սին գործով:

Դատական նիստի ընթացքում ԵՊՀ Իրավագիտության ֆակուլտետի շրջանավարտ հանրային մեղադրողը միջնորդեց Դավիթ Ղազինյանի կալանքը փոփոխել 1 միլիարդ դրամի չափով գրավով, վարչական հսկողությամբ ու բացակայելու արգելքով:

Քաղաքական
24 Հուլիս, 2026 17:54

«Ուժեղ Հայաստան» կուսակցությունների դաշինքի պատգամավոր Դավիթ Ղազինյանի պաշտպանները միջնորդեցին փոխել նրա խափանման միջոցը, հաշվի առնելով հանգամանքը, որ վերջինն արդեն պատգամավորի կարգավիճակ է ստացել։ Դատարանն առաջնահերթության կարգով կքննի խափանման միջոցի փոփոխության հարցը։

Նշենք, որ Հակակոռուպցիոն դատարանում այսօր մեկնարկել է Ղազինյանին առնչվող գործի քննությունը։ Դատախազը հուլիսի 21-ին քրեական վարույթի նյութերը՝ հաստատված մեղադրական եզրակացությամբ, հանձնել էր Հակակոռուպցիոն դատարան։

« «Հակակոռուպցիոն կոմիտեում քննված քրեական վարույթով պարզվել է, որ «Ուժեղ Հայաստան» կուսակցությունների դաշինքի պատգամավորի թեկնածու Դ.Ղ.-ն, նույն դաշինքի Երևանի Վ. Փափազյան փողոցի 29 շենքի 73 հասցեում գործող գրասենյակի աշխատանքը փաստացի համակարգող Ա.Մ.-ի, դաշինքի համակիր Ա.Ս.-ի և այլ անձանց հետ նախնական համաձայնությամբ նախապատրաստվել է ընտրակաշառք տալ ընտրողներին՝ Ազգային ժողովի 2026 թվականի հունիսի 7-ին նշանակված հերթական ընտրություններին «Ուժեղ Հայաստան» կուսակցությունների դաշինքի օգտին քվեարկելու պայմանով։

Հանցավոր մտադրությունն իրագործելու նպատակով Դ.Ղ.-ն Ա.Ս.-ին է փոխանցել 1 միլիոն 400 հազար դրամ՝ ընտրակաշառք տալու համար օգտագործելու նպատակով, սակայն հանցակիցների միջև ընտրակաշառքի գումարը բաշխելու և ընտրողներին փոխանցելու եղանակների շուրջ առաջացած տարաձայնությունների պատճառով ծրագրված հանցագործությունը Դ.Ղ.-ի կամքից անկախ հանգամանքներով ավարտին չի հասցվել, իսկ գումարը հետագայում փոխանցվել է Ա.Մ.-ին:

Նույն քրեական վարույթով հանրային քրեական հետապնդումներ են հարուցվել նաև Ա.Մ.-ի, Ա.Ս.-ի, Լ.Ս.-ի, Ս.Հ.-ի, Գ.Հ.-ի, Հ.Գ.-ի և Պ.Ջ.-ի նկատմամբ՝ ընտրակաշառք տալու, ընտրակաշառք տալու նախապատրաստության և ընտրակաշառք ստանալու համար»,–նշված է մեղադրական եզրակացությունում։

TV
24 Հուլիս, 2026 10:14

Հանրային քննարկումը կազմակերպում են Հանրային դաշինք՝ իշխանությունների հակակշռման համար նախաձեռնությունը և Հայաքվե ազգային քաղաքացիական միավորումը։

Քաղաքական
22 Հուլիս, 2026 14:15

Թե որոշ իրավապահ մարմինների, թե Կենտրոնական ընտրական հանձնաժողովի գործողություններում հստակ միտում կար, որ Նարեկ Կարապետյանը որևէ կերպ ներկայացված չլինի Ազգային ժողովում։ Այս մասին ԿԸՀ-ի դիմաց լրագրողների հետ զրույցում ասաց «Ուժեղ Հայաստան» կուսակցության անդամ Արամ Վարդևանյանը:

«Ազգային ժողովում ներկայացվածություն ունեցող ուժերը, մինչև օգոստոսի 2-ն ի՞նչ պետք է իրականացնեն. կազմակերպչական, խմբակցության կազմավորման բնույթի և նախապատրաստական աշխատանքներ: Դա իրենից ենթադրում է կոնկրետ ԱԺ-ի առաջին նստաշրջանի նիստերի իրականացում: Հիմա իրենք ի՞նչ են ասում, ո՞նց են փորձում մեկնաբանել:

Ասում են՝ գիտե՞ք, մինչև օգոստոսի 2-ը եկեք մարդկանց կալանավորենք, բայց օգոստոսի 2-ին պետք է դուրս գան։ Այս աբսուրդը բացառելու համար Սահմանադրական դատարանը, դեռևս 2021 թվականի դեկտեմբեր ամսին, 16.19 որոշմամբ ուղիղ արձանագրել էր՝ այն անձը, ով պատգամավորի կարգավիճակ է ստանում, չի կարող լինել ազատազրկման պայմաններում, իր ազատությունը չի կարող սահմանափակվել, մեկ բացառություն կա՝ Ազգային ժողովի համաձայնությամբ, ինչպես քանիցս տեսել եք:

Հիմա ԿԸՀ-ն, Դատախազությունը, վստահ եմ՝ հետագայում, մի քանի ժամ անց քննչական մարմինը, պետք է փորձեն ՍԴ-ի որոշումը խախտելուն ուղղված գործողություն կատարել, բայց կանխավարկածը ո՞րն է: ԿԸՀ-ն անկախ Սահմանադրական մարմին է, որը պետք է երևի կաշկանդված լինի ոչ թե Դատախազության ցանկություններից, այլ ՍԴ-ի որոշումից, բայց իրավիճակն այլ է»։

Վարդեւանյանը նշեց` այն ինչ կատարվում է իրավունքից դուրս է։

TV
22 Հուլիս, 2026 13:00

«Դատարկ, փուչ, շինծու, անիմաստ և քաղաքական դրդապատճառներով պայմանավորված իրավական ֆարս է»,- Քննչական կոմիտեի ստորաբաժանման դիմաց ասաց ԲՀԿ անդամ, ԱԺ նախկին պատգամավոր Արման Աբովյանը։

Նրա խոսքով՝ իրավիճակը պարզից էլ պարզ է և այն, ինչը իրենք տեսնում են «դասական առումով քաղաքական հետապնդում է»։

«Քրեական գործի հետ կապված մամուլում զետեղված տեղեկատվությանը հպանցիկ ծանոթությունից հետո շատ պարզ մի իրողություն է ի հայտ գալիս, այդ իրողության տրամաբանության ներքո, պարոն ծառուկյանը ոչ թե պետք է մեղադրյալի կարգավիճակով ճանաչվի, այլ ճանաչվի տուժող, որովհետև այն, ինչը տեղի էր ունեցել՝ նոր պատմություն չէ»,- ասաց Աբովյանը։

Նա տեղեկացրեց, որ Իրանում այս գործի շրջանակներում իրավական գործընթացներ էին տեղի ունեցել և իրանական դատարանը որոշում էր ընդունել, որ  Գագիկ Ծառուկյանի հանդեպ է կատարվել, թե՛ մեքենայություն, թե՛ հանցագործություն։

Աբովյանը կրկնեց, որ գործում ոչ մի իրավական հիմքեր չկան։

 «Արդարությունը հապաղում է, բայց միշտ էլ վերջում գալիս է»,- ասաց Աբովյանը։
Աղբյուրը` Panorama.am