Category: Hayelia.am

«Մայր Հայաստան» կուսակցության նախագահ Անդրանիկ Թևանյանի ուղերձը՝ «Երևան-Կենտրոն» ՔԿՀ-ից։

Սիրելի՛ հայրենակիցներ,
Նիկոլական քստմնելի ու անբարոյական, ապօրինի հրահանգով կալանավորել են «Մայր Հայաստան» կուսակցության վարչության անդամ Արեգնազ Մանուկյանին։ Այսինքն՝ մեր կուսակցության դեմ տոտալ հարձակումը շարունակվում է։ Ըստ ամենայնի, դա արվում է իմ դեմ շինծու գործի շրջանակում։ ՔԿ-ն գործ «կարելու» հրահանգը ստացել է ու «կարել» է։ Հիմա անցել է ակնհայտ ահաբեկչության և կարմիր գծերը հատող ապօրինի գործողությունների։
Նիկոլի մեթոդներով կալանավորեցին Գագիկ Ծառուկյանին։ Հիմա անցան նախկին պատգամավոր Արեգնազ Մանուկյանին։
Օրեր առաջ խուզարկել էին «Մայր Հայաստան» վարչության մեկ այլ անդամ Երվանդ Բոզոյանի բնակարանը։
Եթե այս ապօրինությունների ու բռնաճնշումների դեմը միասնական ջանքերով չառնենք, ապա վաղը Հայաստանի քաղաքական դաշտում որևէ ընդդիմադիր գործիչ ազատության մեջ չի լինելու։
Թուրք-ադրբեջանական օրակարգը սպասարկող Նիկոլ Փաշինյանը պարտավորվել է իր աթոռը պահելու դիմաց՝ Հայաստանի հաշվին զիջումների գնալ։ Դրա համար էլ ամայացնում է քաղաքական դաշտն ու կալանավորում ընդդիմախոսներին։
Ի դեպ, իր բրիֆինգում զիջումների անոնսն արդեն տվեց՝ նախապես իր զիջումների գլխավոր պատասխանատու նշանակելով, իբր, իրեն ձայն տված ՀՀ քաղաքացիների մեծամասնությանը։
Արցախի ճակատագրից խուսափելու միակ տարբերակը համատարած դիմադրությունն է։
Սիրելի՛ ժողովուրդ,
Այս ամենը հարձակում չէ առանձին վերցրած մեկ կուսակցության կամ անձանց դեմ։ Սա հարձակում է հայկական պետականության, մեր արժեքների ու բոլորիս դեմ։
Անդրանիկ Թևանյան
«Երևան-Կենտրոն» ՔԿՀ
10.07.2026

Հայաստանի ազգային հավաքականի նախկին դարպասապահ Ռոման Բերեզովսկին նշանակվել է Կոստրոմայի «Սպարտակի» գլխավոր մարզիչ: Այդ մասին հայտնում է ռուսական ակումբի մամուլի ծառայությունը, հաղորդում է armsport.am-ը։

51-ամյա Բերեզովսկին, գլխավորելով թիմը, կպահպանի նաև դարպասապահների մարզչի իր պաշտոնը, որն զբաղեցնում էր ընթացիկ տարվա հունիսից:

Նոր մրցաշրջանից առաջ կոստրոմյան ակումբում անսպասելի մարզչական փոփոխություններ են տեղի ունեցել: Հուլիսի 10-ին «Սպարտակը» պաշտոնանկ էր արել Ռինատ Բիլյալետդինովին, ում մարզչական շտաբում էլ ընդգրկված էր Բերեզովսկին: Բիլյալետդինովը թիմը գլխավորել էր ընդամենը 46 օր և հեռացվել՝ այդպես էլ ոչ մի պաշտոնական հանդիպում չանցկացնելով։

Այսպիսով, Pari Առաջին լիգայի 2026/2027 մրցաշրջանը Կոստրոմայի թիմը կսկսի Բերեզովսկու գլխավորությամբ։ Արդեն կիրակի՝ հուլիսի 12-ին, թիմը առաջին տուրի շրջանակում սեփական հարկի տակ կընդունի Նաբերեժնիե Չելնիի «ԿԱՄԱԶ»-ին։

Որպես ֆուտբոլիստ՝ Բերեզովսկին հանդես է եկել ռուսական մի շարք ակումբներում, այդ թվում՝ Մոսկվայի «Դինամոյում», «Տորպեդոյում», «Խիմկիում» և Սանկտ Պետերբուրգի «Զենիթում», որի կազմում դարձել է Ռուսաստանի գավաթակիր:

Մեր Տեր և Փրկիչ Հիսուս Քրիստոսի Պայծառակերպության (Վարդավառի) տոնի նախաշեմին, Դվինի Սուրբ Հարություն եկեղեցու հոգևոր հովվի հրավերով, Մասյացոտնի թեմի առաջնորդ Գերաշնորհ Տեր Ռուբեն եպիսկոպոս Զարգարյանն այցելեց եկեղեցու երիտասարդաց միության անդամներին։

Այցը սկսվեց Սուրբ Հարություն եկեղեցում կատարված միասնական աղոթքով, որից հետո եկեղեցու կից սրահում տեղի ունեցավ ջերմ ու անմիջական հանդիպում։

Զրույցի ընթացքում Սրբազան հայրը խոսեց Պայծառակերպության տոնի հոգևոր խորհրդի, ինչպես նաև երիտասարդների՝ եկեղեցական կյանքում ունեցած կարևոր առաքելության մասին։

Մեկնաբանելով Պողոս առաքյալի հայտնի խոսքը, թե «հավատքը լսելուց է», Թեմակալ առաջնորդը նշեց, որ քրիստոնեական կյանքի հիմքը Աստծո խոսքին ականջալուր լինելն է։ Անդրադառնալով Պայծառակերպության ավետարանական դրվագին՝ նա հիշեցրեց Աստծո ձայնը, որ հնչեց Թաբոր լեռան վրա.

«Սա՛ է իմ սիրելի Որդին, Նրա՛ն լսեցեք» (Մատթ. 17:5):

Ռուբեն Սրբազանը շեշտեց, որ Պայծառակերպության տոնի խորհուրդը յուրաքանչյուր հավատացյալին ուղղված կոչ է՝ լսելու և հետևելու Աստծո Միածին Որդուն, որովհետև հենց Նրանով է պայծառակերպվում, նորոգվում և զորանում քրիստոնյայի հոգին։

Հանդիպման առանձնահատուկ պահերից մեկը Սրբազան հոր երախտագիտության և քաջալերանքի խոսքն էր՝ ուղղված այն երիտասարդներին ու ներկաներին, ովքեր նախորդ օրերին իրենց ակտիվ ու նվիրյալ մասնակցությունն էին բերել Դվինի Սուրբ Հարություն եկեղեցու հոգևոր բակային ճամբարի կազմակերպչական աշխատանքներին։

Թեմակալ առաջնորդը բարձր գնահատեց նրանց եկեղեցանվեր ծառայությունն ու կամավորական ոգին՝ ընդգծելով, որ պատանի սերնդի հոգևոր դաստիարակությանն ուղղված յուրաքանչյուր ջանք Եկեղեցու վաղվա օրվա ամուր հիմքն է։

Հանդիպման ավարտին Ռուբեն Սրբազանը իր հայրական օրհնությունը բաշխեց ներկաներին՝ մաղթելով, որ Թաբոր լեռան աստվածային լույսը մշտապես լուսավորի և առաջնորդի նրանց կյանքի ճանապարհը, զորացնի բարի գործերում և եկեղեցանվեր առաքելության մեջ։

ՀՖՖ նոր ընդունված կանոնակարգը լեգիոներների սահմանափակման մասին «Նոային» ստիպեց բաժանվել ակումբում մեծ ներդրում ունեցած Իմրան Ուլադ Օմարից։ Այս մասին տեղեկանում ենք armsport.am կայքից։

Մամուլում լուրեր է շրջանառվել այն մասին, որ «Նոան» Իմրան Ուլադ Օմարից համաձայնել է բաժանվել, քանի որ պայմանավորվածություններ է ունեցել արտասահմանցի այլ նորեկների հետ, և լեգեոնականների նոր սահմանաչափն ակումբին հնարավորություն չի տվել Իմրանին պահել թիմում:

Ինսայդեր Սուրեն Մելիքսեթյանն իր միկրոբլոգում հայտնել է, որ Յան Էտեկին և Ֆոֆանա Բիլալը ծանր վնասվածք են ստացել և կրկին լեգեոնականների նոր սահմանաչափով պայմանավորված մրցաշրջանի առաջին հատվածում չեն լինելու «Նոայի» հայտացուցակում: Արդեն ձմռանը «Նոան» ստիպված է լինելու կամ խզել պայմանագրերը Էտեկիի և Բիլալի հետ, կամ բաժանվել այլ լեգեոնականներից, որպեսզի կարողանա հայտավորել 2 ֆուտբոլիստներին:

Հյուսիսային Մակեդոնիայի մայրաքաղաք Սկոպյեում ընթացող մինչև 20 տարեկանների Եվրոպայի առաջնությունում 79 կգ քաշային Նարեկ Նիկողոսյանը, հաշվի մեջ մեծ տարբերությամբ զիջելիս լինելով, տուշեով հաղթանակի է հասել Ադրբեջանի ներկայացուցչի նկատմամբ ու կկանգի պատվո հարթակի 3-րդ աստիճանին։

Այդ մասին հայտնում է Հայաստանի ըմբշամարտի ֆեդերացիան:

Արգենտինայի ազգային հավաքականի ավագ և առաջատար Լիոնել Մեսսին սոցիալական ցանցերի իր էջերում գրառում է կատարել՝ կիսվելով ԱԱ-2026-ի քառորդ եզրափակիչում Շվեյցարիայի նկատմամբ տարած ծանրագույն հաղթանակի (3:1) և կիսաեզրափակիչ դուրս գալու էմոցիաներով։ Այս մասին տեղեկանում ենք armsport.am կայքից:

Աշխարհի գործող չեմպիոնների ավագն ընդգծել է թիմի կամային որակներն ու հաղթանակի հանդեպ անկոտրում հավատը:

«Մենք ստիպված էինք կրկին տառապել, բայց այս թիմը երբեք չի դադարում հավատալ։ Այժմ մենք նորից աշխարհի լավագույն չորս հավաքականների շարքում ենք։ Առա՜ջ»,- գրել է Լեոն՝ դիմելով արգենտինացի երկրպագուներին։

Հիշեցնենք, որ ԱԱ-2026-ի կիսաեզրափակիչում Արգենտինան ուժերը կչափի Անգլիայի ընտրանու հետ, որն ավելի վաղ լրացուցիչ ժամանակում հաղթահարել էր Նորվեգիայի արգելքը։ Այս գերսկզբունքային և սպասված դիմակայությունը կկայանա հուլիսի 15-ին ԱՄՆ-ի Ատլանտա քաղաքի «Մերսեդես-Բենց» մարզադաշտում։ Հանդիպման մեկնարկային սուլիչը կհնչի Երևանի ժամանակով 23:00-ին:

«Լույս էիր, անմեղ ու խելացի։ Հրեշտակ դարձար, մեր` բոլորի կողմից շատ սիրված Վռամիկ ջան։ Անսահման վիշտ ու ցավ ենք ապրում քեզ համար։

Համբերություն ծնողներին, հարազատներին և Ախուրյանի թիվ 1 հիմնական դպրոցի ողջ անձնակազմին», – Ախուրյանի թիվ 1 հիմնական դպրոցի ֆեյսբուքյան էջում ցավակցել են սանի ընտանիքին։

Ավելի վաղ «Հրապարակ»-ը գրել էր․ «Գյումրիի «Սև բերդ» ամրոցի տարածքում տեղի ունեցած ողբերգական պատահարի հետևանքով մահացել է 12-ամյա Վ. Ա.-ն։ Նախնական տվյալներով՝ երեխան հեծանիվ վարելիս կորցրել է կառավարումն ու հավասարակշռությունը, ինչի հետևանքով բախվել է պատին։

Դեպքից հետո նա ծայրահեղ ծանր վիճակում տեղափոխվել է «Գյումրի» բժշկական կենտրոն, սակայն բժիշկներին չի հաջողվել փրկել նրա կյանքը․ ստացած վնասվածքները կյանքի հետ անհամատեղելի էին։

Մահացած տղան Ախուրյան խոշորացված համայնքի բնակիչ էր, ընտանիքի կրտսեր որդին և սովորում էր Ախուրյանի թիվ 1 հիմնական դպրոցում»։

Այսօր Հայ Առաքելական Սուրբ եկեղեցու հինգ տաղավար տոներից մեկն է՝ Քրիստոսի Պայծառակերպության տոնը՝ Վարդավառը: Այն շարժական տոն է և ըստ եկեղեցական տոնացույցի՝ նշվում է Զատիկից 98 օր հետո՝ կիրակի օրը՝ հունիսի 28-ից օգոստոսի 1-ն ընկած հատվածում: Այդ մասին Ֆեյսբուքի իր էջում գրել է ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը:
«Վերջին 19 տարիների ընթացքում Վարդավառը ամենաշուտը նշել ենք 2008 թվականի հունիսի 29-ին, իսկ ամենաուշը՝ 2011 թվականի հուլիսի 31-ին։
Ամենազով Վարդավառը եղել է 2024-ի հուլիսի 22-ին, երբ Երևանում գրանցվել է ընդամենը +30.0 °C, իսկ ամենատաքը՝ 2011-ի հուլիսի 31-ին՝ +40.8 °C Երևանում։
Նույն օրը Մեղրիում գրանցվել է Հայաստանի երբևիցե դիտված ամենաբարձր ջերմաստիճանը՝ +43.7 °C»,- գրել է նա:

Այսօր` հուլիսի 12-ին, ավտովթար է տեղի ունեցել Գեղարքունիքի մարզում։ Ժամը 10։00-ի սահմաններում Սևան-Մարտունի-Գետափ ավտոճանապարհի 11-րդ կմ հատվածում Գեղարքունիքի մարզի բնակիչ 36-ամյա Գոռ Խ.-ն իր վարած «Kia Forte» մակնիշի ավտոմեքենայով դուրս է եկել ճանապարհի երթևեկելի գոտուց, բախվել քարերին և գլխիվայր հայտնվել ձորակում։

Shamshyan.com-ի տեղեկություններով՝ վթարի հետևանքով վարորդը մարմնական վնասվածքներով տեղափոխվել է «Սևան» բժշկական կենտրոն։

Վթարի փաստով Սևանի քննչական բաժնում նախաձեռնվել է քրեական վարույթ։ Ավտոմեքենան տեղափոխվում է ոստիկանության Սևանի բաժնի պահպանվող հատուկ տարածք։

ԱՄՆ-ում, Կանադայում և Մեքսիկայում ընթացող ֆուտբոլի 2026 թվականի աշխարհի առաջնության քառորդ եզրափակիչում Անգլիայի հավաքականը լարված ու սկանդալային պայքարում կամային հաղթանակ տարավ Նորվեգիայի նկատմամբ և նվաճեց կիսաեզրափակիչի ուղեգիր։ Այս մասին տեղեկանում ենք ArmSport.am կայքից։

Մայամիի «Հարդ Ռոք» մարզադաշտում կայացած հանդիպման հիմնական ժամանակն ավարտվեց 1:1 հաշվով, իսկ լրացուցիչ ժամանակում անգլիացիներն առավելության հասան 2:1 հաշվով։

Հաշիվը 36-րդ րոպեին բացեց նորվեգացիների կիսապաշտպան Անդրեաս Շելդերուպը։ Առաջին խաղակեսին ավելացված ժամանակում անգլիացիների կազմում հավասարությունը վերականգնեց Ջուդ Բելինգհեմը: Այս գոլը մեծ դժգոհությունների տեղիք տվեց. նորվեգացի ֆուտբոլիստները պնդում էին, որ իրենց դարպասապահ Էրյան Նյուլանդի հարվածից հետո գնդակը դիպել է մարզադաշտի «սարդ-տեսախցիկի» (spider-cam) ճոպանին, ինչից հետո հայտնվել է անգլիացիների մոտ, որոնք էլ անմիջապես սկսել են գոլային գրոհը։ Չնայած բողոքներին՝ ֆրանսիացի գլխավոր մրցավար Կլեման Տյուրպենը որոշեց վավերացնել դարպասի գրավումը։

Երկրորդ խաղակեսում կրքերը շարունակեցին բորբոքվել։ 55-րդ րոպեին նորվեգացի պաշտպան Տորբյորն Հեգեմն անկյունայինի խաղարկումից հետո գնդակն ուղարկեց Անգլիայի դարպասը, սակայն Տյուրպենը VAR համակարգի միջամտությունից և կրկնապատկերը դիտելուց հետո չեղարկեց գոլը՝ արձանագրելով, որ փոխանցման պահին Էրլինգ Հալանդը խախտել էր կանոնները Էլիոթ Անդերսոնի նկատմամբ։

Հաղթողին պարզելու համար պահանջվեց լրացուցիչ ժամանակ: 93-րդ րոպեին Ջուդ Բելինգհեմը, դառնալով դուբլի հեղինակ, առաջ մղեց Անգլիային: Քիչ անց՝ 99-րդ րոպեին, գլխավոր մրցավարը 11-մետրանոց նշանակեց Նորվեգիայի դարպասին (Օսկար Բոբի կողմից Ջեդ Սպենսի նկատմամբ թույլ տված խախտման համար), սակայն կրկին դիմելով VAR-ի օգնությանը՝ չեղարկեց իր իսկ կայացրած որոշումը:

Այս խաղում դառնալով դուբլի հեղինակ՝ Բելինգհեմն իր արդյունավետ գործողությունների քանակը խոշոր մրցաշարերում (ԱԱ և ԵԱ) հասցրեց 12-ի (9 գոլ, 3 գոլային փոխանցում)՝ հավասարվելով անգլիական ֆուտբոլի լեգենդ Գարի Լինեկերին։ Ավելի բարձր ցուցանիշ անգլիացիների կազմում ունեն միայն Հարի Քեյնը (25) և Դևիդ Բեքհեմը (14)։

Հիշեցնենք, որ նախորդ փուլում նորվեգացիները 2:1 հաշվով տպավորիչ հաղթանակ էին տարել Բրազիլիայի նկատմամբ, իսկ Անգլիան լարված խաղում 3:2 հաշվով ուժեղ էր գտնվել Մեքսիկայից:

ԱԱ-2026-ի կիսաեզրափակիչում Անգլիայի ազգային հավաքականը կմրցի Արգենտինա – Շվեյցարիա զույգի հաղթողի հետ։