Category: FreeNews

ՀՀ քննչական կոմիտեի Արարատի մարզային քննչական վարչությունում նախաձեռնված քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ 2026 թվականի հունիսի 13-ին երեք անչափահասներ, ձեռք բերված պայմանավորվածության համաձայն, եկեղեցու հարակից տարածքում հանդիպել են անչափահաս տուժողին, որտեղ փոխլրացնելով միմյանց գործողությունները՝ հարվածներ հասցրել վերջինիս մարմնի տարբեր հատվածներին, քաշքշել մազերից, հնչեցրել հայհոյանքներ և այդ ամենը տեսանկարահանել բջջային հեռախոսով և տեղադրել համացանցում: Այս մասին տեղեկացնում են ՀՀ քննչական կոմիտեից:

Նախաքննության ընթացքում երեք անչափահասի նկատմամբ հսկող դատախազի որոշմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 2-րդ մասի 1-ին և 3-րդ կետերով (խուլիգանությունը, որը կատարվել է մի խումբ անձանց կողմից՝ տեղեկատվական և հաղորդակցական տեխնոլոգիաներն օգտագործելով):

Նրանց նկատմամբ որպես խափանման միջոց կիրառվել է դաստիարակչական հսկողությունը և բացակայելու արգելքը: 

Քրեական վարույթը մեղադրական եզրակացությամբ ուղարկվել է հսկող դատախազին։

Ավելի վաղ համացանցում տեսանյութ էր տարածվել, թե ինչպես են մի խումբ աղջիկներ ֆիզիկական բռնություն գործադրում, վիրավորական արտահայտություններ հնչեցնում մեկ այլ աղջկա նկատմամբ։

Ազգային ժողովի նիստում Վահագն Ալեքսանյանն անդրադարձավ ընդդիմադիր պատգամավորների քաղաքական անցյալին, նրանց կապերին նախկին իշխող ուժի հետ, ինչպես նաև սոցիալական ու պաշտպանական ոլորտների խնդիրներին։

Ալեքսանյանը հայտարարեց, որ ընդդիմադիր խմբակցության անդամների մեծ մասն ուղղակի կամ անուղղակի կապեր ունի նախկին իշխող Հանրապետական կուսակցության (ՀՀԿ) հետ.

«Նախ եկեք ֆիքսենք, որ դուք նոր «Հանրապետական» կուսակցությունն եք»։

ԱԺ փոխնախագահը թվարկեց խմբակցության մի շարք անդամների (պարոնայք Կարապետյան, Դարբինյան, Թամրազյան, Մնացականյան, Ղազարյան, Մանուչարյան, Մանուկյան, Ասլանյան և տիկին Ավետիսյան), որոնք կա՛մ հանդիսացել են կուսակցության անդամներ, կա՛մ նրանց հայրերը զբաղեցրել են բարձր պաշտոններ նախկին իշխանությունների օրոք։

Սևանա լճի ափին կայացած «Վարչաֆեստ» փառատոնը վերածվել է իսկական էներգիայի, սպորտի և վառ հույզերի տոնի։ Փառատոնի կազմակերպիչները «Ֆեյսբուք»-ում կիսվել են տոնական մթնոլորտի դրվագներով:

Փառատոնի մասնակիցները հնարավորություն ունեն վայելելու ոչ միայն որակյալ երաժշտություն, այլև ներգրավվելու տարաբնույթ ակտիվություններում, սպորտային խաղերում:

«Անսպառ էներգիա, խաղեր ու անմոռանալի հույզեր Սևանի ափին։ «Վարչաֆեստ»-ում երաժշտությունից զատ վայելեցինք տարաբնույթ ակտիվություններ, սպորտային խաղեր ու լցվեցինք վառ հիշողություններով։ Մեզ հետ միասին վերապրեք այս գեղեցիկ պահերը, որ անցկացրինք միասին»,- նշված է փառատոնի ֆեյսբուքյան պաշտոնական էջի հրապարակման մեջ։