Category: FreeNews

ԱՊՀ անդամ պետությունների ղեկավարների խորհրդի հերթական նիստին հանդես եկա ելույթով: Ելույթը վարչապետ Նիկոլ Փաշինյանը հրապարակել է Ֆեյսբուքի իր էջում:

«Հասել ենք անհնարինի, և մեզ անհրաժեշտ է ամեն օր հոգ տանել ձեռք բերված խաղաղության մասին»,- ասել է վարչապետն իր ելույթի ժամանակ:

Ադրբեջանցիների ներթափանցման մասին տարածված տեղեկությունները չեն համապատասխանում իրականությանը, այս մասին հայտնել են ԱԱԾ-ից։ Ավելի վաղ ԶԼՄ-ներում տեղեկություններ էին տարածվել, որ Մեղրիի մոտ գիշերվանից ԱԹՍ-ներով փնտրում են երեք ենթադրյալ ադրբեջանցիների։

«Հուսով եմ՝ Հայաստանը նույնպես որոշում կկայացնի ստանձնել ԱՊՀ-ում նախագահությունը՝ հերթականությանը համապատասխան, 2029 թվականին»:

Այս մասին Թուրքմենստանում ԱՊՀ պետությունների ղեկավարների խորհրդի նիստում ունեցած ելույթում ասել է Բելառուսի նախագահ Ալեքսանդր Լուկաշենկոն:

«Հուսով եմ՝ Հայաստանը նույնպես որոշում կկայացնի իրականացնել այս պատվավոր գործառույթը՝ հերթականությանը համապատասխան, 2029 թվականին»,- ասել է Լուկաշենկոն: Նա Ադրբեջանի՝ 2028 թվականին համագործակցությունում նախագահելու որոշումը պատմական պահ է անվանել։

«Մեր կազմակերպության զարգացման նոր փուլը հարգարժան Իլհամ Հեյդարիչի որոշումն է՝ առաջին անգամ ստանձնել նախագահությունը 2028 թվականին։ Սա, անշուշտ, պատմական պահ է։ Այդ մասին ասել է նաև հենց նախագահը»,- ասել է նա:

Բելառուսի նախագահը նաև շնորհակալություն է հայտնել իր ուզբեկ գործընկեր Շավքատ Միրզիյոևին՝ 2027 թվականին ԱՊՀ-ում նախագահությունը ստանձնելու Ուզբեկստանի համաձայնության համար։

«Վստահ եմ՝ ուզբեկ ընկերները, ինչպես միշտ, արժանավայել կկատարեն այս առաքելությունը: Բելառուսը ձեզ առավելագույն աջակցություն կցուցաբերի և ակտիվորեն կմասնակցի բոլոր գործընթացներին»,- վստահեցրել է Լուկաշենկոն։

Թուրքմենստանում տեղի է ունեցել Հայաստանի Հանրապետության վարչապետ Նիկոլ Փաշինյանի և Իրանի Իսլամական Հանրապետության նախագահ Մասուդ Փեզեշքիանի հանդիպումը:

ՀՀ վարչապետի աշխատակազմից հայտնում են, որ զրուցակիցները կարևորել են երկկողմ բարձր մակարդակի ինտենսիվ շփումները և գոհունակությամբ նշել, որ դրանք նպաստում են Հայաստան-Իրան հարաբերությունների հետևողական զարգացմանն ու ընդլայնմանը:

Վարչապետն ընդգծել է, որ երկու երկրներն ունեն համագործակցության հագեցած օրակարգ և իրանական ընկերությունները ներգրավված են Հայաստանում իրականացվող ռազմավարական նախագծերում:

Կողմերը համոզմունք են հայտնել, որ առաջիկայում Հայաստան-Իրան հարաբերությունները կբարձրանան նոր մակարդակի: Շեշտվել է նաև առաջիկայում նախատեսվող բարձր մակարդակի փոխայցելությունների կարևորությունը:

Նիկոլ Փաշինյանը և Մասուդ Փեզեշքիանը մտքեր են փոխանակել երկկողմ հետաքրքրություն ներկայացնող այլ հարցերի շուրջ: