Category: Ambion.news

ԿԸՀ-ն քննարկում է «Ուժեղ Հայաստան» դաշինքի պատգամավորի թեկնածու Նարեկ Կարապետյանին ազատությունից զրկելու միջնորդությունները

Հայաստանի Հանրապետության Կենտրոնական ընտրական հանձնաժողովի (ԿԸՀ) ներկայացուցիչը հայտարարել է, որ ՀՀ գլխավոր դատախազին առընթեր հատուկ հանձնարարություններով դատախազի կողմից ներկայացվել է երկու միջնորդություն։ Դրանք վերաբերում են 2026 թվականի հունիսի 7-ի Ազգային ժողովի ընտրություններին մասնակցած «Ուժեղ Հայաստան» կուսակցությունների դաշինքի ընտրական ցուցակում ընդգրկված պատգամավորի թեկնածու Նարեկ Կարենի Կարապետյանի նկատմամբ քրեական հետապնդում հարուցելու և վերջինիս ազատությունից զրկելու վերաբերյալ համաձայնություն ստանալուն։ Քանի որ թեկնածուներն օրենքով օժտված են անձեռնմխելիությամբ, իրավական գործընթացը պահանջում է ԿԸՀ պաշտոնական թույլտվությունը։

Լոռու մարզի Վահագնաձոր գյուղի մուտքի մոտ բեռնատար մեքենա է կողաշրջվել: Բարեբախտաբար, վարորդն անվնաս դուրս է եկել մեքենայից:

© Սարո Բաղդասարյան

Այսօր իմ ծննդյան օրն է… 🎂

Եվ այս տարի ամենաշատը շնորհակալ եմ։

Շնորհակալ եմ Աստծուն՝ ապրելու, պայքարելու, սիրելու և երբեք չհանձնվելու ուժի համար։ Շնորհակալ եմ ընտանիքիս, ընկերներիս, իմ հանդիսատեսին ու բոլոր նրանց, ովքեր եղել են կողքիս ոչ միայն ուրախ, այլև դժվար օրերին։

Կյանքը միշտ չէ, որ հեշտ է եղել, բայց այն ինձ սովորեցրել է գնահատել ամեն մի օրը, ամեն մի ժպիտը և ամեն մի անկեղծ մարդուն։

Այս նոր տարում միայն մեկ ցանկություն ունեմ՝ թող սերը, խաղաղությունն ու բարությունը երբեք չպակասեն մեր կյանքից, իսկ ամենաթանկ մարդկանց միշտ գրկելու հնարավորություն ունենանք։ Շնորհակալ եմ յուրաքանչյուրիդ՝ ձեր ջերմ խոսքերի, սիրո և բարեմաղթանքների համար։ Դրանք ինձ համար իսկապես մեծ արժեք ունեն։❤️🙏

Խ․ Աբովյանի անվան հայկական պետական մանկավարժական համալսարանում տեղի է ունեցել հոգաբարձուների խորհրդի հերթական նիստը, որը վարել է ԿԳՄՍ նախարար, խորհրդի նախագահ Ժաննա Անդրեասյանը։ Նիստին մասնակցել են նախարարի տեղակալ Արաքսիա Սվաջյանը, խորհրդի այլ անդամներ:

Օրակարգի առաջին հարցով ՀՊՄՀ ռեկտորի ժամանակավոր պաշտոնակատար Լիլիթ Մկրտչյանը հանդես է եկել hամալսարանի զարգացման 2026-2030 թվականների ռազմավարական ծրագրի և դրա իրականացման գործողությունների պլանի վերաբերյալ զեկույցով:

ԿԳՄՍ նախարար Ժաննա Անդրեասյանն ընդգծել է, որ համալսարանի զարգացման ռազմավարությունը պետք է ունենա հստակ թիրախներ և արդյունքային ցուցանիշներ՝ շեշտելով, որ ռազմավարական ծրագրի կարևորագույն նպատակներից մեկը պետք է լինի ուսանողների թվի աճը։ Նա նաև կարևորել է մասնագիտությունների համապատասխանեցումը ժամանակակից պահանջներին, կառավարման արդյունավետության շարունակական բարելավումը և համալսարանում հետազոտական գործունեության զարգացումը։ Ըստ նախարարի՝ անհրաժեշտ է նախատեսել կրթական հետազոտությունների կենտրոնի ձևավորում, որը կդառնա ինչպես համալսարանի, այնպես էլ կրթական համակարգի կարևոր ռեսուրսներից մեկը։

Ավելին՝ https://escs.gov.am/articles/news/46

Երևանում հուլիսի 8-ի ցերեկը, 9-ի գիշերը սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 17–20 մ/վ արագությամբ։ Հուլիսի 9-ի ցերեկը, 10-13-ին սպասվում է առանց տեղումների եղանակ։

Հանրապետության տարածքում հուլիսի 8-ի ցերեկը, 9-ի գիշերը շրջանների զգալի մասում, 9-ի ցերեկը, 10-13-ին՝ կեսօրից հետո առավելապես հյուսիսային շրջաններում սպասվում է կարճատև անձրև և ամպրոպ, առանձին վայրերում սպասվում է նաև կարկուտ։ Հուլիսի 8-ի ցերեկը, 9-ի գիշերը առանձին հատվածներում անձրևները կլինեն հորդառատ։ Քամին`արևմտյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 18-23 մ/վ արագությամբ։

Այսօր՝ հուլիսի 8-ին, ժամը 08:50-ի սահմաններում, Ֆուչիկ-Բեկնազարյան փողոցների խաչմերուկում շղթայական ավտովթարի ընթացքում բախվել են «Mercedes», «Chevrolet», «Kia» և «Toyota» մակնիշի մեքենաները։ Վթարի հետևանքով 3 հոգի վիրավորվել են։

Դեպքի վայրից ֆոտոլրագրող Գագիկ Շամշյանը հայտնում է, որ ըստ դեպքի վայրում հավաքվածների՝ օպերատիվորեն են ժամանել ՀՀ ՆԳՆ Փրկարար ծառայության Երևանի թիվ 7-րդ հրշեջ-փրկարարական ջոկատի փրկարարներն ու Երևանի 103 շտապօգնության բժիշկների հերթապահ խմբերը, վիրավորները տեղափոխվել են Երևանի տարբեր հիվանդանոցներ։

Վթարի փաստով քննչական բաժնում նախաձեռնվել է քրեական վարույթ, պարզվում են ավտոմեքենաների սեփականատերերի, վարորդների և վիրավորների տվյալները։ Ֆոտոլրագրողի տեղեկություններով՝ «Kia»-ն և «Toyota»-ն եղել են կայանված, վնասվել է նաև բնակչին պատկանող շինության մի հատված։

ԲՀԿ առաջնորդ Գագիկ Ծառուկյանի դուստրը հայտարարել է, որ ընտանիքն արդեն մեկ անգամ անցել է նման փորձությունների միջով, սակայն, իր խոսքով, առավել մտահոգիչը երկրի համար հնարավոր երկարաժամկետ հետևանքներն են։

«Հայրս մեկ ամիս եղել է կալանքի տակ, ամուսինս այժմ տնային կալանքի մեջ է։ Վստահ եմ՝ այս փորձությունն էլ կանցնի, և մենք կկարողանանք դիմակայել»,- ասել է նա։

Միաժամանակ նա նշել է, որ հասարակությունը պետք է ուշադրություն դարձնի ոչ միայն առանձին դատական գործընթացներին, այլև այն փոփոխություններին, որոնք, իր գնահատմամբ, կարող են անդառնալի ազդեցություն ունենալ Հայաստանի պետականության, մշակույթի և արժեհամակարգի վրա։

«Այսօրվա որոշումների հետևանքները կարող են տարիներ անց զգալ մեր երեխաները։ Կոչ եմ անում բոլորին լինել սթափ, զգոն, ճիշտ գնահատել իրավիճակը և չտրվել փոխադարձ թշնամանքին։ Վստահ եմ, որ ի վերջո արդարությունը կհաղթի»,- ասել է Ծառուկյանի դուստրը։

Կրիշտիանու Ռոնալդուն ԱԱ-2026-ից դուրս մնալուց հետո հաստատել է, որ սա իր կարիերայի վերջին Մունդիալն էր։ Միևնույն ժամանակ, 41-ամյա հարձակվողը դեռ չի որոշել՝ կավարտի՞ արդյոք ելույթները Պորտուգալիայի հավաքականում։

Նա ասաց, որ տխուր է, բայց արել է առավելագույնը, պետք է խուսափել իմպուլսիվ քայլերից, ժամանակ կունենա մտածելու և ընտանիքի հետ լինելու, «կյանքը շարունակվում է»։

Միջազգային կարիերան ավարտելու հնարավորության մասին Ռոնալդուն նշել է, որ չի շտապում և հարցը կքննարկի ընտանիքի հետ, փոխանցում է The Touchline-ը։ ԱԱ-2026-ի 1/8 եզրափակիչում Պորտուգալիան 0-1 հաշվով պարտվեց Իսպանիային։

Հարգելի քաղաքացիներ, վերջին օրերին այս երկու հեռախոսահամարներից իմ անունից հաղորդագրություններ են ուղարկվում։

Նշված համարներն իհարկե որևէ առնչություն չունեն ինձ հետ, իսկ դրանցից տարածվող հաղորդագրությունները կեղծ են։

Դեպքի վերաբերյալ տեղեկացրել եմ իրավապահ մարմիններին։ Խնդրում եմ լինել զգոն, չվստահել և անտեսել նման հաղորդագրությունները։

ԲՀԿ առաջնորդ Գագիկ Ծառուկյանի առանձնատնից երեք առյուծ և 1 վագր այս պահին կարանտինի մեջ են Երևանի կենդանաբանական այգում։

Այս մասին Armenia Sputnik-ին հայտնել են սեփական աղբյուրները։ Ընդ որում, մեր տվյալներով, կենդանիներին կենդանաբանական այգի են տեղափոխել հուլիսի 7-ի գիշերը և անմիջապես տեղավորել կարանտինային գոտում։

Լուրը, որ կենդանաբանական այգի են բերվել նոր բնակիչներ, մեծ հետաքրքրություն է առաջացրել այցելուների շրջանում։ @ArmeniaSputnik-ի թղթակցի հետ զրույցում քաղաքացիները հայտարարել են, որ հատուկ են եկել այստեղ՝ կենդանիներին տեսնելու հույսով։ Սակայն թե երբ առյուծներին ու վագրին կտեղափոխեն ցուցադրական ազատավանդակներ, դեռ չի հաղորդվում։