Նաիր Թիկնիզյանը կարիերան կշարունակի Հունաստանում | Սպորտ

Հայաստանի ազգային հավաքականի պաշտպան Նաիր Թիկնիզյանը կարիերան կշարունակի Հունաստանում։ «Օլիմպիակոսը» պաշտոնապես հայտարարել է 27-ամյա ֆուտբոլիստի տրանսֆերի մասին։

Հունական ակումբում հայ ֆուտբոլիստը պաշտպանության ձախ եզրում կփոխարինի արգենտինացի Ֆրանսիսկո Օրտեգային։

Ըստ հունական մամուլի՝ Թիկնիզյանը նոր ակումբի հետ կնքել է 4+1 ձևաչափով պայմանագիր (4 տարի՝ ևս մեկով երկարաձգելու հնարավորությամբ)։ Հայ պաշտպանի տարեկան աշխատավարձը «Օլիմպիակոսում» կկազմի շուրջ 1,1 միլիոն եվրո։

Թիկնիզյանը միջազգային մակարդակում ներկայացրել է Ռուսաստանի Մ19, Մ20 և Մ21 հավաքականները, սակայն հետագայում ընդունել է պատմական հայրենիքի հրավերը։ Այս պահի դրությամբ նա Հայաստանի ազգային հավաքականի մարզաշապիկով անցկացրել է 31 հանդիպում։