2026 թվականին Հայաստանում 100-ամյա հոբելյան են նշում կամ կնշեն 71 քաղաքացի։ Նրանցից մեկն է Անժիկ Մովսիսյանը, ում ծննդյան տարեդարձն էր օրերս։
Անժիկ Մովսիսյանն ապրում է Երևանի Կենտրոն համայնքում, ունի 4 զավակ, 7 թոռ, 10 ծոռ և 1 կոռ։
Հարազատների բնութագրմամբ առույգ է, կայտառ, առողջական խնդիրներ գրեթե չի ունեցել։
Իր 100-ամյակը նշող Անժիկ Մովսիսյանը շատ է սիրում սուրճ և գարեջուր, մինչ այսօր էլ այս ըմպելիքները նրա առօրյայի բաղկացուցիչ մասն են։
Երևանի Կենտրոն վարչական շրջանի աշխատակիցներն այցելել և շնորհավորել են նրան ծննդյան հոբելյանի կապակցությամբ։ Անժիկ Մովսիսյանին է փոխանցվել օրենքով նախատեսված միանվագ 1 մլն դրամը։
Անժիկ Մովսիսյանը շատ է սիրված նաև հարևանների կողմից։ Նրանք շատ են սպասել այս օրվան և հատուկ բակային արարողություն են կազմակերպել նրա համար։
Hayacq.com-ի խմբագրությունը նույնպես շնորհավորում է Անժիկ Մովսիսյանի 100 ամյակը, մաղթում ամուր առողջություն, անսպառ երջանկություն, ժպիտներ և հաջողություններ։
Leave a Reply