Սուրեն Պապիկյանը խորհրդակցություն է անցկացրել բանակի նոր համազգեստի ներդրման ընթացքի վերաբերյալ

Հայաստանի պաշտպանության նախարար Սուրեն Պապիկյանն օգոստոսի 4-ին խորհրդակցություն է անցկացրել ՀՀ բանակի նոր համազգեստի ներդրման ընթացքի, ինչպես նաև դրա զորային փորձարկման և մի շարք այլ հարցերի վերաբերյալ:

«Արմենպրես»-ի փոխանցմամբ՝ այդ մասին Սուրեն Պապիկյանը գրել է «Ֆեյսբուք»-ի իր էջում։

Խորհրդակցությանը մասնակցել է նաև ՀՀ պաշտպանության նախարարի առաջին տեղակալ, ՀՀ ԶՈՒ գլխավոր շտաբի պետ, գեներալ-լեյտենանտ Էդվարդ Ասրյանը։  

ՀՀ բանակի նոր համազգեստը ներկայացվել էր մայիսի 28-ին Երևանի Հանրապետության հրապարակում կայացած զորահանդեսի ժամանակ։

Published by Armenpress, original at https://armenpress.am/hy/article/1257123?fbclid=IwY2xjawTelrVleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeuyYJKcoFfKAQVCug6lLkJ5PquSxxDUul4yPHE-XwbUWDWQZzdn9cx_u02jU_aem_4dfgxyMmEv-rxV1EsCVeaw