Ռոնալդուի և Ջորջինայի պսակադրությունը կանցնի Մադեյրայում առաջիկա օրերին

Daily Mail-ի տեղեկացմամբ՝ Կրիշտիանու Ռոնալդուն և Ջորջինա Ռոդրիգեսը առաջիկա հանգստյան օրերին Մադեյրայում կկազմակերպեն շքեղ հարսանիք։ Պաշտոնական արարողությունը կլինի Ֆունշալի Մայր տաճարում, որից հետո հյուրերի հետ նրանք կտեղափոխվեն հնգաստղանի հյուրանոց։

Գաղտնիությունն ու անվտանգությունը ապահովելու համար հյուրանոցը մյուս հանգստացողներին զգուշացրել է, որ ուրբաթ և շաբաթ օրերին համալիրի երկու հարկերն ու մի քանի բարային գոտիներ փակ կլինեն։

Ֆունշալը Ռոնալդուի ծննդավայրն է։ Զույգը միասին է 2016 թվականից և համատեղ երեխաներ է մեծացնում։