14-ամյա դպիր Վահե Ապիկյանին գտել են։ «Ժամը 14։45-ի սահմաններում ոստիկաններն ու քաղաքացիները Գառնիում հայտնաբերել են որպես անհետ կորած որոնվող, 2012թ. ծնված Վահե Ապիկյանին։ Նրա կյանքին վտանգ չի սպառնում»,- հայտնել է ՆԳՆ-ն։Վահե Ապիկյանը, ով դպիր է Երևանի Սբ Սարգի եկեղեցում, 29.07.2026թ. առավոտյան դուրս էր եկել տանից առանց որևէ մեկին տեղյակ պահելու։ Նա չէր վերցրել որևէ բան բացի եկեղեցական համազգեստից, անհետացել էր գրություն թողնելով, որ հրաժարվում է աշխարհիկ կյանքից և ցանկանում դառնալ ճգնավոր: «Կարծում ենք, որ կայցելի որևէ եկեղեցի աղոթք կատարելու նպատակով և խնդրում ենք ձեզ տարածել Վահե Ապիկյանի կորած լինելու մասին տեղեկությունը, գտնելուն պես հոգ տանել նրա մասին և հայտնել սպասված լուրը ընտանիքի անդամներին»,- ավելի վաղ հայտնել էր Տավուշի թեմի ուրակակիր Թովմաս Առաքելյանը։
Leave a Reply