Ալեքսանդրապոլի ազգային տարազը կազմում է Բարձր Հայքի(Կարնո) տարազախմբի անբաժանելի մասը։ Կարնո տարազում գերակշռում էին մուգ կարմիր, մուգ կապույտ և մանուշակագույն երանգները, օգտագործում էին մահուդ, թավիշ և մետաքսե կերպասներ։
Կանացի հագուստի կարևորագույն մասերից էր վերնազգեստը և գոգնոցը։ Վերջինս կարվում էր մետաքսից կամ թավշից և ցույց էր տալիս աղջկանից կնոջ կարգավիճակի անցումը։ Գոգնոցի աջ և ձախ հատվածներում ասեղնագործվում էր նշանախշը, որը պտղաբերության խորհրդանիշն էր։ Գոգնոցի ծայրերը եզրագծված էին ոսկեգույն ձեռագործով։
Գոտին հյուսում Էին դեղին և կարմիր գույնի մետաքսյա թելից և կարող էին ունենալ մակագրություններ “բարի վայելում”, կամ “ի վայելումն կապողին”։
Կանանց գլխի հարդարանքը ևս յուրօրինակ շքեղ էր։ Կազմված էր 3 հիմնականմասերից. վարդթանթանա, ֆես փյուսքյուլ և մետաքսյա քող։ Վարդթանթանան պատրաստվում էր հիմնականում թավշից, գլխի հատվածում շրջանակաձև էր և բաց։ Թանթանայի ծաղիկների գույնով կարելի էր որոշել ամուսնացած էր աղջիկը, թե ոչ։ Գլխի հարդարանքի կարևոր մաս էին քունքակախիկները՝ յուրաքանչյուր կողմում 5-ից 6-ական զույգ։ Զույգի ծայրը ներքևում միացվում էր և կախվում մեկ ոսկյա դրամ։ Ճակտնոցը բաղկացածր էր երկու շարք ոսկյա դրամների շարանից, կենտրոնում մեկ մեծ
Leave a Reply