Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 364.5 դրամ, վաճառքի նվազագույն արժեքը՝ 367.5 դրամ:
Եվրոյի առքի առավելագույն արժեքն է 415 դրամ, վաճառքի նվազագույն արժեքը՝ 421 դրամ:
Ռուսական ռուբլու առքի առավելագույն արժեքն է 4.25 դրամ, վաճառքի նվազագույն արժեքը՝ 4.64 դրամ։
«Ժողովուրդ» օրաթերթը գրում է. «Օրեր առաջ «Ժողովուրդ» օրաթերթում հրապարակված՝ «Ֆինանսների նախարարին նվիրել են Լոնդոնի թռիչքի տոմս՝ մասնավոր ինքնաթիռով. «Ժողովուրդ»» վերնագրով հոդվածը մեծ աղմուկ էր բարձրացրել։ Բանն այն է, որ ՀՀ ֆինանսների նախարար Վահե Հովհաննիսյանի անունով հայտարարագրվել էր 567 հազար 463 դրամ գնահատված արժեքով նվեր՝ մասնավոր ինքնաթիռով թռիչք դեպի Լոնդոն։ Նվերը տրամադրվել էր «Ամերիաբանկ» ՓԲԸ-ի կողմից՝ բանկի մայր ընկերության՝ Lion Finance Group-ի՝ Լոնդոնի ֆոնդային բորսայի առաջատար (FTSE 100) ինդեքսում ընդգրկվելու առիթով կազմակերպված միջոցառման շրջանակում։
Քանի որ լուսաբանող նյութերում երևում էր, որ նախարարին ուղեկցում է նաև ՀՀ ԿԲ նախագահ Մարտին Գալստյանը, «Ժողովուրդ» օրաթերթը գրավոր հարցումներ էր ուղարկել երկու գերատեսչություններին՝ պարզելու այս թանկարժեք և կասկածելի ուղևորության, պաշտոնյաների կանանց ուղեկցության և լոնդոնյան գերթանկարժեք ընթրիքի մանրամասները։ Եվ այսպես՝ ստացված պատասխաններն ավելի շատ նոր հարցեր են ծնում, քան փարատում կասկածները, հատկապես՝ Ֆինանսների նախարարության մասով։
Մասնավոր ինքնաթիռն ու պետբյուջեն
«Ժողովուրդ» օրաթերթը հարցրել էր, թե արդյոք հայտարարագրված 567 հազար 463 դրամը ներառում է նաև ԿԲ նախագահի թռիչքը, և եթե նա չի օգտվել դրանից, ինչո՞ւ է նախարարը գնացել այդ քայլին։
ԿԲ-ն պաշտոնապես տեղեկացրեց, որ Մարտին Գալստյանը չի օգտվել մասնավոր ինքնաթիռի այդ նվերից։ Նրա մասնակցության բոլոր ծախսերը (մեկնում, կացություն և այլն) իրականացվել են ԿԲ նախագահի գործուղման բյուջեի միջոցների հաշվին։
Ստացվում է, որ ոլորտային գերատեսչության ղեկավարը մեկնել է պետական բյուջեի հաշվին, իսկ քաղաքական պաշտոն զբաղեցնող Ֆինանսների նախարարն ընդունել է կես միլիոն դրամը գերազանցող մասնավոր թռիչքը որպես նվեր։
ԿԲ նախագահն էլ է կնոջ հետ մեկնել՝ բանախոսության
Ինչ վերաբերում է մեր այն հարցին, թե արդյոք ԿԲ նախագահին ուղեկցել է կինը, և ով է վճարել նրա ծախսերը, ԿԲ-ն հաստատել է կնոջ ներկայությունը՝ նշելով, որ ընտանիքի անդամների ճամփորդությունն իրականացվել է անձնական միջոցների հաշվին և ենթակա չէ հայտարարագրման։
Իսկ ահա լոնդոնյան չափանիշներով անգամ գերթանկարժեք համարվող ռեստորանում կազմակերպված ճաշկերույթին ԿԲ նախագահի և նրա կնոջ մասնակցության վերաբերյալ ԿԲ-ն նշել է, որ Lion Finance Group-ի կազմակերպած ընթրիքին ԿԲ նախագահը հրավիրված է եղել որպես բանախոս՝ Հայաստանի մակրոտնտեսական հեռանկարը միջազգային ներդրումային համայնքին ներկայացնելու նպատակով։
ԿԲ-ն պարզաբանել է, որ նման միջոցառումները երկիրը միջազգային ֆինանսական շրջանակներում առավել տեսանելի դարձնելու լավ առիթներ են։
Ֆինանսների նախարարությունը թաքցնում է ամենակարևորը․ ո՞վ է վճարել կնոջ և գերթանկարժեք ընթրիքի համար
Եթե Կենտրոնական բանկը գոնե փորձել է կետ առ կետ անդրադառնալ մեր հարցերին, ապա Ֆինանսների նախարար Վահե Հովհաննիսյանի ղեկավարած կառույցն ընտրել է տեղեկատվությունը կոծկելու և հարցերից խուսանավելու ամենապարզունակ ճանապարհը։
«Ժողովուրդ» օրաթերթը հստակ հարցրել էր՝ արդյո՞ք նախարարին ուղեկցել է կինը, և եթե այո, ապա ինչո՞ւ այդ փաստը և ծախսերը չեն հայտարարագրվել։ Մենք հարցրել էինք նաև գերթանկարժեք ճաշկերույթին նախարարի և նրա տիկնոջ մասնակցության ու դրա չհայտարարագրման մասին։
Ֆինանսների նախարարությունը, ի դեմս նախարարի, ուղղակի խուսափել է պատասխանել կնոջն ու ռեստորանային թանկարժեք հաճույքներին վերաբերող հարցերին՝ բառացիորեն ոչ մի տող չգրելով դրանց մասին։ Փոխարենը գերատեսչությունը բավարարվել է լղոզված ձևակերպմամբ, թե նվերներ ստանալն ու հայտարարագրելը կարգավորվում են «Հանրային ծառայության մասին» օրենքի 29-րդ և 30-րդ հոդվածներով, և որ նախարարի նվերները «հաշվառված են սահմանված կարգով»։
Փաստացի ստացվում է, որ նախարարությունը ոչ հերքել է, ոչ հաստատել նախարարի կնոջ մեկնումը․ պարզապես խուսափել է պատասխանել։
Այսպիսով, տոմսը հայտարարագրել են, բայց կնոջ ուղևորությունն ու հարյուրավոր, գուցե հազարավոր ֆունտ ստեռլինգ արժեցող ընթրիքը նախարարը որոշել է կոծկե՞լ։
Ո՞վ է վճարել նախարարի կնոջ վոյաժի համար
Հարցը մնում է բաց․ ո՞վ է վճարել նախարարի կնոջ վոյաժի համար՝ արդյո՞ք կրկին բանկը կամ Lion Finance Group-ը։ Եթե այո, ապա սա ուղղակի կոռուպցիոն ռիսկ է և չհայտարարագրված եկամուտ կամ նվեր։ Իսկ եթե ոչ, ապա ինչո՞ւ է նախարարությունը խուսափում բացահայտել իրականությունը։
Ինչ վերաբերում է այն հարցին, թե առհասարակ ինչո՞ւ է պետական բարձրաստիճան պաշտոնյան մասնակցում օտարերկրյա ընկերության (որը պարզապես դուստր ձեռնարկություն ունի ՀՀ-ում) բորսայական ինդեքսավորման միջոցառմանը, այն դեպքում, երբ, օրինակ, «Զվարթնոց» օդանավակայանի մայր ընկերության («Կորպորասիոն Ամերիկա») Նյու Յորքի ֆոնդային բորսայում ցուցակման ժամանակ նման բան չէր եղել, Ֆինանսների նախարարությունն արդարացել է․
«Նախարարությունը չի տիրապետում տեղեկատվության, թե նախկինում որևէ այլ պաշտոնատար անձ մասնակցել է նման միջոցառումների»։
Փոխարենը Վահե Հովհաննիսյանի այցը հիմնավորել են այն փաստարկով, որ դա բարձրացնում է Հայաստանի «միջազգային տեսանելիությունը» և «ներդրումային գրավչությունը»։ Որպես գլխավոր արդարացում էլ նշել են, թե «Վրաստանն էլ էր ներկայացված նախարարի մակարդակով»։
Փաստորեն, ՀՀ ֆինանսների նախարարը մասնավոր ինքնաթիռով թռչում է Լոնդոն, հայտարարագրում է միայն չվերթի արժեքը, իսկ գերատեսչությունը համառորեն լռում է այն մասին, թե արդյոք նախարարի կինը ուղեկցել է նրան, և եթե այո, ապա ով է հոգացել նրա ուղևորության ծախսերը, ինչպես նաև ում հաշվին են նրանք մասնակցել լոնդոնյան գերթանկարժեք ընթրիքին՝ իր բոլոր նախորդող ու հաջորդող վայելքներով։
Արդյո՞ք սա թափանցիկ է դարձնում կառավարության աշխատանքը։ Բնականաբար՝ ոչ»։
«Ժողովուրդ» օրաթերթը գրում է. «Օրեր առաջ «Ժողովուրդ» օրաթերթում հրապարակված՝ «Ֆինանսների նախարարին նվիրել են Լոնդոնի թռիչքի տոմս՝ մասնավոր ինքնաթիռով. «Ժողովուրդ»» վերնագրով հոդվածը մեծ աղմուկ էր բարձրացրել։ Բանն այն է, որ ՀՀ ֆինանսների նախարար Վահե Հովհաննիսյանի անունով հայտարարագրվել էր 567 հազար 463 դրամ գնահատված արժեքով նվեր՝ մասնավոր ինքնաթիռով թռիչք դեպի Լոնդոն։ Նվերը տրամադրվել էր «Ամերիաբանկ» ՓԲԸ-ի կողմից՝ բանկի մայր ընկերության՝ Lion Finance Group-ի՝ Լոնդոնի ֆոնդային բորսայի առաջատար (FTSE 100) ինդեքսում ընդգրկվելու առիթով կազմակերպված միջոցառման շրջանակում։Քանի որ լուսաբանող նյութերում երևում էր, որ նախարարին ուղեկցում է նաև ՀՀ ԿԲ նախագահ Մարտին Գալստյանը, «Ժողովուրդ» օրաթերթը գրավոր հարցումներ էր ուղարկել երկու գերատեսչություններին՝ պարզելու այս թանկարժեք և կասկածելի ուղևորության, պաշտոնյաների կանանց ուղեկցության և լոնդոնյան գերթանկարժեք ընթրիքի մանրամասները։ Եվ այսպես՝ ստացված պատասխաններն ավելի շատ նոր հարցեր են ծնում, քան փարատում կասկածները, հատկապես՝ Ֆինանսների նախարարության մասով։
Մասնավոր ինքնաթիռն ու պետբյուջեն
«Ժողովուրդ» օրաթերթը հարցրել էր, թե արդյոք հայտարարագրված 567 հազար 463 դրամը ներառում է նաև ԿԲ նախագահի թռիչքը, և եթե նա չի օգտվել դրանից, ինչո՞ւ է նախարարը գնացել այդ քայլին։
ԿԲ-ն պաշտոնապես տեղեկացրեց, որ Մարտին Գալստյանը չի օգտվել մասնավոր ինքնաթիռի այդ նվերից։ Նրա մասնակցության բոլոր ծախսերը (մեկնում, կացություն և այլն) իրականացվել են ԿԲ նախագահի գործուղման բյուջեի միջոցների հաշվին։
Ստացվում է, որ ոլորտային գերատեսչության ղեկավարը մեկնել է պետական բյուջեի հաշվին, իսկ քաղաքական պաշտոն զբաղեցնող Ֆինանսների նախարարն ընդունել է կես միլիոն դրամը գերազանցող մասնավոր թռիչքը որպես նվեր։
ԿԲ նախագահն էլ է կնոջ հետ մեկնել՝ բանախոսության
Ինչ վերաբերում է մեր այն հարցին, թե արդյոք ԿԲ նախագահին ուղեկցել է կինը, և ով է վճարել նրա ծախսերը, ԿԲ-ն հաստատել է կնոջ ներկայությունը՝ նշելով, որ ընտանիքի անդամների ճամփորդությունն իրականացվել է անձնական միջոցների հաշվին և ենթակա չէ հայտարարագրման։
Իսկ ահա լոնդոնյան չափանիշներով անգամ գերթանկարժեք համարվող ռեստորանում կազմակերպված ճաշկերույթին ԿԲ նախագահի և նրա կնոջ մասնակցության վերաբերյալ ԿԲ-ն նշել է, որ Lion Finance Group-ի կազմակերպած ընթրիքին ԿԲ նախագահը հրավիրված է եղել որպես բանախոս՝ Հայաստանի մակրոտնտեսական հեռանկարը միջազգային ներդրումային համայնքին ներկայացնելու նպատակով։
ԿԲ-ն պարզաբանել է, որ նման միջոցառումները երկիրը միջազգային ֆինանսական շրջանակներում առավել տեսանելի դարձնելու լավ առիթներ են։
Ֆինանսների նախարարությունը թաքցնում է ամենակարևորը․ ո՞վ է վճարել կնոջ և գերթանկարժեք ընթրիքի համար
Եթե Կենտրոնական բանկը գոնե փորձել է կետ առ կետ անդրադառնալ մեր հարցերին, ապա Ֆինանսների նախարար Վահե Հովհաննիսյանի ղեկավարած կառույցն ընտրել է տեղեկատվությունը կոծկելու և հարցերից խուսանավելու ամենապարզունակ ճանապարհը։
«Ժողովուրդ» օրաթերթը հստակ հարցրել էր՝ արդյո՞ք նախարարին ուղեկցել է կինը, և եթե այո, ապա ինչո՞ւ այդ փաստը և ծախսերը չեն հայտարարագրվել։ Մենք հարցրել էինք նաև գերթանկարժեք ճաշկերույթին նախարարի և նրա տիկնոջ մասնակցության ու դրա չհայտարարագրման մասին։
Ֆինանսների նախարարությունը, ի դեմս նախարարի, ուղղակի խուսափել է պատասխանել կնոջն ու ռեստորանային թանկարժեք հաճույքներին վերաբերող հարցերին՝ բառացիորեն ոչ մի տող չգրելով դրանց մասին։ Փոխարենը գերատեսչությունը բավարարվել է լղոզված ձևակերպմամբ, թե նվերներ ստանալն ու հայտարարագրելը կարգավորվում են «Հանրային ծառայության մասին» օրենքի 29-րդ և 30-րդ հոդվածներով, և որ նախարարի նվերները «հաշվառված են սահմանված կարգով»։
Փաստացի ստացվում է, որ նախարարությունը ոչ հերքել է, ոչ հաստատել նախարարի կնոջ մեկնումը․ պարզապես խուսափել է պատասխանել։
Այսպիսով, տոմսը հայտարարագրել են, բայց կնոջ ուղևորությունն ու հարյուրավոր, գուցե հազարավոր ֆունտ ստեռլինգ արժեցող ընթրիքը նախարարը որոշել է կոծկե՞լ։
Ո՞վ է վճարել նախարարի կնոջ վոյաժի համար
Հարցը մնում է բաց․ ո՞վ է վճարել նախարարի կնոջ վոյաժի համար՝ արդյո՞ք կրկին բանկը կամ Lion Finance Group-ը։ Եթե այո, ապա սա ուղղակի կոռուպցիոն ռիսկ է և չհայտարարագրված եկամուտ կամ նվեր։ Իսկ եթե ոչ, ապա ինչո՞ւ է նախարարությունը խուսափում բացահայտել իրականությունը։
Ինչ վերաբերում է այն հարցին, թե առհասարակ ինչո՞ւ է պետական բարձրաստիճան պաշտոնյան մասնակցում օտարերկրյա ընկերության (որը պարզապես դուստր ձեռնարկություն ունի ՀՀ-ում) բորսայական ինդեքսավորման միջոցառմանը, այն դեպքում, երբ, օրինակ, «Զվարթնոց» օդանավակայանի մայր ընկերության («Կորպորասիոն Ամերիկա») Նյու Յորքի ֆոնդային բորսայում ցուցակման ժամանակ նման բան չէր եղել, Ֆինանսների նախարարությունն արդարացել է․
«Նախարարությունը չի տիրապետում տեղեկատվության, թե նախկինում որևէ այլ պաշտոնատար անձ մասնակցել է նման միջոցառումների»։
Փոխարենը Վահե Հովհաննիսյանի այցը հիմնավորել են այն փաստարկով, որ դա բարձրացնում է Հայաստանի «միջազգային տեսանելիությունը» և «ներդրումային գրավչությունը»։ Որպես գլխավոր արդարացում էլ նշել են, թե «Վրաստանն էլ էր ներկայացված նախարարի մակարդակով»։
Փաստորեն, ՀՀ ֆինանսների նախարարը մասնավոր ինքնաթիռով թռչում է Լոնդոն, հայտարարագրում է միայն չվերթի արժեքը, իսկ գերատեսչությունը համառորեն լռում է այն մասին, թե արդյոք նախարարի կինը ուղեկցել է նրան, և եթե այո, ապա ով է հոգացել նրա ուղևորության ծախսերը, ինչպես նաև ում հաշվին են նրանք մասնակցել լոնդոնյան գերթանկարժեք ընթրիքին՝ իր բոլոր նախորդող ու հաջորդող վայելքներով։
Արդյո՞ք սա թափանցիկ է դարձնում կառավարության աշխատանքը։ Բնականաբար՝ ոչ»։
Հոդվածն ամբողջությամբ կարող եք կարդալ «Ժողովուրդ» թերթի՝ 16․ 07․ 26
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հայաստանի ազգային գրադարանի ընթերցասրահում բացվել է Իրանական գրականության անկյուն։ Միջոցառմանը ներկա են եղել ԿԳՄՍ նախարարի տեղակալ Ալֆրեդ Քոչարյանը, Հայաստանի ազգային գրադարանի տնօրեն Աննա Չուլյանը, ՀՀ-ում Իրանի Իսլամական Հանրապետության արտակարգ և լիազոր դեսպան Խալիլ Շիրղոլամին, ԻԻՀ դեսպանության հանրային դիվանագիտության ներկայացուցիչ Նեդա Ռաէֆիփուրը:
Կրթության, գիտության, մշակույթի և սպորտի նախարարության տարածած հաղորդագրությունից տեղեկացանք որ, Ալֆրեդ Քոչարյանը ողջունել է ներկաներին և շնորհավորել Հայաստանի ազգային գրադարանում Իրանական գրականության անկյան բացման կապակցությամբ՝ նշելով, որ նախաձեռնությունը կապահովի իրանական գրականության և մշակույթի առավել լայն հասանելիությունը Հայաստանում՝ նպաստելով իրանագիտության զարգացմանը։
Նա նաև հիշեցրել է, որ նախորդ տարի նախարար Ժաննա Անդրեասյանի գլխավորած պատվիրակության Իրան կատարած այցի շրջանակում Իրանի ազգային գրադարանում և արխիվում բացվել է Հայկական անկյուն, որտեղ ցուցադրվում են Հայաստանի պատմության և մշակույթի մասին գրքեր:
«Այսպիսի ծրագրերը նպաստում են երկու ժողովուրդների մշակութային ժառանգության պահպանմանը, գիտելիքի տարածմանը և հայ-իրանական բարեկամական հարաբերությունների շարունակականությանը։ Հայաստանում բնակվում և կրթություն են ստանում բազմաթիվ իրանցիներ, ինչպես նաև բազմաթիվ հայեր ուսումնասիրում են իրանական մշակույթը, որոնք կարող են ուսումնառության ընթացքում օգտվել Ազգային գրադարանում առկա իրանական հարուստ գրականությունից՝ գիտական ժողովածուներից, բառարաններից, ուսումնական ձեռնարկներից և այլ հրատարակություններից։
Մենք ապրում ենք թվային դարում, սակայն թվային նյութերը երբեք չեն կարող փոխարինել այս գեղեցիկ, արվեստային ձևավորումներով գրքերին»,- նշել է նախարարի տեղակալ Ալֆրեդ Քոչարյանը:
Հայաստանի ազգային գրադարանի տնօրեն Աննա Չուլյանի խոսքով՝ Հայաստանի ազգային գրադարանը բարձր է գնահատում Իրանի Իսլամական Հանրապետության դեսպանության հետ ձևավորված արդյունավետ համագործակցությունը, որը հիմնված է փոխադարձ վստահության, մշակութային երկխոսության և երկարաժամկետ գործընկերության վրա։
«Հայաստանի ազգային գրադարանի հավաքածուն այսօր համալրվեց իրանական գրականության նոր հրատարակություններով։ Կարող եմ վստահաբար ասել, որ այս գրականությունը ծառայելու է իր նպատակին՝ հասանելի լինելով ինչպես իրանցի ընթերցողներին, այնպես էլ բոլոր նրանց, ովքեր հետաքրքրված են իրանական գրականությամբ, մշակույթով, պատմությամբ, լեզվով և քաղաքակրթությամբ։ Մենք նույնպես պատրաստակամ ենք աջակցել Իրանի Իսլամական Հանրապետության Ազգային գրադարանում և արխիվում ձևավորված հայերեն գրականության հավաքածուի համալրմանը՝ այն դիտարկելով որպես մեր մշակութային համագործակցության կարևոր ուղղություններից մեկը»,- ասել է Աննա Չուլյանը։
ՀՀ-ում Իրանի Իսլամական Հանրապետության արտակարգ և լիազոր դեսպան Խալիլ Շիրղոլամին ևս կարևորել է Իրանական գրականության անկյան ստեղծումը Հայաստանի ազգային գրադարանում՝ վստահություն հայտնելով, որ համագործակցությունը կլինի շարունակական:
Իրանի Իսլամական Հանրապետության դեսպանության կողմից Հայաստանի ազգային գրադարանին է նվիրաբերվել 293 միավոր գրականություն՝ բառարաններ, գիտական աշխատությունների ժողովածուներ, ուսումնական ձեռնարկներ, կրոնական գրականություն, պոեզիայի ժողովածուներ, ժամանակակից գեղարվեստական գրականություն և այլ հրատարակություններ, որոնք համալրել են Հայաստանի ազգային գրադարանի իրանական գրականության հավաքածուն։
Ներկայում Հայաստանի ազգային գրադարանում գրանցված են 647 իրանցի ընթերցողներ, որոնք օգտվում են գրադարանի տեղեկատվական ծառայություններից, ընթերցասրահներից և գրքային հավաքածուներից։
Հայաստանի ազգային գրադարանում առկա է իրանական գրականության հարուստ և բազմաբովանդակ հավաքածու, որն ընդգրկում է 1780-ական թվականներից մինչև մեր օրերը հրատարակված գրքեր։ Հավաքածուում ներառված են պարսկերեն բնագրեր, հայերեն թարգմանություններ, ինչպես նաև հայերենից պարսկերեն թարգմանված հրատարակություններ՝ արտացոլելով հայ-իրանական գրական և մշակութային փոխգործակցության տարբեր փուլերը։
Հայաստանի գրադարանների համահավաք գրացուցակում 2022 թվականից ձևավորված է «Iranian Collection» թեմատիկ հավաքածուն, որը հնարավորություն է տալիս մեկ որոնմամբ ստանալ Հայաստանի ազգային գրադարանում պահպանվող իրանական գրականության ամբողջական մատենագիտական ցանկը։ Ներկայում հավաքածուն ներառում է 907 մատենագիտական գրառում։
Իրանական գրականության անկյան բացման շրջանակում ցուցադրվել են նաև Հայաստանի ազգային գրադարանի հնատիպ գրականության հավաքածուի իրանական գրականության բացառիկ հրատարակություններից մի քանիսը: Դրանք ներկայացնում են XVIII–XIX դարերի իրանական և իրանագիտական գրատպության արժեքավոր նմուշները և Հայաստանի ազգային գրադարանի հազվագյուտ և արժեքավոր ֆոնդի բաղկացուցիչ մասն են կազմում։
Հետևեք մեզ՝ այստեղ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Մոսկվա-Գյումրի չվերթի ինքնաթիռը մանևրել է ՀՀ տարածքում՝ հասնելով գրեթե մինչև Թուրքիայի օդային սահման: Այս մասին հայտնում է Sputnik Արմենիան:
Սկզբում օդանավը թեքվել է դեպի Երևան՝ մոտենալով Գյումրիին, ապա պտտվել Հայաստանի վրայով՝ հասնելով Թուրքիայի հետ սահման։ Այնուհետև ինքնաթիռը կրկին ուղևորվել է դեպի Գյումրի՝ որոշ ժամանակ անհետանալով ռադարներից և բարեհաջող վայրէջք կատարել:
Պաշտոնական կառույցների կողմից դեռևս մեկնաբանություններ չկան:
Հետևեք մեզ՝ այստեղ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հուլիսի 12-ին արտառոց դեպք է տեղի ունեցել Երևանում։ Ժամը 16։25-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Արաբկիրի բաժնում օպերատիվ տեղեկություն է ստացվել, որ «աջ և ձախ այտերի մակերեսային շրջանի վնասվածք» ախտորոշմամբ «Ուիգմոր Քլինիք» բժշկական կենտրոն է տեղափոխվել մի երեխա։
Ինչպես հայտնել է Shamshyan.com-ը, տեղում պարզվել է, որ ստացված օպերատիվ տեղեկությունը հավաստի է, իսկ տուժածը Երևանի բնակիչ 6-ամյա տղա է։ Պարզվել է, որ հուլիսի 11-ին Արաբկիր վարչական շրջանում գործող մասնավոր մանկապարտեզներից մեկում դայակը քաշել է երեխայի այտերը, ցավ պատճառել, ինչի հետևանքով վերջինս ստացել է նշված մարմնական վնասվածքը։
Դեպքի փաստով ոստիկանության Արաբկիրի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժին։
Հետևեք մեզ՝ այստեղ
Կենսաթոշակառուների և բժշկասոցիալական փորձաքննություն անցած անձանց թղթային գործերը տեսաներածելուց հետո հնարավոր կլինի դրանք սահմանված կարգով ոչնչացնել՝ պահպանելով էլեկտրոնային տարբերակները։
«Արմենպրես»-ի հաղորդմամբ՝ համապատասխան նախագիծը հրապարակվել է Իրավական ակտերի նախագծերի հրապարակման միասնական կայքում։
Նախագծով առաջարկվում է վերանայել կենսաթոշակների, ծերության, հաշմանդամության և կերակրողին կորցնելու դեպքում նպաստների, ինչպես նաև բժշկասոցիալական փորձաքննություն անցած անձանց գործերի պահպանման ժամկետները։
2013 թվականից Միասնական սոցիալական ծառայությունում գործում է «Կենսաթոշակառուների հաշվառման միասնական տեղեկատվական համակարգը»։ Կենսաթոշակ կամ նպաստ նշանակելու, վերահաշվարկելու կամ վճարումը դադարեցնելու համար ներկայացված փաստաթղթերը տեսաներածվում են համակարգ, իսկ բնօրինակները վերադարձվում են դիմողին։
Միաժամանակ մինչև համակարգի ներդրումը ձևավորված բազմաթիվ կենսաթոշակային գործեր շարունակում են պահպանվել թղթային տարբերակով։
Նախագծով նախատեսվում է կենսաթոշակային թղթային գործերը ոչնչացնել դրանց ամբողջական տեսաներածված տարբերակները պատրաստելուց և փորձագիտական ստուգում անցկացնելուց հետո։ Էլեկտրոնային գործերի պահպանման ժամկետը կենսաթոշակ ստանալու իրավունքի դադարեցումից հետո կսահմանվի 50 տարի՝ գործող 10 տարվա փոխարեն։
Բժշկասոցիալական փորձաքննություն անցած անձանց գործերի պահպանման ժամկետը նախատեսվում է 50 տարուց կրճատել մինչև 25 տարի։ Թղթային գործերը նույնպես հնարավոր կլինի ոչնչացնել դրանց տեսաներածված տարբերակների առկայությունն ապահովելուց հետո։
Հիմնավորման համաձայն՝ հիվանդանոցային պայմաններում բժշկական օգնություն ստացած պացիենտների հիվանդության պատմագրերի համար ներկայում սահմանված է 25 տարվա պահպանման ժամկետ, մինչդեռ դրանց հիման վրա հաշմանդամություն սահմանելու դեպքում փաստաթղթերը պահվում են 50 տարի։ Նախագծի հեղինակները նման տարբերությունը ողջամիտ չեն համարում։
Փոփոխությունների ընդունմամբ նախատեսվում է Միասնական սոցիալական ծառայության շուրջ 2500-3000 քառակուսի մետր վարչական տարածք ազատել թղթային արխիվներից։
Փաստաթղթերի թվայնացումը, ըստ հիմնավորման, հնարավորություն կտա ապահովել դրանց արագ որոնումը, երկարաժամկետ և անվտանգ պահպանումը, ինչպես նաև պաշտպանությունը ֆիզիկական մաշվածությունից։
Նախագիծը մշակել են Աշխատանքի և սոցիալական հարցերի նախարարության Միասնական սոցիալական ծառայության աշխատակիցները։ Դրա ընդունմամբ պետական բյուջեի եկամուտների կամ ծախսերի էական փոփոխություն չի նախատեսվում։
Ինձ համար մի շատ հարազատ մարդու խորհրդով վերցրի և մեկ շնչում կարդացի այս գիրքը. Իկիգայ՝ երկար ու երջանիկ կյանքի ճապոնական գաղտնիքը: Այդ մասին Ֆեյսբուքում տեղադրած տեսանյութում նշել է վարչապետ Նիկոլ Փաշինյանը:
«Հիմա, անկեղծ ասած, շատ կուզենայի, որ ձեզնից նրանք, ովքեր չեն կարդացել այս գիրքը, անպայման կարդան: Ձեզնից ընդամենը մի քանի ժամ կխլի, բայց համոզված եմ շատ մեծ էներգիա կտա և շատ օգտակար կլինի»,- ասել է նա:
Կառավարությունն ընդունել է որոշում, որով կապահովվի Հայաստանի Հանրային հեռուստաընկերության նոր՝ 8-րդ տաղավարի կառուցումը։ Այն կիրականացվի «Հայաստանի Հանրապետության կառավարության և Չինաստանի Ժողովրդական Հանրապետության կառավարության միջև տեխնիկատնտեսական համագործակցության մասին» համաձայնագրի շրջանակում։ Ըստ այդմ՝ ՀՀ կառավարության պահուստային ֆոնդից 27,756,080 ՀՀ դրամ կհատկացվի Հանրային հեռարձակողի խորհրդին՝ չինական կողմի հարկային պարտավորությունների, պարտադիր վճարների և ծախսերի գծով գումարների փոխհատուցման նպատակով:
Արգենտինայի ազգային հավաքականի ավագ Լիոնել Մեսսին պատասխանել է ԱԱ-2026-ի եզրափակիչում Իսպանիայի ընտրանու դեմ կայանալիք հանդիպման վերաբերյալ հարցերին։
Արգենտինացիները կիսաեզրափակչում հաղթել են Անգլիային հանդիպման վերջնամասում խփած երկու գոլերի շնորհիվ (2-1) և նվաճել եզրափակչի ուղեգիր։ Մեսսին դարձել է երկու գոլային փոխանցման հեղինակ։ Մեկ օր առաջ Իսպանիան 2-0 հաշվով առավելության էր հասել Ֆրանսիայի նկատմամբ և դարձել եզրափակչի առաջին մասնակիցը։
«Մնացել է վերջին քայլը, ընդամենը մեկ խաղ։ Մենք կշարունակենք պայքարել և կանենք հնարավոր ամեն ինչ։ Ես ճանաչում եմ Իսպանիայի հավաքականի շատ խաղացողների։ Նրանցից շատերը հանդես են գալիս «Բարսելոնայում»․ ես շատ եմ սիրում այդ ակումբը և մինչ օրս հետևում եմ նրանց։ Կարծում եմ՝ շատ հավասար խաղ կլինի»,- 39-ամյա ֆուտբոլիստի հետխաղյա հարցազրույցից այս հատվածը մեջբերում է The Touchline-ը։
Լիոնել Մեսսին «Բարսելոնայի» կազմում հանդես է եկել իր պրոֆեսիոնալ կարիերայի հենց սկզբից մինչև 2021 թվականը։ Աշխարհի առաջնության վճռորոշ հանդիպումը կկայանա հուլիսի 19-ին, Երևանի ժամանակով 23։00-ին։