Blog

  • Փոքր լողավազան փակող և խրտվիլակ բռնագրավող, արի քեզ ենք սպասում. Հրայր Կամենդատյան



    «Ազգային հարստությունը՝ ազգին. Ընդերքի ամբողջական ազգայնացումը՝ որպես արժանապատիվ ծերության երաշխիք»։

     

    Այսօր մենք կանգնած ենք մի իրականության առաջ, որտեղ մեր երկրի ամենամեծ հարստությունը՝ մեր ընդերքը, որը սահմանադրորեն պատկանում է հենց ձեզ՝ Հայաստանի Հանրապետության քաղաքացիներին, ծառայում է ում ասես, բացի հենց հայ ժողովրդից։

     

    Տարիներ շարունակ մեզ փորձում են համոզել, թե Հայաստանը չունի բավարար միջոցներ՝ մեր թոշակառուներին արժանապատիվ կյանքով ապահովելու համար։ Մեզ ասում են, թե բյուջեն դատարկ է, թե պետք է բավարարվել չնչին ավելացումներով, որոնք նույնիսկ գնաճին չեն հասնում։ Բայց սա մեծագույն սուտ է։ Միջոցներ կան, և այդ միջոցները գտնվում են մեր հողի տակ։

     

    Ի՞նչ է անում օրվա ոչ լեգիտիմ իշխանությունը։ Տնտեսական ու քաղաքական հերթական շոուն ապահովելու համար նրանք իրականացնում են ինչ-որ փոքր, երկրորդական ձեռնարկությունների ձևական ազգայնացում։ Սա չնչին, կիսատ-պրատ քայլ է, որը ոչ մի ազդեցություն չի ունենում երկրի տնտեսական պատկերի վրա։ Դա ընդամենը աչքակապություն է՝ հանրությանը խաբելու և իրական խնդիրներից ուշադրություն շեղելու համար։

    «Հայաքվե»-ն հստակ և աներկբա պահանջում է՝ վե՛րջ տալ այս խաբեությանը։ Մենք չենք խոսում կոսմետիկ փոփոխությունների մասին։ Մեր պահանջը հստակ է՝ ամբողջ ընդերքի և ռազմավարական հանքերի ամբողջական ազգայնացում։

     

    Մենք առաջնորդվում ենք անժխտելի սկզբունքներով.

     

    Առաջին՝ Ընդերքի նկատմամբ պետք է սահմանվի բացառիկ պետական մենաշնորհ։ Ազգային հարստությունը չի կարող լինել մասնավոր կամ օֆշորային խաղերի առարկա։

     

    Երկրորդ՝ Բացարձակ հասցեականություն։ Հանքերից ստացված ողջ զուտ շահույթը չի գնալու կառավարական պարգևավճարներին կամ թանկարժեք մեքենաներին։ Այն կուտակվելու է հատուկ «Ազգային սոցիալական հիմնադրամում» և ուղղվելու է բացառապես ու ուղղակիորեն թոշակառուների կարիքներին։

     

    Մենք միայն խոսքեր չենք շռայլում, մենք ունենք հստակ ճանապարհային քարտեզ և ժամկետներ.

     

    Իշխանության անցումից հետո՝ առաջին 100 օրվա ընթացքում, մենք կընդունենք անհրաժեշտ օրենսդրական փաթեթը և կսկսենք բոլոր խոշոր հանքերի համատարած իրավական ու ֆինանսական աուդիտը։

     

    Մինչև 6 ամիսը լրանալը՝ ռազմավարական նշանակության բոլոր հանքերը փաստացի կանցնեն պետական վերահսկողության ու կառավարման տակ։

     

    9 ամսվա ընթացքում ՝ այդ հանքերից ստացված առաջին իսկ լումաները կուղղվեն կենսաթոշակների բարձրացման առաջին փուլին։

     

    Իսկ ընդամենը 1.5 տարում մենք ամբողջությամբ կավարտենք այս բարեփոխումը՝ կենսաթոշակները հասցնելով այնպիսի մակարդակի, որը կապահովի մեր ծնողների արժանապատիվ ու բարեկեցիկ կյանքը։

     

    Այդ միլիարդավոր դոլարների հասնող եկամուտները պետք է ունենան մեկ հստակ հասցեատեր՝ Հայաստանի քաղաքացին։ Մեր ծնողները, մեր տատիկներն ու պապիկները, ովքեր իրենց կյանքն են դրել այս երկրի շենացման համար, չպետք է ապրեն աղքատության շեմին։

     

    Մենք թույլ չենք տալու, որ ազգային հարստությունը մսխվի։ Ընդերքը պատկանում է ժողովրդին, և այդ ընդերքի բերած ամեն մի լուման պետք է ծառայի ժողովրդի սոցիալական ապահովությանը, մեր բանակին և մեր երեխաներին։


  • Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնության հիմնադիրը

    Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնության հիմնադիրը

  • Իսրայելը պատրաստվում է Իրանի դեմ ռազմական գործողության. Կաց

    Իսրայելը պատրաստվում է Իրանի դեմ հնարավոր ռազմական գործողության։ Այս մասին հայտարարել է երկրի պաշտպանության նախարար Իսրայել Կացը։

    Նրա խոսքով՝ Իսրայելի վարչապետը բանակին հանձնարարել է նախապատրաստվել Իրանի Իսլամական Հանրապետության դեմ հնարավոր ռազմական գործողություններին։

  • «Դու միշտ իմ Դուդուն կմնաս, իսկ ես՝ միշտ քո Գոջին…»Արուսյակ Մկրտչյան – ԱՄԲԻՈՆ NEWS

    Փոքր ժամանակ քո անունը ճիշտ ասել չէի կարողանում. Իմ մանկական գլխով քեզ «Դուդու» անվանեցի, ու այդ անունը մնաց։ Այնքան մնաց, որ ամբողջ ընտանիքն էլ քեզ «Դուդու» էր ասում, երբ խոսքը քո մասին էր. Երևի մտածում էիր, որ երբ մեծանամ, կդադարեմ քեզ այդպես կոչել, բայց այդպես էլ չեղավ

    Շատ աղջիկներ, որ առանց իրենց հայրիկի են մեծացել, ամբողջ կյանքում հայրական սիրո պակաս են զգում. Բայց ես երբեք էդ ցավը չեմ զգացել, որովհետև դու միշտ կողքիս էիր. Մինչև քո վերջին շունչը ինձ պահեցիր, պաշտպանեցիր, սիրեցիր. Դու վերցրիր մի պատասխանատվություն, որ քոնը չէր, բայց պատվով տարար մինչև վերջ. Ես մեծացա քեզ իմ հայրիկի պես սիրելով. Դու իմ կյանքի ամենակարևոր մարդկանցից մեկն էիր Շատ էի ուզում, որ մի օր տեսնես, թե ոնց եմ բժիշկ դառնում, կամ իմ հարսանիքի օրը ձեռքիցս բռնած ինձ տանես դեպի խորան

    Դու բացառիկ մարդ էիր՝ խելացի, արդար ու անսահման հավատարիմ Քո ամբողջ կյանքը լի էր արժանապատիվ գործերով ու ձեռքբերումներով Բոլորը սիրում ու հարգում էին քեզ, որովհետև մինչև վերջ հավատարիմ մնացիր քո արժեքներին ու սկզբունքներին. Դու պատվով ծառայեցիր օրենքին և միշտ ազնիվ մնացիր Քո ընտանիքը, ընկերներն ու գործընկերները միշտ կհիշեն քեզ մեծ սիրով ու հարգանքով Քո բացակայությունը մի դատարկություն է թողել, որը ոչ ոք երբեք չի կարող լրացնել
    Դու միշտ իմ Դուդուն կմնաս, իսկ ես միշտ քո Գոջին կմնամ.

    Թող Աստված լուսավորի քո հոգին ու խաղաղություն տա քեզ. Դու արժանի ես հավերժ խաղաղության.

  • Ինչո՞ւ է Փաշինյանն ինձ դատի տվել. հիմա շատ հարցերի ինքը պետք է պատասխանի. Էդմոն Մարուքյան


    Քաղաքականություն






    Նիկոլ Փաշինյանը քաղաքացիական հայց է ներկայացրել իմ դեմ՝ իմ քաղաքական հայտարարություններից մեկի հիմքով։

    Այս տեսանյութում ներկայացնում եմ, թե ինչի մասին է հայցը, ինչու եմ այն համարում քաղաքական խոսքի սահմանափակման փորձ, ինչ սկզբունքներ են գործում ժողովրդավարական երկրներում քաղաքական գործիչների փոխադարձ քննադատության հարցում, և ինչու այս դատական գործընթացը կարող է կարևոր նախադեպ դառնալ Հայաստանի քաղաքական կյանքի համար։

    Անդրադառնում եմ նաև ընտրություններից հետո հրապարակված տվյալներին, Կենտրոնական ընտրական հանձնաժողովի արձանագրություններին և այն հարցերին, որոնք, իմ համոզմամբ, պետք է քննության առարկա դառնան դատարանում։



  • Ծանրորդ Ալեն Զուրաբյանը դարձել է պատանիների ԱԱ-ի փոխչեմպիոն

    Հայստանի ծանրամարտի պատանիների հավաքականի անդամ Ալեն Զուրաբյանը դարձել է աշխարհի առաջնության արծաթե մեդալակիր: Այս մասին հայտնում է Հայաստանի ծանրամարտի ֆեդերացիայի մամուլի ծառայությունը:

    Կոլումբիայի Կալի քաղաքում ընթացող աշխարհի առաջնության մրցումային հերթական օրը պայքարի մեջ մտան 94 կգ քաշային ծանրորդները: Հայաստանի հավաքականից Ալեն Զուրաբյանը պոկում վարժությունում երեք հաջող մոտեցմամբ բարձրացրեց 130 կգ, 134 կգ ու 137 կգ: Հրում վարժությունում նա գլխավերևում պահեց 166 կգ, 176 կգ ու 180 կգ: Այս ձևում նա դարձավ արծաթե մեդալակիր: Երկամարտի 317 կգ արդյունքով` Ալեն Զուրաբյանը դարձավ աշխարհի առաջնության փոխչեմպիոն:

  • Վարդավառի ամենաթեժ օրերը․ Լևոն Ազիզյանը տվյալներ է ներկայացրել

    Այսօր Հայ Առաքելական Սուրբ եկեղեցու հինգ տաղավար տոներից մեկն է՝ Քրիստոսի Պայծառակերպության տոնը՝ Վարդավառը: Այն շարժական տոն է և ըստ եկեղեցական տոնացույցի՝ նշվում է Զատիկից 98 օր հետո՝ կիրակի օրը՝ հունիսի 28-ից օգոստոսի 1-ն ընկած հատվածում: Այդ մասին ֆեյսբուքյան իր էջում գրել է ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը:

    «Վերջին 19 տարիների ընթացքում Վարդավառը ամենաշուտը նշել ենք 2008 թվականի հունիսի 29-ին, իսկ ամենաուշը՝ 2011 թվականի հուլիսի 31-ին։

    Ամենազով Վարդավառը եղել է 2024-ի հուլիսի 22-ին, երբ Երևանում գրանցվել է ընդամենը +30.0 °C, իսկ ամենատաքը՝ 2011-ի հուլիսի 31-ին՝ +40.8 °C Երևանում։

    Նույն օրը Մեղրիում գրանցվել է Հայաստանի երբևիցե դիտված ամենաբարձր ջերմաստիճանը՝ +43.7 °C»,- գրել է նա:

  • ԱՄՆ-ն հարվածներ է հասցրել Իրանի հարավում գտնվող ռազմակայաններին

    ԱՄՆ-ն հարվածներ է հասցրել Իրանի հարավում գտնվող մի շարք ռազմակայանների, հայտնել է Իրանի պետական հեռարձակող ընկերությունը:

    «Հակառակորդը յոթ արկ է արձակել Բուշեր քաղաքի ռազմակայանների ուղղությամբ, Դեյր շրջանում՝ հինգ արկ, Ասալույեում՝ չորս արկ», – հայտնել է իրանական հեռարձակողը:

    Ավելի վաղ ԱՄՆ զինված ուժերի կենտրոնական հրամանատարությունը (CENTCOM) հայտնել էր Իրանի ուղղությամբ նոր հարվածների մասին: Ի պատասխան՝ իրանցի զինվորականները հարվածներ են հասցրել Մերձավոր Արևելքում գտնվող ամերիկյան օբյեկտներին:

  • Այսօր Վարդավառ է. Հայ առաքելական եկեղեցին նշում է Քրիստոսի Պայծառակերպության տոնը

    Հիսուս Քրիստոսի Պայծառակերպության տոնը Հայ առաքելական Եկեղեցու հինգ տաղավար տոներից երրորդն է:

    Պայծառակերպության տոնով հաստատվել է այն ճշմարտությունը, որ Հիսուս Աստծո որդին է: Տոնի թելադրանքն է՝ սիրել Աստծուն, լսել Նրա պատվիրանները և իրականցնել Աստծո կամքը:

    Գրիգոր Տաթևացին տոնի «Վարդավառ» անունը բացատրում է Հիսուսի` վարդի հետ համեմատությամբ. ինչպես վարդը մինչև բացվելը թաքնված է իր պատյանի մեջ և բացվելով` երևում է բոլորին, այնպես էլ Հիսուս մինչև այլակերպություն Իր մեջ կրում էր Աստվածության պայծառությունը և պայծառակերպվելով` հայտնեց Իր Աստվածությունը:

    Վարդավառը գալիս ա, ծաղիկը ցնծալիս ա,

    Այ գյուլում կանչող աղջիկ, ձենդ ծլվլալիս ա…

    («Սոնա յար» Կոմիտաս)

    Ժողովրդի մեջ տոնն առավել հայտնի է Վարդավառ անունով:  

    Վարդավառը համընկնում էր դաշտերում հասունացած հացահատիկների հավաքին: Տոնի օրը գրեթե ամենուր հասկեր էին տանում եկեղեցի` խնդրելով, որ դաշտերը կարկուտից և մորեխից անվնաս մնան: Ցորենի հասկերից «Խաչբուռ» էին պատրաստում: Դրանք լինում էին խաչաձև, ծառի ճյուղի, ծաղկեփնջի նման և այլն:

    Ինչպես առաջին խաղողն ուտում էին Վերափոխման կամ Խաղողօրհնեքի տոնին, այնպես էլ տարվա առաջին խնձորն ուտում էին Վարդավառին: Մինչև Վարդավառ ընդունված էր խնձոր չուտել, «խնձորի պաս» էր: 

    Տոնի կարևոր պայմաններից է միմյանց վրա ջուր ցողելը: Հատկապես երիտասարդներն առուների եզրին կամ աղբյուրների մետ հավաքվելով՝ ժամեր շարունակ ուրախ կատակներով, ճիչ ու աղմուկով ջուր էին ցողում միմյանց վրա:

    Վարդավառը ցնծության, կերուխումի, երգ ու պարի տոն էր` ողողված վարդերով, ծաղիկներով ու ջրով:

    Վարդավառի տոնին նախորդում է շաբաթապահքը: Իսկ հաջորդ օրը, ինչպես տաղավար բոլոր տոներից հետո, Մեռելոց է. բոլոր եկեղեցիներում ննջեցյալների հոգիների համար մատուցվում է Ս. Պատարագ և կատարվում հոգեհանգիստ:

  • Եղվարդի խճուղում ծառն ընկել է մոպեդի վրա․ վարորդը մահացել է

    Հուլիսի 11-ին՝ ժամը 21։16-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևան քաղաքի Եղվարդի խճուղում ծառն ընկել է մոպեդի վրա․ անհրաժեշտ է փրկարարների օգնությունը։ Այդ մասին հայտնում է ՆԳՆ փրկարար ծառայությունը:

    Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

    Պարզվել է, որ ծառն ընկել է ընթացող մոպեդի վրա․ վերջինի վարորդը մահացել է։ Ծառի ընկնելու հետևանքով վնասվել է նաև Honda մակնիշի ավտոմեքենա։

    Փրկարարները սահմանազատել են տարածքը և ճանապարհի երթևեկելի հատվածից հեռացրել ծառը։