Blog

  • Ու՞մ շահերից էր գործում Փաշինյանը փաստացի փչացնելով հարաբերությունները Ռուսաստանի հետ․ Հարցում

    Ու՞մ շահերից էր գործում Փաշինյանը փաստացի փչացնելով հարաբերությունները Ռուսաստանի հետ․ Հարցում

  • 34-ամյա վարորդը «ROX»-ով վրաերթի է ենթարկել փողոցը չթույլատրելի հատվածով հատող հետիոտնի․ վերջինս տեղում մահացել է


    Հասարակություն





    Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

    Այսօր՝ հուլիսի 10-ին, մահվան ելքով վրաերթ է տեղի ունեցել Կոտայքի մարզում։ Ժամը 03։50-ի սահմաններում Արարատի մարզի բնակիչ 34-ամյա Նարեկ Մ․-ն իր վարած «ROX» մակնիշի ավտոմեքենայով Երևան-Սևան-Իջևան ավտոճանապարհի 16 կմ հատվածում վրաերթի է ենթարկել փողոցը չթույլատրելի հատվածով հատող հետիոտնի։

    Shamshyan.com-ի տեղեկություններով՝ վարորդը փախուստի չի դիմել, ահազանգել է շտապօգնություն և օպերատիվորեն ժամանած «Աբովյան» բժշկական կենտրոնի շտապօգնության բժիշկների հերթապահ խումբը տեղում արձանագրել են հետիոտնի մահը։

    Հետևեք մեզ՝ այստեղ




  • Հուլիսի 11-ին «Գառնի» արգելոցի մուտքը կլինի Triangulum-ի էլեկտրոնային երաժշտության փառատոնի տոմսերով



    Մշակույթ





    Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

    ՀՀ ԿԳՄՍ նախարարության «Պահպանության ծառայություն» ՊՈԱԿ-ը «Գառնի» պատմամշակութային արգելոց-թանգարանի այցելուներին տեղեկացնում է, որ հուլիսի 11-ին՝ մինչև ժամը 13:00-ն, «Գառնի» պատմամշակութային արգելոց-թանգարան կարող են այցելել մշտական մուտքի տոմսերով, իսկ ժամը 13:00-ից սկսած` մուտքը արգելոց-թանգարան կգործի Triangulum Community-ի կազմակերպած էլեկտրոնային երաժշտության փառատոնի հատուկ տոմսերով։

    Հետևեք մեզ՝ այստեղ


     




  • Վանդալիզմ Ստամբուլի հայկական Սուրբ Կարապետ եկեղեցու գերեզմանատան տարածքում

    Թուրքիայի իրավապահ մարմինները հայտնաբերել և ձերբակալել են կասկածյալի, որը հուլիսի 7-8-ի գիշերային ժամերին ներխուժել էր Ստամբուլի Սկյուտար թաղամասում գտնվող հայկական Սուրբ Կարապետ եկեղեցու գերեզմանատան տարածք ու վնասել վեց դամբարան ու աղբյուր: Այդ մասին հայտնում  է Ermenihaber-ը՝ վկայակոչելով Պոլսո Հայոց պատրիարքարանի տեղեկությունը:  

    Վանդալիզմի դեպքից հետո Ստամբուլի գլխավոր դատախազությունը հայտնել էր, որ գերեզմանների վանդալիզմի գործով հետաքննություն է սկսվել։ 2026-ի հուլիսի 10-ին իրավապահ մարմինները կասկածյալին նախ բերման են ենթարկել Ստամբուլի գլխավոր դատախազություն, ապա կալանքի միջնորդությամբ վերջինիս ուղարկել են դատարան։ Այս պահին ընթանում են միջադեպի բոլոր հանգամանքները պարզելուն ուղղված աշխատանքներ:

  • Դավիթ Առուշանյանը հրաժարվել է ԱԺ պատգամավորի մանդատից և կմնա Շիրակի մարզպետ

    Շիրակի մարզպետ Դավիթ Առուշանյանը հայտարարել է, որ հրաժարվել է Հայաստանի Հանրապետության Ազգային ժողովի պատգամավորի մանդատից և շարունակելու է պաշտոնավարել որպես Շիրակի մարզպետ։ Նրա խոսքով՝ առաջնահերթությունը Շիրակի զարգացմանը, ենթակառուցվածքների բարելավմանն ու նոր ծրագրերի իրականացմանն ուղղված աշխատանքների շարունակությունն է։

     

    «Տեղեկացնում եմ, որ հրաժարվել եմ Հայաստանի Հանրապետության Ազգային ժողովի պատգամավորի մանդատից և շարունակելու եմ իմ գործունեությունը որպես Շիրակի մարզպետ։

     

    Ինձ համար պետական ծառայությունը պատասխանատվություն է մարդկանց հանդեպ։ Այդ պատասխանատվությամբ էլ շարունակելու եմ առավել մեծ հաստատակամությամբ, հետևողականությամբ և վճռականությամբ աշխատել՝ հանուն Շիրակի զարգացման, նոր ծրագրերի իրականացման, ենթակառուցվածքների բարելավման և մեր մարզի ու սիրելի Գյումրու առաջընթացի։

     

    Շնորհակալ եմ Շիրակի մարզի բոլոր բնակիչներին աջակցության և համագործակցության համար։ Ձեր վստահությունն ինձ համար ամենամեծ պատասխանատվությունն է, ամենօրյա աշխատանքով ու գործուն քայլերով անելու եմ հնարավորը՝ արդարացնելու ձեր սպասումները։

     

    Վստահ եմ, որ միասին կկարողանանք իրականացնել մեր առջև դրված նպատակները և ապահովել Շիրակի ու Գյումրու կայուն զարգացումն ու բարեկեցիկ ապագան։

     

    Անշեղ հանձնառությամբ, նվիրումով ու եռանդով քայլելու ենք առաջ՝ հանուն Շիրակի մարզի, նրա համայնքների, յուրաքանչյուր բնակչի և Հայաստանի Հանրապետության»,- գրել է նա։

  • Արարատի ցեմենտի գործարանը վերսկսել է իր արտադրական գործընթացը

    ՀՀ էկոնոմիկայի նախարարի տեղակալ Էդգար Զաքարյանն այսօր այցելել է Արարատի ցեմենտի գործարան և տեղում ծանոթացել արտադրական գործընթացի կազմակերպմանը. հայտնում են նախարարությունից։ Շրջայցի ընթացքում նրան ուղեկցել է գործարանի գլխավոր տնօրենը։

    Էդգար Զաքարյանը հայտնել է նախարարության պատրաստակամությունը աջակցելու գործարանի արտադրական գործունեության ընթացքում առաջացող հնարավոր խոչընդոտների լուծմանը։

    Անդրադառնալով գործարանի աշխատանքի վերականգնման ընթացքին՝ նախարարի տեղակալը նշել է, որ արտադրական գործընթացի անխափան և անընդհատ պրոցեսը կարևոր է ինչպես արդյունաբերական ներուժի պահպանման, այնպես էլ տնտեսական ակտիվության խթանման տեսանկյունից:

  • ՏԵՍԱՆՅՈՒԹ․ Փաշինյանի sms-ով է փոխվել ԲԴԽ կազմը, նրանք հպատակեցված են, դա չեն էլ հերքում. Մկրտչյան

    ՏԵՍԱՆՅՈՒԹ․ Փաշինյանի sms-ով է փոխվել ԲԴԽ կազմը, նրանք հպատակեցված են, դա չեն էլ հերքում. Մկրտչյան

  • Ժամանակավոր պահպանման պահեստներում կկարգավորվի հին ապրանքների բեռնաթափման գործընթացը

    Այսօր աշխատանքային այցով շրջել եմ Երևանում գործող ժամանակավոր պահպանման պահեստներում։ Տեղում ծանոթացել եմ պահեստներում մաքսային հսկողության կազմակերպմանը, մաքսային աշխատակիցների աշխատանքային պայմաններին և վերջին տարիներին իրականացված բարեփոխումների արդյունքներին։

     

    Բարեփոխումների արդյունքում զգալիորեն փոխվել է ժամանակավոր պահպանման պահեստների աշխատանքը․ ներդրվել են ժամանակակից տեսահսկման և տեխնիկական լուծումներ, բարելավվել են ենթակառուցվածքները, որոնք նպաստում են մաքսային գործընթացների արդյունավետության բարձրացմանը, ապրանքների անվտանգ պահպանությանը և արտաքին տնտեսական գործունեության մասնակիցներին ավելի որակյալ ու կանխատեսելի ծառայությունների մատուցմանը։

     

    Միաժամանակ, դեռ անելիքներ կան պահեստների գործունեությունն առավել արդյունավետ կազմակերպելու ուղղությամբ։ Առանձնահատուկ ուշադրություն եմ դարձրել պահեստներում առկա որևէ մաքսային ընթացակարգով չձևակերպված և արգելապահված ապրանքների խնդրին․ հանձնարարել եմ օրենքով սահմանված կարգով արագացնել պահեստներից հին ապրանքների բեռնաթափման գործընթացը։

     

    ✅Մեր նպատակը հստակ է՝ ունենալ ժամանակակից, արդյունավետ և թափանցիկ մաքսային ենթակառուցվածքներ, որտեղ յուրաքանչյուր գործընթաց կազմակերպվում է միջազգային չափանիշներին և օրենքի պահանջներին համապատասխան։

  • ԱՄՆ-ի և Իրանի տեխնիկական խորհրդակցությունները շարունակվում են. Reuters



    ԱՄՆ-ի և Իրանի ներկայացուցիչների միջև տեխնիկական խորհրդակցությունները շարունակվում են։ Այդ մասին հայտնել է Reuters գործակալությունը՝ վկայակոչելով ամերիկյան վարչակազմի ներկայացուցչին, հաղորդում է ՏԱՍՍ-ը:

    Գործակալության տեղեկատվության համաձայն՝ Վաշինգտոնը շարունակում է հավատարիմ մնալ Իրանի հետ լուծում գտնելուն, և տեխնիկական բանակցությունները շարունակվում են։

    Հիշեցնենք, որ ԱՄՆ-ը և Իսրայելը Իրանի դեմ պատերազմը սկսել են փետրվարի 28-ին։ Օդային հարվածների հետևանքով, ի թիվս այլոց, զոհվել է Իրանի գերագույն առաջնորդ Ալի Խամենեին։ Հունիսին Վաշինգտոնն ու Թեհրանը ստորագրեցին փոխըմբռնման հուշագիր, որը նախատեսում է բոլոր ճակատներում, այդ թվում՝ Լիբանանում, մարտական գործողությունների անհապաղ դադարեցում։


    Այնուհետև Շվեյցարիայի Բյուրգենշտոք քաղաքում Դոհայի և Իսլամաբադի միջնորդությամբ տեղի ունեցան ԱՄՆ-ի և Իրանի բանակցությունները հուշագրի իրականացման շուրջ։ Ինչպես նշվում էր բանակցությունների առաջին փուլի ավարտին Կատարի և Պակիստանի համատեղ հայտարարության մեջ, Իրանի և ԱՄՆ-ի ներկայացուցիչների մասնակցությամբ հանդիպումն անցել է դրական և կառուցողական մթնոլորտում, ձեռք է բերվել հուսադրող առաջընթաց, այդ թվում՝ ստեղծվել է հիմք հետագա տեխնիկական խորհրդակցությունների անցկացման համար։

    Սակայն հուլիսի 8-ի գիշերը ԱՄՆ-ն վերսկսեց Իրանի դեմ լայնածավալ հարվածները՝ մեղադրելով նրան Հորմուզի նեղուցին վերաբերող ձեռք բերված պայմանավորվածությունների պայմանները խախտելու մեջ։


  • Առողջության ապահովագրության համակարգի շրջանակում վերջին 6 ամսում 97 մլրդ 4 մլն դրամ է ուղղվել քաղաքացիների առողջական խնդիրների լուծմանը | Հայաստան

    Հայաստանի Հանրապետության կառավարությունը վերջին վեց ամիսների ընթացքում առողջության ապահովագրության համակարգի շրջանակում 97 միլիարդ 4 միլիոն դրամ է ուղղել քաղաքացիների առողջական խնդիրների լուծմանը։

    Կառավարությունից տեղեկացնում են, որ այս տարվա առաջին 6 ամիսներին`համակարգում ընդգրկվել է 1 միլիոն 700 հազար շահառու, ծառայություններից օգտվել է 842 հազար 750 քաղաքացի։

    Ավելի քան 13 հազար մարդ ստացել է սիրտ-անոթային վիրահատություն, իսկ  ավելի քան 6 հազար մարդ օգտվել է ուռուցքաբանական ծառայություններից։

    Կառավարությունը շարունակում է ընդլայնել առողջության ապահովագրության համակարգը՝ ավելի շատ քաղաքացիների ապահովելով հասանելի և որակյալ առողջապահական ծառայություններով։

    2027 թվականի հունվարի 1-ից համակարգի շահառուներ կդառնան նաև քաղաքացիական իրավական պայմանագրերով աշխատողները, տաքսի ծառայություններում աշխատող վարորդները և բոլոր գրանցված աշխատողները։