Blog

  • «SD» հյուրանոցի տարբեր սենյակներից հայտնաբերվել է թվով 94 կրակված պարկուճներ

    «SD» հյուրանոցի տարբեր սենյակներից հայտնաբերվել է թվով 94 կրակված պարկուճներՀունիսի 24-ին զենքի և ռազմամթերքի հայտնաբերման դեպք է տեղի ունեցել Երևանում։ Ժամը 23։15-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Էրեբունու բաժին է դիմել Երևանի բնակիչ 59-ամյա Արտակ Ո․-ն և հայտնել, որ նույն օրը՝ ժամը 11։00-ի սահմաններում, Սասունցի Դավիթ փողոցի 7 հասցեում գտնվող «SD» հյուրանոցի սենյակներից մեկը վարձակալությամբ տրամադրվել է Չինաստանի Ժողովրդական Հանրապետության քաղաքացի Զոու Չանգհուային, որից հետո նշված սենյակից աղբը դուրս բերելու ընթացքում հայտնաբերվել են տարբեր տրամաչափի կրակված փամփուշտների պարկուճներ։

    Ինչպես հայտնում է ֆոտոլրագրող Գագիկ Շամշյանը, դեպքի փաստով ոստիկանության Էրեբունու բաժնում կազմվել են փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժին, որտեղ ՀՀ քրեական օրենսգրքի 335-րդ հոդվածի 1-ին մասի հատկանիշներով նախաձեռնվել է քրեական վարույթ։

    Գ․ Շամշյանի տեղեկություններով՝ նշված քրեական վարույթի շրջանակում իրականացվել է դեպքի վայրի զննություն, որի ընթացքում «SD» հյուրանոցի տարբեր սենյակներից հայտնաբերվել է տարբեր տրամաչափի կրակված 94 պարկուճներ։

    Ֆոտոլրագրողի տեղեկություններով՝ Արտակ Ո․-ն «SD» հյուրանոցի տնօրենն է։

  • Հայ ժողովուրդն առաջինն ինքն իրեն և իր պետությունը պետք է սիրի և գնահատի. Արսեն Գրիգորյան

    Հայ ժողովուրդն առաջինն ինքն իրեն և իր պետությունը պետք է սիրի և գնահատի. Արսեն Գրիգորյան

  • Հայաստանն ունի թույլ իշխանություն, և բոլորը հօգուտ իրենց փորձում են դա ծառայեցնել. Արմեն Մանվելյան

    Հայաստանն ունի թույլ իշխանություն, և բոլորը հօգուտ իրենց փորձում են դա ծառայեցնել. Արմեն Մանվելյան

  • ԶՊՄԿ-ն հերթական անգամ նշեց ոլորտի գլխավոր մասնագիտական տոնը՝ Հանքագործի և մետալուրգի օրը

    Ժպիտներ, ջերմ շնորհավորանքներ, արժանի գնահատանք ու հպարտությամբ լի պահեր… Այսպիսի մթնոլորտում ԶՊՄԿ-ն հերթական անգամ նշեց ոլորտի գլխավոր մասնագիտական տոնը՝ Հանքագործի և մետալուրգի օրը։


    Տոնական միջոցառման ընթացքում պատվոգրերով և շնորհակալագրերով պարգևատրվեցին տարվա ընթացքում իրենց աշխատանքային բարձր արդյունքներով ու նվիրվածությամբ աչքի ընկած աշխատակիցները։

     Միջոցառմանը մասնակցում էին մարզային և համայնքային իշխանությունները, ԶՊՄԿ-ի ղեկավարությունն ու աշխատակիցներ։

     Հանքագործի և մետալուրգի օրը հերթական անգամ դարձավ ոչ միայն մասնագիտական ձեռքբերումների ամփոփման, այլև մարդկանց, աշխատանքի և միասնականության արժևորման գեղեցիկ առիթ՝ հիշեցնելով, որ յուրաքանչյուր հաջողության հիմքում կանգնած է մարդը։

     

  • Իրանը և ԱՄՆ-ը շարունակում են փոխադարձ հարվածները

    ԱՄՆ-ը և Իրանը կրկին փոխադարձ հարվածներ են հասցրել: ԱՄՆ կենտրոնական հրամանատարության տվյալով՝ թիրախավորվել են Իրանի ՀՕՊ համակարգերը, ափամերձ ռադարային կետերը, հրթիռային և անօդաչու թռչող սարքերի արձակման կայանքները, ինչպես նաև փոքր նավեր։

    Հանրապետության տարբեր տարածքներում պայթյուններ են որոտացել: Հաղորդվում է զոհերի մասին:

    Իսլամական հեղափոխության պահապանների կորպուսն էլ հայտնել է, որ հարվածել է Իրաքում, Բահրեյնում, Քուվեյթում, Օմանում և Հորդանանում գտնվող ամերիկյան բազաներին։ Թեհրանը նաև հայտարարել է Հորմուզի նեղուցի փակման մասին՝ մինչև ռազմական գործողությունների դադարեցումը։

    Տեղեկություններ կան, որ նեղուցում ականների պատճառով երկու նավթատար է պայթել: Իրանական կողմը խոչընդոտել է 4 նավի անցումը Հորմուզի նողուցով:

    Իրանից նախազգուշացրել են՝ եթե ԱՄՆ-ը առաջիկա օրերին չդադարեցնի հարվածները, Իսլամական Հանրապետության ուժերը կանցնեն հարձակողական գործողությունների: Վտանգ կա, որ հակամարտության աշխարհագրությունը կարող է ընդլայնվել:

    1lurer.am

  • Հուլիսի 18-ից Նոր Գեղի-Արգել-Եղվարդ-Արզնի խաչմերուկում լուսացույց կգործի

    Հ-2, /Հ-1/ (Աբովյան)-Արզնի-/Հ-6/ Նոր Գեղի, Հ-5, /Հ-6/ (Նոր Գեղի)-Արգել-Արզական-Հրազդան և Հ-6, /Հ-2/-Նոր Գեղի-Եղվարդի տրանսպորտային հանգույց-/Մ1/ ավտոճանապարհների հատման խաչմերուկում (Նոր Գեղի-Արգել-Եղվարդ-Արզնի խաչմերուկ) տեղադրվել է լուսացույց, և հուլիսի 18-ից նշված հատվածում կկատարվի լուսացուցային կարգավորում։

    Այս մասին տեղեկացրել է Ճանապարհային դեպարտամենտն ու վարորդներին հորդորել լինել ուշադիր։

    Մինչև լուսացույցի հիմնական ռեժիմը միացնելը, անվտանգության ապահովման նկատառումներից ելնելով, որոշ ժամանակ ապահովվել է լուսացույցի դեղին թարթման ռեժիմը, որը վարորդներին նախազգուշացնում էր լուսացույցի առաջիկա գործարկման մասին։

    Խաչմերուկը կահավորվել է նաև համապատասխան ճանապարհային նշաններով։

  • Հակակոռուպցիոն կոմիտեի նախագահը ներկայացրել է helpcourt.am-ի վերաբերյալ մտահոգությունները

    ՀՀ հակակոռուպցիոն կոմիտեի նախագահը գրությամբ դիմել է ՀՀ արդարադատության նախարարություն՝ ներկայացնելով helpcourt.am հարթակի գործունեության վերաբերյալ առկա ինստիտուցիոնալ մտահոգությունները՝ անդրադարձ կատարելով այն հնարավոր ռիսկերին, որոնք կարող են առնչվել դատավորների անկախության երաշխիքներին, ինչպես նաև դատավորների նկատմամբ ոչ ֆորմալ ազդեցության, կախվածության կամ ճնշման ձևավորման հնարավորությանը։ Այդ մասին տեղեկանում ենք հակակոռուպցիոն կոմիտեից:

    «Առաջարկվել է քննարկել նշված, ինչպես նաև դատավորներին հրապարակայնորեն դասակարգող և վարկանիշավորող այլ հնարավոր մասնավոր հարթակների գործունեությունն օրենսդրական կարգավորմամբ արգելելու նպատակահարմարության հարցերը։

    Հղումը՝ ստորև»,- ասված է հաղորդագրության մեջ:

  • Նրա ծառայությունը մշտապես առանձնացել է հավատքի անսասանությամբ, եկեղեցասիրությամբ և հայրենանվեր նվիրումով. Տեր Վրթանեսը՝ Բագրատ Սրբազանի մասին

    Բյուրականի Սուրբ Հովհաննես եկեղեցու հոգևոր հովիվ Տեր Վրթանես քահանա Բաղալյանը գրել է.

    «Մեծագույն երախտագիտությամբ ու որդիական սիրով հանդիպեցինք և մեր խոնարհ խոնարհումը բերերցինք Տեր Բագրատ արքեպիսկոպոս Գալստանյանին։ Անուրանալի են Իր Սուրբ Եկեղեցուն մատուցած երկարամյա, անձնուրաց և օրհնաբեր ծառայությանը։ Սրբազան Հայրն իմ տեսուչն է եղել Վազգենյան դպրանոցում, այդ թվում Արագածոտնի թեմի առաջնորդը, որտեղ հիմա ես ծառայում եմ։

    Տարիների ընթացքում Սրբազանը, հավատարիմ մնալով իր եկեղեցականի կոչմանն ու ձեռնադրության ուխտին, եղել է Ավետարանի անխոնջ քարոզիչ, հոգիների իմաստուն հովիվ և հայրական սիրով առաջնորդող առաջնորդ։ Նրա ծառայությունը մշտապես առանձնացել է հավատքի անսասանությամբ, ճշմարտության հանդեպ հավատարմությամբ, եկեղեցասիրությամբ և հայրենանվեր նվիրումով։

    Նա իր կյանքի լավագույն տարիները նվիրել է Աստծո փառքին, Հայ Առաքելական Սուրբ Եկեղեցու զորացմանը և հավատացյալ ժողովրդի հոգևոր կրթությանն ու դաստիարակությանը՝ կրելով ծառայության բազմաթիվ դժվարություններ, բայց երբեք չնահանջելով իր առաքելությունից։ Նրա խոսքն ու գործը դարձել են մխիթարություն վշտացյալների համար, զորություն՝ տկարների, հույս՝ հուսալքվածների և քաջալերանք՝ հավատքի ճանապարհով ընթացողների համար։

    Այսօր, երբ գերաշնորհ Տեր Բագրատ արքեպիսկոպոսը գտնվում է ապօրինի տնային կալանքում, աղոթում ենք, որ Ամենակալ Տերը մարմնավոր լիակատար ազատություն և առավել համբերություն պարգևի, բազմապատկի նրա հոգևոր և մարմնական զորությունը, խաղաղությամբ ու շնորհներով պսակի նրա հետագա ընթացքը և դեռ երկար տարիներ արժանացնի նրան շարունակելու իր օրհնաբեր հովվական առաքելությունը՝ ի փառս Սուրբ Երրորդության, ի զորացումն Հայ Առաքելական Սուրբ Եկեղեցու և ի բարօրություն մեր աստվածասեր ժողովրդի։

    Թող Տիրոջ առատ ողորմությունն ու շնորհները մշտապես ուղեկից լինեն Բագրատ Սրբազանին, և նրա ծառայության բարի պտուղները շարունակեն առատորեն օրհնել Եկեղեցին, Հայրենիքն ու հավատավոր ժողովրդին»։

  • Փոխարժեքները՝ այսօր – ԱՄԲԻՈՆ NEWS

    ԱՄՆ դոլարի առքի միջինացված արժեքը 363,97 դրամ է, վաճառքի՝ 368. 79 դրամ:

    Եվրոյի առքի արժեքն է 413,76 դրամ, վաճառքի դեպքում՝ 425,29 դրամ:

    Ռուսական ռուբլու առքի միջին արժեքն է 4.44 դրամ, վաճառքինը՝ 4.88 դրամ։

  • Ռուսաստանուոմ երկարացրել են պերովսկիտային արևային վահանակի կյանքի տևողությունը. 1800 ժամ աշխատանք և 99% արդյունավետություն



    Ռուսաստանում հայտնաբերվել է պերովսկիտային արևային վահանակների կայունությունը բարելավելու միջոց, որոնց հիմնական լույսը կլանող շերտը հակված է արագ քայքայման, գրում է prokosmos.ru–ն: Պերմի ազգային հետազոտական ​​պոլիտեխնիկական համալսարանի, Սկոլտեչի և Ռուսաստանի գիտությունների ակադեմիայի քիմիական ֆիզիկայի և բժշկական քիմիայի խնդիրների դաշնային հետազոտական ​​կենտրոնի (FRC PPhM&MC) գիտնականները մշակել են չորս նոր պոլիմերային նյութեր: Այդ նյութերը թույլ են տալիս բջիջներին պահպանել մինչև 99% արդյունավետություն, նույնիսկ 1800 ժամ անընդմեջ աշխատանքից հետո:

    Պերովսկիտային արևային մարտկոցները ֆոտովոլտային մարտկոցների տեսակ են, որոնցում ակտիվ լույսը կլանող շերտը կազմված է բյուրեղներից, որոնք ունեն պերովսկիտ հանքանյութին նման կառուցվածք: Այս կառուցվածքում կատիոններն ու անիոնները հերթագայում են խորանարդ ցանցում ձևավորելով կատարյալ կարգավորված բյուրեղ:

    Պերովսկիտային արևային մարտկոցները համարվում են ապագայի մարտկոցներ դառնալով սիլիցիումի այլընտրանք։ Նախ, դրանք կլանում են լույսի ալիքի երկարությունների ավելի լայն տիրույթ, քան սիլիցիումը, ինչը նշանակում է, որ դրանք կարող են սնուցվել ոչ միայն արևի լույսով, այլ նաև արհեստական ​​լույսով։ Սա զգալիորեն ընդլայնում է դրանց կիրառման ներուժը։

    Ավելին, պերովսկիտային արևային մարտկոցներն ունեն կարգավորելի էներգիայի տիրույթ։ Դրանք նաև թեթև են և ճկուն։

    Բոլոր առավելություններից անկախ, պերովսկիտային արևային վահանակները դեռևս զանգվածային արտադրության մեջ չեն մտել։ Հիմնական խոչընդոտներից մեկը լույսը կլանող հիմնական շերտի անկայունությունն ու արագ քայքայումն է։ Պերովսկիտանման նյութը զգայուն է խոնավության, թթվածնի և բարձր ջերմաստիճանների նկատմամբ։

    Այնուամենայնիվ, Պերմի պոլիտեխնիկական համալսարանի, Ռուսաստանի գիտությունների ակադեմիայի և Սկոլտեկի գիտնականների թիմը գտել է այդ խնդիրը լուծելու միջոց։ Նրանք մշակել են չորս օրգանական պոլիմերային նյութեր, որոնցում տրիֆենիլամինը ծառայում է որպես մոլեկուլային «կմախք»։ Գիտնականները այն համատեղել են կամ կարբազոլի հետ, որը մեծացնում է նյութի կայունությունը, կամ թիոֆենի հետ, որը բարելավում է հաղորդականությունը։ Մոլեկուլային փաթեթավորման և կառուցվածքային կայունության վրա ազդելու համար ներդրվել է նաև ծավալուն կողմնային խումբ՝ տրիիզոպրոպիլ(2-թիենիլ)սիլիլ։

    Փորձարկման ընթացքում նոր պոլիմերներով արևային մարտկոցները ցուցաբերել են բարձր արդյունավետություն՝ պահպանելով մինչև 99% արդյունավետություն 1800 ժամ անընդմեջ աշխատանքից հետո։ Արևային լույսի փոխակերպման արդյունավետությունը նույնպես մրցունակ է հասնելով 17.8%-ի՝ PTAA-ի 17%-ի դիմաց, որը պերովսկիտային մարտկոցներում անցքերի տեղափոխման շերտերի համար տարածված հղման նյութ է։

    «Այլ կերպ ասած, պերովսկիտի շուրջ օրգանական շերտի ուշադիր ընտրությունը հանդես է գալիս որպես «անվտանգության բարձիկ». այն ոչ միայն մեծացնում է արդյունավետությունը, այլ նաև զգալիորեն երկարացնում է ապագա ճկուն վահանակների կյանքը», — բացատրել է Միխայիլ Տերեշչենկոն՝ պոլիմերային նյութերի և շարժիչային վառելիքի տեխնոլոգիայի ամբիոնի ասպիրանտը։

    Մշակողները կարծում են, որ իրենց լուծումը կօգնի իրականացնել պերովսկիտային արևային վահանակների զանգվածային արտադրություն։

    Պերովսկիտային արևային վահանակները հետաքրքրություն են ներկայացնում նաև տիեզերական կիրառությունների համար։ Վաղ ուսումնասիրությունները ցույց են տվել, որ պերովսկիտները կարող են դիմակայել տիեզերական ճառագայթմանը և ինքնավերականգնվել։

    Հայաստանում արևային պանելներ արտադրող առաջին և միակ ընկերությունը Սոլարոնն է։

    Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

    Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

    Զանգահարեք 8757, 010 440055

    էլ. փոստ ֊ [email protected]