Blog

  • Տարածաշրջանային տուրբուլենտության նոր փուլ է սկսվում. Արտակ Զաքարյան

    ՀՀԿ Գործադիր մարմնի անդամ Արտակ Զաքարյանի ֆեյսբուքյան գրառումը․ «ԱՄՆ ԶՈւ-ն հայտնել է, որ այսօրվանից վերսկսելու են Իրանի նկատմամբ ծովային շրջափակումը։ Նշվել է, որ շրջափակման մեջ կպահեն դեպի Իրանի նավահանգիստներ ուղևորվող և այնտեղից դուրս եկող նավերի մուտքն ու ելքը։ Կապահովվի միայն այն նավերի անվտանգ նավարկությունը, որոնք չեն խախտի շրջափակման պահանջները (բնականաբար՝ փող, վճար)։

    Զուգահեռաբար, ըստ The New York Times-ի, նախագահ Թրամփը պաշտոնապես տեղեկացրել է Կոնգրեսին՝ Իրանի դեմ ռազմական գործողությունների վերսկսման մասին:

    ԱՄՆ նախագահի և ԶՈւ այս հայտարարություններից հետո, նավթի գներն աճել են 8%-ով:
    Իրանը ևս ունի դիմադրության ու շահերի պաշտպանությանն ուղղված գործողությունների իր ծրագրերը: Արդեն, իսկ օրինական թիրախներ են հայտարարվել այն երկրները, որոնք իր դեմ կհամագործակցեն ԱՄՆ-ի հետ: Թիրախավորված են հարակից երկրների ամերիկյան պատկանելիություն ունեցող օբյեկտները:

    Ֆրանսիայի և Անգլիայի նախաձեռնությամբ, 25 երկրների ղեկավարներ, «վճռականների կոալիցիայի» շրջանակներում հավաքվել և քննարկում են Ռուսաստանի դեմ Ուկրաինային աջակցելու, հետագա գործողություններին դիմակայելու, բալիստիկ և ռազմավարական ավելի հզոր հարվածներից պաշտպանվելու հարցերը:

    ՌԴ նախագահը խոստանում է մի քանի անգամ ավելի հզոր հարվածներ հասցնել Ուկրաինային: 
    Տարածաշրջանային նոր սրացումներին զուգահեռ, Հարավային Կովկասում իր դիրքերն ամրապնդելու հավակնոտ ու ավելի կոշտ դիրքորոշումներով է հանդես եկել Ալիևը: Վերջինիս հայտարարությունների տողատակերից երևում է, որ Հայաստանի հետ խաղաղության պայմանագիրը նրան այդքան էլ հետաքրքիր չէ: Ադրբեջանն այլ կերպ է տեսնում զարգացումներն ու դրանում իր դերակատարկումը:
    Ակնհայտորեն, տարածաշրջանային տուրբուլենտության նոր փուլ է սկսվում…

    Հ.Գ.
    Խուստուփի լանջերով աննպատակ մագլցող՝ ամբողջովին ձախողված կառավարության ղեկավարն ու՞նի արդյոք սպասվող նոր տուրբուլենտությանը դիմակայելու մասին նվազագույն պատկերացում»:

  • Անձնական վրեժխնդրություն է իրականացվում Ծառուկյանի հանդեպ. հանկարծ հասկացան՝ կենդանիներն ապօրինի են պահվում. Էլինար Վարդանյան

    Շատ դժվար է խոսել քաղաքական բռնաճնշումների մասին այն մթնոլորտում և այն ժամանակահատվածում, երբ յուրաքանչյուրը, յուրաքանչյուր օր սպասում է, որ հաջորդ քաղաքական բռնաճնշման ենթարկվողն ինքն է լինելու։ Ցավոք, այս իշխանությունը կարողացել է ստեղծել այդպիսի մթնոլորտ։ Այս մասին քննարկման ժամանակ ասել է «Հայաստան» խմբակցության պագամավոր Էլինար Վարդանյանը:

    Նա նշել է, որ բազմիցս արձանագրել են՝ ամբողջն ի սկզբանե արվում էր վախի մթնոլորտ ստեղծելու համար, հետո այդ մթնոլորտի շրջանակում հնարավորություն էր ձեռք բերվում մեկուսացնել քաղաքական և հանրային գործիչներին և դրանով իսկ փորձել գլխատել բազմաթիվ ընդդիմադիր ուժերի։

    «Ի՞նչ իրավիճակ ունենք այսօր. կալանավորված է «Բարգավաճ Հայաստան» կուսակցության նախագահը՝ Գագիկ Ծառուկյանը: Կալանավորված է «Մայր Հայաստան» կուսակցության նախագահը՝ Անդրանիկ Թևանյանը: Կալանավորված է «Հայաքվե» քաղաքացիական նախաձեռնության ղեկավարը՝ Ավետիք Չալաբյանը: Տնային կալանքի տակ է գտնվում Սամվել Կարապետյանը, քրեական գործով է անցնում Ռոբերտ Քոչարյանը, այսինքն՝ եթե մենք թվարկում ենք, տեսնում ենք՝ այս պարագայում քաղաքական ուժերի ղեկավարները նախընտրական և հետընտրական փուլում ենթարկվել են քաղաքական հետապնդման:

    Չեմ խոսում Արմեն Աշոտյանի մասին, որն այսպես տարբեր քրեական, բայց քաղաքական նկատառումներով, քրեական գործերով անցնում է, քրեական հետապնդման է ենթարկվում և այժմ էլ գտնվում է քրեակատարողական հիմնարկում»,-ասել է Վարդանյանը։

    ԱԺ պատգամավորը թվարկվածներից առանձնացրել է վերջին՝ ԲՀԿ առաջնորդի դեպքը, որը հանգեցրել է նաև հանրային մեծ արձագանքի՝ ելնելով այն միջոցներից կամ մեխանիզմներից, որոնք կիրառվել են իրավապահ մարմինների կողմից: Նա մասնավորապես նշել է 13 ժամ խուզարկություն իրականացնելու, ապա Ծառուկյանին գետնին տապալելու, ձեռնաշղթաներով բերման ենթարկելու հանգամանքը:

    «Սա ոչ միայն պարզապես քրեական հետապնդում է, այլև անձնական վրեժխնդրություն է այսօր երկիրը փաստացի ղեկավարող անձի կողմից, որովհետև Ծառուկյանի քրեական գործին զուգահեռ մեկ էլ հասկացանք, որ քաղաքապետարանը նկատել է՝ կենդանիները, որոնք պահվում էին Ծառուկյանի կողմից, ապօրինի են պահվում։

    Սա ինչո՞ւ եմ որպես օրինակ բերում: Սա ոչ միայն որպես քրեական հետապնդում կարելի է դիտարկել, այլ որպես հաշվեհարդար և որպես պատիժ, որն իրականացվում է իրավապահների կողմից՝ մեկ անձի հրահանգով, որովհետև նախընտրական փուլում նա հայտարարել էր՝ ունեզրկելու է, դատելու է, նստացնելու է, մնացած բառերը նույնիսկ չեմ էլ ուզում կրկնել»,-մանրամասնել է Էլինար Վարդանյանը։

  • Բրյուսելում մեկնարկել է Բաքվում պահվող հայ գերիների հարցով համաժողով, որին մասնակցում է նաև Դավիթ Իշխանյանի որդին | Քաղաքականություն

    Բրյուսելում մեկնարկել է «Ադրբեջանում հայ քաղաքական բանտարկյալները և ԵՄ ներգրավվածության հրամայականը» խորագրով համաժողով, որի նպատակն՝ ներկայացնել Ադրբեջանում պահվող հայ պատանդների և քաղաքական բանտարկյալների իրավիճակի արդիական գնահատականը։

    Համակազմակերպիչներն են Եվրոպական խորհրդարանի պատգամավորներ Կոստաս Մավրիդեսը (S&D, Կիպրոս) և Միրիամ Լեքսմանը (EPP, Սլովակիա), իսկ կազմակերպչական աջակցությունն իրականացնում է ՀՅԴ Հայ դատի Եվրոպայի գրասենյակը (EAFJD)։

    ՀՅԴ Եվրոպայի Հայ Դատի գրասենյակից հայտնում են, որ համաժողովին ներկա է նաև Արցախի ԱԺ նախկին նախագահ, Բաքվում պատանդառված Դավիթ Իշխանյանի որդին։  

  • «Հրապարակ». Որոշել է «ժերտվա տալ» մերձավորներին





    Նիկոլ Փաշինյանը որոշել է իր ամենամտերիմ մարդկանց «ժերտվա տալ»։ Առաջինն ԱԺ նախագահ Ալեն Սիմոնյանն էր, որ կրնկակոխ հետեւում էր Փաշինյանին ողջ քարոզարշավի շրջանում՝ նրա հետ ձեթով պեռաշկի ու ճամփեզրից առած կուկուռուզ էր ուտում, նրա հրահանգով անպատվում ու վիրավորում ընդդիմադիրներին։ Երկրորդ «զոհը», ըստ ՔՊ-ական աղբյուրների, վարչապետի աշխատակազմի ղեկավար Արայիկ Հարությունյանն է լինելու՝ Փաշինյանի ամենավստահելի մարդկանցից մեկը, նրա աջ ձեռքը, գորշ կարդինալը, որը հազար հարց էր լուծում երկրում եւ թիմում։ Ըստ մամուլի, Փաշինյանը դժգոհ է մնացել ընտրությունների արդյունքներից եւ ՔՊ շտաբի պետ Արայիկ Հարությունյանին որոշել է զրկել աշխատակազմի ղեկավարի բարձր պաշտոնից ու «աքսորել» խորհրդարան։ Իշխանական մեր աղբյուրներից տեղեկացանք, որ Նիկոլ Փաշինյանը նրան գործուղում է օրենդիր մարմին՝ շարքային պատգամավորի կարգավիճակում, ինչպես ժամանակին արեց Արսեն Թորոսյանի հետ՝ աշխատակազմի ղեկավարի պաշտոնից շարքային պատգամավոր դարձնելով։

    Սակայն պատճառը ոչ թե ընտրությունների արդյունքներն են, այլ՝ սուտը։ Ասում են՝ Փաշինյանը չի ներում, որ իրեն խաբել են, իր գլխի տակ փափուկ բարձ դրել, թե 65 տոկոսը գրպանումդ դրված է։ Մեր աղբյուրներն ասում են, որ Արայիկ Հարությունյանը, որ միաժամանակ Ծանրամարտի ֆեդերացիայի նախագահն է, ոչ մի կերպ չի պատկերացնում իրեն պատգամավորի կարգավիճակում, նա այլ ախորժակ ունի՝ հավակնում է դառնալ ՀԱՕԿ նախագահ։ Կառույցի ղեկավարը ԲՀԿ նախագահ Գագիկ Ծառուկյանն է, որին Փաշինյանը որոշել է «սատկացնել», «կզըցնել»։

    Արայիկ Հարությունյանը դեռեւս այս տարվա ապրիլին դրսեւորեց իր հավակնությունները՝ հրապարակավ հայտարարելով, թե Գագիկ Ծառուկյանը շուտով կդառնա 70 տարեկան եւ իրավունք չունի հավակնել կոմիտեի նախագահի պաշտոնին, անգամ լուր տարածվեց, որ դատարան են դիմել: «Շատ ուղիղ եմ ուզում ասել՝ սպորտային աշխարհն այս մասին չի ուզում խոսել: Շուտով լրանում է Գագիկ Ծառուկյանի 70-ամյակը, եւ իրավունք չունի 70-ից հետո հավակնել ՀԱՕԿ նախագահի պաշտոնին: Հիմա իրենք փորձում են այսպիսի հնարքներով, ընտրական եւ քաղաքական թեժ փուլում անցկացնել այդ ընտրությունները, Գագիկ Ծառուկյանին հերթական անգամ կարգել ՀԱՕԿ նախագահ, եւ նա եւս չորս տարի ղեկավարի»,- ասել էր Հարությունյանը: Ծառուկյանն Օլիմպիական կոմիտեն ղեկավարում է 2004 թվականից: Նա 70 տարեկան կդառնա նոյեմբերին, իսկ ընտրությունը պետք է լիներ ապրիլի 11-ին: Դրանից երեք օր առաջ ֆեդերացիան դատարան է դիմել, տապալվել է ընտրության հատուկ նիստը: Հայցի ապահովման միջոց է կիրառվել՝ արգելել են ընտրություն անելը, մինչեւ դատարանի որոշումը չլինի: Ի դեպ, ԲՏԱ նախարար Մխիթար Հայրապետյանի դեպքում էլ լուրեր կան, որ գնում է Ֆուտբոլի ֆեդերացիայի նախագահ։

    Ամբողջական հոդվածը կարող եք կարդալ «Հրապարակ օրաթերթում»




    դիտվել է 199 անգամ

  • 210 մլն դրամ, 300 հազար դոլար և 100 հազար եվրո. ինչ է հայտարարագրել Առուշ Առուշանյանը. «Ժողովուրդ»

    «Ժողովուրդ» օրաթերթը գրում է. «Այս անգամ «Ժողովուրդ» օրաթերթի ուշադրության կենտրոնում Սյունիքի մարզի Գորիս համայնքի ղեկավար, ավագանու անդամ Առուշ Առուշանյանն է, որի հայտարարագրերը ցույց են տալիս, թե ինչպես են տարիների ընթացքում փոխվել նրա գույքն ու դրամական միջոցները։

    2025 թվականի հայտարարագրի համաձայն՝ Առուշ Առուշանյանն ունի 4 անշարժ գույք՝ մեկ արտադրական նշանակության շինություն, մեկ դեռևս պետական գրանցում չստացած շինություն և երկու հողամաս։ Դրանցից արտադրական նշանակության շինությունն ու մեկ հողամասը ձեռք են բերվել 2017 թվականին, պետական գրանցում չստացած շինությունը՝ 2019 թվականի ապրիլի 19-ին՝ գնման եղանակով, իսկ մյուս հողամասը՝ 2019 թվականի ապրիլի 15-ին՝ նվիրատվությամբ։ Հաշվետու տարվա ընթացքում նա նոր անշարժ գույք չի ձեռք բերել և որևէ գույք չի օտարել։

    Տրանսպորտային միջոցների մասով նա շարունակում է հայտարարագրել 2016 թվականի սեպտեմբերի 22-ին ձեռք բերված ZIL մակնիշի բեռնատար ավտոմեքենան։ Միաժամանակ, 2025 թվականի հայտարարագրում առաջին անգամ նշվել է, որ տարվա ընթացքում 90 և ավելի օր փաստացի տիրապետել է երրորդ անձին պատկանող 2022 թվականի արտադրության MERCEDES-BENZ մարդատար ավտոմեքենային։

    Բանկային հաշվում տարվա սկզբին ունեցել է 95 հազար 498.5 դրամ, իսկ տարվա վերջում՝ 134 հազար 789 դրամ։

    Կանխիկ դրամական միջոցները չեն փոփոխվել։ Տարվա սկզբին և վերջում նա հայտարարագրել է 210 մլն դրամ, 300 հազար ԱՄՆ դոլար և 100 հազար եվրո կանխիկ միջոց։

    2025 թվականի ընթացքում նրա միակ հայտարարագրված եկամուտը կազմել է 2 մլն 771 հազար 933 դրամ, որը ստացել է որպես աշխատանքի վարձատրություն Սյունիքի մարզի Գորիսի համայնքապետարանի աշխատակազմից։ Հաշվետու տարվա վերջի դրությամբ վարկային պարտավորություններ չի ունեցել։

    Շահերի հայտարարագրի համաձայն՝ Առուշ Առուշանյանը շարունակում է ունենալ «Գոր Մետալ» ՍՊԸ-ի 100 տոկոս բաժնեմասը, որը ձեռք է բերել դեռևս 2008 թվականի օգոստոսի 1-ին։ Միաժամանակ նշվում է, որ ընկերությունում իրեն պատկանող բաժնեմասը 2025 թվականի օգոստոսի 4-ին հավատարմագրային կառավարման է հանձնվել Ասյա Ղազարյանին։ Պայմանագրի գործողության ժամկետը սահմանված է մինչև 2030 թվականի օգոստոսի 4-ը։

    2024 թվականի հայտարարագրում նրա գույքային դրությունը գրեթե նույնն էր։ Նա շարունակել էր հայտարարագրել նույն 4 անշարժ գույքը և նույն ZIL բեռնատարը։ Այդ տարի երրորդ անձին պատկանող MERCEDES-BENZ ավտոմեքենա հայտարարագրված չէր։ Բանկային հաշվում տարվա սկզբին ունեցել էր 268 հազար 487 դրամ, տարվա վերջում՝ 95 հազար 498.5 դրամ։ Կանխիկ միջոցները մնացել էին նույնը՝ 210 մլն դրամ, 300 հազար ԱՄՆ դոլար և 100 հազար եվրո, իսկ աշխատանքի վարձատրությունը կազմել էր 2 մլն 830 հազար 774 դրամ։ Նա նաև շարունակել էր ունենալ «Գոր Մետալ» ՍՊԸ-ի 100 տոկոս բաժնեմասը։

    2023 թվականին ևս անշարժ գույքը չէր փոփոխվել։ Նա ունեցել էր նույն 4 անշարժ գույքը և ZIL մակնիշի բեռնատարը։ Բանկային հաշվի մնացորդը տարվա ընթացքում նվազել էր 334 հազար 248 դրամից մինչև 268 հազար 487 դրամ։ Կանխիկ միջոցները մնացել էին անփոփոխ՝ 210 մլն դրամ, 300 հազար ԱՄՆ դոլար և 100 հազար եվրո։ Տարվա եկամուտը կազմել էր 2 մլն 778 հազար 495 դրամ, իսկ վարկային պարտավորություններ հայտարարագրված չէին։

    2022 թվականի հայտարարագրում նույնպես անշարժ և շարժական գույքը չէր փոխվել։ Սակայն փոփոխություն էր արձանագրվել կանխիկ միջոցների մասով։ Եթե տարվա սկզբին նա հայտարարագրել էր 229 մլն դրամ, 300 հազար ԱՄՆ դոլար և 100 հազար եվրո, ապա տարվա վերջում դրամային կանխիկ միջոցները դարձել էին 210 մլն դրամ, այսինքն՝ նվազել էին 19 մլն դրամով։ Դոլարային և եվրոյով պահվող միջոցները մնացել էին նույնը։ Բանկային հաշվի մնացորդն աճել էր 304 հազար 32 դրամից մինչև 334 հազար 248 դրամ, իսկ աշխատանքի վարձատրությունը կազմել էր 2 մլն 152 հազար 6 դրամ։

    2021 թվականին, համայնքի ղեկավարի պաշտոնը ստանձնելու պահին, Առուշ Առուշանյանը հայտարարագրել էր նույն 4 անշարժ գույքը և ZIL մակնիշի բեռնատարը։ Բանկային հաշվում տարվա սկզբին ունեցել էր ընդամենը 84 դրամ, իսկ տարվա վերջում՝ 304 հազար 32 դրամ։ Կանխիկ միջոցների մասով տարվա սկզբին հայտարարագրել էր 234 մլն դրամ, 300 հազար ԱՄՆ դոլար և 105 հազար եվրո, իսկ տարեվերջին՝ 229 մլն դրամ, 300 հազար ԱՄՆ դոլար և 100 հազար եվրո։ Նրա միակ եկամուտը եղել էր 1 մլն 918 հազար 948 դրամ աշխատավարձը։ Հայտարարագրում նշված չէր որևէ վարկ, փոխառություն կամ 2 մլն դրամը գերազանցող ծախս։ Այդ ժամանակ շահերի հայտարարագրում նա չէր նշել մասնակցություն առևտրային կազմակերպություններում, սակայն հայտարարել էր, որ «Վերածնվող Հայաստան» կուսակցության վարչության անդամ է։

    Եթե համեմատենք ավելի վաղ ներկայացված հայտարարագրերը, ապա պատկերը զգալիորեն տարբերվում է։ 2019 թվականի տարեկան հայտարարագրում Առուշ Առուշանյանը հայտարարագրել էր Գորիսում գտնվող առանձնատուն, արտադրական նշանակության տարածք և երկու հողամաս, իսկ միակ ավտոմեքենան 1930 թվականի արտադրության ZIL-ն էր։ Այդ ժամանակ նա հայտարարագրել էր 240 մլն դրամ, 380 հազար ԱՄՆ դոլար և 112 հազար եվրո կանխիկ միջոց, իսկ բանկային հաշիվները դատարկ էին։ Նրա եկամուտը կազմել էր 205 մլն 432 հազար դրամ, որից 3 մլն դրամը՝ համայնքապետի աշխատավարձը, 202 մլն 177 հազար դրամը՝ «Գոր Մետալ» ՍՊԸ-ից ստացած փոխառությունը, իսկ 231 հազար դրամը՝ նվիրատվությունը։ Միաժամանակ նա տարվա սկզբին «Գոր Մետալ» ՍՊԸ-ին տրամադրել էր 250 մլն դրամ փոխառություն, որի մնացորդը տարեվերջին կազմել էր 62 մլն 823 հազար դրամ։

    Իսկ 2017 թվականին, երբ ընդամենը 26 տարեկանում ընտրվել էր Գորիսի քաղաքապետ, պաշտոնը ստանձնելու հայտարարագրում Առուշ Առուշանյանը նշել էր մեկ բնակարան, մեկ արտադրական նշանակության շինություն, VOLKSWAGEN PHAETON 4.2 և BMW X6 5.0 I մակնիշի երկու ավտոմեքենա, ինչպես նաև 86 մլն 860 հազար դրամի հանձնված փոխառություններ։ Այդ ժամանակ նրա կանխիկ միջոցները կազմել էին 312 մլն 500 հազար դրամ, 420 հազար ԱՄՆ դոլար և 122 հազար եվրո, մինչդեռ հայտարարագրված եկամուտը եղել էր ընդամենը 1 մլն 520 հազար դրամ աշխատավարձ։ Հայտնի էր նաև, որ նա դեռևս 2008 թվականին հիմնադրել էր «Գոր Մետալ» ընկերությունը, իսկ նրա հայրը՝ Գագիկ Առուշանյանը, «Առանցք» ՍՊԸ-ի սեփականատերն է»։

    Մանրամասները՝ «Ժողովուրդ» օրաթերթի այսօրվա համարում:

  • Որոշել է «ժերտվա տալ» մերձավորներին․ «Հրապարակ»

    Որոշել է «ժերտվա տալ» մերձավորներին․ «Հրապարակ»«Հրապարակ» թերթը գրում է․ Նիկոլ Փաշինյանը որոշել է իր ամենամտերիմ մարդկանց «ժերտվա տալ»։ Առաջինն ԱԺ նախագահ Ալեն Սիմոնյանն էր, որ կրնկակոխ հետեւում էր Փաշինյանին ողջ քարոզարշավի շրջանում՝ նրա հետ ձեթով պեռաշկի ու ճամփեզրից առած կուկուռուզ էր ուտում, նրա հրահանգով անպատվում ու վիրավորում ընդդիմադիրներին։ Երկրորդ «զոհը», ըստ ՔՊ-ական աղբյուրների, վարչապետի աշխատակազմի ղեկավար Արայիկ Հարությունյանն է լինելու՝ Փաշինյանի ամենավստահելի մարդկանցից մեկը, նրա աջ ձեռքը, գորշ կարդինալը, որը հազար հարց էր լուծում երկրում եւ թիմում։ Ըստ մամուլի, Փաշինյանը դժգոհ է մնացել ընտրությունների արդյունքներից եւ ՔՊ շտաբի պետ Արայիկ Հարությունյանին որոշել է զրկել աշխատակազմի ղեկավարի բարձր պաշտոնից ու «աքսորել» խորհրդարան։ Իշխանական մեր աղբյուրներից տեղեկացանք, որ Նիկոլ Փաշինյանը նրան գործուղում է օրենդիր մարմին՝ շարքային պատգամավորի կարգավիճակում, ինչպես ժամանակին արեց Արսեն Թորոսյանի հետ՝ աշխատակազմի ղեկավարի պաշտոնից շարքային պատգամավոր դարձնելով։

    Սակայն պատճառը ոչ թե ընտրությունների արդյունքներն են, այլ՝ սուտը։ Ասում են՝ Փաշինյանը չի ներում, որ իրեն խաբել են, իր գլխի տակ փափուկ բարձ դրել, թե 65 տոկոսը գրպանումդ դրված է։ Մեր աղբյուրներն ասում են, որ Արայիկ Հարությունյանը, որ միաժամանակ Ծանրամարտի ֆեդերացիայի նախագահն է, ոչ մի կերպ չի պատկերացնում իրեն պատգամավորի կարգավիճակում, նա այլ ախորժակ ունի՝ հավակնում է դառնալ ՀԱՕԿ նախագահ։ Կառույցի ղեկավարը ԲՀԿ նախագահ Գագիկ Ծառուկյանն է, որին Փաշինյանը որոշել է «սատկացնել», «կզըցնել»։

    Արայիկ Հարությունյանը դեռեւս այս տարվա ապրիլին դրսեւորեց իր հավակնությունները՝ հրապարակավ հայտարարելով, թե Գագիկ Ծառուկյանը շուտով կդառնա 70 տարեկան եւ իրավունք չունի հավակնել կոմիտեի նախագահի պաշտոնին, անգամ լուր տարածվեց, որ դատարան են դիմել: «Շատ ուղիղ եմ ուզում ասել՝ սպորտային աշխարհն այս մասին չի ուզում խոսել: Շուտով լրանում է Գագիկ Ծառուկյանի 70-ամյակը, եւ իրավունք չունի 70-ից հետո հավակնել ՀԱՕԿ նախագահի պաշտոնին: Հիմա իրենք փորձում են այսպիսի հնարքներով, ընտրական եւ քաղաքական թեժ փուլում անցկացնել այդ ընտրությունները, Գագիկ Ծառուկյանին հերթական անգամ կարգել ՀԱՕԿ նախագահ, եւ նա եւս չորս տարի ղեկավարի»,- ասել էր Հարությունյանը: Ծառուկյանն Օլիմպիական կոմիտեն ղեկավարում է 2004 թվականից: Նա 70 տարեկան կդառնա նոյեմբերին, իսկ ընտրությունը պետք է լիներ ապրիլի 11-ին: Դրանից երեք օր առաջ ֆեդերացիան դատարան է դիմել, տապալվել է ընտրության հատուկ նիստը: Հայցի ապահովման միջոց է կիրառվել՝ արգելել են ընտրություն անելը, մինչեւ դատարանի որոշումը չլինի: Ի դեպ, ԲՏԱ նախարար Մխիթար Հայրապետյանի դեպքում էլ լուրեր կան, որ գնում է Ֆուտբոլի ֆեդերացիայի նախագահ։

  • Արևմուտքին չի հաջողվի քայքայել Ռուսաստանը. Պատրուշև

    Ռուսաստանի նախագահի օգնական, ՌԴ Ծովային կոլեգիայի նախագահ Նիկոլայ Պատրուշևը վստահ է, որ Արևմուտքին չհաջողվեց քայքայել Ռուսաստանը 1990-ականներին և չի հաջողվի դա անել նաև այժմ։

    «Պետք է ընդունել, որ աշխարհում միշտ եղել են ուժեր, որոնք ատել են Ռուսաստանը և նրա ոչնչացման համար պատրաստ են եղել օգտագործել իրենց ամբողջ ներուժը»,- ասել է Պատրուշևը «ՌԻԱ Նովոստի»-ին տված հարցազրույցում։

     Ռուսաստանի հակառակորդները շարունակում են կիրառել հին մեթոդները՝ փորձելով սպառել երկրի ռեսուրսները, երիտասարդության շրջանում տարածել հակահայրենասիրական գաղափարախոսություն, ձևավորել «հինգերորդ շարասյուն», մոբիլիզացնել տարբեր տեսակի ահաբեկիչների և ծայրահեղականների, ինչպես նաև հրահրել միջէթնիկ հակասություններ։

    «Այժմ Արևմուտքը կրկին խաղադրույք է կատարել նեոնացիզմի վրա։ Հակառուսական մտադրությունները ոչ մի տեղ չեն անհետացել», — ասել է նախագահի օգնականը՝ ընդգծելով, որ այդ ծրագրերը հաջողություն չեն ունենալու։

    https://yerevan.today

  • Նիկոլ Փաշինյանը շնորհավորական ուղերձ է հղել Էմանուել Մակրոնին

    Վարչապետ Նիկոլ Փաշինյանը շնորհավորական ուղերձ է հղել Ֆրանսիայի Հանրապետության նախագահ Էմանուել Մակրոնին՝ Ազգային տոնի առթիվ: Ուղերձում ասված է.

    «Մեծարգո պարոն նախագահ, թանկագին Էմանուել,

    Ջերմորեն շնորհավորում եմ և լավագույն մաղթանքներ եմ հղում Ձեզ և բարեկամ ֆրանսիացի ժողովրդին Ֆրանսիայի Հանրապետության Ազգային տոնի առիթով։

    Հուլիսի 14-ն առանձնահատուկ խորհուրդ ունի ոչ միայն Ֆրանսիայի, այլև ազատության, հավասարության և եղբայրության արժեքները կիսող բոլոր ժողովուրդների համար։ Այս օրը լավագույն առիթն է արժևորելու Ֆրանսիայի հարուստ քաղաքական և գաղափարական ժառանգությունը, որի հիմքում ընկած սկզբունքները դարձել են ժամանակակից ժողովրդավարական աշխարհի հիմնասյուներից։

    Մեծ գոհունակությամբ եմ արձանագրում, որ հենց այդ արժեքների հիմքի վրա խարսխված՝ Հայաստանի և Ֆրանսիայի միջև հարաբերությունները վերջին տարիներին հասել են աննախադեպ մակարդակի՝ ձեռք բերելով նոր որակ և ռազմավարական բովանդակություն։

    Այսօր Հայաստանի և Ֆրանսիայի միջև ձևավորված ռազմավարական գործընկերությունը վստահորեն զարգանում է բոլոր առանցքային ուղղություններով՝ քաղաքական երկխոսությունից և պաշտպանությունից մինչև տնտեսություն, ներդրումներ, ենթակառուցվածքներ, էներգետիկա, կրթություն, գիտություն, մշակույթ և ապակենտրոնացված համագործակցություն։ Միևնույն ժամանակ մեր համագործակցությունը հաջողությամբ ընդլայնվում է այնպիսի հեռանկարային ոլորտներում, ինչպիսիք են նորարարությունները, արհեստական բանականությունը, կենսաբազմազանության պահպանությունն ու կլիմայական օրակարգը։ Վստահ եմ, որ համատեղ ձևավորած հավակնոտ օրակարգի հետևողական իրականացումը մեր գործընկերությունը կհասցնի առավել բարձր մակարդակի՝ ի շահ երկու բարեկամ ժողովուրդների։

    Հայաստանը մեծապես կարևորում է Ֆրանսիայի առանցքային դերակատարությունն ու հետևողական աջակցությունը Եվրոպական միության հետ մեր երկրի գործընկերության խորացման, Հայաստան–Եվրոպական միություն համագործակցության օրակարգի ընդլայնման, ինչպես նաև ժողովրդավարական բարեփոխումների և ինստիտուցիոնալ զարգացման գործում։

    Կցանկանայի վերստին ընդգծել, թե որքան բարձր ենք գնահատում Ֆրանսիայի և անձամբ Ձեր աջակցությունը Հայաստանի ինքնիշխանությանը, դիմակայնության ամրապնդմանը և ժողովրդավարական զարգացմանը։ Առանձնակի երախտագիտությամբ եմ գնահատում այս ուղղությամբ Ձեր անձնական առաջնորդությունն ու հանձնառությունը:

    Վերստին շնորհավորելով Ձեզ և բարեկամ ֆրանսիացի ժողովրդին Ազգային տոնի առիթով՝ մաղթում եմ խաղաղություն, բարօրություն և շարունակական հաջողություններ, իսկ Հայաստանին ու Ֆրանսիային՝ նոր ձեռքբերումներ և մեր ռազմավարական գործընկերության հետագա ամրապնդում՝ ի շահ երկու ժողովուրդների։

    Ընդունեք խնդրեմ, մեծարգո՛ պարոն նախագահ, խորին հարգանքիս հավաստիքը։

    Բարեկամաբար՝ Նիկոլ Փաշինյան»:

  • Հութիները հրթիռներ են արձակել Սաուդյան Արաբիայի ուղղությամբ

    Եմենի հութիները հուլիսի 13-ին հրթիռներ են արձակել Սաուդյան Արաբիայի ուղղությամբ այն բանից հետո, երբ մեղադրել էին թագավորությանը Սանայի օդանավակայանին հարվածելու համար և հակահարված էին խոստացել։ Այս մասին հաղորդում է Reuters գործակալությունը։

    Եմենում գտնվող Սաուդյան Արաբիայի գլխավորած ռազմական կոալիցիայի խոսնակն X-ում գրել է, որ հրթիռները խոցվել են։ Նրա խոսքով՝ դրանք արձակվել են «ահաբեկչական հութի աշխարհազորայինների կողմից հարավային շրջանների ուղղությամբ»

    Իրանի կողմից աջակցվող հութիների ռազմական խոսնակ Յահյա Սարին հայտարարել է, որ իրենք թիրախավորել են Սաուդյան Արաբիայի Աբհայի միջազգային օդանավակայանը։ Աբհան Եմենին սահմանակից լեռնային հարավային շրջանի մայրաքաղաքն է։

    Սրանք Սաուդյան Արաբիայի դեմ առաջին հարվածներն են, որոնց համար հութիները պատասխանատվություն են ստանձնում 2022 թ. մարտին թագավորության էներգետիկ ենթակառուցվածքների վրա հարձակումներից հետո հաստատված ոչ պաշտոնական հրադադարից ի վեր։

    Եմենի հյուսիսը վերահսկող հութիները հուլիսի 13-ին մեղադրել են Սաուդյան Արաբիային Սանայի միջազգային օդանավակայանին օդային հարվածներ հասցնելու համար։ Յահյա Սարին հայտարարել էր, որ Սաուդյան Արաբիան կկրի հետևանքները, և որ հարձակումն անպատասխան չի մնա։ Միևնույն ժամանակ, հարձակման պատասխանատվությունը ստանձնել էր երկրի հարավում գտնվող Եմենի՝ միջազգայնորեն ճանաչված կառավարության պաշտպանության նախարարությունը՝ նշելով, որ զինված ուժերը թիրախավորել է Սանայի միջազգային օդանավակայանի թռիչքուղին՝ իրանական ինքնաթիռի վայրէջքը կանխելու համար։

    Եմենն ավելի քան մեկ տասնամյակ բախվում է քաղաքացիական պատերազմի. հութիները գրավել են մայրաքաղաքը և ստիպել միջազգայնորեն ճանաչված կառավարությանը տեղափոխվել հարավ։ Ադենի հարավային նավահանգստից գործող կառավարությունը վայելում է Սաուդյան Արաբիայի և Պարսից ծոցի այլ պետությունների աջակցությունը։

  • Մյասնիկյան պողոտայում երթևեկության ժամանակավոր վերադասավորում է կատարվելու

    Ինժեներական ենթակառուցվածքների տեղադրման աշխատանքներով պայմանավորված՝ հուլիսի 17-ին՝ ժ.23:00-ից մինչև հուլիսի 19-ը՝ ժ.18:00-ն Մյասնիկյան պողոտայի 14/12, 16/4, 41 և 43/11 հասցեներն ընդգրկող ճանապարհահատվածում կատարվելու է երթևեկության ժամանակավոր վերադասավորում: