Blog

  • ՄԻՊ-ն ու Սյունիքի մարզպետը քննարկել են մարզում՝ մարդու իրավունքներին վերաբերելի խնդիրները

    ՄԻՊ-ից հայտնում են, որ շարունակվում է Մարդու իրավունքների պաշտպան Անահիտ Մանասյանի աշխատանքային այցը Սյունիքի մարզ:

    Մարդու իրավունքների պաշտպան Անահիտ Մանասյանը հուլիսի 21-ին Կապանում հանդիպել է Սյունիքի մարզպետ Ռոբերտ Ղուկասյանի հետ:

    Քննարկվել են մարզում առկա մարդու իրավունքներին վերաբերելի խնդիրները, ինչպես նաև սոցիալ-տնտեսական հիմնահարցերը, այդ թվում՝ գյուղական բնակավայրերում գազաֆիկացման, խմելու և ոռոգման ջրի հասանելիության, սեփականության իրավունքի իրացման, դպրոցաշինության հետ կապված և մի շարք այլ հարցեր:

    Իր խոսքում Պաշտպանն ընդգծել է Սյունիքի մարզպետի հետ ձևավորված կառուցողական աշխատանքը, ինչի արդյունքում արձանագրված մի շարք խնդիրներ արագ ստանում են իրենց լուծումները:

    Անահիտ Մանասյանն իր հանձնառությունն է հայտնել քննարկված հարցերը մանդատի շրջանակում լուծելու տեսանկյունից:

    Պաշտպանը վստահություն է հայտնել, որ համատեղ ջանքերի շնորհիվ մարզում պետք է շարունակաբար կատարելագործել անձանց կյանքի վրա ազդեցություն ունեցող համակարգերը:

  • Զրպարտում են՝ ասելով, թե Ծառուկյանը քանդակագործին գցել է առյուծների վանդակը, դատարան ենք դիմելու

    Զրպարտում են՝ ասելով, թե Ծառուկյանը քանդակագործին գցել է առյուծների վանդակը, դատարան ենք դիմելու

  • Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է

    Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է

  • Մոսկվա-Կրասնոդար չվերթի օդաչուն հարբած վիճակում է եկել աշխատանքի և ազատվել


    Աշխարհ





    Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

    «Ուրալյան ավիաուղիներ» ավիաընկերության օդաչուն Մոսկվայից Կրասնոդար թռիչքին ժամանել է ալկոհոլի ազդեցության տակ։ Այս մասին հաղորւդել է URA.RU-ն։



    Դեպքը տեղի է ունեցել փետրվարին Մոսկվայի «Դոմոդեդովո» օդանավակայանում։


    Նախա-թռիչքային անվտանգության ժամանակ տղամարդու աչքերը կարմրած են եղել, և նրանից ալկոհոլի հոտ է եկել։ Ալկոթեզի թեստը ցույց է տվել, որ նա խմած է։ Օդաչուն անմիջապես հեռացվել է թռիչքից, նրա աշխատանքային պայմանագիրը խզվել է։ 


    «Ռոստրանսնադզորը» նախազգուշացում է տվել ավիաընկերությանը։

    Հետևեք մեզ՝ այստեղ



  • Փրկարարները հայտնաբերել են զբոսաշրջիկին և համապատասխան օգնություն ցույց տվել



    Հասարակություն





    Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

    Հուլիսի 21-ին՝ ժամը 07։37-ին, Գեղարքունիքի մարզային օպերատիվ կառավարման կենտրոն տեղեկություն է ստացվել, որ «Կարմիր Սար» կոչվող հատվածում՝ օտարերկրացի զբոսաշրջիկին անհրաժեշտ է փրկարարների օգնությունը։

    Դեպքի վայր են մեկնել ՆԳՆ ՓԾ մարզային փրկարարական վարչությունների հրշեջ-փրկարարական ջոկատներից օպերատիվ խումբ և մեկ մարտական հաշվարկ։

    Փրկարարները հայտնաբերել են նրան, ցույց տվել համապատասխան օգնություն և ուղեկցել Գավառ։

    Հետևեք մեզ՝ այստեղ




  • «Ուժեղ Հայաստան» դաշինքի մանդատ ստացած պատգամավորների անունները հայտնի են

    Կենտրոնական ընտրական հանձնաժողովի հուլիսի 21-ի նիստում հաստատված արձանագրության համաձայն՝ ԿԸՀ-ն «Ուժեղ Հայաստան» կուսակցությունների դաշինքի ընտրական ցուցակից Ազգային ժողովի պատգամավոր է գրանցել և մանդատ է տրամադրել 29 թեկնածուի։

    Ստորև ներկայացված են մանդատ ստացած անձինք.

    Արմեն Ավչյան

    Նարեկ Կարապետյան

    Արամ Վարդևանյան

    Դավիթ Ղազինյան

    Ռուբեն Մխիթարյան

    Արեգ Հովսեփյան

    Մամիկոն Ասլանյան

    Մարիաննա Ղահրամանյան

    Հայկ Սուքիասյան

    Արգիշտի Դարբինյան

    Իրինա Յոլյան

    Էդգար Ղազարյան

    Տիգրան Աբրահամյան

    Լենա Մաթևոսյան

    Անդրանիկ Գևորգյան

    Հայկ Ֆարմանյան

    Գրիշա Թամրազյան

    Լիանա Գասպարյան

    Վաղինակ Վարդանով

    Գառնիկ Դավթյան

    Լիանա Մանուկյան

    Հարություն Մնացականյան

    Վրույր Այվազյան

    Սյուզաննա Ավետիսյան

    Հարություն Հարությունյան

    Շիրազ Մանուկյան

    Անուշ Միրզոյան

    Անուշավան Մանուչարյան

    Հասմիկ Ենգորյան

  • ՌԴ-ն կշարունակի հարվածներ հասցնել Կիևի համար Սև ծովով զենք…

    ՌԴ-ն կշարունակի հարվածներ հասցնել Կիևի համար Սև ծովով զենք…

  • Հարավային Կովկասը գնալով ավելի կարևոր է դառնում. Մերց

    Հարավային Կովկասը գնալով ավելի կարևոր է դառնում՝ որպես Եվրոպայի և Ասիայի միջև կապող օղակ։ Գերմանիայի կանցլեր Ֆրիդրիխ Մերցն այս հայտարարությունն արել է նախագահ Իլհամ Ալիևի հետ համատեղ մամուլի ասուլիսում։

    «Նոր տրանսպորտային և առևտրային միջանցքները ստեղծում են հսկայական տնտեսական ներուժ, և մենք ցանկանում ենք միասին օգտվել դրանից», – ասել է Մերցը։

  • Արթուր Օսիպյանը դատական հայց է ներկայացրել Փաշինյանի դեմ. դատարանը վարույթ է ընդունել

    Արցախցի քաղաքական գործիչ Արթուր Օսիպյանը դատական հայց է ներկայացրել վարչապետ Նիկոլ Փաշինյանի դեմ։  Այս մասին տեղեկանում ենք  Արթոր Օսիպյանի ֆեյսբուքյան էջից:

    «ՀՀ Երևան քաղաքի առաջին ատյանի ընդհանուր իրավասության քաղաքացիական դատարանն ընդունել է վարույթ իմ կողմից ներկայացված հայցադիմումն ընդդեմ պատասխանող Նիկոլ Փաշինյանի՝ զրպարտություն հանդիսացող տվյալները հերքելուն և ներողություն խնդրելուն պարտավորեցնելու պահանջների մասին»,-գրել է Օսիպյանը:

    Օսիպյանը պահանջում է, որ դատարանը պարտավորեցնի վարչապետին հերքել զրպարտություն համարվող հայտարարությունները և ներողություն խնդրել։

    Հիշեցնենք, որ Արթուր Օսիպյանը ձերբակալվել, այնուհետև կալանավորվել էր մայիսի 18-ին Արաբկիր վարչական շրջանում Փաշինյանիի հետ ունեցած միջադեպից հետո։

    Նա հացադուլ էր հայտարարել՝ որպես բողոքի նշան Նիկոլ Փաշինյանի կողմից իր հասցեին հնչեցրած «փախած» որակման համար։ Նրան մեղադրում են բռնություն գործադրելու հրապարակային կոչերի, բռնությունը հրապարակայնորեն արդարացնելու կամ քարոզելու, խուլիգանության և քարոզչությանը խոչընդոտելու մեջ:

    Հունիսի 10-ին Օսիպյանին ազատ արձակելու որոշում է կայացվել։

  • ԲՆԱԿԱՐԱՆԱՅԻՆ ՌԵԿԵՏ ԳՅՈՒՄՐԻՈՒՄ. Ինչո՞ւ է իրավապահ համակարգը լռում Մելադա Սարգսյանի ապօրինությունների մասին

    «Ամբիոն Նյուզ»-ի խմբագրությունն արդեն տևական ժամանակ է, ինչ ողողված է Գյումրիից ստացվող ահազանգերով։ Քաղաքում, ըստ էության, տեղի է ունենում բացահայտ ռեկետ և անօրինականություն, որի կենտրոնում Գյումրիի բնակիչ Մելադա Անդրանիկի Սարգսյանն է ու նրա եղբայրը՝ Ռաֆիկ Սարգսյանը։ Սույն անձինք, զբաղվելով ապօրինի վաշխառությամբ, քաղաքացիներին բարձր տոկոսներով գումարներ են տալիս, իսկ հետո սկսվում է իսկական մղձավանջը։
    Տուժածների պատմությունները սարսափեցնող են. Մելադա Սարգսյանն ու նրա եղբայրը՝ Ռաֆիկ Սարգսյանը, անձամբ են ներխուժում մարդկանց տներ, հայհոյում, ֆիզիկական ծեծի ու հոգեբանական ահաբեկման ենթարկում քաղաքացիներին՝ վախի մթնոլորտում նրանցից ուղղակի խլելով իրենց սեփական տներն ու բնակարանները։ «Ամբիոն Նյուզ»-ի ձեռքի տակ կան էքսկլյուզիվ ապացույցներ և փաստաթղթեր՝ Մելադա և Ռաֆիկ Սարգսյաններին պատկանող բնակարանների ճշգրիտ քանակի վերաբերյալ, ինչը բացահայտում է նրանց ապօրինի հարստացման ու գույքերի բռնագրավման ողջ ծավալը։ Միևնույն ժամանակ, «Ամբիոն Նյուզ»-ի ուղարկած պաշտոնական հարցմանն ի պատասխան՝ ՀՀ Կենտրոնական բանկից հաստատել են, որ Մելադա Անդրանիկի Սարգսյանը չունի որևէ լիցենզիա ֆինանսական գործունեություն ծավալելու համար և նրա ողջ գործունեությունը բացարձակ անօրինական է։
    Այս հանցավոր սխեման առավել տեսանելի դարձավ շաբաթներ առաջ, երբ «Ամբիոն Նյուզ»-ը լուսաբանեց Հովհաննես Ասատրյանի ընտանիքին սեփական տանից փողոց նետելու ողբերգական դեպքը։ Այդ հրապարակումից հետո խմբագրության հեռախոսները չեն դադարում զանգել. տասնյակ քաղաքացիներ ահաբեկված պատմում են ճիշտ նույն ձեռագրով իրենց տները խլելու մասին։ Ուշագրավ է, որ Ասատրյանների ընտանիքին պատկանող գույքը, մեր լավատեղյակ աղբյուրների փոխանցմամբ, գնել է Արամ անունով ինչ-որ անձնավորություն, ով ուղղակիորեն կապված է Մելադա Սարգսյանի հետ։
    Սակայն ամենասկանդալայինն ու վտանգավորն այս պատմության մեջ հանցագործների անպաժելիությունն է։ Տուժած քաղաքացիները սարսափած են և վախենում են բարձրաձայնել, քանի որ Մելադա Սարգսյանը բացահայտ հոխորտում է, թե իր թիկունքին բարձրաստիճան պաշտոնյաներ են կանգնած։ Ավելին՝ ճնշումներից ու ահաբեկումներից անմասն չի մնում անգամ մեր լրատվամիջոցը, որին փորձում են լռեցնել քննիչների և իրավապահ համակարգի տարբեր լծակների միջոցով։
    Այնուամենայնիվ, «Ամբիոն Նյուզ»-ը հետևողական է։ Մենք արդեն դիմել ենք ՀՀ Գլխավոր դատախազություն, և գործին պաշտոնապես ընթացք է տրվել։ Մենք հետևելու ենք քննության ընթացքին՝ բացահայտելու համար, թե ովքեր են քաղաքացիներին ահաբեկողների և տնանկ անողների իրական հովանավորները։