Blog

Երևանում օգոստոսի 31-ին կեսօրից հետո, սեպտեմբերի 1-ին՝ գիշերը և կեսօրից հետո սպասվում է կարճատև անձրև և ամպրոպ։ Սեպտեմբերի 2-5-ին սպասվում է առանց տեղումների եղանակ։ Ամպրոպի ժամանակ և երեկոյան ժամերին սպասվում է քամու ուժգնացում՝ 18-23մ/վրկ։Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից։

Հանրապետության տարածքում օգոստոսի 31-ին կեսօրից հետո, սեպտեմբերի 1-2-ին գիշերը և կեսօրից հետո, 4-5-ին կեսօրից հետո առանձին շրջաններում սպասվում է կարճատև անձրև և ամպրոպ, օգոստոսի 31-ին, սեպտեմբերի 1-ին առանձին շրջաններում անձրևները կլինեն հորդառատ, հնարավոր է կարկուտ։

Քամին հարավարևելյան և արևելյան4-7 մ/վ, ամպրոպների ժամանակ սպասվում է քամու ուժգնացում՝ 20-25մ/վրկ։ Օդի ջերմաստիճանն սեպտեմբերի 2-5 ին ցերեկային ժամերին աստիճանաբար կբարձրանա 4-5, Լոռիում, Տավուշում և Սյունիքում 5-7 ։

Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում: Այս մասին լրագրողների հետ զրույցում ասել է Շենգավիթ վարչական շրջանի բնակիչներից մեկը, ում տունը այսօր քաղաքապետարանը պատրաստվում էր քանդել:

«Բա դուք մեզ չե՞ք խղճում, էս ի՞նչ եք անում, մեկը չխղճած մեր երեխեքին, ի՞նչ եք ուզում, որ եկել եք քանդեք, Փաշինյան, ամոթ քեզ, որ հայ ազգի հետ սենց ես վարվում, ամոթ, որ այս երեխաների հետ սենց ես վարվում: Պարոն Ավինյան, դու երեխա չունե՞ս, քո ոտքերի տակ էի մաքրում, հավաքում, որ դու արտակարգ ման գաս, իսկ հիմա եկել ես, իմ տու՞նն ես քանդում։

Մանուկ երեխեքից ի՞նչ եք ուզում, ոչինչ չենք ուզում ձեզանից, մենակ թողեք հանգիստ ապրեն էս երեխեքը, հրատապ եկել են, ասում են քանդում ենք, ի՞նչը քանդես, ի՞նչ կա, որ քանդես, աղբանոց ա, էս աղբանոցն է՞լ չեք թողնում վայելենք, ես եմ եկել, հավաքել, սարքել եմ տուն, երեխաներիս հավաքել եմ մեջը, ի՞նչ եմ խնդրել ձեզանից, ոչ մի բան»,- նշել է բնակիչը:

Բնակիչները հավելում են՝ կասկածներ ունեն, որ ինչ-որ մարդիկ քաղաքապետարանին գումար են տվել, և ինչ-որ ծրագրեր ունեն իրենց տների տարածքի հետ կապված: Շեշտում են՝ տները ուզում են իրենց ձեռքից խլել, բայց ոչ ապրելու նպատակով:

Քանդման վերաբերյալ ոչ ոք բնակիչներին չի ծանուցել, միայն 2 օր առաջ թաղապետարանից են եկել՝ բնակիչներին ասելով, որ հրատապ դուրս գան իրենց տներից, քանի-որ դրանք քանդման ենթակա են: Բնակիչներից ոմանք ունեն մեծ ընտանիք, ընտանիքում կան անչափահաս երեխաներ, և չգիտեն, թե քանդելուց հետո ուր են գնալու:

Հիշեցնենք, որ այսօր Շենգավիթում թաղապետարանի աշխատակիցները ոստիկանության ուղեկցությամբ փորձում էին բնակելի 6 տնակ քանդել, բնակիչները փակել են դեպի տնակներ տանող ճանապարհը և թույլ չեն տվել: Տնակները սեփականաշնորհված չեն, բնակիչների խոսքով, դրանք նվեր են ստացել բարերարներից, իրենք բարեկարգել են տարածքը, որ ժամանակին աղբանոց է եղել։