«Ոսկե գնդակի» քվեարկությունն արդեն ավարտվել է։ Հեղինակավոր մրցանակն իր նոր տիրոջը կգտնի երկուշաբթի՝ հոկտեմբերի 26-ին, Լոնդոնում կայանալիք հանդիսավոր արարողության ժամանակ։ Այս մասին հայտնում է armsport.am-ը։
Ինչպես հաղորդում է Winna FC-ի սոցցանցային էջը, քվեարկության արդյունքներով հաղթող է ճանաչվել Մյունխենի «Բավարիայի» և Անգլիայի ազգային հավաքականի հարձակվող Հարի Քեյնը։ Հրապարակման մեջ նշվում է, որ անգլիացի գոլահարին արդեն տեղեկացրել են հաղթանակի մասին և նույնիսկ հատուկ լուսանկարահանում են նախատեսել։
Այնուամենայնիվ, տեղեկատվության աղբյուրը բավականին կասկածելի է, թեև տվյալ էջն ունի գրեթե 250 հազար հետևորդ։ Հատկանշական է նաև այն փաստը, որ վերջին տարիներին մրցանակաբաշխության կազմակերպիչները հրաժարվել են նախկինում գործող սցենարից, ըստ որի՝ հաղթողը նախապես էր տեղեկանում արդյունքների մասին, որպեսզի France Football ամսագրի համար նախատեսված հարցազրույցն ու թարմ լուսանկարները հրապարակվեին արարողությունից անմիջապես հետո։
Բանն այն է, որ նման գործելաոճի պատճառով հաղթողի անունը մշտապես արտահոսում էր մամուլ։ Այժմ կազմակերպիչները նախընտրում են ինտրիգը պահպանել մինչև վերջին վայրկյանը։
Հիշեցնենք, որ բացի Քեյնից՝ մրցանակի գլխավոր հավակնորդներն են կատալոնական «Բարսելոնայի» եզրային հարձակվող Լամին Յամալը և Մադրիդի «Ռեալի» ֆրանսիացի ռմբարկու Կիլիան Մբապեն։
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. հոկտեմբերի 21-ին ժամը 11:00-ից մինչև հոկտեմբերի 22-ը ժամը 11:00-ն կդադարեցվի հետևյալ տարածքների ջրամատակարարումը.
Դավթաշեն վարչական շրջանը՝ ամբողջությամբ,
Աջափնյակ վարչական շրջանի՝ Նազարբեկյան, Նորաշեն, Գ-1 թաղամասերի, Ալիխանյան Եղբայրների,Մարգարյան, Ֆուչիկի, Բաշինջաղյան, Ջանիբեկյան, Շիրազի, Մազմանյան փողոցները իրենց նրբանցքներով, Հալաբյան 22-38 համարները իրենց կոտորակներով,
Երկու շաբաթ առաջ Բաքվում Թուրքիայի բարձրաստիճան զինվորականներն ու պաշտպանական արդյունաբերության ներկայացուցիչները ժպիտով հայտարարեցին ադրբեջանական բանակին 500 միլիոն դոլարի արտադրանք մատակարարելու պայմանագրերի կնքման մասին։
Առաջին հայացքից այս համաձայնագրերը վկայում են, որ էթնիկ, կրոնական, մշակութային ու պատմական կապերով միավորված երկու երկրների դաշինքը շարունակում է պտուղներ տալ։ Սակայն, չնայած էներգետիկայի, տրանսպորտի, շինարարության և գյուղատնտեսության ոլորտներում փոխադարձ բազմամիլիարդանոց ներդրումներին, այս շաբաթ պաշտոնական Բաքվի հետ սերտորեն կապված մի շարք ադրբեջանական լրատվամիջոցներ Թուրքիայի արտգործնախարար Հաքան Ֆիդանին մեղադրեցին նախագահ Իլհամ Ալիևի վարչակազմի դեմ ապստամբություն հրահրելու փորձի մեջ։
Ֆիդանի և Թուրքիայի կառավարության դեմ այս աննախադեպ հարձակումները հաջորդեցին Ադրբեջանի անցած ամսվա որոշմանը, որով արգելվեց հիջաբ կրել տարրական և միջնակարգ դպրոցներում։ Այդ քայլը բողոքի ալիք և քննադատական հրապարակումներ էր առաջացրել թուրքական մամուլում։
Իրավիճակին քաջատեղյակ մի քանի պաշտոնյաներ և աղբյուրներ «Middle East Eye» (MEE) պարբերականին հայտնել են, որ Թուրքիայի և Ֆիդանի դեմ հարձակումները հրահանգավորված են եղել վերևից։
Հակասությունները սկսվեցին այն բանից հետո, երբ Ալիևը քողարկված հանդիմանեց Անկարային՝ Ադրբեջանի ներքին գործերին միջամտելու փորձերի համար։
Ավելի վաղ ադրբեջանական աղբյուրները հայտնել էին, որ Ալիևն այդպես է արձագանքել ՄԱԿ-ում Թուրքիայի նախագահ Ռեջեփ Թայիփ Էրդողանի ելույթին։ Իր խոսքում Էրդողանը քննադատել էր այն երկրներին, որոնք խոչընդոտում են մուսուլման աղջիկների կրթության իրավունքը։ Անկարան պնդում է, թե այդ դիտողություններն ուղղված են եղել եվրոպական երկրներին, ոչ թե Ադրբեջանին։
Ճգնաժամը սրվեց անցած շաբաթ, երբ Թուրքիայի նախագահի խորհրդական Օքթայ Սարալը սոցիալական ցանցերում գրառում կատարեց՝ կոչ անելով Բաքվին չեղարկել հիջաբի արգելքը։
Ադրբեջանի որոշումը քննադատեց նաև Թուրքիայի իշխող «Արդարություն և զարգացում» կուսակցության փոխնախագահ Լեյլա Շահին Ուստան, որը 1990-ականների վերջին Թուրքիայում հիջաբի արգելքի դեմ պայքարի խորհրդանիշներից մեկն էր դարձել։
Նրանց մեկնաբանություններին կոշտ հայտարարությամբ արձագանքեց Ալիևի «Նոր Ադրբեջան» կուսակցությունը՝ զգուշացնելով Անկարային, որ իսլամական աշխարհում գերիշխանության ձգտելն անթույլատրելի է։
Երեք պաշտոնյա և իրավիճակին ծանոթ մեկ աղբյուր MEE-ին հայտնել են, որ ի պատասխան՝ Բաքուն Անկարայից պահանջել է Սարալին ազատել զբաղեցրած պաշտոնից։
Բաքուն նաև դիմել է Անկարային՝ խնդրելով պատասխանատվության ենթարկել սոցցանցերում Ալիևին վիրավորած օգտատերերին, և փոխանցել է այն հաշիվների ցանկը, որոնց արգելափակումն է պահանջում։
Հետագայում Թուրքիայի կառավարությունն արգելափակել է մի քանի մեկնաբանների էջեր, սակայն այլ քայլեր առայժմ չի ձեռնարկել։
Բաքվի դժգոհությունն է հարուցել նաև հինգշաբթի օրը Ասիայում փոխգործակցության և վստահության միջոցների խորհրդակցության 7-րդ գագաթնաժողովին չմասնակցելու Էրդողանի որոշումը։ Թուրքիայի նախագահը նման քայլի էր դիմել՝ Իսրայելի նախագահ Իցհակ Հերցոգի հետ նույն սրահում չհայտնվելու համար, սակայն Բաքվում նրա բացակայությունն ընկալել են որպես անարգանք Ալիևի նկատմամբ։
Բազմաթիվ աղբյուրներ հայտնում են, որ ամսվա վերջին Թուրքիայում կայանալիք Թյուրքական պետությունների գագաթնաժողովին Ալիևի մասնակցությունը դեռ հաստատված չէ, և ոմանք ենթադրում են, որ նա կարող է բաց թողնել հանդիպումը։
Ֆիդանը մասնակցել է գագաթնաժողովին, սակայն մյուս մասնակից երկրների հետ Հերցոգի ելույթի բոյկոտը գլխավորելու նրա որոշումը նույնպես բացասաբար է ընդունվել ադրբեջանական կողմից։
«Ֆիդանի այցը միայն է՛լ ավելի սրեց իրավիճակը,— նշել է մանրամասներին տեղյակ ադրբեջանական աղբյուրը։— Նրա այցը, գործողություններն ու հայտարարությունները բացասաբար են անդրադարձել ընդհանուր մթնոլորտի վրա. մենք Թուրքիայի դիրքորոշման մեջ իրական փոփոխություններ տեսնելու կարիք ունենք»։
Լարվածությունն է՛լ ավելի խորացավ անցած շաբաթ, երբ կրթական հիմնադրամներից մեկի միջոցառման ժամանակ Էրդողանը հայտարարեց, թե Թուրքիան այլևս այն երկիրը չէ, որտեղ երեխաները հագուստի կամ քաղաքական հայացքների պատճառով ստիպված են կրթություն ստանալ արտերկրում։ Ադրբեջանում նրա այս խոսքերն ընկալվեցին որպես հերթական հարված Բաքվի հասցեին։
Վերջին շրջանում Թուրքիայի և Ադրբեջանի հարաբերությունները լարվել են: Ադրբեջանի ԱԳՆ-ն «անցանկալի անձ» է հայտարարել Թուրքիայի 31 քաղաքացու և արգելել նրանց մուտքը երկիր: Ըստ գերատեսչության՝ պատճառը սոցիալական ցանցերում այդ անձանց արած հայտարարություններն են, որոնք ուղղված են եղել «Ադրբեջանի ինքնիշխանության, ազգային անվտանգության, ադրբեջանցիների դեմ, ինչպես նաև պարունակել են իշխանությունը բռնի փոխելու և կրոնական թշնամանք հրահրելու կոչեր»։ «Անցանկալի անձ» ճանաչվածների ցանկում են բլոգերներ, լրագրողներ, քաղաքական վերլուծաբաններ, հանրային, կրոնական գործիչներ, թուրք պատգամավորներ:
Օրերս Բաքուն նաև միջազգային հետախուզում է հայտարարել Թուրքիայում բնակվող և գործունեություն ծավալող յոթ քաղաքացու նկատմամբ՝ Բաքվի դեմ հրապարակային կոչեր անելու մեղադրանքով: Ստամբուլում էլ Ադրբեջանի գլխավոր հյուպատոսության տարածքում անվտանգության ուժեղացված ռեժիմ է հայտարարվել՝ շենքի դիմաց տեղի ունեցած բողոքի ակցիաներից հետո:
Լարվածությունը հատկապես սրվել է Ադրբեջանում դպրոցական համազգեստի նոր պահանջների դեմ ցույցերից հետո, Բաքվի որոշ դպրոցներում հիջաբով աշակերտուհիներին թույլ չէին տվել մասնակցել դասերին: Թուրքիայի նախագահի գլխավոր խորհրդականն անընդունելի էր որակել գլխաշոր կրող աշակերտուհիների՝ կրթության իրավունքի սահմանափակումը։ Թուրքիայում ակցիայի մասնակիցները դատապարտել էին Բաքվի գործելաոճը, նաև Իսրայելի հետ սերտ հարաբերությունները: «Նոր Ադրբեջան» կուսակցությունը կոչ էր արել թուրքական կողմին՝ չմիջամտել երկրի ներքին գործերին: Բաքվից նաև հայտարարել են, որ հանրապետության վրա հիբրիդային լայնածավալ հարձակում է իրականացվում բարեկամ և հարևան երկրների տարածքից:
Առողջապահության նախարարությունը էբոլա հիվանդության՝ Հայաստան ներմուծման ու Հայաստանում տարածման ռիսկը ցածր է գնահատում․
Նշել են․
«ԱՀԿ եվրոպական տարածաշրջանի երկրների, այդ թվում՝ Հայաստանի Հանրապետության համար Էբոլա հիվանդության ներմուծման և հետագա տարածման ռիսկը գնահատվում է ցածր։
ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնը (ՀՎԿԱԿ) շարունակում է մշտապես հետևել միջազգային համաճարակաբանական իրավիճակին»։
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. հոկտեմբերի 21-ին ժամը 11:00-ից մինչև հոկտեմբերի 22-ը ժամը 11:00-ն կդադարեցվի հետևյալ տարածքների ջրամատակարարումը.
Դավթաշեն վարչական շրջանը՝ ամբողջությամբ,
Աջափնյակ վարչական շրջանի՝ Նազարբեկյան, Նորաշեն, Գ-1 թաղամասերի, Ալիխանյան Եղբայրների,Մարգարյան, Ֆուչիկի, Բաշինջաղյան, Ջանիբեկյան, Շիրազի, Մազմանյան փողոցները իրենց նրբանցքներով, Հալաբյան 22-38 համարները իրենց կոտորակներով,
