Ընդդիմության և իշխանության մասին «բախումն» էլ իր արդյունքը պետք է տա գործնականում. երկրում իրավիճակ փոխելու համար հստակ քայլեր են պետք, քաղաքական քննադատությունը պետք է զուգորդվի օրենսդրական գործիքակազմերով ներսից ցանկալի փոփոխությանը հասնելուն։
Այլապես քննադատել կարելի է նաև տանը՝ հարմարավետ բազմոցին նստած կամ հեռախոսի էկրանների հետևում։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հունաստանի հյուսիսում՝ Հալկիդիկի թերակղզում, ուժեղ անտառային հրդեհի պատճառով բնակիչներն ու զբոսաշրջիկները տարհանվում են ինչպես ցամաքային, այնպես էլ ծովային ճանապարհով։ Այս մասին օգոստոսի 13-ին հաղորդել է Reuters-ը։
Հրդեհը տարածվել է ուժեղ քամիների պայմաններում՝ մոտենալով բնակավայրերին և զբոսաշրջային գոտիներին։ Առավել բարդ իրավիճակ է ստեղծվել ծովափնյա Սիվիրի բնակավայրի շրջանում, որտեղ մարդկանց մի մասին տարհանել են հրշեջ ծառայության նավակներով, առափնյա պահպանության և մասնավոր նավերի միջոցով։
Հրդեհաշիջման աշխատանքներին ներգրավված է ավելի քան 140 հրշեջ, ինչպես նաև ինը ինքնաթիռ և յոթ ուղղաթիռ։ Կրակը տարածվել է Սիվիրին և Կասանդրիային կապող հիմնական ճանապարհի երկայնքով, ինչի պատճառով որոշ հատվածներում երթևեկությունը դադարեցվել է։
Reuters-ի տվյալներով՝ հրդեհաշիջման աշխատանքների ընթացքում մեկ հրշեջ վիրավորվել է։ Իշխանությունների առաջնահերթությունը բնակչության անվտանգ տարհանումն ու կրակի տարածումը սահմանափակելն է։
Հունաստանը վերջին շաբաթներին բախվում է մի շարք խոշոր անտառային հրդեհների։ Շոգը, երաշտը և ուժեղ քամիները զգալիորեն դժվարացնում են հրդեհաշիջման աշխատանքները երկրի տարբեր շրջաններում։
Հետևեք մեզ՝ այստեղ
Ես թուրքագետ եմ, եղել եմ Թուրքիայում` իմ սեփական ֆինանսական միջոցներով, հինգ օրով, և գիտե՞ք` նպատակս որն էր. Հայոց Ցեղասպանության ճանաչման պահանջը. Արեգա Հովսեփյան
Ռուբեն Վարդանյանի մոտ նախկինում աշխատած Խանդանյանը հրաժարվեց պատասխանել նրա մասին Ավետիսյանի հարցին
Հայաստանում աղքատ չեն համարվում 54 000 դրամ ունեցողները. դարձրե՛ք 27000, թվերը կլավանան. Ֆարմանյան
Պետական համակարգը օգտագործվում է որպես պատժիչ մահակ քաղաքականապես ակտիվ գործիչների համար. Նարե Սիմոնյան
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկ՝ օգոստոսի 12-ին, ավտովթար է տեղի ունեցել Արարատի մարզում։ Ժամը 18։30-ի սահմաններում Փոքր Վեդի գյուղում՝ դեպի Խոր Վիրապ տանող ավտոճանապարհին, 48-ամյա Լիլիթ Ա.-ն իր վարած «Ford» մակնիշի ավտոմեքենայով դուրս է եկել ճանապարհի երթևեկելի գոտուց, բախվել բետոնե էլեկտրասյանը, տապալել այն և հայտնվել ձորակում։
Ինչպես հայտնում է Shamshyan.com-ը, 2 հոգի տարբեր աստիճանի մարմնական վնասվածքներով տեղափոխվել են «Արտաշատ» բժշկական կենտրոն։
Հետևեք մեզ՝ այստեղ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ավստրիայի Զալցբուրգ քաղաքի «Ռեդ Բուլ Արենա» մարզադաշտում կայացավ ՈւԵՖԱ-ի 2026 թվականի Սուպերգավաթի հանդիպումը, որում Չեմպիոնների լիգայի գործող գավաթակիր ֆրանսիական ՊՍԺ-ն ուժերն էր չափում Եվրոպայի լիգայի հաղթող անգլիական «Ասթոն Վիլայի» հետ։ Դրամատիկ և ռեկորդներով հարուստ խաղն ավարտվեց փարիզեցիների հաղթանակով՝ 2։1 հաշվով։
Հանդիպման հաշիվը 20-րդ րոպեին Դեզիրե Դուեի փոխանցումից հետո բացեց ՊՍԺ-ի հարձակվող Խվիչա Կվարացխելիան: Առաջին խաղակեսի վերջնամասում՝ 45-րդ րոպեին, բիրմինգհեմյան ակումբի կազմում հավասարությունը վերականգնեց Բրայան Մաջոն։ Սակայն 61-րդ րոպեին Դեզիրե Դուեն արդեն ինքը դարձավ գոլի հեղինակ՝ խփելով ֆրանսիական ակումբի հաղթական գնդակը։
Դառնալով գոլի հեղինակ 17 տարեկան և 212 օրական հասակում՝ Բրայան Մաջոն դարձավ եվրոպական ակումբային մրցաշարերի վճռորոշ հանդիպումներում գոլ խփած ամենաերիտասարդ ֆուտբոլիստը պատմության մեջ։ Նա գերազանցեց անգլիացի լեգենդար հարձակվող Ջիմի Գրիվզի ռեկորդը (18 տարեկան և 13 օրական), որը սահմանվել էր Տոնավաճառների գավաթի (ՏԳ/ՈւԵՖԱ-ի գավաթ) 1958 թվականի եզրափակչում։
«Ասթոն Վիլայի» իսպանացի գլխավոր մարզիչ Ունաի Էմերիի համար սա ՈւԵՖԱ-ի Սուպերգավաթում չորրորդ պարտությունն էր 4 հնարավորից։ Նախկինում նա այս տիտղոսը զիջել էր նաև «Սևիլիայի» (2014-ին՝ «Ռեալին», 2015-ին՝ «Բարսելոնային») և «Վիլյառեալի» ղեկին (2021-ին՝ «Չելսիին»):
Լուիս Էնրիկեի գլխավորած թիմի համար սա 2026 թվականին նվաճած 4-րդ տիտղոսն է։ Ավելի վաղ ՊՍԺ-ն դարձել էր Ֆրանսիայի չեմպիոն, նվաճել երկրի Սուպերգավաթը և Չեմպիոնների լիգայի տիտղոսը․ եզրափակչում հետխաղյա 11-մետրանոցներով հաղթելով Լոնդոնի «Արսենալին»։ Մյուս կողմից, «Ասթոն Վիլան» այս խաղին մասնակցում էր որպես Եվրոպայի լիգայի հաղթող, որտեղ եզրափակչում 3։0 հաշվով ջախջախել էր «Ֆրայբուրգին»:
Փարիզյան ակումբը ՈւԵՖԱ-ի Սուպերգավաթը նվաճեց պատմության մեջ երկրորդ անգամ և երկրորդ տարին անընդմեջ․ 2025 թվականին նրանք հաղթել էին «Տոտենհեմին»։ Միակ պարտությունն այս մրցաշարում թիմը կրել էր 1996 թվականին՝ զիջելով Թուրինի «Յուվենտուսին»:
Հետևեք մեզ՝ այստեղ