Category: Hayacq

«Ժողովուրդ» օրաթերթը գրում է. ««Ժողովուրդ» օրաթերթն ուսումնասիրել է Երևանի քաղաքապետ Տիգրան Ավինյանի և նրա ընտանիքի անդամների վերջին տարիների հայտարարագրերը՝ սկսած 2017 թվականից։ Եթե 2018 թվականին Տիգրան Ավինյանի տարեկան եկամուտը կազմում էր 13 մլն դրամ, ապա 2025 թվականի հայտարարագրում այդ թիվը 4.2 անգամ աճել է՝ դառնալով ավելի քան 57 մլն դրամ։ Սա հայտարարագրված եկամուտն է։ Ուսումնասիրությունը ցույց է տալիս, որ Ավինյանի հայտարարագրերում տարեցտարի աճել են եկամուտները, կրիպտոակտիվները, իսկ ընտանիքի բիզնեսներն ու ակտիվները ևս ընդլայնվել են։

2017-2018 թվականներ․ առաջին հայտարարագրերից մինչև փոխվարչապետի պաշտոն

«Ժողովուրդ» օրաթերթը պարզեց, որ Տիգրան Ավինյանի առաջին հայտարարագրերը ներկայացվել են 2017-2018 թվականներին։ 2017 թվականին, երբ նա դեռևս պետական պաշտոն չէր զբաղեցնում և 28 տարեկան էր, հայտարարագրել էր շուրջ 30 մլն դրամ եկամուտ։ Քաղաքապետարանի ներկայացրած պարզաբանման համաձայն՝ հենց այդ ժամանակահատվածում Ավինյանն ու նրա հայրը շուրջ 80 հազար ԱՄՆ դոլարի ներդրում էին կատարել կրիպտոարժույթներում, իսկ հետագայում ընտանիքին պատկանող ընկերություններից մեկի միջոցով հիմնել էին արևային կայան, որի արտադրած էլեկտրաէներգիան օգտագործվում է կրիպտոարտադրության համար։

2018 թվականի իշխանափոխությունից հետո արդեն փոխվարչապետ նշանակված Ավինյանը հայտարարագրել էր մեկ ավտոտնակ, շուրջ 600 հազար դրամ և 2,475 ԱՄՆ դոլար բանկային միջոցներ, 7 հազար ԱՄՆ դոլարի արժեթղթեր, ինչպես նաև մոտ 15 հազար ԱՄՆ դոլարի եկամուտ։ Նույն տարվա տարեկան հայտարարագրում նրա եկամուտը կազմել էր 13 մլն 771 հազար դրամ։

2019 թվականին փոխվարչապետի պաշտոնը զբաղեցնող Ավինյանը հայտարարագրել է վարչապետի աշխատակազմից ստացած աշխատավարձ՝ 19,653,386 դրամ, էլեկտրոնային հաշիվներ և կրիպտոարժույթ (2.00), իսկ բանկային հաշիվների մնացորդը կազմել է 1,651,248 դրամ և 2,760 ԱՄՆ դոլար։

Ավինյանը որպես անշարժ գույք հայտարարագրել է Երևանի Կենտրոն վարչական շրջանում նվիրատվությամբ ստացած ավտոտնակ՝ միանձնյա սեփականությամբ։

2020 թվականի հայտարարագրում փոխվարչապետ, պարետ Տիգրան Ավինյանը հայտարարագրել է վարչապետի աշխատակազմից ստացած 24,611,532 դրամ աշխատավարձ և 1,000,000 դրամ այլ եկամուտ։

2021 թվական

Փոխվարչապետի պաշտոնը թողնելու պահին Ավինյանը հայտարարագրել էր միայն ավտոտնակ, բանկային հաշիվներում՝ 1.65 մլն դրամ և երկու կրիպտոակտիվ։

Տարեկան աշխատավարձը կազմել էր 19 մլն 156 հազար դրամ։

2022 թվական

2022 թվականին Ավինյանը վաճառել է իր Honda մակնիշի ավտոմեքենան՝ 11 հազար ԱՄՆ դոլարով, իսկ նույն տարվա մայիսին հորից՝ Արմեն Ավինյանից, նվիրատվությամբ ստացել է 2021 թվականի արտադրության Volkswagen-ը։

Բանկային միջոցներն աճել են՝ 387 հազար դրամից հասնելով 1.89 մլն դրամի։

Bitcoin-ի քանակը 1 BTC-ից դարձել է 1.81 BTC։

2022 թվականի ընդհանուր դրամական եկամուտը կազմել է 38 մլն 523 հազար 851 դրամ։ Բացի այդ, նա հայտարարագրել է նաև 19.3 մլն դրամի բնամթերային նվիրատվություն՝ ավտոմեքենան։

Նա ստացել էր նաև՝

11 մլն դրամ դրամական նվիրատվություն,

13.2 մլն դրամ՝ «Հայբիզնեսբանկից»,

5.2 մլն դրամ աշխատավարձ՝ ԶՊՄԿ-ից,

3.7 մլն դրամ՝ Երևանի քաղաքապետարանից,

5.4 մլն դրամ՝ Poolin-ից։

Հայտարարագրել էր նաև գրեթե 12 մլն դրամի՝ 2 մլն դրամը գերազանցող միանվագ ծախս։

2023 թվական

Քաղաքապետ ընտրվելու տարում Ավինյանը վաճառել է իր միակ ավտոտնակը՝ 14 մլն 30 հազար դրամով, ինչից հետո սեփականության իրավունքով անշարժ գույք այլևս չի ունեցել։

Նույն թվականին բանկային հաշիվներում առկա գումարը 1.89 մլն դրամից հասել է 16.6 մլն դրամի։

Bitcoin-ի պաշարը կրկնապատկվել է՝ 1.81 BTC-ից դառնալով 3.62 BTC։

2023 թվականի եկամուտը կազմել է 45 մլն 403 հազար 342 դրամ, այդ թվում՝

20 մլն դրամ աշխատավարձ,

14.03 մլն դրամ՝ ավտոտնակի վաճառքից,

11.3 մլն դրամ՝ Poolin-ից։

2024 թվական

2024 թվականին ևս նոր գույք կամ ավտոմեքենա չի ձեռք բերել։

Բանկային հաշիվների մնացորդը նվազել է՝ 16.6 մլն դրամից հասնելով 13.7 մլն դրամի, իսկ կանխիկ միջոցներն աճել են՝ 17.8 մլն դրամից հասնելով 24.43 մլն դրամի։

Bitcoin-ի ծավալը մեկ տարվա ընթացքում աճել է՝ 3.62 BTC-ից մինչև 4.57 BTC։

Տարեկան եկամուտը կազմել է 54 մլն 624 հազար 109 դրամ, որից՝

27.3 մլն դրամ՝ աշխատավարձ,

24.3 մլն դրամ՝ Poolin-ից ստացված եկամուտ,

2.98 մլն դրամ՝ այլ վճարումներ։

Նա նաև հայտարարագրել էր 4.3 մլն դրամի՝ 2 մլն դրամը գերազանցող միանվագ ծախս։

2025 թվական

2025 թվականի հայտարարագրի համաձայն՝ Տիգրան Ավինյանը նոր գույք կամ ավտոմեքենա չի ձեռք բերել և ոչինչ չի օտարել։

Նա շարունակում է փաստացի բնակվել Երևանում գտնվող առանձնատանը, որը սեփականության իրավունքով իրեն չի պատկանում, սակայն օգտագործում է ավելի քան 90 օր։ Սակայն որևէ տեղեկություն չկա, թե ում առանձնատանն է բնակվում Ավինյանը և արդյոք դրա համար վարձավճար վճարում է։

Քաղաքապետի միակ ավտոմեքենան շարունակում է մնալ 2021 թվականի արտադրության Volkswagen-ը, որը նվիրատվությամբ ստացել էր 2022 թվականին։ Թե ումից է ստացել՝ հայտարարագրից չի երևում։

Բանկային հաշիվներում գումարը մեկ տարվա ընթացքում նվազել է՝ 13.7 մլն դրամից հասնելով 5.86 մլն դրամի, կանխիկ միջոցները՝ 24.43 մլն դրամից դառնալով 20.89 մլն դրամ։

Փոխարենը շարունակել է աճել Bitcoin-ի պաշարը՝ 4.57 BTC-ից հասնելով 5.41 BTC-ի։ Նա նաև պահպանել է 5 Ethereum և 1,483 ADA Cardano կրիպտոակտիվները։

2025 թվականին Ավինյանի եկամուտը, ըստ պաշտոնական փաստաթղթերի, կազմել է 57 մլն 671 հազար 356 դրամ, որից՝

29.2 մլն դրամ՝ Երևանի քաղաքապետարանի աշխատավարձ,

1.94 մլն դրամ՝ աշխատավարձին հավասարեցված վճարումներ,

26.5 մլն դրամ՝ Poolin հարթակից ստացված եկամուտ։

Վարկեր, փոխառություններ կամ խոշոր ծախսեր նա չի հայտարարագրել։

Իսկ ի՞նչ է հայտարարագրել կինը

Տիգրան Ավինյանի կինը՝ Մարիամ Պահլավունին, 2025 թվականին ևս փաստացի օգտագործել է նույն առանձնատունը, պահպանել է 2017 թվականի արտադրության Range Rover ավտոմեքենան, շարունակել է ունենալ «Բարուր» և «Լավ Փրոդաքթս» ընկերություններում բաժնեմասեր։

Նա «Բարուր» ՍՊԸ-ին տրամադրել է 15 մլն դրամ անտոկոս փոխառություն։

Տարեվերջին նրա բանկային ավանդները կազմել են 44.5 մլն դրամ։

2025 թվականի եկամուտը կազմել է 4 մլն 976 հազար 465 դրամ, որից՝

3.83 մլն դրամ՝ աշխատավարձ,

1.15 մլն դրամ՝ տոկոսային եկամուտ։

Այսպիսով, Տիգրան Ավինյանի և Մարիամ Պահլավունու ընտանիքի 2025 թվականի հայտարարագրված ընդհանուր եկամուտը կազմել է 62 մլն 647 հազար 821 դրամ։

Մայրը կես միլիոն դոլարով առանձնատուն է գնել

Ըստ պաշտոնական փաստաթղթերի՝ Տիգրան Ավինյանի մայրը՝ Հասմիկ Խլղաթյանը, 2024 թվականի նոյեմբերի 19-ին Նորք-Մարաշ վարչական շրջանում՝ Ագաթանգեղոսի փողոցում, գնել է 340 քմ մակերեսով եռահարկ առանձնատուն։ Ըստ փաստաթղթերի՝ առանձնատանը կից կա օժանդակ շինություն և 740 քմ մակերեսով հողամաս։ Առանձնատան արժեքը, ըստ շուկայական գնահատականների, կազմում է ավելի քան կես միլիոն դոլար՝ շուրջ 490 հազար ԱՄՆ դոլար։

Հայրը Սևանում մոտ 1 մլն դոլարանոց առանձնատուն է կառուցել

Տիգրան Ավինյանի հայրը՝ Արմեն Ավինյանը, որը հանրությանն առավել հայտնի դարձավ ՕՊԵԼ մակնիշի ավտոմեքենաների վարորդների վերաբերյալ իր վիրավորական արտահայտությամբ, երբ ասել էր. «Ամեն համբալ իրա գեղի ՕՊԵԼ-ով չպիտի կարողանա քաղաքի կենտրոն մտնի», Շողակաթ գյուղում՝ Սևանա լճի ափին, կառուցել է շքեղ առանձնատուն։

Այն շուրջ 286 քմ մակերեսով առանձնատուն է՝ լողավազաններով, օժանդակ շինություններով, մոտ 2,000 քմ մակերեսով հողամասի վրա։ Տարբեր շինարարների գնահատականներով՝ այդ առանձնատան արժեքը, առանց կահավորանքի, կազմում է 600-700 հազար ԱՄՆ դոլար։

Այսպիսով, Տիգրան Ավինյանի և նրա ընտանիքի գործերը, ըստ հրապարակված հայտարարագրերի, զգալիորեն ընդլայնվել են։ Միևնույն ժամանակ, հանրային դաշտում շարունակվում են տարբեր հրապարակումներ և հայտարարություններ՝ կապված ԱՆԻՖ հիմնադրամի գործունեության, շինթույլտվությունների և այլ թեմաների հետ, որոնց վերաբերյալ տարբեր գնահատականներ են հնչում։ Այս հարցերի առնչությամբ իրավասու մարմինների կողմից հրապարակված վերջնական իրավական գնահատականներ չկան»։

Մանրամասները՝ «Ժողովուրդ» օրաթերթի այսօրվա համարում:

Դատախազությունը, պետական (համայնքային) շահերի պաշտպանության լիազորության շրջանակում ուսումնասիրելով «Արարատցեմենտ» ՓԲ ընկերության կողմից իրականացվող հանքարդյունահանման գործընթացը, հայտնաբերել է մի շարք խախտումներ: 

Մասնավորապես.

«Արարատցեմենտ» ՓԲ ընկերությունը 2008 թվականից սկսած՝  տրավերտինի և կավի արդյունահանման նպատակով Լիազոր մարմնից ստացել է ընդերքօգտագործման թույլտվություն, որի կոորդինատներում ընդգրկվել են Արարատի մարզի համայնքներում գտնվող տարբեր նպատակային նշանակության հողամասեր:

Այնուհետև Ընկերությունը, տարեկան վարձավճարները և գույքահարկի գծով պարտավորությունները չկատարելու նպատակով, խախտելով ՀՀ օրենսդրության պահանջները, իրականացրել է ապօրինի ընդերքօգտագործում:

Դատախազը, հայտնաբերելով առերևույթ հանցանքի հատկանիշներ, 2026 թվականի հուլիսի 16-ին հաղորդում է ներկայացրել իրավասու քննչական մարմին:

«Արարատցեմենտ» ՓԲ ընկերությանը սեփականության իրավունքով պատկանող այլ գույքերի ձեռքբերման իրավաչափությունները պարզելու նպատակով Դատախազության կողմից նախաձեռնված ուսումնասիրությունները շարունակվում են:

ՀՀ դատախազություն

Հարավային Կովկասում խաղաղությունն ու կայունությունը կարևոր են Ռուսաստանի համար, և Մոսկվան պատրաստ է օգնել Ադրբեջանի և Հայաստանի միջև հարաբերությունների կարգավորմանը, հայտարարել է Ռուսաստանի արտաքին գործերի նախարարությունը Ադրբեջանի արտաքին գործերի նախարար Ջեյհուն Բայրամովի՝ Ռուսաստան պաշտոնական այցից առաջ։

«Հարավային Կովկասում խաղաղությունն ու կայունությունը կարևոր են մեզ համար։ Ինչպես նախկինում, մենք պատրաստ ենք տրամադրել խնդրված օգնությունը Ադրբեջանի և Հայաստանի միջև հարաբերությունների լիակատար կարգավորման մեջ, այդ թվում՝ խաղաղության պայմանագրի կնքման, սահմանազատման և հաղորդակցությունների ապաշրջափակման հարցերում»,-ասվում է Ռուսաստանի արտաքին գործերի նախարարության հայտարարության մեջ։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հուլիսի 16-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևանի Կենտրոն վարչական շրջան՝

11։00-14։00 Սարի Թաղ 17-24 փողոցներ մասնակի,

11:00-16:00 Սարյան փողոց 19, 21, 24, 24բ, 25 շենքեր, Արամի փողոց 88, 90, 92 առանձնատներ, Մայիսյան փողոց 66ա շենք, Բարձրաբերդի փողոց 1-79 առանձնատներ, Բուդապեշտի փողոց 7-27 առանձնատներ, Ծ. Իսակովի պողոտա 4, 4/1, 4/2 շենքեր, Վերֆելի փողոց 3-6 առանձնատներ,

Երևանի Ավան վարչական շրջան՝

10:00-16:00 Ավան-Առինջ 2-րդ միկրոշրջան՝ 1/17, 1/18, 2/5 շենքեր, հարակից տարածքների առանձնատներ և ոչ բնակիչ-բաժանորդներ,

Երևանի Նոր Նորք վարչական շրջան՝

11:00-13:00 Հ. Ավետիսյան փողոց 4, 9, 10, 11, 12, 14, 15, 16, 17, 48 շենքեր, Կարախանյան փողոց 31, 32, 33, 47 շենքեր և հարակից տարածքների առանձնատներ, «Յուքոմ» և «Վիվա Արմենիա» ՓԲԸ-ներ, «Հայորդաց Տուն», «Ա. Սերոբյան» ԱՁ, Լեփսիուսի անվան թիվ 88 դպրոց և հարակից ոչ բնակիչ-բաժանորդներ, «Հայաստանի զարգացման և ներդրումների կորպորացիա» ՈՒՎԿ ՓԲԸ, «ՎՏԲ-Հայաստան Բանկ» ՓԲԸ և հարակից ոչ բնակիչ-բաժանորդներ,

13:00-15:00 Կարախանյան փողոց 49, 50 շենքեր, Հ. Ավետիսյան փողոց 51, 52, 53, 58 շենքեր և հարակից տարածքների առանձնատներ, թիվ 117 մսուր-մանկապարտեզ և հարակից ոչ բնակիչ-բաժանորդներ,

15:00-17:00 Հ. Ավետիսյան փողոց 5, 6, 7 շենքեր, Կարախանյան փողոց 34, 35, 36, 37, 38 շենքեր, «Լատտե» ՍՊԸ, Ա. Ղուլյանի անվան մսուր-մանկապարտեզ և հարակից ոչ բնակիչ-բաժանորդներ,

Երևանի Աջափնյակ վարչական շրջան՝

10:00-12:00 Ֆուչիկի փողոց 2, 4 շենքեր և հարակից ոչ բնակիչ-բաժանորդներ,

12:00-14:00 Հալաբյան փողոց 47, 49 շենքեր և հարակից ոչ բնակիչ-բաժանորդներ,

14:00-16:00 Հալաբյան փողոց մասնակի, Ֆուչիկի փողոց 6 շենք և հարակից ոչ բնակիչ-բաժանորդներ,

Երևանի Մալաթիա Սեբաստիա վարչական շրջան՝

10:00-12:00 Անդրանիկի փողոց 121, 127, 129, 131, 133 շենքեր և հարակից ոչ բնակիչ-

բաժանորդներ,

Երևանի Էրեբունի վարչական շրջան՝

10:00-16:00 Ազատամարտիկների փողոց 87, 89, 72 շենքեր և հարակից ոչ բնակիչ-բաժանորդներ, Էրեբունի փողոց 23/1 շենք, Էրեբունի փողոց 23/2, 21/1, 21 շենքեր և հարակից ոչ բնակիչ-բաժանորդներ,Նոր Արեշի 22-րդ փողոց,

Երևանի Շենգավիթ վարչական շրջան՝

10:00-12:00 Չեխովի փողոց 6, 8, 8/1, 10, 10Ա, 20 շենքեր, Մայիսի 9-ի փողոց 49, 51 շենքեր և հարակից ոչ բնակիչ-բաժանորդներ, Շևչենկոյի փողոց 1, 4, 6 շենքեր, Եղբայրության փողոց 4, 6, 8 շենքեր, Եղբայրության փողոցի 1-ին նրբանցք 2 շենք, Նիզամի փողոցի առանձնատներ և հարակից ոչ բնակիչ-բաժանորդներ,

Արագածոտնի մարզ՝

11:30-16:00 Ոսկեհատ գյուղ մասնակի,

11:00-17:00 Մեծաձոր, Վերին Բազմաբերդ, Ներքին Բազմաբերդ, Կաքավաձոր, Օթևան, Դիան, Ագարակավան, Կաթնաղբյուր, Դավթաշեն, Աշնակ, Վերին Սասնաշեն, Ներքին Սասնաշեն և Պարտիզակ գյուղեր,

Արարատի մարզ՝

11:00-12:00 Վեդի քաղաք՝ Արարատյան փողոց մասնակի,

11:00-12:30 Մրգավետ գյուղ մասնակի,

11:00-16:00 Այգեստան, Կանաչուտ, Բերդիկ գյուղեր, Դեղձուտ, Հնաբերդ, Վերին Արտաշատ գյուղեր մասնակի,

13:00-15:00 Արտաշատ քաղաք՝ Անդրանիկի, Գոլեցյան, Ա. Խաչատրյան, Մյասնիկյան, Օգոստոսի 23-ի փողոցներ մասնակի,

13:00-16:00 Եղեգնավան գյուղ մասնակի,

Վայոց Ձորի մարզ՝

11:00-14:00 Ազատեկ, Զառիթափ, Զեդեա և Փոռ գյուղեր,

11:00-15:00 Աղնջաձոր գյուղ մասնակի,

Գեղարքունիքի մարզ՝

11:00-12:00 Մարտունի քաղաք՝ Նարեկացի և Կամոյի փողոցներ մասնակի և հարակից ոչ բնակիչ-բաժանորդներ,

12:15-13:15 Մարտունի քաղաք՝ Դավիթ Անհաղթի, Չարենցի փողոցներ մասնակի և հարակից ոչ բնակիչ-բաժանորդներ,

13:30-14:30 Մարտունի քաղաք՝ Զիրոյան, Գետափնյա 1 փողոցներ մասնակի և հարակից ոչ բնակիչ-բաժանորդներ,

14:45-15:45 Մարտունի քաղաք՝ Զիրոյան, Թումանյան, Երևանյան փողոցներ մասնակի և հարակից ոչ բնակիչ-բաժանորդներ,

16:00-17:00 Մարտունի քաղաք՝ Երևանյան, Զիրոյան, Պռոշյան փողոցներ մասնակի և հարակից ոչ բնակիչ-բաժանորդներ,

11:00-14:00 Վաղաշեն գյուղն ամբողջությամբ և հարակից ոչ բնակիչ-բաժանորդներ,

Գեղհովիտ գյուղն ամբողջությամբ և հարակից ոչ բնակիչ-բաժանորդներ, Արեգունի, Դարանակ, Փամբակ, Ծափաթաղ գյուղեր և հարակից ոչ բնակիչ-բաժանորդներ, «Թուֆենկյան Հոսփիթալիթի» ՍՊԸ, «Տելեկոմ Արմենիա», «Վիվա Արմենիա», «Յուքոմ» ընկերությունների բջջային օպերատորի կայաններ,

13:00-16:00 Սևան քաղաք՝ Նալբանդյան փողոց 37, 39, 41, 43, 45, 47, 49, 51, 55 շենքեր, Շինարարների փողոց 2, 5, 7 շենքեր,

11:45-14:30 Կարճաղբյուր գյուղն ամբողջությամբ, «Սևան իշխան» ՓԲԸ, Կարճաղբյուրի զինվորական մաս և հարակից հանրային բաժանորդներ, «Յուքոմ», «Վիվա Արմենիա», «Տելեկոմ Արմենիա» ընկերությունների բջջային օպերատորի կայաններ,

15:00-16:50 Վարդենիս քաղաք՝ Վ. Համբարձումյան, Վ. Սարգսյան, Չարենցի, Հովհաննես Արզոյան, Տիգրան Մեծի, Թումանյան, Իսակովի փողոցներ մասնակի և հարակից ոչ բնակիչ-բաժանորդներ, «Մակվիչ» ՍՊԸ, «Տելեկոմ Արմենիա», «Յուքոմ» ընկերությունների բջջային օպերատորի կայաններ,

Տավուշի մարզ՝

11:00-13:00 Իջևան քաղաք՝ Անկախության և Երիտասարդական փողոցներ մասնակի,

13:30-15:30 Իջևան քաղաք՝ Մայիսի 28 և Երիտասարդական փողոցներ մասնակի,

11:00-15:00 Նավուր, Իծաքար, Չինչին գյուղեր և հարակից ոչ բնակիչ-բաժանորդներ։

Լոռու մարզ՝

10:30-13:30 Դարպաս գյուղ

11:00-12:00 Սպիտակ քաղաք՝ Վարպետաց, Շվեյցարական, Ուզբեկական և Գրիգոր Լուսավորիչ թաղամասեր,

11:00-15:00 Հարթագյուղ, Խնկոյան և Լուսաղբյուր գյուղեր,

Շիրակի մարզ՝

11:00-14:30 Աշոցքի տարածաշրջան` Լեոնագյուղ գյուղ,

11:00-17:00 Արթիկի տարածաշրջան` Գեղանիստ, Սպանդարյան, Սարալանջ, Հայրենյաց, Նահապետավան և Արևշատ գյուղեր,

Սյունիքի մարզ՝

10:00-13:00 Ճակատեն, Շիկահող, Սրաշեն, Ծավ, Հանդ, Վերին Շիշկերտ գյուղեր,

10:00-14:00 Անտառաշատ գյուղ,

10:30-13:00 Սիսիան քաղաք՝ Սյունիքի 1-ին, 2-րդ, 3-րդ, 4-րդ, 5-րդ փողոցներ, Խնձորեսկ գյուղ՝ 4-րդ, 14-րդ, 15-րդ, 16-րդ, 17-րդ փողոցներ,

13:30-16:00 Սիսիան քաղաք՝ Որոտան 2 շենք, Գարեգին Նժդեհի փողոց, Չարենցի 4 շենք,

11:00-16:45 Դարբաս, Լոր, Շինաթաղ, Գետաթաղ գյուղեր,

14:00-16:30 Խնձորեսկ գյուղ՝ 2-րդ, 10-րդ, 12-րդ, 13-րդ, 14-րդ, 16-րդ, 17-րդ, 18-րդ, 19-րդ, 20-րդ, 24-րդ, 37-րդ փողոցներ:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

Rate.am | Տարադրամի փոխարժեքները հուլիսի 16-ի դրությամբ՝

ԱՄՆ դոլարի առքի միջինացված արժեքը 363,97 դրամ է, վաճառքը՝ 368. 79 դրամ:

Եվրոյի առքի արժեքն է 413,76 դրամ, վաճառքի դեպքում՝ 425,29  դրամ:

Ռուսական ռուբլու առքի միջին արժեքն է 4.44 դրամ, վաճառքինը՝ 4.88 դրամ։

Պլանային աշխատանքներ իրականացնելու նպատակով՝ հուլիսի 16-ին ժամը 11:00-ից մինչև ժամը 17:30-ն, կդադարեցվի Տավուշի մարզի Հաղարծին բնակավայրի 3-րդ, 4-րդ փողոցների և հարակից նրբանցքների գազասպառողների գազամատակարարումը։

Պլանային աշխատանքներ իրականացնելու նպատակով՝ հուլիսի 16-ին ժամը 10:00-ից մինչև ժամը 18:00-ն, կդադարեցվի Արարատի մարզի Հովտաշատ բնակավայրի գազասպառողների և հարակից տարբեր նշանակության հանրային կազմակերպությունների գազամատակարարումը։

Հուլիսի 16-ին ժամը 09:00-ից մինչև հուլիսի 17-ը ժամը 21:00-ն կդադարեցվի Լոռու մարզի Վանաձոր քաղաքում գործող «Սեզամ-Գազ» ՍՊԸ-ի ԱԳԼՃԿ-ի գազամատակարարումը։

Իրանը արձանագրել է Միացյալ Նահանգների կողմից փոխըմբռնման հուշագրի առնվազն 42 էական խախտում։ Այս մասին ասվում է ՄԱԿ-ում Իրանի մշտական ներկայացուցիչ Ամիր Սաիդ Իրավանիի՝ համաշխարհային կազմակերպության գլխավոր քարտուղարին և Անվտանգության խորհրդի նախագահին ուղղված նամակում, հայտնում է ՏԱՍՍ-ը:

«Իրանի Իսլամական Հանրապետությունը փաստագրել է Իսլամաբադի փոխըմբռնման հուշագրի՝ Միացյալ Նահանգների կառավարության կողմից իրականացված ակնհայտ և էական խախտումների 42 դեպք»,- ասվում է փաստաթղթում։

Իրանցի դիվանագետը նշել է, որ գրեթե անմիջապես հուշագրի ստորագրումից հետո և մինչ օրս ԱՄՆ-ը համակարգված կերպով խախտել է իր պարտավորությունները։

«ԱՄՆ-ը ագրեսոր է, այլ ոչ թե զոհ: Խաղաղ բնակիչների և քաղաքացիական ենթակառուցվածքների դեմ կանխամտածված հարձակումները ռազմական հանցագործություններ են և հանցագործություններ մարդկության դեմ»,- ընդգծվում է նամակում։ 

Աշխարհի առաջնության կիսաեզրափակչում Եվրոպայի գործող չեմպիոն Իսպանիայի ազգային հավաքականը 2-0 հաշվով վստահ հաղթանակ տարավ Ֆրանսիայի ընտրանու նկատմամբ և նվաճեց եզրափակչի ուղեգիր:

Հանդիպման հաշիվը 22-րդ րոպեին բացեց Միկել Օյարսաբալը՝ անվրեպ իրացնելով նշանակված 11-մետրանոց հարվածը: Երկրորդ խաղակեսում իսպանացիները կրկնապատկեցին իրենց առավելությունը. 58-րդ րոպեին Դանի Օլմոյի փոխանցումից հետո աչքի ընկավ Պեդրո Պոռոն՝ ձևակերպելով հանդիպման վերջնական հաշիվը:

Հատկանշական է, որ Իսպանիան աշխարհի առաջնության եզրափակիչ դուրս եկավ 16 տարի անց: Նախորդ անգամ դա տեղի էր ունեցել 2010 թվականին, երբ իսպանացիներն իրենց պատմության մեջ առաջին և դեռևս միակ անգամ դարձան աշխարհի չեմպիոն:

Այսպիսով, Իսպանիայի հավաքականը եզրափակչում կսպասի Անգլիա-Արգենտինա զույգի հաղթողին: Մյուս կիսաեզրափակիչ դիմակայությունը նախատեսված է այսօր՝ ժամը 23:00-ին, իսկ մեծ եզրափակիչը կանցկացվի հուլիսի 19-ին:

«Քաղաքացիական պայմանագրից» ովքե՞ր կղեկավարեն խորհրդարանական հանձնաժողովները։ Չնայած իշխող ուժն այս պահին պաշտոնապես ոչինչ չի հաղորդում, այդուհանդերձ, «Ազատության» տեղեկություններով, իշխող կուսակցությունում ներքին առաջադրումների փուլն արդեն ավարտվել է։ Գրում է Ազատությունը։

Բոլոր 12 մշտական հանձնաժողովների համար կան հստակ թեկնածուներ։ Առաջադրվածների ցուցակից դատելով հանձնաժողովներ ղեկավարելու հավակնություն ունեն ինչպես հին ու փորձված նախագահներ, այնպես էլ բավականին անսպասելի դեմքեր, որոնց առաջադրումն անակնկալ է եղել նույնիսկ թիմակիցների համար:

12 հանձնաժողովների համար առաջադրված թեկնածուները

Ինտրիգ չկա Պետաիրավական հարցերի մշտական հանձնաժողովում, այստեղ առաջադրված միակ թեկնածուն գործող նախագահ Արուսյակ Ջուլհակյանն է:

Ջուլհակյանն այս հանձնաժողովի ղեկը ստանձնել էր ընդամենը երկու ամիս առաջ, որից հետո առաջադրվել էր որպես ԱԺ փոխնախագահի թեկնածու, բայց ներիշխանական պայքարում նրան չհաջողվեց հաղթել, և հիմա Ջուլհակյանն, ամենայն հավանականությամբ, կվերընտրվի նույն հանձնաժողովի նախագահի պաշտոնում։

Պաշտոնին հրաժեշտ կտա Անդրանիկ Քոչարյանը, որը 2018-ի հեղափոխությունից հետո ղեկավարել է Ազգային ժողովի պաշտպանության և անվտանգության հարցերի հանձնաժողովը, ինչպես նաև ապրիլյան և 44-օրյա պատերազմների հանգամանքներն ուսումնասիրող քննիչ հանձնաժողովները։ Պատգամավորն այս անգամ առաջադրվածների ցուցակում չկա։

Քոչարյանն արդեն հայտարարել է՝ իր համար ընդունելի է այն ձևաչափը, երբ թեկնածուին առաջադրում ու ընտրում է խմբակցությունը։ Մինչդեռ այս անգամ հավակնորդներին հաստատելու է ՔՊ վարչությունը։

Պաշտպանության հանձնաժողովի նախագահի պաշտոնի համար առաջադրվել են ՔՊ վարչության անդամներ՝ Արմեն Խաչատրյանն ու Վիլեն Գաբրիելյանը։ Ինչպես նաև ԵԿՄ նախագահ Սասուն Միքայելյանը։ Խաչատրյանն այս գումարման խորհրդարանում հանձնաժողովի փոխնախագահն էր։ Գաբրիելյանը նախորդ տարի վայր էր դրել պատգամավորական մանդատը՝ լրագրողին հայհոյելու միջադեպից հետո։ Իսկ Սասուն Միքայելյանը, որ ներկայիս խորհրդարանում պատգամավոր չէ, նախորդ խորհրդարաններում հաճախ էր հայտնվում աղմկոտ սկանդալների կենտրոնում։

Թեժ պայքար է Աշխատանքի և սոցիալական հարցերի մշտական հանձնաժողովի պաշտոնի համար։ Գործող նախագահ Հերիքնազ Տիգրանյանը, որ ՔՊ ընտրական ցուցակի վեցերորդ հորիզոնականում է, մանդատ չի ստանա։ Նրա հանձնաժողովը ղեկավարելու հավակնություն ունեն վարչապետի մամուլի խոսնակ Նազելի Բաղդասարյանը, հանձնաժողովի անդամներ Մարիամ Պողոսյանն ու Զարուհի Բաթոյանը, կրթության հանձնաժողովի անդամ Լիլիթ Ստեփանյանը, ինչպես նաև խմբակցության ղեկավարի պաշտոնի համար առաջադրված, բայց չընտրված Արթուր Հովհաննիսյանը։

Չորս թեկնածու էլ առաջադրվել է Առողջապահության հարցերի մշտական հանձնաժողովը ղեկավարելու համար։ Հավակնորդների թվում են հանձնաժողովի անդամ Լուսինե Բադալյանը, Պետաիրավական հարցերի հանձնաժողովի անդամներ Ալխաս Ղազարյանն ու Տրդատ Սարգսյանը, ինչպես նաև Նելլի Բավեյանը, որն այս խորհրդարանի նորեկ պատգամավորներից է։

«Հրապարակ» թերթը գրում է․ Բոլորը գիտեն, որ նախնական կալանքը՝ առանց դատարանի վերջնական դատավճռի, մեզանում կիրառվում է որպես պատիժ, հատկապես՝ Նիկոլ Փաշինյանի քաղաքական հակառակորդների, նրան քննադատողների, ընդդիմադիրների նկատմամբ։ Սակայն պարզվում է՝ մարդկանց կալանավորելով, բանտ ուղարկելով էլ հաճախ չեն բավարարվում, կալանքը կրելու պայմաններն էլ տարբեր մարդկանց համար տարբեր են։ Նախ, խցերն են տարբեր․ քաղբանտարկյալներին, որպես կանոն, վատ խցերում են պահում, որտեղ շատ մարդիկ կան, երբեմն՝ ծանր քրեական հանցագործներ։ Եթե սովորական քրեական հանցագործների համար թույլատրված է խցում սառնարան, հեռուստացույց, կոնդիցիոներ, հարմար մահճակալ ունենալ, ապա քաղաքականների դեպքում հաճախ արգելված է։ Սամվել Կարապետյանին, օրինակ, ամռանն արգելել են հովացնող որեւէ սարք փոխանցել, իսկ ձմռանը՝ նույնիսկ վերմակ, երբ խցում զրոյին մոտ աստիճան է եղել, եւ կալանավայրն էլ մինչեւ դեկտեմբերի 10-ը չեն ջեռուցել։

Գագիկ Ծառուկյանի դեպքում նախորդ կալանքի ժամանակ նրա չափերից երկու անգամ փոքր մահճակալի վրա են ստիպել քնել, ինչն ուղղակի անհնարին է եղել։ Կարծում ենք՝ հիմա նույնն է։ Բոլոր քաղբանտարկյալների տեսակցությունները քննիչի կամ դատավորի որոշմամբ, որպես կանոն, արգելվում են (Արեգնազ Մանուկյանի դեպքում նույնիսկ անչափահաս զավակի հետ են արգելել), պատգամավորների այցելություններն էլ են փակում, եւ միայն փաստաբանն է կարողանում այցելել, որ հոգեբանորեն ինչքան հնարավոր է՝ մարդն ընկճվի։

Այս լրացուցիչ պատիժները սահմանվում են վերեւից։ Կալանավայրի ադմինիստրացիան եւ քննիչները պարբերաբար «զոհին» տեղեկացնում են, որ դա «առաջին դեմքի անձնական ցուցումով» է արվում։