Փոխվարչապետ Մհեր Գրիգորյանն իր որոշմամբ արձակուրդ կգնա։ Այս մասին տեղեկացնում են ՀՀ կառավարությունից։
Գրիգորյանին արձակուրդ կտրամադրվի 2024-2025 թվականների աշխատանքային տարվա ամենամյա արձակուրդի մասը՝ 9 աշխատանքային օր տևողությամբ՝ հուլիսի 21-31-ը ներառյալ։
Հիշեցնենք, որ Նիկոլ Փաշինյանը գտնվում է արձակուրդում, վարչապետի պարտականությունները ժամանակավոր կատարում է Մհեր Գրիգորյանը։
2026 թվականի առաջին կիսամյակում «Կոլցովո» օդանավակայանը (Եկատերինբուրգ) սպասարկել է 3,84 մլն ուղևորի՝ 3%-ով ավելի, քան 2025 թվականի նույն ժամանակահատվածում, հաղորդում է Ռոսավիացիան։ Հիմնական աճն ապահովել են միջազգային չվերթները, որոնցով ուղևորահոսքն աճել է 10%-ով։
«Կոլցովոն» Ռուսաստանում սպասարկվող ուղևորների թվով տարածաշրջանային օդանավակայանների թոփ-5-ի մեջ է։ Ամենահայտնի ներքին ուղղություններն են Մոսկվան, Սանկտ Պետերբուրգը և Սոչին։
Հեռավոր արտասահմանյան երթուղիների առաջատարներն են Անթալիան, Շարմ էլ-Շեյխը և Նյաչանգը։ Մերձավոր արտասահմանում առավել հաճախ թռել են դեպի Դուշանբե, Երևան և Տաշքենդ։
Արգենտինայի ազգային հավաքականի ավագ Լիոնել Մեսսին սոցիալական ցանցերում դիմել է երկրպագուներին Իսպանիայի դեմ ԱԱ-2026-ի եզրափակչից առաջ։ «Այս բոլոր տարիների ընթացքում ամենագեղեցիկը ոչ միայն տիտղոսներն էին, այլև հենց անցած ուղին… Ինչ էլ որ պատահի վաղը, այս թիմն արդեն կերտել է պատմություն… Առա՛ջ, Արգենտինա»,— գրել է նա։
39-ամյա հարձակվողի համար սա աշխարհի առաջնություններում երրորդ եզրափակիչն է։ Ընթացիկ մրցաշարում 7 խաղում Մեսսին գրավել է դարպասը 8 անգամ և կատարել 4 գոլային փոխանցում։
ԵԱՏՄ-ում աճել են բեռնափոխադրումները և ուղևորափոխադրումները, հայտնում է ԵՏՀ-ն։
2026 թվականի հունվար–մայիս ամիսներին (նախորդ տարվա նույն ժամանակահատվածի համեմատ) աճ է արձանագրվել ինչպես ԵԱՏՄ-ի համախառն ուղևորաշրջանառության (0,8%-ով), այնպես էլ մի շարք ազգային ցուցանիշների գծով՝ Բելառուսում (7,8%-ով), Հայաստանում (6,1%-ով), Ղազախստանում (4,1%-ով) և Ղրղզստանում (3,9%-ով)։
Աղվան Վարդանյանն իր եղբոր տունը ժամանակավորապես տրամադրել է Բագրատ Սրբազանին, որպեսզի վերջինս առավել ազատ և հանգիստ պայմաններում կարողանա անցկացնել տնային կալանքը, հանդիպել իր հոգևոր եղբայրներին և ավելի ակտիվորեն հաղորդակցվել Տավուշի թեմի հետ։
Մինչ այդ Սրբազանը ցավով էր նշում, որ չէր կարողանում լիարժեք հանդիպել թեմի մշակութային կյանքում ներգրավված երիտասարդներին ու երեխաներին և իր հոգևոր եղբայրներին։
Մարդիկ այս տունը սկսել են ջերմությամբ անվանել «Սրբազան կեցավայր»։
Նշենք, որ մինչ այս էլ Վարդանյանները այդ տունը երեք տարի շարունակ տրամադրել էին Արցախի Հանրապետությունից բռնագաղթած արցախցի ընտանիքի։
Հիշեցնենք, որ դատարանը «17 արդարների» գործի շրջանակում Բագրատ Սրբազանի նկատմամբ որպես խափանման միջոց կիրառել է տնային կալանք։
Մեզ ԱՄՆ-ից պաշտպանական տեխնոլոգիաներ գնելու հնարավորություն է ընձեռնվել, Axios պարբերականին հայտնել է ԱՄՆ-ում Հայաստանի դեսպան Նարեկ Մկրտչյանը։
«Խաղաղության բացակայության պատճառով բազմաթիվ հնարավորություններ արգելափակված էին։ Հենց որ սկսենք իրականացնել խաղաղության օրակարգը, կգա բարգավաճումը։ Մենք ամրապնդում ենք մեր ինքնիշխանությունը։ Մենք ձգտում ենք Հայաստանի ավելի մեծ անկախության։ Ավելի մեծ ինքնիշխանությունը նշանակում է ավելի փոքր կախվածություն մեկ խաղացողից», — նշել է Մկրտչյանը։
Հայաստանը, որը երկար ժամանակ զինված էր խորհրդային զենքով, սկսել է ձևավորել նոր հարաբերություններ, այդ թվում՝ Ֆրանսիայի և Հնդկաստանի հետ։ Նրանք տրամադրել են զրահամեքենաներ, հրետանի և հրթիռներ։
Բացի այդ, ԱՄՆ փոխնախագահ Ջեյ Դի Վենսի փետրվարյան այցը, որն առաջին նման դեպքն էր, տեղեկություն է բերել V-BAT-ի հետ գործարքի մասին։ Այդ անօդաչու թռչող սարքերը, որոնք օգտագործում են նաև Ճապոնիան, Նիդեռլանդները և Ուկրաինան, արտադրվում են Shield AI ընկերության կողմից։
«Այժմ դուռը բաց է։ Տասնամյակներ անց մենք հնարավորություն ունենք ԱՄՆ-ից պաշտպանական տեխնոլոգիաներ գնելու։ Սա մեր դիվերսիֆիկացիայի քաղաքականության մի մասն է։ Ներկայում մենք տարբեր տեխնոլոգիաներ ենք ստանում ավելի քան յոթ երկրից, այդ թվում՝ ԱՄՆ-ից», — հավելել է դեսպանը։ Մկրտչյանի խոսքով՝ նման մերձեցումը նպատակ չունի վնասել Հայաստանի հարևաններին։
«Մեր համագործակցությունն ԱՄՆ-ի հետ, ԱՄՆ-ի հետ հարաբերություններում մեր օրակարգի ընդլայնումը կամ Եվրամիության հետ տարբեր ռազմավարական կարևոր հարցերի շուրջ սերտ երկխոսությունն ուղղված չեն Ռուսաստանի, Իրանի, Չինաստանի կամ որևէ այլ երկրի դեմ», — հայտնել է դեսպանը։
Մկրտչյանը նաև հետաքրքրություն է հայտնել ամերիկյան փոքր մոդուլային ռեակտորներով և պետդեպարտամենտի Pax Silica նախաձեռնությամբ, որը կոչված է ստեղծել ԱՄՆ գլխավորած մատակարարման շղթա արհեստական բանականության և միկրոչիպերի ոլորտում և դուրս մղել չինական տեխնոլոգիաները։
Էդմոն Մարուքյանն իր տելեգրամյան էջում տեսանյութ է հրապարակել․
Տեսանյութը՝ այստեղ
Իսրայելը, Ադրբեջանի ճնշման ներքո, Հայոց ցեղասպանության ճանաչման հարցը հանել է Քնեսեթի օրակարգից։ Ինչպես գրում է Haaretz-ը, իսրայելցի պաշտոնյաներն իրենց ադրբեջանցի գործընկերներին հավաստիացրել են, որ այս հարցը կհեռացվի օրակարգից։
Նշվում է, որ Իսրայելի վարչապետ Բենիամին Նեթանյահուն անձամբ է արգելափակել քվեարկությունն այն բանից հետո, երբ Ադրբեջանի նախագահի խորհրդական Հիքմեթ Հաջիևը կապ է հաստատել նրա գրասենյակի հետ։
ԱՄՆ-ն հարվածել է Իրանում կառուցվող ատոմակայանին, հաղորդում է The Iranist-ը։Իրանի Ատոմային էներգիայի գործակալությունը հայտնել է, որ հուլիսի 19-ի գիշերը հարձակման է ենթարկվել Իրանի հարավ-արևմուտքում գտնվող Դարհովեյնի կայանը։
Ըստ աղբյուրի՝ ամերիկացիները մի քանի արկ են արձակել էլեկտրակայանի շինհրապարակի վրա։
Կազմակերպությունը դատապարտել է հարձակումը՝ այն անվանելով հանցագործություն միջազգային իրավունքի դեմ։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ֆրանսիայի հավաքականի և Մադրիդի «Ռեալի» հարձակվող Կիլիան Մբապեն մեկնաբանել է Անգլիայից կրած 4:6 հաշվով պարտությունը։
«Մենք չհաղթեցինք, խայտառակություն է, ցավալի է Դեշամի համար։ Մենք ցանկանում էինք նրա համար լավ բան անել վերջին խաղում։ Առաջին խաղակեսից տպավորություն է, որ մենք վատ դրության մեջ դրեցինք Դեշամին, բայց մենք բացարձակապես չէինք ցանկանում դա։ Այս հանդիպումը չի կարող բիծ թողնել Դեշամի ժառանգության վրա»,- Մբապեի խոսքերը մեջբերում է ՖԻՖԱ-ի կայքը։
Հիշեցնենք, որ սա Դեշամի գլխավորությամբ հավաքականի վերջին խաղն էր։