Blog

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օգոստոսի 25-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Մասյացոտնի թեմի քահանայից դասին՝ գլխավորությամբ թեմի առաջնորդ Գերաշնորհ Տ. Ռուբեն եպիսկոպոս Զարգարյանի։

Թեմակալ առաջնորդն ու հոգևոր հովիվները, հայցելով Նորին Սրբության հայրապետական օրհնությունը, ջերմորեն շնորհավորեցին Ամենայն Հայոց Կաթողիկոսին ծննդյան տարեդարձի առիթով՝ հայտնելով իրենց որդիական սերն ու անսասան հավատարմությունը Մայր Աթոռ Սուրբ Էջմիածնին: Եկեղեցականաց դասը Հայոց Հայրապետին մաղթեց քաջառողջություն, արևշատություն և արդյունավոր հովվապետություն՝ ի պայծառություն Հայաստանյայց Առաքելական Սուրբ Եկեղեցու:

Իր հերթին Վեհափառ Հայրապետը, հայրապետական իր օրհնությունը բերելով ներկաներին, բարձր գնահատեց Մասյացոտնի թեմի հոգևորականների հանձնառու, նախանձախնդիր ծառայությունը: Նորին Սրբությունը պատգամեց մերօրյա փորձությունների մեջ աննկուն մնալ հավատով և նույն նվիրումով ու քաջեռանդությամբ շարունակել արդյունավորել իրենց տերունապատվեր առաքելությունը՝ ի բարօրություն հայրենիքի և բարեպաշտ մեր ժողովրդի։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Մանչեսթեր Յունայթեդն» իր պաշտոնական կայքում և սոցցանցերի էջերում հայտարարել է «Բրայթոնի» կիսապաշտպան Կարլոս Բալեբայի տեղափոխության մասին։

22-ամյա կամերունցի ֆուտբոլիստի հետ կնքվել է երկարաժամկետ պայմանագիր, որը նախատեսված է մինչև 2032 թվականը՝ ևս մեկ տարով երկարաձգելու հնարավորությամբ։

Ըստ շրջանառվող լուրերի՝ «Կարմիր սատանաները» խաղացողի տրանսֆերի համար վճարել են շուրջ 70 միլիոն եվրո (65 միլիոն ֆունտ ստեռլինգ) որպես հաստատագրված գումար, և ևս 5,8 մլն եվրո (5 մլն ֆունտ) նախատեսված է որպես բոնուս։ Տեղեկացնենք նաև, որ Transfermarkt պորտալի գնահատմամբ՝ ֆուտբոլիստի տրնսֆերային արժեքը կազմում է 55 միլիոն եվրո։

Բալեբան հանդես էր գալիս «Բրայթոնում» 2023 թվականի ամառվանից՝ տեղափոխվելով ֆրանսիական «Լիլից»։ Անգլիական ակումբում անցկացրած ժամանակահատվածում կիսապաշտպանը բոլոր մրցաշարերում ընդհանուր առմամբ մասնակցել է 112 հանդիպման։ Նախորդ մրցաշրջանում նա անցկացրել է 35 խաղ՝ աչքի չընկնելով արդյունավետ գործողություններով։

Հիշեցնենք, որ «Մանչեսթեր Յունայթեդն» անհաջող է մեկնարկել Անգլիայի Պրեմիեր լիգայի նոր մրցաշրջանում։ Մայքլ Կարիկի գլխավորած թիմն առաջին տուրում արտագնա խաղում 0-2 հաշվով անակնկալ պարտություն է կրել առաջնության նորեկ «Հալ Սիթիից»։

Հետևեք մեզ՝ այստեղ