Blog

  • ՊԱՏՄՈՒԹՅԱՆ ԱՅՍ ՕՐԸ (9 ՀՈԻԼԻՍԻ). Գյումրիում շահագործման է հանձնվել 1000-ից ավելի նոր բնակարան. «Փաստ»



    Lifestyle


    «Փաստ» օրաթերթը գրում է.


    ՏՈՆԵՐ ԵՎ ՀԻՇԱՐԺԱՆ ՕՐԵՐ


    Արգենտինա՝ Անկախության օր, Հարավային Սուդան՝ Անկախության օր, Ուկրաինա՝ Պարտենիտի օր, Ղազախստան՝ Ջրային տնտեսության աշխատողների օր:


    ՀԱՅ-ՀԱՅԱՍՏԱՆ

    1902-ծնվել է ջազային երաժիշտ, Հայաստանի պետական էստրադային նվագախմբի ստեղծող Արտեմի Այվազյանը:


    1915 -Առաջին աշխարհամարտի ժամանակ Ռուսաստանի Կովկասյան բանակի ձախ թևը սկսել է Ալաշկերտի օպերացիան:


    1936 – վախճանվել է հայ խորհրդային կուսակցական և քաղաքական գործիչ Աղասի Խանջյանը:

    2007- Ազատության հրապարակում տեղի է ունեցել «Ոսկե ծիրան» միջազգային 4-րդ կինոփառատոնի բացման հանդիսավոր արարողությունը:


    2007- վախճանվել է երգչուհի, երգահան Էլվինա Մակարյանը:


    2007– Արարատի գագաթը նվաճել է ամենամեծ՝ 9 հոգանոց մի խումբ:

    2010- երկրաշարժից հետո անօթևան մնացած ընտանիքների համար բնակարանների կառուցման ծրագրի շրջանակներում, որն իրականացրել է «Գլենդեյլ Հիլզ» ընկերությունը, Գյումրու Մուշ–2 թաղամասում հանդիսավորությամբ շահագործման է հանձնվել 1056 նոր բնակարան:


    2015-հետխորհրդային Ռուսաստանի առաջին մուլտիմիլիոնատերերից մեկը՝ տնտեսագետ Գերման Ստերլիգովը, լքել է վերջին տասնհինգ տարում իր բնակության վայր Սլոբոդա գյուղական համայնքը և ընտանիքով հաստատվել Արցախում:


    2018-Երևանի քաղաքապետ Տարոն Մարգարյանը հրաժարական է տվել:

    2018-«Հայաստան» համահայկական հիմնադրամի տնօրենն իր հրաժարականի դիմումն է ներկայացրել Հայաստանի նախագահ Արմեն Սարգսյանին:


    2021- Սյունիքի մարզի Քաջարան քաղաքի քաղաքապետ Մանվել Փարամազյանը ձերբակալվել է ԱԱԾ-ի կողմից։


    ԱՇԽԱՐՀ

    1686-յոթ եվրոպական երկրներ ստեղծել են Աուգսբուրգյան լիգան՝ նպատակ ունենալով կանգնեցնել Ֆրանսիայի էքսպանսիան Արևել յան Եվրոպայում:


    1762– սկսվել է Եկատերինա 2-րդի կառավարումը Ռուսական Կայսրությունում, որը շարունակվել է շուրջ 34 տարի: 1816 – Արգենտինան հռչակել է իր անկախությունը Իսպանիայից:


    1877 – Համաանգլիական թենիսի և կրիկետի ակումբը Ուիմբլդոնում կազմակերպել է թենիսի առաջին առաջնությունը:

    1856 – վախճանվել է իտալացի ֆիզիկոս և քիմիկոս Ամեդեո Ավոգադրոն:


    1887 –թղթի անգլիացի ֆաբրիկանտ Ջոն Դիկինսոնը թղթարտադրողների ամենամյա հանդիպման ընթրիքի ժամանակ ներկայացրել է առաջին թղթե անձեռոցիկը:


    1894 –ծնվել է խորհրդային ֆիզիկոս Պյոտր Կապիցան:

    1906 – Ռուսաստանի ցարը ցրել է Ռուսական Կայսրության 1-ին Պետական դուման:


    1919 – 208 կողմ և 115 դեմ ձայնով գերմանական Ռայխստագը հաստատել է Գերմանիայի համար նվաստացուցիչ Վերսալ յան պայմանագիրը:


    1938- Մեծ Բրիտանիայի խանութներում միանգամից վաճառքի է հանվել 35 միլիոն հակագազ. առաջին անգամ հակագազ է առաջարկվել խաղաղ բնակչությանը:

    1941-ԽՍՀՄ-ի ռազմական դատարանը գենետիկ Վավիլովին դատապարտել է մահվան՝ Անգլիայի օգտին լրտեսության մեղադրանքով:


    955– տպագրվել է Բերտրան Ռասելի և Ալբերտ Էյնշտեյնի համատեղ կազմած մանիֆեստը:


    1956– ծնվել է ամերիկացի դերասան, Օսկարի կրկնակի դափնեկիր Թոմ Հենքսը:

    1957- հայտնագործվել է Մենդելեևի աղյուսակի 102-րդ էլեմենտը՝ նոբելիումը:


    1975– ծնվել է ամերիկացի երգիչ-երգահան, երաժշտական պրոդյուսեր, մուլտիինստրումենտալիստ Ջեք Ուայթը:


    2002-Աֆրիկյան միասնականության կազմակերպությունը (ОАЕ), որը միավորում է աֆրիկյան 53 երկիր, վերանվանվել է Աֆրիկյան միություն:

    2006- Իրկուտսկի օդակայանում վայրէջքի ժամանակ Airbus A310 ինքնաթիռի վթարից զոհվել է 124 մարդ:


    2011– Հարավային Սուդանը հռչակել է իր անկախությունը՝ Ջուբի մայրաքաղաքով: 2020-Թուրքիայի Պետական խորհուրդը միաձայն որոշում է կայացրել Սուրբ Սոֆիան մզկիթի վերածելու մասին:


    Մանրամասները՝ «Փաստ» օրաթերթի այսօրվա համարում




  • Իսպանիան գործարկել է առաջին լողացող ծովային արևային էլեկտրակայանը



    Տնտեսություն





    Իսպանական BlueNewables ընկերությունը հայտարարել է իր PV-bos ծովային արևային էլեկտրակայանի առաջին հարթակի գործարկման մասին, գրում է naukatv.ru–ն։ Կառույցը ստեղծշվել է Իսպանիայի Վիգո քաղաքի Սան Էնրիկե նավաշինարանում, իսկ հաջորդ քայլը կլինի Վալենսիայի ափերի մոտ ծովային փորձարկումը։ Մշակողները կարծում են, որ այս տեխնոլոգիան կարող է նոր հնարավորություններ բացել արևային էներգիայի զարգացման համար այն տարածքներում, որտեղ խոշոր էլեկտրակայանների համար հողատարածքները գնալով պակասում են։

    Հարթակը անվանվել է Պայպորտա ի հիշատակ 2024 թվականի աշնանը Իսպանիայի արևելքում տեղի ունեցած DANA ավերիչ փոթորկի զոհերի։ Այս համակարգը նախագծվել է հատուկ ծովային միջավայրերում և նավահանգստային ջրերում շահագործման համար։ Ի տարբերություն ավանդական արևային էլեկտրակայանների, որոնք պահանջում են մեծ հողատարածքներ, նոր հարթակը գտնվում է ջրի վրա։

    Ըստ մշակողների, դա թույլ է տալիս օգտագործել այն տարածքները, որոնք ներկայումս մեծ մասամբ չեն օգտագործվում էլեկտրաէներգիայի արտադրության համար: Սա հատկապես կարևոր է խիտ բնակեցված շրջանների համար, որտեղ համապատասխան հողերը գնալով պակասում են։

    Գործարկումից հետո ինժեներները կավարտեն համակարգի նախապատրաստումը և կանցկացնեն մի շարք փորձարկումներ, նախքան հարթակը տեղափոխելը Վալենսիայի շրջան՝ իրական աշխարհի ծովային պայմաններում փորձարկելու համար։

    Ընկերությունը կարծում է, որ ծովային արևային էլեկտրակայանները կարող են կարևոր լրացում լինել արդեն զարգացող ծովային քամու արդյունաբերության համար։ Նախատեսվում է, որ հարթակները տեղադրվեն լողացող քամու տուրբինների մոտ՝ կիսելով նույն ենթակառուցվածքների մի մասը: Այս մոտեցումը թույլ կտա էներգիա ստանալ բազմաթիվ աղբյուրներից մեկ վայրում և կբարելավի ծովային ջրերի օգտագործման արդյունավետությունը։

    Հայաստանում արևային պանելներ արտադրող առաջին և միակ ընկերությունը Սոլարոնն է։

    Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

    Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

    Զանգահարեք 8757, 010 440055

    էլ. փոստ ֊ [email protected]




  • Արտերկրում կրթություն ստացած կուրսանտները նշանակվել են սպայական պաշտոնների

    Հուլիսի 8-ին ՊՆ վարչական համալիրում պաշտպանության նախարարի տեղակալ Արման Սարգսյանի գլխավորությամբ տեղի է ունեցել արտերկրի ռազմաուսումնական հաստատություններում բարձրագույն ռազմամասնագիտական կրթական ծրագրով ուսումնառությունն անցած ՀՀ ԶՈՒ կուրսանտներին համապատասխան սպայական պաշտոնների նշանակելու արարողությունը: Այս մասին տեղեկացնում են ՊՆ-ից:

     

    Պաշտպանության նախարարի տեղակալը շնորհավորել է սպաներին ծառայության նշանակվելու կապակցությամբ՝ վստահություն հայտնելով, որ ուսումնառության տարիներին ձեռք բերած գիտելիքներն ու մասնագիտական հմտությունները ծառայելու են ի նպաստ Հայաստանի Հանրապետության։

  • Արծվաշենը ՀՀ-ի ինքնիշխան տարածք է, էքսկլավային կարգավիճակով գտնվում է Ադրբեջանի վերահսկողության ներքո. Նիկոլ Փաշինյան

    «Մենք պետք է բոլոր կիսատ մնացած հարցերը լուծենք», ճեպարույցի ժամանակ ասել է վարչապետ Նիկոլ Փաշինյանը՝ անդրադառնալով անկլավների և էքսկլավների թեմային:

    Նա նշել է, որ այդ թեմայով շահագրգռություն կա. «Մենք նույնպես ունենք այդ թեմայով շահագրգռվածություն, որովհետև Արծվաշեն գյուղը էքկլավային կարգավիճակով գտնվում է Ադրբեջանի վերահսկողության ներքո և ՀՀ-ի ինքնիշխան տարածք է՝ համաձայն 1991 թվականի Ալմա-Աթայի հռչակագրով արձանագրված սկզբունքների»-ընդգծել է Փաշինյանը և ասել, որ անկլավների ու էքսկլավների հարցին պետք է լուծումներ տան:

    «Որևէ անկլավի կամ էքսկլավի տարածքը անկլավային կամ էքսկլավային կարգավիճակով մնում է այն երկրի տարածքում, որին դե յուրե պատկանում է, կամ մենք պայմանավորվում ենք և, օրինակ, համարժեք տարածքները սահմանի երկայնքով համարժեք տարածությամբ, այսպես ասած, փռում ենք, կամ կոնկրետ տեղանքներով իրականացնում ենք փոփոխություններ»,- ընդգծել է նա:

  • Տավուշում՝ Խաշթառակի կամրջի տակ, հայտնաբերվել է ջրաhեղձ եղած քաղաքացու մարմին

    Այսօր՝ հուլիսի 9-ին, ողբերգական դեպք է տեղի ունեցել Տավուշի մարզում։ Ժամը 12:20-ի սահմաններում ՀՀ ներքին գործերի նախարարության փրկարար ծառայության Տավուշի մարզային փրկարարական վարչություն են դիմել Իջևան քաղաքի մի քանի բնակիչներ և հայտնել, որ իրենց հարազատը գիշերը՝ ժամը 03:40-ի սահմաններում, տնից դուրս է եկել և չի վերադարձել։

    Shamshyan.com-ի տեղեկություններով, որոնվող քաղաքացու հարազատները հայտնել են, որ հավանական է՝ Իջևան քաղաքի Շատրվանների հրապարակի աստիճաններով իջնելիս նա անզգուշաբար ընկած լինի Աղստև գետը։

    Մեկ ժամից ավելի տևած որոնողական աշխատանքների արդյունքում ենթադրյալ ընկնելու վայրից մոտ 7 կմ հեռավորության վրա՝ Խաշթառակ գյուղ տանող նորակառույց կամրջի տակ, Աղստև գետում հայտնաբերվել է որոնվող քաղաքացու մարմինը։

    Մարմինը դուրս բերելու համար փրկարարներն օգտագործել են հատուկ ճոպաններ և պատգարակ։

    Դեպքի փաստով քննչական վարչությունում նախաձեռնվել է քրեական վարույթ։ Քննիչի որոշմամբ նշանակվել է դիակի դատաբժշկական փորձաքննություն։

    Ըստ տեղեկությունների՝ մահացածը Տավուշի մարզի բնակիչ, 80-ամյա Սեյրան Օ.-ն է։

  • Արսեն Ջուլֆալակյան․ «Գագիկ Ծառուկյանի նկատմամբ տեղի ունեցածը այլանդակություն է»

    Արցախը հանձնող անձից/քաղաքական թիմից սպասեք ամեն ինչ… Սահմանադրություն, Եկեղեցի, սրբազաններ, ցեղասպանության հիշատակ, պատմություն, ավանդույթներ, ընտանիք. անարգում են ամեն բան:

    2020թ-ի փետրվարից զրո հարաբերություն ունեմ Գագիկ Ծառուկյանի հետ:

    Հանդիպել ենք մեկ անգամ Փարիզում, երբ եկել էր ըմբշամարտի մրցումները դիտելու:

    Այն, ինչ այսօր արվեց Գագիկ Ծառուկյանի նկատմամբ, այլանդակություն է։

    Եվ սա միայն նրան չի վերաբերում, այլ ցույց է տալիս պետության կողմից տարրական մարդկային վերաբերմունքի բացակայությունն իր քաղաքացու հանդեպ։

    Տասնյակ ուժայիններով գետնել 70-ամյա մարդուն՝ իր տանը, երբ նա միայնակ է, չի դիմադրում և պատրաստ է հանգիստ ենթարկվել օրինական պահանջներին, ստորության գագաթնակետն է։

    Սա հիվանդ, բարոյազուրկ և թույլ մարդկանց փորձն է՝ ուժի ցուցադրությամբ քողարկելու սեփական ոչնչությունը։

    Նման մարդկանց վերջը շատ ավելի ծանր է լինելու:

    Ըմբշամարտի աշխարհի և Եվրոպայի չեմպիոն, ԱԺ նախկին պատգամավոր Արսեն Ջուլֆալակյան

  • Նոր Նորք վարչական շրջանի պաշտոնատար անձինք քաղաքացու օգտին ապօրինի անգործության և թողտվության համար կաշառք են ստացել. քրեական վարույթն ուղարկվել է դատարան



    ՀՀ հակակոռուպցիոն կոմիտեում իրականացված քրեական վարույթի նախաքննությամբ հիմնավորվել է, որ Երևան քաղաքի Նոր Նորք վարչական շրջանի ղեկավարի աշխատակազմի բաժնի պետն առաջատար մասնագետի հետ նախնական համաձայնությամբ, խմբի կազմում քաղաքացու օգտին ապօրինի անգործության և թողտվության համար պահանջել և ստացել են կաշառք:

    Մասնավորապես՝ նախաքննությամբ պարզվել է, որ Նորք Նորք վարչական շրջանի թաղամասերից մեկում գտնվող համայնքային սեփականություն հանդիսացող հողամասում 2009 թվականին առանց համապատասխան թույլտվության կառուցված և 2022 թվականի դեկտեմբերի 28-ին որպես ինքնակամ կառույց հաշվառված շինությունը չապամոնտաժելու, ինքնակամ հողազավթման և շինարարության հետևանքներն ամբողջությամբ չվերացնելու, վարչական իրավախախտման վերաբերյալ արձանագրություն չկազմելու համար բաժնի պետն ու առաջատար մասնագետն այլ անձի օժանդակությամբ ինքնակամ շինություն կառուցած քաղաքացուց պահանջել և ստացել են 150․000 ՀՀ դրամ գումար կաշառք։

    Նոր Նորք վարչական շրջանի պաշտոնատար անձանց մեղադրանք է ներկայացվել ՀՀ քրեական օրենսգրքի 435-րդ հոդվածի 2-րդ մասի 1-ին և 3-րդ կետերով, մեղադրանքներ են ներկայացվել ևս 2 քաղաքացիների:


    Քրեական վարույթով նախաքննությունն ավարտվել է, և վարույթի նյութերը մեղադրական եզրակացույթամբ ուղարկվել են ՀՀ հակակոռուպցիոն դատարան:

    Ծանուցում.  հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:


  • Նախատեսվում է կատարելագործել Կառավարության անդամների երդման տեքստի իրավական բովանդակությունը | Հայաստան

    Գործադիրը հավանություն է տվել «Կառավարության կառուցվածքի և գործունեության մասին» օրենքում փոփոխություն կատարելու նախագծին, որով սահմանվում է գործադիրի անդամների երդման նոր տեքստը։

     Փոփոխության հիմնական նպատակն է կատարելագործել երդման իրավական բովանդակությունը՝ դրանում ավելի հստակ արտացոլելով պետականության ամրապնդման, ժողովրդավարական կառավարման, ինչպես նաև հանրային ու պետական շահերի պաշտպանության արժեքները։

    Նոր տեքստն առավել ամբողջական կդարձնի Կառավարության անդամների պատասխանատվության շրջանակը պաշտոնը ստանձնելիս և կընդգծի պետական իշխանության հիմնարար արժեքները։

  • Մեր նպատակը Ռուսաստան արտահանումը դեպի եվրոպական ուղղություն տեղափոխելը չէ. Գևորգ Պապոյան

    Հայաստանի Հանրապետության էկոնոմիկայի նախարար Գևորգ Պապոյանն արձագանքել է Ռուսաստանի Դաշնության «Ռոսսելխոզնադզոր»-ի ղեկավար Սերգեյ Դանկվերտի հայտարարությանն այն մասին, թե հայկական կողմն իր ղեկավարած կառույցի կողմից ուղարկված նամակներն անպատասխան է թողնում։

    Պապոյանը բացառել է, որ ռազմավարական գործընկեր Ռուսաստանի Դաշնության պետական որևէ մարմնից իր գլխավորած նախարարությունը ստանա նամակ, որին ոչ միայն չպատասխանի, այլև ըստ պատշաճի ուշադրություն չդարձնի կամ էլ համապատասխան արձագանք չհնչեցնի։

    ՀՀ էկոնոմիկայի նախարարն այս մասին հայտարարել է «Արմենպրես»-ի թղթակցին տված հարցազրույցում՝ վստահեցնելով, որ նման բան չի կարող լինել, քանի որ ՀՀ էկոնոմիկայի նախարարությունը ոչ մի նամակ անպատասխան չի թողնում՝ հատկապես այնպիսի պետության մարմնից, որի հետ Հայաստանը ռազմավարական գործընկերություն ունի։  

    «Ես բացառում եմ դա․ ենթադրում եմ՝ այդ մեկնաբանության կամ տեղեկատվության մեջ որոշակի անհասկացվածություն կա։ Ես բացառում եմ, որ մենք Ռուսաստանի Դաշնության մեր որևէ գործընկեր կառույցից ստանայինք նամակ և անպատասխան թողնեինք։ Մենք շատ ուշադիր նորից նայել ենք ամբողջ համակարգում, այդպիսի չպատասխանած նամակ մենք չունենք։ Ես բացառում եմ, որ ռազմավարական գործընկեր Ռուսաստանի Դաշնության պետական որևէ մարմնից մենք ստանայինք նամակ և այդ նամակին ոչ միայն չպատասխանեինք, այլ նաև ըստ պատշաճի ուշադրություն չդարձնեինք կամ համապատասխան արձագանք չհնչեցնեինք»,-վստահեցրել է Գևորգ Պապոյանը։ 

    Էկոնոմիկայի նախարարը նաև նշել է, որ միայն առաջիկա մեկ ամսվա ընթացքում երկու այց կկատարի Ռուսաստանի Դաշնություն՝ հանդիպելու տարբեր գործընկերների հետ։

    «Նախատեսված են հանդիպումներ երկու տարբեր գործընկերների հետ։ Այդ հարցերը կլուծենք, կքննարկենք, որովհետև ես կարծում եմ, որ բոլոր հարցերը հնարավոր է և պետք է քննարկել սեղանի շուրջ, և բոլոր հարցերը հնարավոր է լուծել ՌԴ-ի հետ համակարգված աշխատանքի արդյունքում։ Այդուհանդերձ, չեմ բացառում, որ գործընկերների կողմից կան բարձրացված հարցեր, որոնք դեռ պատշաճ պատասխան, միգուցե, իրենք չեն ստացել․ պետք է տեսնել, թե որոնք են այդ հարցերը, բերել Էկոնոմիկայի նախարարության դաշտ և լուծել դրանք»,-ընդգծել է Պապոյանը։

    Անդրադարձ կատարելով վերջին շրջանում Ռուսաստանի կողմից Հայաստանում արտադրվող բազմաթիվ ապրանքների ներմուծման նկատմամբ տնտեսական սահմանափակումներին և հայ տնտեսվարողների ու արտահանողների գործունեության վրա դրանց ազդեցությանը՝ Գևորգ Պապոյանը շեշտել է, որ Էկոնոմիկայի նախարարությունն ակտիվ աշխատում է մասնավոր բիզնեսի հետ և որոշակիորեն հաջողվել է դիվերսիֆիկացնել Հայաստանից արտահանումները։  

    «Մի շարք ապրանքային ուղություններով դեպի Ռուսաստան արտահանում պրակտիկորեն դադարեցվել է, և դա որոշակի շոկային իրավիճակ է ստեղծել, սական պետք է նշել, որ Էկոնոմիկայի նախարարությունը ակտիվ աշխատում է մասնավոր բիզնեսի հետ, և որոշակիորեն և էական չափով մեզ հաջողվել է արտահանումը դիվերսիֆիկացնել»,-ասել է Էկոնոմիկայի նախարարը։ 

    Նրա խոսքով՝ եթե անցած տարվա հունիսի 1-15-ն ընկած ժամանակահատվածում կոնկրետ ապրանքային ուղղություններով, որոնք այս պահին սամանափակման տակ են, Հայաստանից արտահանումը մոտավորապես 2300-2400 տոննայի շրջանակում էր, որի 90 և ավելի տոկոսը՝ Ռուսաստանի Դաշնություն, այսօր այդ նույն ապրանքային ուղություններով ՀՀ-ից արտահանումը կազմում է մոտավորապես 1900 տոննա։ 

    «Այո ունենք նվազում, բայց այդ նվազումը այն ծավալով չէ, որը կար, այսինքն՝ Ռուսաստան արտահանվող ապրանքների մեծ մասը հիմա գնում է դեպի այլ երկրներ՝ եվրոպական երկրներ, Ուկրաինա, Վրաստան և այլն․ աշխարհագրություն ավելի լայն է։ Այս առումով պետք է նշել, որ խնդիրներ կան, բայց խնդիրները այն ծավալով չեն, որը ենթադրվում էր, այսինքն՝ փաստացի 70 և ավելի տոկոսը պարզապես արտահանվում է այլ երկրներ»,-նշել է Գևորգ Պապոյանը։

    Ինչ վերաբերում է այս իրավիճակում հայ տնտեսվարողներին և արտահանողներին օգնելու ուղղությամբ ՀՀ էկոնոմիկայի նախարարության կողմից իրականացվող քայլերին, Պապոյանը հայտնել է, որ բիզնեսին աջակցելու համար արդեն իսկ մշակվել են մի շարք ծրագրեր։

    «Մասնավորապես, արտահանման ժամանակ ամեն կիլոգրամի, ամեն հատի համար կամ ամեն լիտրի համար կոնկրետ աջակություն ենք տրամադրում։ Մաքսատուրքերից ենք ազատել․ պետությունն է վճարում դրանք։ Եվ երրորդը՝ հատկապես ջերմատնային բիզնեսը, գյուղացիական տնտեսությունները, ինտենսիվ այգիները վարկային խնդիրներ ունեին, և հիմա Կառավարություն ենք ներկայացրել ծրագրեր, որոնցով վարկային միջոցներով նրանց կաջակցենք։ Նկատի ունեմ, որոշ դեպքերում վարկային տոկոսադրույքների սուբսիդավորում, որոշ դեպքերում վարկերի մարման ժամկետների երկարաձգում, որոշ դեպքերում արտոնյալ ժամկետների երկարաձգում, արտոնյալ վարկավորման պայմաններ և այսպես շարունակ։ Սրանք այն միջոցառումներն են, որոնք պետք է որ նպաստեն նրան, որ մենք գանք այն թվին, որը եղել է նախորդ տարի։ Իհարկե, նաև հույս ունենք, որ Ռուսաստանի Դաշնության հետ կապված հարցադրումները կլուծվեն, և մենք կշարունակենք մեծ ծավալներով արտահանել նաև Ռուսաստան»,-շեշտել է Էկոնոմիկայի նախարարը։ 

    Գևորգ Պապոյանը խոսել է նաև ռուսական սահմանափակումների ֆոնին Եվրոպական միության կողմից այս ոլորտում Հայաստանին առաջարկվող աջակցության ու հայ արտահանողների համար տնտեսական նոր հնարավորությունների բացման մասին՝ բարձր գնահատելով այդ տեսանկյունից Եվրամիության մոտեցումները։

    «Շատ ուրախալի է, որ մենք եվրոպական գործընկերների աջակցությունն ենք այս օրերին ստանում այս բարդ իրավիճակում և սա շատ կարևոր է։ Մեր նպատակն է նաև, բնականաբար, մեր արտահանումը դիվերսիֆիկացնել, այսինքն՝ մենք չենք ուզում արտահանել միայն Եվրոպա, ցանկանում ենք արտահանել նաև Մերձավոր Արևելք, Չինաստան, ասիական շուկաներ, Ռուսաստանի Դաշնություն․ բոլոր շուկաները մեզ համար կարևոր և թիրախային են։ Իհարկե, մենք բարձր ենք գնահատում ԵՄ աջակցությունը, բայց, այնուամենայնիվ, ես ուզում եմ նշել, որ մեր նպատակը դեպի Ռուսաստան արտահանումը դեպի եվրոպական ուղղություն տեղափոխելը չէ»,-ընդգծել է Պապոյանը։ 

    Նա հույս է հայտնել և համոզվածություն արտահայտել, որ հայ-ռուսական բարձր մակարդակի քաղաքական, տնտեսական, միջանձնային բոլոր կապերն իրենց դերակատարումն, այնուամենայնիվ, ունենալու են և ռուսական շուկան վերաբացվելու է Հայաստանի համար։

    «Ես այլ կերպ չեմ պատկերացնում երկու ռազմավարական գործընկեր պետությունների հարաբերությունները։ Այո, հիմա կան որոշակի հարցեր, բայց ես կարծում եմ, որ այդ հարցերը կարող են լուծվել և պետք է լուծվեն, և կրկնում եմ՝ մեկ տնտեսական միության մեջ գտնվող երկրները կարող են ունենալ խնդիրներ, բայց նաև հենց այդ տնտեսական միությունը պետք է օգնի, որպեսզի դրանք լուծվեն։ Մեր խնդիրն, ի վերջո, այն է, որ գտնենք համապատասխան բանաձևեր ռուսաստանցի գործընկերների հետ, և դրանց շրջանակում տանք լուծումներ, որպեսզի մեր արտահանումը նորից բացվի, որովհետև մենք ևս համակարծիք ենք, որ Հայաստանի Հանրապետությունից բարեկամ երկրներ և առհասարակ բոլոր ուղղություններով պետք է արտահանվի որակյալ ապրանք»,-եզրափակել է ՀՀ էկոնոմիկայի նախարարը։

    Ռուսաստանը Հայաստանում հունիսի 7-ին կայացած խորհրդարանական ընտրություններին ընդառաջ արգելքներ և սահմանափակումներ էր կիրառել հայկական բազմաթիվ ապրանքների ներմուծման նկատմամբ, որոնք շարունակվում են մինչ օրս։ 

    Ռուսաստանի կողմից Հայաստանի նկատմամբ ներմուծման այս արգելքների ֆոնին Հայաստանը դիվերսիֆիկացնում է արտահանման շուկաները դեպի Եվրոպաան միության և այլ շուկաներ։ 

  • «Հրազդան» մարզադաշտին կհատկացվի 63 մլն դրամ





    Կառավարությունը 2026թ. պետական բյուջեից 63 միլիոն 135 հազար դրամ է հատկացնում «Հրազդան» մարզադաշտի վերակառուցման նախագծման համար։ Նպատակը տարածքը թեթև ատլետիկայի և պարաատլետիկայի միջազգային չափանիշներին հարմարեցնելն է։

    Տեխնիկական զննման արդյունքում տրիբունաների համար սահմանվել են սահմանափակումներ։

    Մինչև 2027թ. հուլիսի 23-ը սկսվող խաղերը պետք է հիմնանորոգվեն հանդերձարանները, սանհանգույցները, վազքուղիները և բարեկարգվի տարածքը։

    Ժամկետների խիստ սղության պատճառով (նախագծերը պետք է պատրաստ լինեն մինչև 2026թ. հոկտեմբեր), գնումը կատարվում է հրատապ՝ մեկ անձից գնման ընթացակարգով։

    Հատկացված գումարից 61 միլիոն դրամը կուղղվի նախագծմանը, իսկ 2.135 միլիոն դրամը՝ փորձաքննությանը։




    դիտվել է 267 անգամ


    Լրահոս

    Ամենաընթերցվածները



    Շուտով



    Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը


    Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը


    Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը


    Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը


    Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը


    Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը


    Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը


    Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը


    Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը


    Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը