Blog

  • Թուրքիայի կողմից ՌԴ-ից գնված S-400-ները վաճառվել են Պարսից ծոցի երկրներից մեկին. թուրքական ԶԼՄ-ներ



    Թուրքիայի կողմից ժամանակին Ռուսաստանից ձեռք բերված S-400 զենիթահրթիռային համակարգերը վաճառվել են Պարսից ծոցի երկրներից մեկին։ Նման պնդմամբ հանդես է եկել թուրքական իշխանամետ Hürriyet թերթը, հաղորդում է ՏԱՍՍ-ը:

    «Իմ տրամադրության տակ եղած տվյալներով՝ S-400-ները վաճառվել են երրորդ երկրի։ Գործարքի մասին կհայտարարվի այսօր։ S-400-ները ուղարկվում են Պարսից ծոցի երկրներից մեկը։ Երեկ որոշ խնդիրների վերացման ուղղությամբ աշխատանքներ էին տարվում, հաղորդվում է, որ կեսգիշերին դրանք վերացվել են։ Ոմանք նշում են Արաբական Միացյալ Էմիրությունները, ոմանք՝ Կատարը, լավագույնն այն է, որ սպասել պաշտոնական հայտարարությանը»,- գրել է հրատարակության մեկնաբան Աբդյուլքադիր Սելվին։

    Թուրքիայի իշխանությունները դեռևս չեն մեկնաբանել հրապարակումը։


    Մեկ օր առաջ նույն թերթը հաղորդել էր Անկարայի կողմից իրավական բանաձևի որոնումների մասին, որը կբավարարեր ԱՄՆ-ին՝ CAATSA ամերիկյան պատժամիջոցների ազդեցությունից դուրս գալու և նոր սերնդի F-35 կործանիչների արտադրության ծրագիր վերադառնալու համար, ինչի կապակցությամբ քննարկվում է Պարսից ծոցի երկրներից մեկին զենիթահրթիռային համալիրների վաճառքի հարցը։ Oksijen թերթն իր հերթին ԱՄԷ-ն անվանել է S-400-ների հավանական գնորդ։

    Թուրքիայի նախագահ Ռեջեփ Թայիփ Էրդողանը հուլիսի 7-8-ը Անկարայում ՆԱՏՕ-ի գագաթնաժողովում ամերիկացի գործընկեր Դոնալդ Թրամփի հետ բանակցությունների արդյունքներով վստահություն է հայտնել F-35 ծրագիր Անկարայի վերադարձի կապակցությամբ։ ԱՄՆ նախագահն ինքը հայտարարել էր, որ դեռևս որոշում չի կայացրել այդ հարցով։

    Թուրքիան 2017 թվականին Ռուսաստանից ձեռք է բերել 2,5 մլրդ դոլար արժողությամբ S-400 հակաօդային պաշտպանության համակարգերի չորս դիվիզիոն։ 2019 թվականի հոկտեմբերին «Ռոսօբորոնէքսպորտ» ընկերությունը (մտնում է «Ռոստեխ» պետական կորպորացիայի մեջ) հայտնել էր, որ համակարգերի մատակարարման պայմանագիրը կատարված է։ Թուրքիայի և Ռուսաստանի միջև S-400-ի գնդային հավաքածուի մատակարարման պայմանագիրը կնքելուց հետո Անկարան հեռացվել է F-35 կործանիչների ստեղծման ԱՄՆ ծրագրից։


  • Կրեմլը մեկնաբանել է Թուրքիայի կողմից S-400 հրթիռների վաճառքի մասին հաղորդագրությունները | Քաղաքականություն

    Ռուսաստանը կապի մեջ է Թուրքիայի հետ այդ երկրին նախկինում մատակարարված S-400 զենիթահրթիռային համակարգերի հատ կապված։ Այս մասին ճեպազրույցի ժամանակ հայտարարել է նախագահի մամուլի քարտուղար Դմիտրի Պեսկովը, գրում է ՏԱՍՍ-ը։

    Ավելի վաղ թուրքական կառավարամետ «Հյուրիյեթ» թերթը հայտնել էր, որ Թուրքիայի կողմից նախկինում Ռուսաստանից գնված S-400-ները վաճառվել են Պարսից ծոցի երկրներից մեկին։ Թերթի տվյալներով՝ գործարքի մասին շուտով կհայտարարվի։ Պեսկովին հարցրել են, թե արդյոք Անկարան դիմել է վաճառքի թույլտվության համար, և ինչպես է Մոսկվան արձագանքել։

    «Այստեղ կարող եմ ասել մեկ բան. սա խիստ զգայուն հարց է։ Մենք շփումներ ենք ունեցել թուրքական կողմի հետ այս հարցի շուրջ։ Եվ մենք կշարունակենք շփումներ ունենալ», – պատասխանել է Կրեմլի խոսնակը։

    Հուլիսի 9-ին «Հյուրիյեթ»-ը հայտնել է, որ Անկարան փնտրում է իրավական լուծում, որը կբավարարի ԱՄՆ-ին, թույլ տալով նրան հրաժարվել CAATSA պատժամիջոցներից և վերադառնալ F-35 նոր սերնդի կործանիչների արտադրության ծրագրին։ Իր հերթին, «Օքսիջեն» թերթը ԱՄԷ-ն անվանել է S-400-ի հավանական գնորդ։

  • Կոռուպցիոն գործեր հսկող դատախազներն ընտրական հանցագործությունների վերաբերյալ 43 քրեական վարույթ՝ 153 անձի վերաբերյալ, հանձնել են դատարանAECOM-ի թիմն ու ՀՀ կառավարության գործընկերներն ուսումնասիրել են TRIPP-ի տեղանքը՝ երկաթգծի և այլ ենթակառուցվածների ձևավորման նպատակովՔննարկվել է ՔՀԿ-ների, ԶԼՄ-ների և կուսակցությունների հաշվետվողականության և թափանցիկության բարձրացման հնարավորությունըՍևանա լճի՝ բացարձակ նիշից ցածր 68 հողամասերում ապամոնտաժվել է 201 շենք-շինությունԱդրբեջանն ավարտել է խաղաղության համաձայնագրի վերջնական մշակումը. ԲայրամովՎանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող ևս 1 հողատարածք

    Կոռուպցիոն գործեր հսկող դատախազներն ընտրական հանցագործությունների վերաբերյալ 43 քրեական վարույթ՝ 153 անձի վերաբերյալ, հանձնել են դատարանAECOM-ի թիմն ու ՀՀ կառավարության գործընկերներն ուսումնասիրել են TRIPP-ի տեղանքը՝ երկաթգծի և այլ ենթակառուցվածների ձևավորման նպատակովՔննարկվել է ՔՀԿ-ների, ԶԼՄ-ների և կուսակցությունների հաշվետվողականության և թափանցիկության բարձրացման հնարավորությունըՍևանա լճի՝ բացարձակ նիշից ցածր 68 հողամասերում ապամոնտաժվել է 201 շենք-շինությունԱդրբեջանն ավարտել է խաղաղության համաձայնագրի վերջնական մշակումը. ԲայրամովՎանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող ևս 1 հողատարածք

  • «Մեկը արթնանում ա, մեկը՝ չէ. կարող ա ինձ էլ քնացնեին, ես էլ չարթնանայի». քաղաքացի

    Ամենաօպերատիվ և օբյեկտիվ տեղեկատվությունները Հայաստանից և աշխարհից, մեկ հարթակում։ Բացառիկ հարցազրույցներ և մեկնաբանություններ՝ հնչեղ իրադարձությունների շուրջ։
  • Հնարավո՞ր է կեղծել թվային դրոշմապիտակները. «Կիլիկիա»-ի և «Ի-Մարկ»-ի հակասող պնդումները. Hetq.am





    «Կիլիկիա» գարեջրի գործարանից պնդում են, որ շուկայում իրենց արտադրած գարեջրի շշերի վրայի թվային դրոշմապիտակները հավելվածով չեն ընթերցվում ոչ թե կեղծ լինելու, այլ բացառապես տեխնիկական խնդիրների կամ ֆիզիկական վնասվածքների (խոնավություն, տեղափոխման ընթացքում առաջացած քերծվածքներ) պատճառով։ Այս մասին, ի պատասխան մեր հարցման, հայտնել են գործարանը շահագործող «Երևանի գարեջուր» ՓԲԸ-ից։ Այս մասին գրում է Հետքը:

    «Հետք»-ը պարզել է, որ խանութներում «Կիլիկիա» գարեջրի որոշ շշերի վրայի թվային կոդերը (Data Matrix) սքանավորելիս հավելվածը ցույց է տալիս, թե ապրանքը դրոշմավորված չէ։ Սա կասկած էր առաջացրել, որ շուկայում չհարկվող (ստվերային) գարեջուր կա։

    Գործարանը պնդում է, որ կոդերը գեներացվում են ավտոմատ, և իրենք տեխնիկապես չեն կարող դրանք ձեռքով փոփոխել կամ կրկնօրինակել։

    «Ի-Մարկ» ՍՊԸ-ից, որը ներկայում թվային դրոշմապիտակների համար Data Matrix ծածկագրեր է գեներացնում և տնտեսվարողներին վաճառում, հակառակն են պնդում։

    Այս հոդվածում ներկայացնում ենք երկու կողմերի մեկնաբանությունները։ Իսկ թե ինչ է մտածում այդ մասին Պետական եկամուտների կոմիտեն, դեռևս արձագանք չունենք։

    «Կիլիկիա»-ից պնդում են, որ թվային կոդերում կամ դրանցում պարունակվող տվյալներում ձեռքով փոփոխություններ և միջամտություններ հնարավոր չեն

    2023 թվականից Հայաստանում փուլային տարբերակով ներդրվել է ապրանքների թվային դրոշմավորումը՝ փոխարինելով ակցիզային դրոշմապիտակներին։ Դրանք «Դատա մատրիքս» (Data Matrix) երկչափ ծածկագրեր են, որոնք փակցվում են յուրաքանչյուր ապրանքի վրա և առավել հայտնի են որպես QR կոդեր։

    «Կիլիկիա» գործարանից դժգոհում են, որ թվային նույնականացման համակարգի կիրառման ընթացքում տեխնիկական խնդիրներ են առաջանում, ինչի մասին տեղյակ են պահել Պետական եկամուտների կոմիտեին ու թվային ծածկագրեր տրամադրող «Ի-Մարկ» ՍՊԸ-ին։

    Նշվում է, որ գործնականում արձանագրվել են դեպքեր, երբ արտադրանքի վրա տպագրված թվային կոդերը չեն ընթերցվում կամ ընթերցվում են թերի։ Դրանք, ըստ ընկերության, բացառապես տեխնիկական կամ ֆիզիկական բնույթ ունեն։ Օրինակ՝ փաթեթավորման ընթացքում կոդը մասնակի վնասվում է, խոնավությունն է ազդում, բեռնման, բեռնաթափման կամ պահեստավորման ընթացքում առաջանում են վնասվածքներ, մանրածախ առևտրի կետերում տեղափոխման և պահպանման ժամանակ ևս կարող են վնասվել, ինչպես նաև՝ այլ «օբյեկտիվ պատճառներ», որոնք կարող են ազդել կոդի ընթեռնելիության վրա։

    Պատասխանում նաև նշել են, որ նման կոդերի վերաբերյալ «Երևանի գարեջուր» ՓԲԸ-ն դիմել է Պետական եկամուտների կոմիտեին, սակայն պաշտոնական պարզաբանում չի ստացել։

    Ավելին՝ սկզբնաղբյուրում:



    դիտվել է 138 անգամ

  • 8 ֆիլմ, որոնք չպետք է բաց թողնել «Ոսկե ծիրան 2026»-ում

    Պատերազմից հետո մնացած լռություն, տուն փնտրող մարդիկ, հայրերի ու որդիների չասված խոսակցություններ․ «Ոսկե ծիրան-2026»-ի ֆիլմերը միավորում է մեկ ընդհանուր թեմա՝ ինչպե՞ս շարունակել ապրել, երբ աշխարհն արդեն փոխվել է։ 

     

    Մեդիամաքսն առանձնացրել է 8 ֆիլմ, որոնցից յուրաքանչյուրն առաջարկում է իր ճանապարհորդությունը՝ դեպի սեփական անցյալը, ցավը կամ դեռ չապրած կյանքը։

     

    1. Հեռավոր կրակ․ Մառլեն Էդոյան

     

    Վրաստանի հարավում՝ Հայաստանի սահմանին մոտ գտնվող Գանձան գյուղում երեք դեռահաս փորձում են պատկերացնել իրենց ապագան։ Անհանգիստ ու հավակնոտ Հենրիխը երազում է մեկնել Թբիլիսի եւ միջազգային հարաբերություններ ուսումնասիրել։ Ընտանեկան պարտավորությունների ծանրությունը կրող Կառլենը արտագնա աշխատանքը տեսնում է որպես սեփական անկախությունը ձեռք բերելու հնարավորություն։ Իսկ ավանդույթներին առավել կապված Հակոբը փորձում է իր տեղը գտնել հայրենի գյուղում՝ միաժամանակ ներքուստ կասկածի տակ դնելով այնտեղ իշխող չգրված կանոններն ու հայրիշխանական սպասումները։

     

    Մառլեն Էդոյանը սահմանը դիտում է ոչ միայն որպես աշխարհագրական գիծ, այլեւ որպես ներքին վիճակ։ Սովետական անցյալի ստվերը, աքսորի հիշողությունն ու հայրիշխանական ավանդույթները դառնում են այն միջավայրը, որտեղ երիտասարդները փորձում են հասկանալ՝ ինչ գնով է հնարավոր հեռանալ եւ արդյոք հնարավոր է երբեւէ ամբողջությամբ հեռանալ։

     

    2. Լուսինն է իմ հայրը․ Գիորգի Օվաշվիլի

     

    Տասներկուամյա Տոման գրեթե չի հիշում հորը։ Երբ երկար տարիների բանտարկությունից հետո Նեմոն վերադառնում է, նրանք միասին ճանապարհ են ընկնում դեպի լեռներ՝ փորձելով մի քանի օրում լրացնել տասը տարվա բացակայությունը։

     

    Սկզբում ֆիլմը հայր ու որդու հարաբերությունների մասին պատմություն է թվում, սակայն աստիճանաբար վերածվում է հասունացման դրամայի։ Լեռները դառնում են փորձություն, որտեղ տղան ստիպված է ոչ միայն փրկել իրեն, այլեւ հրաժեշտ տալ մանկությանը։ Օվաշվիլին պատմում է, թե ինչպես է երբեմն մեծանալը սկսվում հենց կորստից։

     

    3. Լավ տղամարդ չկա․ Շահրբանու Սադաթ

     

    2021 թվականն է։ Քաբուլում Թալիբանի վերադարձին հաշված օրեր են մնացել։ Հեռուստաընկերության միակ կին օպերատորը՝ Նարուն, պայքարում է որդու խնամակալությունը պահպանելու համար եւ վստահ է, որ իր կյանքում այլեւս լավ տղամարդ չի կարող հայտնվել։

     

    Քաղաքի վերջին ազատ օրերի ֆոնին ֆիլմը պատմում է ոչ միայն հնարավոր սիրո, այլեւ ընտրության մասին։ Երբ երկիրը կանգնած է պատմական շրջադարձի առաջ, ամենափոքր անձնական որոշումներն էլ քաղաքական են դառնում։ Շահրբանու Սադաթը մեծ պատմությունը պատմում է մեկ կնոջ հայացքով՝ առանց բարձրաձայն հայտարարությունների։

     

    4. Ապահով ելք․ Մոհամեդ Համմադ

     

    Սամաանը մանկության տարիներին տեսել է, թե ինչպես են ահաբեկիչները սպանում իր հորը։ Տասը տարի անց նա աշխատում է որպես անվտանգության աշխատակից եւ ապրում հետտրավմատիկ սթրեսային խանգարմամբ։ Մի օր ճակատագիրն ստիպում է նրան թաքցնել հենց այն մարդուն, որից ամբողջ կյանքում փախել է։

     

    Ֆիլմը թրիլերի կառուցվածք ունի, բայց իրական լարվածությունը ներսում է։ Վախը, հավատը, վրեժի ցանկությունն ու բարոյական ընտրությունը անընդհատ բախվում են միմյանց՝ ցույց տալով, թե որքան երկար կյանք կարող է ունենալ մեկ մանկության վերքը։

     

    5. Վերապրել Շեքսպիրին․ Իննա Սահակյան, Ռուբեն Ղազարյան

     

    Նորքի ծերանոցում Շեքսպիրի հերոսները դատի են տալիս իրենց հեղինակին, սակայն բեմական այս մտահղացումը շուտով վերածվում է բոլորովին այլ պատմության։ Թատերական փորձերին զուգահեռ բացվում են տարեց բնակիչների անձնական պատմությունները, հիշողություններն ու չապրած կյանքերը՝ ստեղծելով ֆիլմ, որտեղ փաստագրությունն ու թատրոնը անընդհատ հատվում են։ Այստեղ Շեքսպիրը ոչ միայն ներկայացման հերոս է, այլեւ միջոց՝ վերաիմաստավորելու այն, ինչ մնացել է չասված, կորցրած կամ ուշացած։ 

     

    Արդյունքում ֆիլմը վերածվում է կյանքի վերջին մեծ բեմադրության, որտեղ յուրաքանչյուր հերոս խաղում է ոչ թե իրեն բաժին հասած դերը, այլ սեփական ճակատագիրը։

     

    6. Լոնդոն․ Սեբաստիան Բրամեսհուբեր

     

    Բոբին ամեն օր մեքենայով անցնում է Վիեննան եւ Զալցբուրգը կապող մայրուղով՝ ճանապարհածախսը կիսելու համար պատահական ուղեւորներ վերցնելով։ Յուրաքանչյուր ուղեւոր իր հետ բերում է մի փոքրիկ Եվրոպա։ Այդ պատահական զրույցներից Բրամեսհուբերը հավաքում է մայրցամաքի դիմանկարը՝ առանց մեկնաբանելու, պարզապես լսելով մարդկանց։ 

     

    Այն միաժամանակ խաղարկային է եւ վավերագրական՝ ավելի շատ լսելով մարդկանց, քան մեկնաբանելով նրանց։

     

    7. Տրիստան՝ ընդմիշտ․ Թոբիաս Նյոլե

     

    Աշխարհի ամենահեռավոր բնակեցված կղզիներից մեկում ֆրանսիացի բժիշկ Լորանը գտել է այն, ինչ շատերը փնտրում են ամբողջ կյանքում՝ տուն։ Երեսուն տարվա այցելություններից հետո նա որոշում է վերջնականապես տեղափոխվել Տրիստան դա Կունյա եւ դառնալ կղզու բնակիչ։

     

    Ֆիլմը հարցնում է՝ արդյոք տունը ծննդավայրն է, թե այն վայրը, որտեղ քեզ պատրաստ են ընդունել։ Մարդու եւ բնության հարաբերությունների մասին այս պատմությունը նաեւ ընտանիքի եւ պատկանելիության մասին խորհրդածություն է։

     

    8. Արտոյի երկիրը․ Թամարա Ստեփանյան

     

    Սելինը Հայաստան է գալիս ամուսնու՝ Արտոյի մահը գրանցելու համար։ Այստեղ նա հասկանում է, որ այն մարդու մասին, որի հետ ապրել է, գրեթե ոչինչ չի իմացել։ Նրա որոնումները տանում են դեպի 2020 թվականի պատերազմի հաշմանդամներ, 90-ականների վետերաններ եւ պատերազմի հիշողությամբ ապրող մարդիկ։

     

    «Արտոյի երկիրը» հիշողության եւ ինքնության մասին ֆիլմ է։ Սելինի անձնական որոնումը աստիճանաբար վերածվում է մի ամբողջ երկրի հիշողության հետ հանդիպման։ 

     

    + Երեք հատուկ ցուցադրություն, որոնք բաց թողնել չի կարելի

     

    Մրցութային ծրագրից բացի, այս տարվա «Ոսկե ծիրանը» հնարավորություն է տալիս մեծ էկրանին տեսնել նաեւ կինոյի պատմության երեք տարբեր ժամանակաշրջան ներկայացնող ֆիլմեր։

     

    Սատանայական տանգո․ Բելա Տարր

     

    439 րոպե տեւողությամբ «Սատանայական տանգոն» կինոյի պատմության ամենանշանավոր ու համարձակ ստեղծագործություններից է։ Բելա Տարի յոթ ժամանոց գլուխգործոցը հրաժարվում է ավանդական պատմողական ռիթմից՝ հանդիսատեսին հրավիրելով ամբողջությամբ ընկղմվել իր դանդաղ, հիպնոսացնող աշխարհում։

     

    Մեծ պատմություն փոքր քաղաքում․ Գոռ Կիրակոսյան

     

    Քսան տարի անց «Մեծ պատմություն փոքր քաղաքում»-ը վերադառնում է մեծ էկրան՝ ռեստավրացված տարբերակով՝ հիշեցնելով, թե ինչու դարձավ անկախ Հայաստանի ամենասիրված կատակերգություններից մեկը։

     

    Ֆիլմը վաղուց դուրս է եկել պարզապես կատակերգության շրջանակներից՝ վերածվելով 2000-ականների հայկական կինոյի խորհրդանիշներից մեկի։ Այն համարձակորեն շարունակեց խորհրդային կատակերգության ավանդույթները նոր հայկական իրականության մեջ՝ ստեղծելով կերպարներ, հումորային իրավիճակներ ու երկխոսություններ, որոնք մինչ օրս շարունակում են մեջբերվել։ 

     

    Ամելի․ Ժան-Պիեռ Ժյոնե

     

    Քառորդ դար անց էլ «Ամելին» շարունակում է հիշեցնել, որ առօրյայի ամենափոքր մանրուքներում էլ կարող են հրաշքներ թաքնված լինել։ Ժան-Պիեռ Ժյոնեի գունեղ կինոլեզուն, Մոնմարտրի կախարդական մթնոլորտն ու հիշվող կերպարները ֆիլմը վաղուց դարձրել են ժամանակակից կինոյի ամենասիրելի դասականներից մեկը։

     

    Ցուցադրությանը ներկա կլինի ֆիլմի պատկերային աշխարհի հեղինակ, օպերատոր Բրյունո Դելբոնելը, որը հանդիսատեսի հետ կկիսվի «Ամելիի» ստեղծման պատմություններով։

     

    Աստղիկ Հովհաննեսով

  • ՀԾԿՀ նախագահը մասնակցել է կարգավորող հանձնաժողովների ղեկավարների բարձր մակարդակի քննարկմանը

    Շվեյցարիայի Ժնև քաղաքում անցկացվող տեղեկատվական և հաղորդակցական տեխնոլոգիաների ոլորտի խոշորագույն միջազգային միջոցառումներից մեկի՝ WSIS Forum 2026-ի շրջանակում, Հանրային ծառայությունները կարգավորող հանձնաժողովի նախագահ Մեսրոպ Մեսրոպյանը մասնակցել է տարբեր երկրների կարգավորող մարմինների ղեկավարների մասնակցությամբ կայացած կլոր սեղանին։ Այս մասին տեղեկացնում են ՀԾԿՀ-ից:

    Քննարկման ընթացքում անդրադարձ է կատարվել հեռահաղորդակցության ոլորտի զարգացման ուղղություններին, թվային ենթակառուցվածքների ընդլայնման առաջնահերթություններին, ինչպես նաև նոր տեխնոլոգիաների ներդրման հնարավորություններին և մարտահրավերներին։ Առանձնահատուկ ուշադրություն է դարձվել արհեստական բանականության կիրառման ազդեցությանը և արագ փոփոխվող տեխնոլոգիական միջավայրին համապատասխան՝ կարգավորման նոր մոտեցումների ձևավորման անհրաժեշտությանը։

    ՀԾԿՀ-ի մասնակցությունը նման միջազգային միջոցառումներին ևս մեկ անգամ ընդգծում է Հայաստանի ներգրավվածությունը թվային օրակարգի ձևավորման և միջազգային համագործակցության զարգացման գործընթացներում։

    Ֆորումի շրջանակում Մեսրոպ Մեսրոպյանը հանդես է եկել նաև Leaders TalkX բարձր մակարդակի պանելային քննարկմանը՝ ներկայացնելով Հայաստանի էլեկտրոնային հաղորդակցության ոլորտում իրականացված բարեփոխումները, գրանցված արդյունքներն ու զարգացման առաջիկա ուղղությունները։

    WSIS Forum 2026-ը տեղեկատվական և հաղորդակցական տեխնոլոգիաների ոլորտի խոշորագույն միջազգային միջոցառումներից մեկն է, որն անցկացվում է Հեռահաղորդակցության միջազգային միության (ITU) կողմից՝ ՄԱԿ-ի հովանու ներքո։ Ֆորումը համախմբում է պետական կառույցների, միջազգային կազմակերպությունների, ակադեմիական շրջանակների և մասնավոր հատվածի ներկայացուցիչներին՝ քննարկելու թվային զարգացման, նորարարության և կայուն զարգացման նպատակների իրականացմանն առնչվող առանցքային հարցերը։

  • Ադրբեջանի տարածքով Հայաստան կուղարկվեն պրոպան և պարարտանյութեր



    Տնտեսություն


    Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

    Ադրբեջանի տարածքով Հայաստան կուղարկվեն պրոպան և պարարտանյութեր: Այս մասին հայտնում են ադրբեջանական ԶԼՄ-ները:

    «Այսօր Բալաջարի կայարանից կուղարկվեն պրոպանով 14 վագոն և պարարտանյութերով 5 վագոն»,- նշվում է հաղորդագրության մեջ:

    Նշենք, որ այսօրվա դրությամբ Ադրբեջանից Հայաստան արդեն արտահանվել է ավելի քան 14 հազար տոննա դիզելային վառելիք և 4 հազար տոննայից ավելի ԱԻ-92 և ԱԻ-95 մակնիշի բենզին։

    Առ այսօր Ադրբեջանի տարածքով Ռուսաստանից Հայաստան տարանցիկ եղանակով փոխադրվել է ավելի քան 34 հազար տոննա հացահատիկ, մոտ 8 հազար տոննա պարարտանյութ, 133 տոննա ալյումին, 68 տոննա հնդկացորեն և 414 տոննա անտրացիտ։

    Հետևեք մեզ՝ այստեղ







  • Oragir.live | Տարադրամի փոխարժեքները հուլիսի 10-ին


    Տնտեսություն





    Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

    Ներկայացնում ենք տարադրամի փոխարժեքները՝ ըստ rate.am-ի:

    ԱՄՆ դոլարի առքի առավելագույն արժեքն է 365.50 դրամ, վաճառքի նվազագույն արժեքը՝ 367.5 դրամ:

    Եվրոյի առքի առավելագույն արժեքն է 417 դրամ, վաճառքի նվազագույն արժեքը՝ 420 դրամ:

    Ռուսական ռուբլու առքի առավելագույն արժեքն է 4.3 դրամ, վաճառքի նվազագույն արժեքը՝ 4.75 դրամ:

    Հետևեք մեզ՝ այստեղ




  • Այսօրվանից ուժի մեջ է մտնում «ծնողական ժամ» կարգավորումը



    Հասարակություն





    Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

    ՀՀ աշխատանքի և սոցիալական հարցերի նախարարությունից տեղեկացնում են, որ այսօրվանից ուժի մեջ է մտնում «ծնողական ժամ» կարգավորումը։

    «Աշխատող ծնողները (այդ թվում՝ խնամատար ծնողը, որդեգրողը և խնամակալը) կարող են աշխատանքային օրվա ընթացքում ժամանակավորապես բացակայել՝ երեխայի խնամքի, դաստիարակության, կրթական գործընթացներին մասնակցելու կամ երեխայի շահերից բխող այլ կարևոր հարցերով զբաղվելու համար։

    Ինչպե՞ս է գործելու նոր կարգավորումը

    Ծնողական ժամը տրամադրվում է հետևյալ ծավալով․

    • մինչև 12 տարեկան 1 կամ 2 երեխա ունեցող ծնողին՝ օրական մինչև 30 րոպե,

    • մինչև 12 տարեկան 3 և ավելի երեխա ունեցող ծնողին՝ օրական մինչև 1 ժամ,

    • մինչև 18 տարեկան ֆունկցիոնալության ծանր կամ խոր սահմանափակում ունեցող երեխայի ծնողին՝ օրական մինչև 1 ժամ՝ անկախ երեխաների թվից։

    Ինչպե՞ս օգտվել

    Ծնողական ժամը տրամադրվում է աշխատողի գրավոր դիմումի հիման վրա, և գործատուն չի կարող մերժել այն։

    Կարևոր է իմանալ

    Ծնողական ժամի կիրառման ընթացքում պահպանվում է աշխատողի հիմնական աշխատավարձը, իսկ գործավարձով վարձատրվողների դեպքում՝ միջին աշխատավարձը (բացառությամբ պարգևատրման գումարների)»,- ասվում է հաղորդագրությունում։

    Հետևեք մեզ՝ այստեղ