Blog

  • Առեղծվածային մահ. ինֆլուենսերը մահացել է Դուբայի երկնաքերի 27-րդ հարկից ընկնելուց հետո

    Բրազիլացի բլոգեր և ինֆլուենսեր Կաուանա Բիլհարը ողբերգականորեն մահացել է 26 տարեկանում՝ Դուբայում բարձրահարկ շենքի 27-րդ հարկից ընկնելուց հետո։

    Բրազիլական G1 հրատարակության տվյալներով՝ ողբերգությունը տեղի է ունեցել երեքշաբթի՝ հուլիսի 7-ին։ Աղջկա հորեղբայրը լրագրողներին ասել է, որ Կաուանան, որը վերջին երկու տարիներին բնակվել էր ԱՄԷ-ում, ընկել է իր սենյակի պատշգամբից։ Տեղական իրավապահ մարմինները շարունակում են հետաքննությունը։ Զոհի մայրը՝ Դարլա Բիլհարը, մեկնել է Դուբայ՝ անձամբ վերահսկելու հետաքննությունը և կազմակերպելու դստեր մարմնի հայրենիք վերադարձը։

    Բրազիլիայի արտաքին գործերի նախարարությունը պաշտոնական հայտարարություն է տարածել՝ հաստատելով, որ Աբու Դաբիում գտնվող դեսպանատունը «հետևում է իրավիճակին և պատրաստ է ընտանիքին տրամադրել անհրաժեշտ հյուպատոսական օգնություն»։

    Հուլիսի 9-ին Դարլա Բիլհարը տեսաուղերձ է հրապարակել Instagram-ում։ Ողբերգության պահին Կաուանայի էջն ուներ ավելի քան 20,000 հետևորդ։ Վշտահար մայրը խոստովանել է, որ ապրում է «իր կյանքի ամենավատ պահը»։ Նա բացատրել է, որ որոշել է խախտել լռությունը՝ պաշտպանելու դստերը, որն այլևս չէր կարողանում պաշտպանել իրեն։

    Դարլան նաև կոչ է արել լրատվամիջոցներին և ինտերնետ օգտագործողներին ամբողջ աշխարհում «պատասխանատվությամբ և արժանապատվությամբ» լուսաբանել այս ողբերգական միջադեպը։

    «Բոլոր նրանց, ովքեր լուրեր են տարածում կամ կարծիքներ են հայտնում՝ առանց փաստերը իմանալու, ես միայն մեկ բան եմ խնդրում. ցուցաբերեք կարեկցանք։ Այսօր սա պատահեց իմ դստեր հետ, իսկ վաղը դա կարող է լինել ձեր սիրելիներից մեկը», – ասել է նա։ «Ոչ մի մայր չպետք է թաղի իր երեխային, և ոչ մի մայր չպետք է պայքարի այն մարդու պատիվը պաշտպանելու համար, ով այլևս կենդանի չէ՝ միաժամանակ հաղթահարելով կորստի վիշտը»։

    Կաուանան իր վերջին Instagram-յան գրառումը հրապարակել է հունիսի 25-ին։ Այնտեղ նա ուրախությամբ պատմել է, թե ինչպես է վերջապես դարձել բրիտանական կարճամազ կատվի տեր՝ նշելով, որ ընտանի կենդանին «ավելի շատ ուրախություն է բերել իր առօրյա կյանքին»։

  • Պայծառակերպության տոնին կկայանա Գորիսի առաջնորդանիստ Մայր Եկեղեցու վերաօծումը





    «ՆԱՎԱԿԱՏԻՔ ԵՎ ՕԾՈՒՄ՝ ԳՈՐԻՍԻ ՍՈՒՐԲ ԳՐԻԳՈՐ ԼՈՒՍԱՎՈՐԻՉ ԱՌԱՋՆՈՐԴԱՆԻՍՏ ՄԱՅՐ ԵԿԵՂԵՑՈՒՄ

    Սիրելի՛ հավատացյալներ

    Ուրախությամբ հայտնում ենք, որ սույն թվականի հուլիսի 12-ին՝ Պայծառակերպության Տաղավար տոնի օրը, Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի օրհնությամբ կկայանա Գորիսի Սուրբ Գրիգոր Լուսավորիչ առաջնորդանիստ մայր եկեղեցու վերաօծման հանդիսավոր արարողությունը թեմի առաջնորդ գերաշնորհ Տեր Մակար եպիսկոպոս Հակոբյանի ձեռամբ։

    Նախորդ օրը՝ հուլիսի 11-ին՝ երեկոյան ժամը 18:30-ին, կկատարվի եկեղեցու դռնբացեքի և նավակատիքի արարողությունը:

    Վերաօծման հանդիսավոր արարողությունը՝ ժամը 10:00-ին։

    Սրտանց հրավիրում ենք բոլոր հավատացյալներին՝ միասին աղոթքով և ուրախությամբ մասնակցելու այս օրհնաբեր արարողություններին և մեծ տոնին»։




    դիտվել է 141 անգամ


    Լրահոս

    Ամենաընթերցվածները



    Շուտով



    Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը


    Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը


    Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը


    Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը


    Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը


    Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը


    Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը


    Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը


    Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը


    Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը

  • Here we go. Ռոմանոն հայտնեց Բարսելոնայի ամառային երրորդ տրանսֆերի մասին





    Գերմանիայի ազգային հավաքականի և Դորտմունդի «Բորուսիայի» եզրային հարձակվող Կարիմ Ադեյեմին դարձավ կատալոնական «Բարսելոնայի» ֆուտբոլիստ։ Այս տեղեկությունը հաստատել է հեղինակավոր ինսայդեր Ֆաբրիցիո Ռոմանոն։

    Տրանսֆերի արժեքը կազմել է 22 միլիոն եվրո։ Նախկինում շրջանառվում էին լուրեր, որ «Բորուսիան» մտադիր չէ բաց թողնել ֆուտբոլիստին 40 միլիոն եվրոյից պակաս գումարի դիմաց։ Արդյունքում գերմանական ակումբը 22 միլիոնը կստանա անմիջապես, ևս 7 միլիոն եվրո կարող է վաստակել տարբեր բոնուսների տեսքով՝ ներառյալ մրցաշարերում հաղթանակները։ «Բարսելոնան» և 24-ամյա Ադեյեմին կնքել են 5 տարվա պայմանագիր

    Մի շարք ԶԼՄ-ների պնդմամբ՝ տրանսֆերի հավանական դրդապատճառներից մեկն էլ եղել է Ադեյեմիի ընկերուհու ցանկությունը. նա այլևս չի ցանկացել ապրել Դորտմունդում։

    Հատկանշական է, որ սա «Բարսելոնայի» արդեն երրորդ գործարքն է ընթացիկ ամառային տրանսֆերային պատուհանի ժամանակ։ Ավելի վաղ կատալոնական ակումբը 70 միլիոն եվրոյի դիմաց անգլիական «Նյուքասլից» ձեռք էր բերել Էնթոնի Գորդոնին, որից հետո 1,5 միլիոն եվրոյով իր շարքերն էր համալրել Եգիպտոսի մայրաքաղաք Կահիրեն ներկայացնող «Ալ-Ահլիի» երիտասարդ հարձակվող Համզա Աբդելքարիմով։

    Հիշեցնենք, որ Կարիմ Ադեյեմին «Բորուսիայի» գույները պաշտպանում էր 2021 թվականից։ Այդ ընթացքում նա գերմանական թիմի կազմում անցկացրել է ընդհանուր առմամբ 146 հանդիպում՝ դառնալով 36 գոլի և 25 արդյունավետ փոխանցման հեղինակ։ Ֆուտբոլիստի տրանսֆերային արժեքն այս պահին գնահատվում է 40 միլիոն եվրո։

    Armsport




    դիտվել է 94 անգամ


    Լրահոս

    Ամենաընթերցվածները



    Շուտով



    Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը


    Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը


    Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը


    Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը


    Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը


    Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը


    Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը


    Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը


    Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը


    Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը

  • Վերջին հրաժեշտը՝ Սաշիկ Ստեփանի Գրիգորյանին – ԱՄԲԻՈՆ NEWS

    Սիրելի հարազատներ, ընկերներ և գործընկերներ,
    Այսօր ծանր կորստի ցավով հրաժեշտ ենք տալիս Սաշիկ Ստեփանի Գրիգորյանին՝ արժանապատիվ մարդու, նվիրված իրավաբանի, պատասխանատու ծառայողի և ընտանիքի սիրելի հորն ու բարեկամին։

  • «Հրապարակ»․ Մեկ մարդու պես ջրվեք





    «Հրապարակ»-ը գրում է․ Մեր տեղեկություններով, պետական գերատեսչությունների աշխատողներին, հատկապես Երեւանի քաղաքապետարանի եւ թաղապետարանների աշխատակիցներին հորդորել են կիրակի՝ հուլիսի 12-ին, բոլորը՝ մեկ մարդու պես, ներկա գտնվել Հանրապետության հրապարակում, որտեղ իշխանությունը որոշել է նշել Վարդավառի տոնը։

    Տիգրան Ավինյանը խիստ հրահանգ է իջեցրել՝ սպառնալով, որ ներկա-բացակա են անելու, եւ բացակաները պատժվելու են։ Նպատակն այն է, որ հնարավորինս մարդաշատ, ուրախ ու զվարթ տեսարաններ բեմադրվեն՝ ցույց տալու, որ Հայաստանում կյանքն ուրախ է, մարդիկ երջանիկ են եւ իշխանությունից դժգոհություններ չունեն։ Ակնհայտ է, որ վերջին շրջանում Նիկոլ Փաշինյանն առաջնորդվում է «հաց եւ տեսարաններ» գաղափարով, ինչքան հնարավոր է՝ շատ տոներ կազմակերպել, մարդկանց ուշադրությունը պայքարից ու կենցաղային դժգոհություններից շեղելու համար։

    Հիշեցնենք, որ Վարդավառի միջոցառումների համար Ավինյանը հատկացրել է 199 մլն 500 հազար դրամ, այդ օրը հրապարակում նաեւ համերգ է լինելու։ Երգելու են Իվետա Մուկուչյանը, Արսեն Գրիգորյանը, Արամ MP3-ն։ Միջոցառումը վարելու է ՔՊ-ական Էդուարդ Աղաջանյանի կինը` Դիանա Մալենկոն:




    դիտվել է 157 անգամ


    Լրահոս

    Ամենաընթերցվածները



    Շուտով



    Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը


    Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը


    Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը


    Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը


    Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը


    Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը


    Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը


    Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը


    Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը


    Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը

  • Ես դեռ չեմ զրուցել Կրիշտիանուի հետ․ Ժորժե Ժեսուսը՝ Ռոնալդուին Պորտուգալիայի հավաքական հրավիրելու մասին

    Պորտուգալիայի ազգային հավաքականի նորանշանակ գլխավոր մարզիչ Ժորժե Ժեսուսն ազգային թիմի ղեկին իր առաջին մամուլի ասուլիսի ժամանակ անդրադարձել է 41-ամյա հարձակվող Կրիշտիանու Ռոնալդուին հավաքական հրավիրելու հարցին։ Պորտուգալացի մասնագետը հասկացրել է, որ լեգենդար ֆուտբոլիստի համար դռները բաց են։

    «Ես դեռ չեմ զրուցել Կրիշտիանուի հետ։ Նա երբեք խնդիր չի լինի ո՛չ հավաքականի, ո՛չ էլ ինձ համար։ Յուրաքանչյուրն իրավունք ունի յուրովի վերաբերվել նրան որպես ֆուտբոլիստի և նրա շուրջ ստեղծված խոսակցություններին։

    Երբ որևէ որոշում կայացնելու անհրաժեշտություն լինի, ես կխոսեմ նրա հետ, բայց ոչ միայն նրա․ ես անհատական զրույցներ կունենամ բոլորի հետ։ Նա պորտուգալական ֆուտբոլի, հավաքականի և ամբողջ Պորտուգալիայի խորհրդանիշն է, ինչը հավերժ կմնա պատմության մեջ։

    Ինձ համար մեծ հաճույք է եղել աշխատել նրա հետ։ Ռոնալդուի հետ չափազանց հեշտ է աշխատել, եթե նա հասկանում է՝ որտեղ են անցնում սահմանները։ Գիտեմ, որ նա ցանկանում է շարունակել ելույթները «Ալ-Նասրում»։ Քանի դեռ նա խաղում է և համապատասխանում է հավաքական հրավիրվելու չափանիշներին, ես կհրավիրեմ նրան՝ այն դերով ու պայմաններով, որոնք լավագույնը կհամարեմ թիմի համար»,- հայտարարել է Ժեսուսը։

    Աշխարհի 2026 թվականի առաջնությունում Պորտուգալիայի հավաքականը 1/8 եզրափակիչում նվազագույն՝ 0-1 հաշվով զիջեց Իսպանիայի ընտրանուն և դուրս մնաց հետագա պայքարից։ Այդ հանդիպումը Կրիշտիանու Ռոնալդուի կարիերայում վերջինն էր աշխարհի առաջնություններում՝ որպես ֆուտբոլիստ։ Լեգենդար հարձակվողն իր կարիերայի ընթացքում մասնակցել է ռեկորդային 6 Մունդիալի՝ դառնալով 11 գոլի հեղինակ։

  • Երասխ գյուղում բեռնատարը հայտնվել է ծիրանի այգում և բռնկվել | Հասարակություն

    Ժամը 15։20-ի սահմաններում Երևան-Երասխ ավտոճանապարհին՝ Երասխ գյուղի վարչական տարածքում, բեռնատարը դուրս է եկել ճանապարհի երթևեկելի գոտուց և հայտնվել ծիրանի այգում, ինչի հետևանքով բեռնատարում հրդեհ է բռնկվել։

    Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդը մարմնական վնասվածքներով տեղափոխվել է «Արարատ» բժշկական կենտրոն։Օպերատիվորեն դեպքի վայր է ժամանել ՀՀ ներքին գործերի նախարարության փրկարար ծառայության Արարատի հրշեջ փրկարարական ջոկատից 1 մարտական հաշվարկ։

    Փրկարարները մարել են բեռնատարում բռնկված հրդեհը, սակայն բեռնատարն ամբողջությամբ վերածվել է մոխրակույտի։

    Դեպքի վայր են ժամանել ՀՀ ներքին գործերի նախարարության ոստիկանության Պարեկային ծառայության Արարատի մարզի գումարտակի 2-րդ վաշտի պարեկները՝ գումարտակի հրամանատարի պարտականությունները կատարող Հայկ Հակոբյանի, գումարտակի ծառայության ավագ տեսուչներ Սահակ Թադևոսյանի, Արթուր Կոծինյանի,  վաշտի հրամանատար Վահան Սանթելյանի և վաշտի հրամանատարի տեղակալ Հովհաննես Մանսուրյանի գլխավորությամբ։

    Տարածքը սահմանազատել են նույն վաշտի պարեկները։Դեպքի մասին ՊԾ Արարատի մարզի գումարտակից տեղեկությունը փոխանցել են ՀՀ Քննչական կոմիտեի Արարատի մարզային քննչական վարչության Վեդիի քննչական բաժին, որտեղից ժամանել է քննչական խումբը՝ վարչության պետ Գագիկ Առաքելյանի, վարչության պետի տեղակալ Ներսես Մուրադյանի և օրվա հերթապահ քննիչի գլխավորությամբ։

    Դեպքի փաստով Վեդիի քննչական բաժնում նախաձեռնվել է քրեական վարույթ, որտեղ էլ պարզվում է ավտոմեքենայի մակնիշը և վիրավոր վարորդի ինքնությունը։Գ․ Շամշյանի տեղեկություններով, կրակն ու ծուխը տեսանելի են եղել մի քանի կմ-ից։

  • Մերձմոսկովյան Կրասնոգորսկում խոշոր հրդեհ է բռնկվել առևտրային համալիրում





    Մերձմոսկովյան Կրասնոգորսկում առևտրային համալիրի տանիքն է հրդեհվել, հայտնում են ԶԼՄ-ները։

    Հրդեհին տրվել է բարդության երկրորդ աստիճան։ 

    Տուժածների մասին առայժմ տեղեկություններ չեն հաղորդվում։




    դիտվել է 117 անգամ


    Լրահոս

    Ամենաընթերցվածները



    Շուտով



    Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը


    Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը


    Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը


    Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը


    Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը


    Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը


    Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը


    Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը


    Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը


    Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը

  • Այցելելու ենք ու ծրագրեր ենք իրականացնելու համայնքներում. Նարեկ Կարապետյան (տեսանյութ)

    Գտնվում ենք Մասիսի շրջանի Սիս համայնքում, մինչ այս եղել ենք նաև Մասիսի շրջանի Նիզամի համայնքում։ Այս մասին տեսանյութ է հրապարակել «Ուժեղ Հայաստան» կուսակցության խորհրդի անդամ Նարեկ Կարապետյանը։

    «Երբ ընտրություններից առաջ այցելում էինք համայնքներ, միշտ ասում էին՝ կուսակցություններն ընտրությունից առաջ են գալիս, իսկ ընտրությունից հետո մոռանում են, թե ինչ են ասել և ինչ են խոսք տվել։

    Մենք ուզում ենք, որ մեր հայրենակիցներն իմանան՝ մենք մոռացող չենք և այցելելու ենք ու ծրագրեր ենք իրականացնելու այս համայնքներում»,-նշել է նա։

  • Արման Ծառուկյանը Թբիլիսիում կայացած RAF Georgia-ի դեմ խաղում 11-0 հաշվով հաղթեց Կուատ Խամիտովին

    Հուլիսի 11-ին Թբիլիսիում կայացած «RAF Georgia» (Real American Freestyle) ազատ ոճի ըմբշամարտի մրցաշարում հայազգի մարտիկ Արման Ծառուկյանը տպավորիչ և ջախջախիչ հաղթանակ է տարել Ղազախստանը ներկայացնող Կուատ Խամիտովի նկատմամբ։

    Գոտեմարտն ավարտվել է ժամկետից շուտ՝ երրորդ մրցափուլում։ Ծառուկյանն ի սկզբանե վերահսկել է ընթացքն ու բացարձակ գերիշխել գորգի վրա՝ մրցակցին թույլ չտալով վաստակել և ոչ մի միավոր։ Մրցավարները գրանցել են տեխնիկական առավելություն՝ 11-0 հաշվով։